2012年9月29日 星期六
中秋節快樂~
中秋節快樂~
我知!中秋節長假,大家都吃喝玩樂唔得閒理我啦
但我仍想同大家講句中秋節快樂....團團圓圓
今日一早起身個講座,因為要整少少食物去做示範
所以早起身
可憐的我昨日只睡2個鐘,今日希望夠enegy啦
等陣要早少少化妝,因為要遮埋個眼圈
好緊張中
大少爺入camp,所以我唔太慣,成晚都唔能夠入睡
加上真係有d緊張
祝福我吧~
今日送上珍珠丸子,大大粒,將佢代替湯丸祝福大家團圓吧
2012年9月28日 星期五
黯然銷暈掌的中秋
今晚…將會送大少爺入教會既camp(以馬忤斯之旅) 4D3N
呢個camp我4月去過,無電話無電視無電腦既一個camp
中秋節大少爺晌camp渡過,我自己一個人
所以聽日我人生第一個講座大少爺都參予唔到啊
不過…呢個camp對於我生命來講好大轉變,所以即使知道自己一個過中秋,但仍然鼓勵佢
今個旅程佢會好難忘,相信大少爺會明白我心意的
對於一個成日黏住大少爺既我來講,的確有點.....黯然銷暈掌
但細心諗下,今年我過澳門做野,佢都係自己.....黯然銷暈掌呢
昨晚大少爺回家時,一開門佢拎住個燈籠,一個好姣騰騰顏色既燈籠
佢回家時專登去買比我,每年佢都會送一個比我,今年既顏色特別姣騰騰呢
![](https://lh3-testonly.googleusercontent.com/blogger_img_proxy/AEn0k_skT53meO574ALl2n8tlZE6JT17lZvtU60wCT_aG3sX-C3Vha-FWBaklFGRCSq9mAyJgunyJYzd1P0krNvlL1C-4_nPSmzYrgrlZYcCJg-ExINSmdBA5RxAgsHoJIpyYh-R9W3Hrv67A3oM5h0w=s0-d)
聽日藝術中心個講座,我有D緊張
希望順利完成,咁我就放假
只需要煮自己食既,可以煲一大煲湯飲一日唔使煮飯
可以煮大少爺唔食得既牛肉
牛啊!過埋今晚我可以做番牛魔王啦啦啦
![](https://lh3-testonly.googleusercontent.com/blogger_img_proxy/AEn0k_t6MWTqHfzVVVanwZQ07F6zTir2CMxFHvMGjZQalORMH7tohiHveGfoKzK2EQQh9e_ihCJevvt4quCsy2K-OYuy-d-ebDO0ozlQ2fKyWXE2Ikht0088X5FamPORmmHhgddYUWf6JZ7EJZYckT4=s0-d)
仲打算整牛肉鍋自己食,加大量佢要戒口既菇
![](https://lh3-testonly.googleusercontent.com/blogger_img_proxy/AEn0k_usdziNcpJJX7Bu9_Fr4vprzYL9uboBCqUJp6OGzUEla6tSBnXeihMQQ6UnYeMsmGZq-xux3hhno8gdGVcMcpiXT5VnksSguHKtoxmN9osFta-Nddy9HUYaeb0z57LhhNqF1Yv-OZLZKhFBXdkP=s0-d)
聽日藝術中心個講座,我有D緊張
希望順利完成,咁我就放假
只需要煮自己食既,可以煲一大煲湯飲一日唔使煮飯
可以煮大少爺唔食得既牛肉
牛啊!過埋今晚我可以做番牛魔王啦啦啦
仲打算整牛肉鍋自己食,加大量佢要戒口既菇
我要買好多底海膽食,佢最怕海膽
可以鯨吞海膽
可以鯨吞海膽
獨吞月餅,今年分別收到幾間唔同酒店月餅
有之前萬麗海景酒店啦!
