約你lunch

喂~喂~食lunch未啊？

約你lunch丫

我要炒烏冬

個烏冬要用蜜汁叉燒炒

um....黑蚊蚊咁會唔想食，我要有紅色、橙色、黃色、綠色仲要青色

就加青椒平時我唔多食，咁樣食到成個，

紅蘿蔔絲維他命A，我都需要

但係要有香味，加洋蔥切絲

我唔要單一甜豉油味架！加XO醬

黃色要乜？黃椒？No....

煎隻蛋切絲啦

青色加d椰菜絲吧

要將平凡幾得靚，一定要花心思

各位~如果而家即刻炒唔到，打電話或出去食都得，記得跟住以上既用料去叫啊

試菜@"迎"

得閒寫埋篇客戶服務熱線
因為今星期多節目，驚騰唔出空間呢

上星期去The One 既"迎"試菜

迎....係稻香集團，初初我諗稻香係成功既集團，要試菜？


到場後原來由"大廚出馬"既大師父林森木招呼啊！佢好nice又肯聽意見

晌The One係靚景既保証

擺酒呢個場真係好得，無柱，環海

見到幻彩Fing香江

個backdrop好靚架！係紫色底，白色3D既花同蝴蝶，我唔明點解我唔去影張相

真係好靚



好認真有試菜紙，有埋價錢

鮮鮑湯....夠甜

湯料，其實我好鍾意食湯料…我講煲過湯既鮑魚同螺


我唯一意見竟然係……要記得幫雞腳剪腳甲

杏香义燒片，佢比普通叉燒無咁紅，因為無用色素

富貴石榴帶子....招牌菜式！哈

我吸收左資訊，會學煮呢

香草芥苿奇脆元貝

呢個有脆米做底，帶子太粒

蛋包鮮蝦球

其實呢個賣相普通左少少，但內裡係藏有大蝦球

佢要香內滑

賣相要再再靚d就更好

金沙火箭魷

記得嗎？有睇嗎？林森木師父晌大廚出馬用呢個參加比賽

佢用三分鐘整得到

今次親身去試菜，呢個非常好味，真係好得！個火箭魷唔會un

又香又脆

好開心試到

柚子蜜脆燒雞，燒雞加上柚子蜜

對我來講有新鮮感

上菜時有雞頭的，當然因為我，個雞頭被大挪移！哼

濃湯鮮菌菜苗，湯濃，其實咁煮既菜都幾好味

玉泉鹹鮮香泡飯

呢個超正，真係非常之好味

個湯用雞、豬骨淆，同有魚片，佢無味精，加上脆米好味

為我整既咕嚕肉，當然比我自己整既好味

我曾經學得自己整既係最好味

因為現今街外好難再搵到好既咕嚕肉

但呢個即炸好得

千層紅豆糕，你晌中菜廳食到呢個，一見到係驚喜

紅棗糕

我新書會有食譜呢！其實個blog都有，我正研習進步版

好靚的芝麻糊，copy fr B ma

好多謝稻香集團邀請，亦都多謝肯聽意見

我都好明亦都係試過好多次，集團式經營唔係所有分店都能夠統一水準

評語都係好壞參半

又明無可能每間分店水準都拿得準成

不過…如果能盡力，每一區每一分店都有好服務同質素

有時去試菜，好好，或者我初初去一間餐廳試好好

但係人為因素要水準下降係好可惜

所以希望繼續努力啊！

紅豆糕 step by step

個紅豆粟子糕好味，但見到你地咁多疑惑我又唔忍心

其實咪同食譜一樣做法之嘛

不過…見咁多人想知個step，我就影一次

其實我真係好怕影step，會攪到我好唔尊心的

1.用冰水浸紅豆，冷縮熱脹易爆開



煲滾水後，將冰水隔走，趁凍時放落大滾水中

用2000ml水煲紅豆，再大滾後慢火煲3個鐘

栗子放入微波爐，叮45秒~1分鐘，趁熱一摔d衣就會甩到

栗子你鍾意大咪大細咪細，我鍾意呢個size

栗子可以晌紅豆煲左2個鐘後先放，想淋d咪早d放

滾到起晒沙，加冰糖，冰糖份量自己調較

但試味要甜少少，否則加埋粉漿就唔夠甜

但注意，d紅豆沙要夠1500~2000ml，途中揮發左水可以加熱水，如果唔夠水份件糕會實

280g~300g既粉加一碗多少少既水開成漿

將d漿倒落紅豆沙中攪勻

入盒蒸35~40分鐘，可以用竹簽拮下，如無黏就即係熟

個漿係液體狀就可以



Done~

食譜：

紅豆    半斤

粘米粉  300g

冰糖    隨意

栗子    一磅

1.先將紅豆洗淨浸冰水，煲一煲水大約1500CC至2000cc，，煲滾水後，紅豆隔走冰水，趁凍倒落滾水中煲，大火滾起轉細火煲2~3小時
(紅豆起晒沙溶晒就可以)

