2016年11月30日 星期三

包包在澳門之玩樂篇@Kids’ City


每當有小假期就好想出外遊玩,但有了小朋友限制多之餘亦都要顧及小朋友

無論旅行或者假期我都會安排兒童節目比包包,因為要佢純粹跟住大人就太無樂趣

近年好多人喜歡過澳門飲飲食食,咁如果帶小朋友又可以去邊呢?

今次過澳門去了新濠天地內既兒童遊樂場"童夢天地"




好幾年前我去做tasting都知道有個小朋友遊樂場,當時就覺得酒店都幾細心

幾年後我終於可以帶自己小朋友去玩

一入門口就感覺光潔,小朋友玩既地方最重要夠乾淨

好多時包包玩到忘晒型時,就會不自覺去摔下眼、掂下鼻,地方污糟真係好容易惹細菌

加上我好怕佢爬地,有d小朋友遊樂場鋪晒深色地毯跟本睇唔清乾淨定污糟,但呢度白色地板可以一目了然

地方光猛之餘呢總好多不同種類,有適合細細個既小朋友玩、然後又有比大個d既小朋友玩,甚至大人玩既都有

好動既小朋友有好動既設施,玩到累又可以做下手工畫下畫玩到累都仲可以買下飲品抖一抖


每一個設施都有職員負責,佢地好nice,所以如果小朋友大個d,家長可以放心比小朋友玩

一入去就見到呢個波波池,以前我從來都唔比包包玩,但呢度地方乾淨就比佢開心下


結果?佢真係好開心





入面仲有個小影院,小朋友可以睇下影片又可以騎下木馬仔,包包最喜歡長頸鹿





呢個叫夢劇院係有d戲服可以著下影相,當然唔少得女孩最喜歡既公主裙啦




包包就喜歡做三眼仔


當然唔少得好多小朋友喜歡既彈彈床,家長雖然唔入得去但有CCTV可以睇住個小朋友



而且會有個職員晌門口睇住,必要時職員會入去照顧小朋友,家長們可以放心




仲有煮飯仔玩具,包包可以晌呢度識女仔




至於大朋友,都有適合佢地既遊戲機可以玩,大少爺最喜歡藍球機








再行入d呢個區就係可以比大少少例如6歲以上既小朋友玩,有條長滑梯係比較高,所以大個d既小朋友會覺得剌激既






包包最喜歡玩呢個"波波"噴泉,最特別之處係放d波波入去,d波波就會向上噴再跌番落嚟,包包同大少爺兩個係咁"中頭獎"但都笑到卡卡聲










包包玩到累就坐埋一邊畫畫,呢度定時會有職員教做小手工



比較文靜或喜歡畫畫既小朋友都可以有個靜靜既節目呢





其實佢有party room可以開下小party,12月31日前小朋友喺生日月入場,就可以生日小朋友 + 1位家長免費!




我去既時候剛巧係萬聖節前後,職員都好花心機去佈置增加氣氛
有問過聖誕節會有乜特別節目呢?
原來聖誕節除了會佈置外還會有聖誕遊戲、薑餅製作同聖誕油畫等等
聖誕節會去澳門既話就帶埋小朋友去玩下吧









包包呢個早上玩得好開心,亦令到呢個trip更加完滿,因為小朋友跟家長到澳門不單止吃喝仲可以有自己快樂時間及空間

童夢天地就晌新濠天地既三樓,樓下有不同餐廳質素都不錯,所以唔需要擔心玩完肚餓呢呢呢

價錢:星期一至星期五  一個成人+一個小朋友  澳幣$120,而星期六或日公眾假期 就$150
詳情可睇:http://www.cityofdreamsmacau.com/tc/entertainment/detail/kids-city/%E7%AB%A5%E5%A4%A2%E5%A4%A9%E5%9C%B0#intro

記住大人及小朋友都要著襪,而小朋友要長袖衫及長褲呢

2016年11月29日 星期二

份子料理之盤龍鱔


世上有一種料理叫:份子料理

由唔關事既A加埋又係唔關事既B然後得出一樣跟本唔關事但又形神俱在既菜式

呢個盤龍鱔其實唔係鱔,係蝦膠釀茄子

我見到好友 Sharon整,咁就二仔底照跟

結果就開出一條 King,哈哈~(今日有d語無倫次)

Anyway就係好食囉!連抗食植物呀包都肯食小小茄子咁囉


做法簡單但刀功要發達

我都有切斷一截,但整體來講都好唔錯

用墨魚膠會好d,今次用蝦膠爭dd

將茄子用筷子串好先切效果會好,至少唔怕斷

然後放上碟後先開始釀入蝦膠,都係心機菜式

大約一條長直身茄子配$30-$40蝦膠或墨魚膠 

然後淋上醬汁

醬汁:

