2009年4月30日 星期四

送機後@L'Atelier de Joel Robuchon


今朝7am起身去送舅父機......嗚~~~~~~~~
當然忍唔住........嗚~~~~~~~~
攬住舅父、舅母.......嗚~~~~~~~

當舅父舅母入閘時,我同表弟先生、表妹小姐企晌閘口睇住入閘
有一種好特別既感覺
就係........我地三個好似變咗孤兒咁啊

我應承舅母會多d煮野比表弟表妹食
咁表弟、表妹記得比家用我喇!

送完機,想留晌機場搵舊同事、Kathy佢地
但我又想去發洩
結果.........落中環,先搵呀烏G陪佢食lunch
然後發洩

烏GG陪我去快手買一件衫、一條褲
得兩樣覺得未夠發洩
再去L'Atelier de Joel Robuchon買蛋糕
然後又同烏GG道別,返屋企

心情的確好番d喇!都係大少爺英明,佢知我送完機會唔開心
就提議我去行下街




去L'Atelier de Joel Robuchon買蛋糕除左好味
仲有就係靚
覺得好精緻啊

有好味macaroon ,呢間既macaroon 好味
我揀passion fruit,raspberry,caramel味




兩件蛋糕,有white chocolate w/passion fruit 同raspberry chocolate




牛角包




等埋大少爺先一齊食~~~~~~~~~

2009年4月29日 星期三

祝福


好耐無見既芝麻脆餅,整既目的係.........

上星期去bear bear舅父屋企食飯,我買一大袋零食比舅父

舅父:丫!留番d啦!飛機既野好難食仲要坐咁耐

外甥女:咁我整野比你上機食

舅父話:你唔好送機喇!咁遠

外甥女:我唔係要送你機,我只係要整野比你食啊

舅父:啊........咁就得!

哈!其實咪一樣!除芝麻餅外當然仲有蛋糕啦啦啦啦啦

呢個芝麻餅係包含祝福、心意、想念、同答謝

呢幾年舅父舅母都對我好好,我希望佢倆身體健康,開開心心




嗚~~~~~~~~~~~

如果聽日新聞話外甥女強行將已入閘舅父母拉番出嚟

你哋知邊個做架啦!

2009年4月26日 星期日

矛盾


有試過你送禮物比人,但自己好驚果份禮物嗎?
我試過!
大少爺同我最鍾意送古靈精怪核核突突唔知做乜食之無味棄之可惜既禮物比....表弟先生
原本星期五去Bear Bear舅父屋企食飯時,影低呢幾樣"死雞"禮物放入書
表弟先生晌新書做序人,有講我同佢獨特相處
我想講下我送過既禮物,但因為本書排起做得校對,唔想再插相,所以放blog

多年來,我最鍾意買死雞物品比表弟
因為核突、唔知要黎做乜、夠晒食之無味棄之可惜既

睇下中間果隻,好核突,佢軟淋淋、個身質感好肉酸
我唔敢掂,買既時候係大少爺拎
前晚表弟先生用呢隻死雞拋落我身,嚇到我大叫

隔離支死雞筆,係當時表弟先生轉工,我叫佢簽約時用死雞筆去簽約
或者放晌檯面辟邪呢

最後果隻係最新,上年生日送既,上年九月呀茄生日同表弟生日都係收呢隻天國之雞




近日我心情唔太好,有d唔開心

因為Bear Bear舅父同舅母返加拿大定居喇!只有表弟先生同表妹小姐留香港
星期五食晚飯,應該係送行飯,因為今個星期都無時間再食飯
食完飯返屋企途中,我同大少爺都好靜無乜講野
因為我倆個都好唔開心!好唔捨得~

呢段日子
見親Bear Bear舅父都會攬住佢

然後質問:你走喇!我點算?你話丫!我初一去邊?

其實Bear Bear舅父、舅母係我晌香港唯一親人
每次去舅父屋企都有好溫暖感覺,呢種感覺係我由細到大渴望既
單親家庭長大既我,由細到大所渴望既家,係會晌舅父屋企感受到

但而家又要失去呢.............