呢個係香格里拉酒店送既甜酒奶皇月餅,多謝
前日收到海景嘉福酒店送既月餅,仲有澳門新濠天地送既月餅
我們富足得嫌棄月餅多得滯,怕甜怕漏怕滯怕肥,但實際上月餅對好多貧困家庭係奢侈品!施比受更有福
一盒可以,一個也可以,大家趁今日就考慮下分享吧
兩個活動的詳情,請參考:
1. 將月餅轉贈給貧困家庭的小朋友:http://www.facebook.com/events/288425361272317/
2. 十八區收集行動:https://www.facebook.com/events/167064883430031/permalink/173783319424854/
2012年9月27日 星期四
彭丹復出 (班蘭蛋糕食譜)
好耐無整過滿意戚風,又好耐無整班蘭蛋糕
無滿意戚風係…換焗爐後調較唔到個時間控制
今次我直頭降低20度,可想而知我個焗爐幾咁猛火
耐無整班蘭因為有時去搵又搵唔到
我有個朋友,佢好喜歡班蘭味,佢不下幾次話我知:我好喜歡班蘭蛋糕
每次我都好想出口話:我整比你啦!街買好多只用香精油,隻綠色綠到癲癲地
任何食物我都無乜敏感,除左連續食一星期荔枝會起紅疹外,一般都無乜敏感
但食香精油我會唔舒服,會頭痛架!
同埋無奶油新鮮班蘭葉唔用,用綠水(香精油)架嘛
所以我堅持好既班蘭蛋糕就要用新鮮班蘭葉
今日會見我那位朋友,所以琴日決心整一次班蘭蛋糕比佢,祝佢中秋節快樂
彭丹(pandan)復出,勢如破竹!哼
Look!隻綠唔係綠水咁綠,又唔係綠到癲既綠,係青青河邊草既綠~~~~~~~
用5條班蘭葉洗淨,唔好抹乾水份,剪幼佢
放入60ml水,打碎佢、打到出汁、打出跳舞、打到碎晒
然後隔出汁,盡易壓到佢出汁,然後座熱水,座暖佢
我試過唔座水只會有草青味,座熱水後佢會有香味散出
蛋白 4隻(無寫錯!蛋白份量係多過蛋黃的)
糖 45g
將蛋白打至有泡、加入糖,打至企身
將蛋白同班蘭麵糊 fold in,然後入模,"鄧"幾下令佢空氣走出
放入爐焗20~30分鐘(視符火力而定)
![](https://lh3-testonly.googleusercontent.com/blogger_img_proxy/AEn0k_tZav7C4nOtolu_iYtFfN76k2Rgg0vb_v8PyBVGRs5WGB1NG8RgvdI8pugn5IMpNRs6IEslleo33ezHeVzU69xWtA574X75GgfxS3ucB9tmzKFHn1ZTxI83fLmlGj8vfEzEzgYoFgnTvwiEK0r_=s0-d)
我條針
早幾日行City's super時買左支cake tester,篤入蛋糕無黏物即係焗熟透
呢支針$10 咋!又長又幼,好用
糖 45g
將蛋白打至有泡、加入糖,打至企身
將蛋白同班蘭麵糊 fold in,然後入模,"鄧"幾下令佢空氣走出
放入爐焗20~30分鐘(視符火力而定)
我條針
早幾日行City's super時買左支cake tester,篤入蛋糕無黏物即係焗熟透
呢支針$10 咋!又長又幼,好用
2012年9月26日 星期三
鹹cupcake~
以前大少爺病
我會有以下思想……
其實我發慣燒,我病吧!
感冒、惹比我你快好番!
你肚痾?我擔當吧!
今次濕疹……我唔敢口出狂言~人總係自私地留一條底線
不過…我都唔衰得晒丫,點都諗d佢食得既先煮,仲要諗d叮完唔會變得太難食同難睇既
我都無變態地晌佢面前食d佢唔食得既食物,無晌佢要前食佢最愛既蝦條
鏡頭前,我同佢同檯晚飯,我都係食佢食既,只係鏡頭後同個blog一齊食佢唔食得既之嘛
都唔算好過份吧
佢都開始上岸喇,好得七七八八(細聲d講怕佢d皮膚小氣)
今星期尾佢去教會camp,我終於可以.....慾望大爆發,晌4日3夜內狂煮狂食佢唔食得既食物
可以瘋狂去街唔使趕住回家見佢
慾望Jungle,Jungle Jungle,慾望Jungle,Jungle Jungle.舒服晒
好!請提供一連串大家帶飯多數帶乜?係叮完唔難食唔變色、唔會乾既?