2.栗子乾身放入微波爐叮45秒，趁熱脫栗子層衣，呢個方法比煲既好，一摔就脫架喇！然後放入煲紅豆個煲裡面一齊煲

3.煲好紅豆後加冰糖，視付口味加冰糖

4.粘米粉遂少加水至成漿，倒入紅豆沙中攪勻，然後蒸45分鐘

放涼切件入雪櫃食得，哼

Window phone 7.5 HTC Radar Event @ Wooloomooloo

今日好累，我琴晚寫稿寫到好夜

跟住今日去event

window phone 7.5 HTC Radar

其實我對於新科技唔太抗拒，只係自己接收能力較差

但都會想知有乜好玩

其實我自己比較識控iphone同android，但Window機好似好陌生

呢部機乳名：芒果

所以有芒果特飲

跟我串一次 auBrey



外型白色，輕巧同簡潔，畫面好清

畫面好清佢影相可以用panorama影全景，相片勁清
我鍾意

同埋d相好清，我自拍見到自己今日好殘，哈

大會好好，每一檯都安排microsoft 同HTC各一個staff協助


部機用大粒方格

方便睇，同埋佢有度好處，分類好細緻

可以玩msn

同埋你放上FB既相簿，佢可以全個相簿save落電話

iphone既icloud只有5G容量，其餘收錢
呢部有25G永久免費

仲有一個功能，翻釋
例如…有說明書係西班牙文或其他外語
你影一張相佢自動翻釋
去旅行好用，又方便

仲有xbox，集合各手機既game

有market download apps

至於其他我要有機晌手先再寫，因為太多唔記得

個Event晌灣仔Wooloomooloo
個View居高臨下


個Event萬勝節做主題，即場有得畫鬼臉

但我身為基督徒，都表明唔會參與呢類玩意

大會都好明白，謝謝體諒

頭盤:芒果沙律兩款任揀

我要呢個

好大大大個包包

番茄湯，勁濃

唔知點解揀Fish & chips

見到呢個牛牛後悔無揀




甜品：芒果拿破侖！正

我愛人，iced Tea





我覺得可以去睇睇，玩下掂下攪下用下試下

因為一部電話實在太重要

如果唔合心水可揀到適合為止呢

忌芥牛(忌廉芥末籽汁做法)

一個涼涼早上，想要一份暖暖午餐

少有地煮飯食

因為好浪漫漫地屋企無晒....pasta

又唔想一個人食牛扒餐

結果煮紅米飯

因為我好想食有汁既食物

於是去FB fans page投票，最後忌廉芥末籽汁+安格斯牛柳粒配紅米飯勝出

寫書唔係隨時隨地寫得出字，尤其係我散文佔大比數

所以先去餵飽自己，令自己滿足，然後心情好就可以乖乖去寫

不過…我都享受的

而且我從來都係覺得要善待自己既，所以我先會執著要去令自己過得快樂，哼！

lalalala 慰藉自己
開心的東西要專心記起
lalalala 愛護自己
是地上拾到的真理
寫這高貴情書　用自言自語　
作我的天書 自己都不愛 怎麼相愛
怎麼可給愛人好處





忌廉芥末籽汁：

洋蔥約1/4個切粒，淡忌廉  100ml、雞湯  80~100ml、麵粉  1湯匙、鹽少許

芥末籽醬  1湯匙

做法：

將洋蔥爆香，加一湯匙麵粉，慢火炒勻，加入忌廉再炒勻

遂少加入雞湯，煮至滑身，加入芥末籽

再煮至你理想杰度，如果太杰可以加多少少雞湯，如果太稀只要煮埋少少就杰架喇

糕 go go (紅豆栗子糕)

喂))))大聲d啦聽唔到呀

係呀！

做乜咁耐唔見人

我晨早流流開始整紅豆栗子糕囉，今日天色唔好，件紅豆糕好難影啊

咩話？我以前整過，今次個食譜唔同架！係傳統食譜囉！

唔使整咁耐？個紅豆都煲成兩個幾鐘，然後仲要蒸丫嘛

有乜唔同？佢好味架！再加埋栗子，個紅豆自己煲香豆味好多囉！個食譜係事頭婆媽咪提供既

上次燒野食，事頭婆帶來比我地食，好好味

以前我整既用粟粉，今次用粘米粉，今次個複雜dd，要比心機煲紅豆囉

咩呀？整件嚟？有無食譜？

我新書既食譜都仲未諗掂，又寫食譜出來？等陣你地唔買書又話我個blog有，我仲使繼續有得寫書既？

下？你地唔會咁對我？係咪架先？

哼~~~~~睇下反應啦！反應好咪寫...............囉...囉..囉.囉..囉........