當晚晚飯其中四樣蒸大石班、生菜鮑魚、梅子炆鴨、釀節瓜,仲有雞同炆齋無影

條魚晌未蒸既時候影既呢!




雖然舅父舅母如果返到過去,唔適應都可能會返

好矛盾!加國福利比香港好,環境又舒服,當然想佢倆會享受下

但我真係好唔捨得呢~~~

又或者我以後叫表弟先生做舅父

叫表妹小姐做舅母,可能個心會舒服,但表妹小姐唔會炆鴨啊!

2009年4月24日 星期五

義工


琴日我去菇奶奶工作既輔導中心幫手做嘉年華會既食物
由2點半做到差唔多8點半
其實有少少累!但我好開心

一來菇奶奶既同事好nice
二來我晌菇奶奶既工作室可以同菇奶奶兩個人邊傾、邊整

菇奶奶既同事,個個都好努力為嘉年華會準備
而我呢個過度活躍,整日坐唔定既人都專心去整呢

10磅焦糖杏仁好快就做晒!
然後我仍然留守去幫手呢
其實我明明係幫手,慢慢變催促奶奶專員
不停去督促佢,連佢同事都話佢做乜會咁快呢

其實食物好多,但我唔想阻住人整野
只影左小量呢

我整既焦糖杏仁,呢度只係3磅度呢
仲有7磅無影到!










之後動手整吉烈芝士薯仔波













好似糯米慈呢,菇奶奶,記得影製成品我睇啊




再之後烚定蘿蔔




菇奶奶同事整既cheese cake








滷水蛋,其實仲有18磅鴨腎無影到呢




桂花糕




我見份list仲有糖水、芒果布甸、蘋果茶.........、好多好多呢

最後我同菇奶奶去食晚飯同滿記甜品,多謝奶奶請我晚飯呢




其實我要多謝菇奶奶比呢個機會我
當我行入輔導中心時,見到有好多視力有問題既人
又有一位視力雖然有問題,但好能幹既同事

我返屋企後,再睇返相,覺得自己好幸運
因為我可以睇得到呢個世界

以為人人應該有既野,原來唔係必然
我覺得琴日上咗寶貴既一課,亦都要好感恩

2009年4月23日 星期四

待續~~``


今日午餐亦係琴日晚餐
琴晚晚餐食海南雞飯
整多d飯留今日午餐

因為我等陣要去接受艱巨挑戰

應承菇奶奶幫佢工作既中心整食物
因為佢工作既中心將會攪嘉年華會
而我去幫佢整10磅焦糖杏仁

無錯!係10磅

嘉年華會每樣食物都10磅以上
琴日菇奶奶用竹簽串鴨腎,串左18磅鴨腎
據聞仲有好多其他食物呢
其實我都有壓力,怕做得唔夠好

隻雞係鐘點姐姐斬既,我又點會斬得咁好呢!




我一定會盡力,祝福我吧..........吧

今晚返來報導下

2009年4月22日 星期三

免拆


又到午餐時間

是日:蟹肉扒伊麵

蟹肉唔係自己拆,係買急凍,晌大百佳見到有,就即買

我想買蟹肉好耐,又好多用蟹肉做既食物想整但無整過

全因唔想自己拆蟹肉呢

我唯一想拆既蟹,只有黃油蟹同大閘蟹呢!

呢個伊麵係成功既,哼~~~~~~~~~

今次贊酒用花雕酒,但放心我無飲到!hahahahhahaaaaaaaaaaaaaaaaaaaa




食譜:

伊麵    一個,先過冷河,再用雞湯略煮,令麵本身有味

急凍蟹肉   (先用滾水加粗鹽、加檸檬汁浸蟹肉解凍)

韭黃     份量隨意,切長粒

冬菇     份量隨意,我用鮮冬菇呢

銀芽     份量隨意,但我今次唔記得買啊

花雕酒 或 你平時用開煮野既酒

獻汁

雞湯     200ml

鹽       少許

糖       少許

麻油     適量

粟粉水   我隨意開,每次倒少少直至我認為夠杰呢

做法:

1)將韭黃、冬菇爆香,加入蟹肉快手兜一兜,贊酒

2)加入雞湯、鹽、糖,煮滾

3)加入粟粉水,收汁至你理想杰度,熄火加麻油,淋上煮好伊麵上

2009年4月21日 星期二

飲勝 (附食譜)


呢幾日發生不可思議事件

琴日仲勁!上晝去完街,然後又發生不可思議事件

呢幾日真係好奇怪呢

琴晚買蜆整比大少爺食

用白酒煮蜆,當然要買支白酒

然後開支酒聞下,都好香

跟住................

我無啦啦斟酒飲喎!哈!估我唔到

蜆不醉人  人自醉~

呢個檸檬白酒煮白蜆好味啊!加上白酒煮、加檸檬提升鮮味

最重要係煮蜆唔駛加鹽,因為蜆會散發鹹味呢~




食譜:

白蜆

洋蔥碎    1/8個

檸檬汁     少許

黑胡椒     少許

雞湯或水  100ml

白酒          半湯匙至一湯匙

做法:

將白蜆洗淨,一般超市買到白蜆都已經處理好

用橄欖油起鑊,加入洋蔥碎、加入蜆略炒、再加黑胡椒

最後加入雞湯、灑上檸檬汁略煮至開口,加入白酒,加入白酒後要轉大火令酒內酸味及酒精揮發

蜆開晒口後熄火

2009年4月17日 星期五

尋開心


無錯!繼續放自己假

無論有咩後果.........我都要整個戚風~

不過...整完呢個.......我會停手

直至.......我去完旅行先再整

你估我真係唔驚........戚風效應咩?

好耐無為自己整過蛋糕,通常都係整比你啦、佢啦、佢佢啦啦啦

為自己做既的確好少,整戚風蛋糕令我好有開心既滿足感呢




2009年4月16日 星期四

想...........哼


自從本書埋尾後,我發覺自己輕鬆晒
原來我一直都有緊張,但自己唔覺
呢幾日比自己休息,做自己鍾意既事,例如......nap nap、跳funky dance
反而無shopping,因為我上星期都已經出動過

晌屋企睇電視、玩pet society,restaurant city
心情愉快呢

為自己整午餐
今次係泡菜雞肉餃子
又為個餃子買一大包泡菜
好想試呢個口味啊!同埋易整

雞肉略醃加泡菜就會好夠味,方便呢
煮好後顏色紅紅地咁,真係好想...........哼









2009年4月15日 星期三

佳藕


復活節其中一晚到Bear bear舅父屋企食飯

舅母整煎藕餅,然後返到屋企

大少爺含羞答答咁去講:舅母今晚整既藕餅好好食啊!難唔難整架?

聰明豆既我當然明白佢既意思啦!

早幾晚打比舅母問下點整,然後琴日就動手喇

好成功,自從完成第二本書後,我就開始每日為大少爺而煮

煮既時候都特別開心呢!呢個藕餅亦都好成功啊

舅母加碎豬肉,而我就將碎豬肉換成蝦膠同蝦肉

藕餅無薯餅咁滯,比較爽又有一份甜味

又再..............哼~~~~~~~~~~~~~~~~~~~~~~~




做法:

蓮藕         一截(即係一條蓮藕,只要其中一截)

蝦膠         1盒  (我諗有200~300g)

蝦肉         10隻切粒

臘腸         半條切粒

芫茜 碎     隨意

鹽             少許

糖             少許

粟粉          2茶匙

1)將蓮藕刨絲、加入以上所有材料,以上已分先後次序,撈勻

2)用手搓成餅型,燒熱鑊加油,放入已成型藕餅入鑊煎成兩面金黃色

*撈勻材料後你可能會發現有少少出水,係正常,如果出得多你可以再加少少粟粉呢



2009年4月14日 星期二

no good


終於都可以為煮比大少爺而煮喇

近呢個幾月,每日都係為本書做食譜
琴日終於可以自由發揮

而我個腦有d菜式好想試煮比大少爺食
可以實行呢
有乜乜啦、物物啦!同乜乜物物既呢

其實仲有湯,但個湯放書既,無post到

首先有…黑椒牛柳粒
呢味無失過手,坐定粒六




呢個係琵琶豆腐
可以忘記它既

But..........琴日整既琵琶豆腐唔算成功,整好耐得幾粒
屬於食得入口、唔難食
但又唔會有味吉洋一既表情喎!