甜麵豉醬   1.5湯匙

生抽   少許(隨手就可以)

糖    1茶匙

水   半湯匙

生粉   1.5茶匙

蒜頭、辣椒隨意,將以上材料撈勻再淋上茄子,蒸25分鐘就可以




大少奶's Delicatessen

宣傳你的專頁

2016年11月28日 星期一

試玩Bosch電磁爐



早前試用 @Bosch Home FlexInduction嵌入式電磁爐,本身對電磁爐不太大興趣
但試玩完呢部又覺得好得意
佢最得意係可以教你煮嘢,尤其係新手
想煎牛扒但唔識煎?部爐會教你
想炒菜唔識炒?部爐會教你
想炸食物但唔知油溫係點?部爐會教你

為了試個電磁爐,但又無理油晌個陳列室整避風塘炒蟹
但普普通通去炒個餸咩?又普通得滯
所以我整炸洋蔥圈同煎牛扒

炸洋蔥圈




食譜:

洋蔥   2個
麵粉   2杯
泡打粉 1/2茶匙
鹽    少許
啤酒   1杯
冰水  1茶匙
另備一大碗冰水


做法:
將洋蔥浸冰水去除辣味,再抹乾水備用

將鹽、1杯麵粉(只取其中一杯份量)、泡打粉撈勻

分次加入啤酒及1茶即冰水冰水攪勻、




靜置5分鐘  


將另一杯麵粉放在大碗上,洋蔥先沾上麵粉、再沾上粉漿便可以落油鑊炸

油一定要夠熱





炸至金黃色可以盛起


有無發現個煲係有個圓型嘅用具?呢個係PerfectCook烹調感應器,可以探測溫度,你只需要將佢貼晌個煲度,佢就會探測得到煲內嘅烹調溫度


炸洋蔥圈係用左呢個PerfectCook功能,輕輕鬆鬆就幫你調較到所需要嘅油溫呢
個洋蔥圈炸完好乾身,完全因為個油溫夠熱所以可以將油份逼出



可以選擇想要既溫度,以油炸來講170度係好足夠的


第二樣試做既係煎牛扒,當然呢樣入門必修既煎牛扒我本身就係識
但要試爐試牛扒係佢有個煎牛扒功能,同埋最正既係你唔識?佢會教你囉


Mum, 你想要幾多成熟?你要幾多成熟,佢嘅Assist進階自動煮食程式都會教你 



5成熟無問題,佢就會教你,呢部爐唔止中文,有多種語言選擇,總有一種適合你


同一時間兩面做,都唔止,佢有4個爐頭,同時間4個鍋一齊煮都得


你以為只可以教你煎扒?錯!佢連炒蔬菜都會教你



總括來講呢個爐好實用,同多功能,今時今日煮食用具除了實用
智能化都係大前提,雖然我自己暫時唔會諗換爐
但如果你新婚、搬屋正想換爐、買爐都多個選擇
基本上呢個電磁爐就係一個助手,會同你溝通既助手呢

Bosch Galleria位於中環雪廠街而且有好多”玩具”玩



d雪櫃裡面真係有飲品提供的,行過咪入去飲杯囉!哈~



沖埋咖啡



吸埋塵都可以

你睇我玩得幾開心,下次要來打邊爐






了解更多有關Bosch FlexInduction: http://bit.ly/2cYwqth
#Bosch #FlexInduction
#電磁爐 #Cooking



2016年11月25日 星期五

煲仔飯定飯煲仔

呢幾日凍了dd,其實又唔係好凍

但人就會隨著天氣去做晚餐,咁凍凍地當然係食煲仔飯好

我好鍾意自己整煲仔飯又快又好食,仲可以自己整埋甜豉油

又有飯焦夠又可以去皮

之前我整會用潤腸去整,但包包都有份食我就用新鮮冬菇唔用臘味

個雞既火候好d雞仍然夠軟滑


雞只需要用鹽、胡椒粉、薑同蔥撈勻再加生粉撈、最後加上麻油醃半小時以上

醃雞唔要用水份醃料,因半會令飯變濕又會漿住

所以用鹽、胡椒粉等已經夠

祕訣:用之前搽一層麻油

然後先放米及水,就唔會黏底,或少機會黏底的

飯同水比例與用電飯煲一樣


先開大火煮滾,轉小火蓋上蓋煮剛收水就放料 



繼續蓋上蓋用慢火煮15-20分鐘,開蓋望下雞熟唔熟,熟後就熄火蓋蓋焗5分鐘就完成




大少奶's Delicatessen

宣傳你的專頁