唔講住，我好累，係咁先啦！bye bye

蒸好時




食譜：

紅豆    半斤

粘米粉  300g

冰糖    隨意

栗子    一磅

1.先將紅豆洗淨浸冰水，煲一煲水大約1500CC至2000cc，，煲滾水後，紅豆隔走冰水，趁凍倒落滾水中煲，大火滾起轉細火煲2~3小時
(紅豆起晒沙溶晒就可以)

2.栗子乾身放入微波爐叮45秒，趁熱脫栗子層衣，呢個方法比煲既好，一摔就脫架喇！然後放入煲紅豆個煲裡面一齊煲

3.煲好紅豆後加冰糖，視付口味加冰糖

4.粘米粉遂少加水至成漿，倒入紅豆沙中攪勻，然後蒸45分鐘

放涼切件入雪櫃食得，哼

周星星@Ikea

今日休息

客戶服務熱線
查詢可按一字　將股價告知
如果想要通話　必須按七字
傳呼請你出現　邊一個會知
誰可開創科技　將戀愛變輕易

我喉嚨有d作動，轉天氣必中招候群症又出現

唉~要飲多d水

講開飲水，Ikea送左套環保系列比我

其中呢隻杯幾靚，好似好清新咁

雖然我唔鍾意藍色，但呢隻幾靚，無錯！藍色係一種比較平易近人既顏色，但偏偏我好唔鍾意

呢隻杯透明既藍，我卻愛....................



太陽能座檯燈

因為我屋企無人收貨，我叫佢地送去事頭婆公司代收

早幾晚出席試菜時，事頭婆拎比我

咁我見到"太陽能燈"就問…夜晚佢著唔著？

跟住同埋既笨B媽媽同笨B爸爸就講起周星星套"國產零零七"

達文西"羅家英"發明左太陽能電筒，只要你用個普通電筒去照支太陽能電筒，支太陽能電筒就識著燈

跟住成班喪笑

講真…支燈係日頭自己吸收各樣既光做能量，所以夜晚都會著架！係我地睇戲睇到太多幻想

佢都真係夠光既




仲有一個環保cushion，係用各樣剩布造成

以前我對環保唔太大感覺，總覺得方便勝過一切

但慢慢發現環保，其實係會發生晌任何可能之上

慢慢對環保產品多一份信心呢

木耳不離三兄弟

今日感覺好乾燥啊！
呢種天氣最好係......曬衫！哈

聽日去BBQ，好期待

其實我幾鍾意BBQ既食物，可惜…係唔可以成日食

同埋我識親既朋友都係室內型，無乜會戶外活動既呢

圖中係…木耳波波豆腐

前日煲木耳水，一部份木耳整涼伴，因為我無耐性，將木耳剪到一半覺得好悶

於是留番幾塊琴日先剪

諗諗下不如用來整晚餐，屋企有肉有豆腐用來蒸丫

於是我就諗不如整波波(肉丸)蒸豆腐，將木耳、炸菜粒+肉整成波波放上豆腐面蒸

大少爺話覺得好好味

而且裡面加少少炸菜粒，蒸好既豆腐連豉油都唔使落

清清地又一味

哼

有內臟的素鵝

早晨

今日半自助日，有半日要出去，有半日繼續努力寫書

今朝大少爺起身時整醒埋我

攪到又訓唔番，就同班女人whats app

然後update個blog

琴日去朋友屋企，然後睇到本食譜書有素鵝

噢！我愛的

好鍾意食腐皮腐竹枝竹呢類食物

見到個食譜簡真撩起我把火

仲要把幾兩把火咁去買材料整

覺得陳意齋蝦子素鵝好好味，鹿嗚春都好好味

我整既唔夠好

本食譜裡面無餡既

而我整素鵝整埋內臟(紅蘿蔔絲同唐芹)，有心肝脾肺腎大腸小腸盲腸

素鵝有鵝雜....哼

好簡單：

腐皮用水+廚房紙抹淨

搽一層調味料：老抽 半湯匙、熱水1湯匙、麻油、鹽、粒半茶匙

紅蘿蔔絲同唐芹絲用整塊腐皮卷起，用繩札住，先蒸10分鐘，再煎

書內食譜無餡料既，可以自己加，但唔好加得太雜，否則變腐皮卷