又發生不可思議事件

最經典係.............我居然唔記得買菜啊!
兩個人只得呢一篤泡菜
噢!
唯有逼大少爺食煲湯紅蘿蔔啦啦啦啦啦!




Yeah!!!!!!!!我可以自由發揮喇!好想煮煮煮煮煮啊



2009年4月11日 星期六

大長tea@JW


是日大長tea

今日夢幻組合:我、烏GG、呀茄、呀妹diana去JW大長tea

JW星期六既tea buffet係由 1pm~6pm

之前同大少爺去過-->Tea buffet @ Jw marriott

大長tea適合我們這一家去,因為永遠有講唔完既說話

不過…大長tea完,依然覺得仍然未夠

到底我地係咪要去離島租間渡假屋住番晚呢?

事先聲明:以下相片既食物係我哋4個人共同食既食物

我係影晒咁多以供參考




好鍾意呢個茶櫃




有creme brulee茶







今次去有mix juice飲,But....我覺得單一味道會較好呢




其實有剌身,但我只揀赤貝食




鹹點都幾好味呢




噢!parma ham




自選配料既粥,我覺得今次少餡料揀,之前多選擇呢

呢碗係帶子粥

烏GG破紀律食咗4碗粥啊




呢個風乾牛肉薏米湯好好味




mini sandwich. ,waffles




噢!其實有好幾款大蛋糕,有芒果mousse, cheese cake, dark choclate mousse.......

但我無食,只食小甜點呢幾款都好味呢




crepes退步喇!以前無論dinner,lunch buffet我都覺得即製crepes好味

今次有點失望




呢碟呀妹既,佢話椰子熱情果mousse好好味呢!

果片小古力,有食緣都有得賣啊




其他小甜點有,綠茶蛋糕、燕窩蛋撻、藍梅mousse仲有HD雪糕




餐茶我要 stawberry iced tea

好味啊




之後去行一陣街我就走喇!夢幻組合下次幾時可以再大長tea呢?

要等呀妹返來呢!

2009年4月10日 星期五

餓底@海鮮站


復活節快樂!!!!!!!!!!!!!!!!!!!!!!!!!!!!

假期後我就要交晒所有稿,呢幾日假期我反而要努力

琴日又餓底行動,今次有呀妹diana、烏GG、呀茄karen,仲有呀繼鄉下人

地點:海鮮站

先睇睇必食既龍蝦兩食,只係$480

有龍蝦沙律,最重要係....佢係用芒果汁代替沙律醬啊!fresh~~~~~~




芝士焗龍蝦伊麵~~~~好味




我同呀妹既生蠔

原來我想食澳洲生蠔,我鍾意食澳洲蠔,但琴晚無晒

老闆介紹墨西哥同蘇格蘭蠔,我同呀妹覺得蘇格蘭較好味




麵包蟹,噢!




佢成個蓋都係膏,食極唔完既膏啊!

個蟹蓋我哋幾個食咗好耐都未食得晒d膏呢




翡翠螺




蒸蟶子,好味啊




我同呀妹、烏G要龍蝦湯




呀茄同呀繼既響螺湯







食到好飽,但無甜品又點算完美呢

行番去麻布茶坊食甜品,然後繼續傾

之後我仲去join kathy 唱咗一陣K先返屋企呢~~~~~~







呀妹..............你條褲淨飲雙計啊

海鮮站資料:http://www.openrice.com/restaurant/sr2.htm?shopid=18045