以下個節瓜cup cake係其中一款,仲一打開飯盒山明水秀、水清沙幼、綠草如茵既......揀雀(國語讀出)
哼~
用雞肉加大量紅蘿蔔同粟米做到cupcake咁
(我有奶油相信大少爺濕疹好番後一定唔願再帶飯!佢成日話我整到佢飯盒奇珍異獸咁)
2012年9月25日 星期二
good 搓(附Naan Bread食譜)
由於近日大少爺成為了濕疹仔,我只可以午餐娛樂自己
昨日就自隊成煲湯
今日就自己整咖喱牛肉同Naan bread
話說今星期都係好忙,星期六我晌視覺藝術中心會有個講座,然後大少爺入教會camp(以馬忤斯旅程),所以月餅節我得一個人了
個講座我準備得7788,最重要又有藉口買套for 講座既衫,同平日有乜唔同?係.........無既
叫做又有機會有目的地去買!哈
一個星期裡面得今日我得閒,係全日得閒,即使昨日我夜晚都去event
自己煮自己食埋今日,起碼要下星期我先得閒自煮午餐
因為那位濕疹仔大少爺,我夜晚無得煮自己喜歡的,佢只能食雞、魚、豬~我出街都要整定
所以今日為自己煮既午餐來得珍貴
今日整印度式既包包配咖哩,將心機放晒落個包到,個咖哩只用洋蔥、牛肉、紅蘿蔔煮
先講咖哩…牛肉略醃、洋蔥切粒、紅蘿蔔切粒,爆香牛肉、洋蔥、紅蘿蔔加上咖哩粉,大約1湯匙,炒勻佢加水、鹽、糖,試味,煮到個汁濃就done
易過整個包呢,但個包都唔難,好易搓,搓到光滑,想煙un d可以搓耐少少,幾分鐘就攪掂,所以程序1個鐘就攪得掂
佢個邊邊脆,中間軟糯,好得架
至於
2012年9月24日 星期一
2012年9月22日 星期六
國金軒
當你睇到呢篇BLOG既時候,我同你已經一海之隔
我又過澳門鳥~~~~~~~~~~~~~
所以出篇邀請篇,今次係國金軒
當日同一眾食家、KC、不眠王子、isaac、meling齊齊去國金軒
如果睇得我blog耐既,都知道我同大少爺有好長時間都鍾意去國金軒飲茶
但自從大少爺工作調動同返教會後,好少去
返完教會都會同教友晌附近飲茶聯誼,慢慢我同大少爺都少去飲茶呢
今次不單止點心,連菜式都一齊試
芥末子母蝦餃 .......個芥末似曾相識,就係細個飲茶會有隻鴛鴦碟,一邊黃色既芥辣、一邊橙色辣醬
上面粒小蝦餃就係芥辣做,兩粒一齊食架呢
![](https://lh3-testonly.googleusercontent.com/blogger_img_proxy/AEn0k_sbfAXSDBTiTf0kzbIe-qfQCbHPJKLZEN9YH9xNn9LvO_2N4sRgIz2JeZ0OtYkK1kW8FuzNjOXBO88rYnMa8kOBwniSxJFLQmkQCntqQbyxmPOpaZ8Y2_fUq2g8KIbewVD22dRk3m5Ti6DzvmKl=s0-d)
![](https://lh3-testonly.googleusercontent.com/blogger_img_proxy/AEn0k_uMf6h2cliGyODLGRI0gy1q6y_J5FTC4kWiSekupJAVf5qlWDhvw1ckyuX_V4CqgzfzoN_qKe9bx38ouLApG28g6QbBQ3AAkG9dPoy0OCvnFGlLPaAzOXOUip8qxkhfym66zI3fBm84jGaoxArP=s0-d)
金沙百花鮮魷卷....原本我好想試整呢個,而家大少爺濕疹仔,乜都唔使試啦啦啦
我又過澳門鳥~~~~~~~~~~~~~
所以出篇邀請篇,今次係國金軒
當日同一眾食家、KC、不眠王子、isaac、meling齊齊去國金軒
