鬆一鬆

各位朋友：

你好忙今晚唔知煮乜比小寶寶食....

又或者

有日你肚痾嘔奶消化不良要介口食白粥......

又又或者

你四時感冒五時要做家務又要食白粥......

又又又或者

你煮了乾柴烈火麻辣雞煲，但忘記了另備食物比你三歲兒子...

當遇上以上情況你就要考慮整定一包由三文魚做成"魚鬆"

隨時送飯送粥配凍豆腐、代替肉鬆甚至可以比小寶寶食

最重要係…有d小朋友有一個階段好鍾意食飯，但其他乜都唔多肯食，放d魚鬆撈落飯就可以引到佢食

大人做零食又得，同BB去旅行帶定樽傍身唔怕BB冇嘢啱食

佢只需要一塊三文魚，我用剌身三文魚

係一係長魚柳無骨，咁就方便易整呢

食譜：

三文魚   400g

鹽    1/4茶匙

芝麻隨意

先將三文魚蒸 8分鐘，然後放涼

將魚索乾水，然後就用叉篤篤佢變魚碎

白鑊放魚用中小火炒邊煮炒炒，加鹽及芝麻繼續炒

炒呀炒後開始乾身，試味！如果唔夠味可以加多少許鹽，再炒炒至變魚鬆

如果夠乾身會酥脆的，之後要用密實玻璃瓶放魚鬆就可以

*用剌身三文魚魚油夠帶鮮味，用魚扒都可以但魚扒魚無咁鬆軟





大少奶's Delicatessen

宣傳你的專頁