如果睇得我blog耐既,都知道我同大少爺有好長時間都鍾意去國金軒飲茶
但自從大少爺工作調動同返教會後,好少去
返完教會都會同教友晌附近飲茶聯誼,慢慢我同大少爺都少去飲茶呢
今次不單止點心,連菜式都一齊試
芥末子母蝦餃 .......個芥末似曾相識,就係細個飲茶會有隻鴛鴦碟,一邊黃色既芥辣、一邊橙色辣醬
上面粒小蝦餃就係芥辣做,兩粒一齊食架呢
金沙百花鮮魷卷....原本我好想試整呢個,而家大少爺濕疹仔,乜都唔使試啦啦啦
鵝肝醬煎釀虎爪菇……好味
鮮果西瓜汁河粉
2012年9月21日 星期五
偷歡(蟹粥)
自從大少爺有濕疹後,原本我無打算要佢戒口,因為我從來唔知濕疹係咁樣
後來發現唔戒口唔得…結果要佢全面戒口
可憐的大少爺覺得自己最感懷身世既係…"帶飯"重現江湖
我都知叮完既飯點都唔太好食
但出街點都戒唔清
好似琴日咁,我問佢Lunch食乜
佢話:我專登揀豬肉食,食肉絲炒麵囉
我話:咁熱氣,你唔食得炸野囉!仲有肉絲炒麵有星球大戰既銀芽)))銀芽))
仲有菇呀
唉…
男人就係咁
如果你叫佢戒糯米,佢會食糯米雞當自己係食雞
你叫佢唔好食花生,潮洲粉果裡面粒花生佢會唔計囉
其實佢戒口對我好大影響,又唔煮得其他,又要煮最怕豬肉
跟住出街又要煮定
聽日我又過澳門兩日,要醃定肉餅比佢
不過…只要佢好番,我一切也願意
唯有晌佢上班期間,我獨自去偷歡,我謝絕你監管
所以午餐食蟹粥!Yeah~
噢!哼~
自從有Fissler高速煲,我開始多煲粥,因為以前我從來煲d粥都古古怪怪
自要浸完d米、放落Fissler高速煲佢8分鐘,排氣減壓
再加隻蟹、大頭菜粒、陳皮切粒粒、薑絲落去滾多10分鐘攪掂
當然你可以用普通煲慢慢去煲
不過…蟹粥來講…我覺得加少少大頭菜粒、果皮切粒、薑絲去煲好味!大頭菜粒已有鹹味唔需要加鹽
最後要食時加蔥同..................珍珍薯片!哈哈
2012年9月20日 星期四
千絲萬縷(銀絲卷做法)
千絲萬褸<-----其實係好好既四字詞
我與你本不相識,卻因為一條寬頻線,令我們即使唔相識都仍有千絲萬縷既關係~
原本我都想我整既銀絲卷裡面千絲萬縷
可惜…我最怕啤膠機工程,切絲何其悶既野
結果我原定整4條銀絲卷
最後一條就怕了
跟住其餘又變成饅頭
大少爺好喜愛上次我整既饅頭,近日佢要戒口
原來發酵既食物都唔能夠食太多
但無辦法…點都要有少少令佢開心下
所以饅頭又出動,而我太愛銀絲卷,所以又整比自己開心下
大少爺既喜怒哀樂與我神經有千絲萬縷,佢快樂所以我快樂
而我如果唔快樂,與佢銀包千絲萬縷,因為我會比平時買得更多野
哈哈
有d絲發酵後黏埋了,但我仍開心~
把麵糰鬆弛5分鐘,取出擀成長方形,再摺三摺,然後又擀成長方形
將一半麵糰切絲,然後灑上高筋粉令絲不會黏埋,保留一絲絲形狀(如果唔整銀絲卷,就卷成長形切件便可以)
將另一半麵糰平均分四份,然後碌平放入麵糰絲再捲起
放上入爐紙上,再放上另一塊入爐紙(或輕毛巾或蒸爐內)蓋著,發酵20分鐘
發酵完成後,便可放入蒸爐,中火蒸約15分鐘便可
將蒸好的銀絲卷掃上一層油,以250度高架焗5分鐘或至金黃便
Chateau Guiraud And The Moon @香宮
又再同一班美食家一同試菜
香宮曾係爸爸同朋友聚腳點,我扯衫尾都會跟住去
往事真係如煙………至少11年無踏足過香宮,原因係爸爸化作天上星星,有好多地方我都無再重去
再踏足,即使地方依舊,從新裝修感覺自然唔一樣
今次由酒品鑑專家Jeannie Cho Lee介紹 wine and food pairing
Welcome Tea
訂閱:
文章 (Atom)