義美蛋糕

嘩！1502個訂閱者喇！Yeah!!!!!!多謝你哋啊！

今日同大少爺三個妹去
農圃飲茶
順便交日本手信每人一盒Maquillage 既eye shadow，好彩佢哋鍾意
佢哋送兩盒義美蛋糕比我，一盒蜂蜜味、一盒芝士味
義美蛋糕好多人都話好味，但我從未試過
我買蛋糕只鍾意買士多啤梨蛋糕、栗子蛋糕、Ny cheese cake
我拆開芝士味嘗試..................但無乜芝士味
蛋糕質感就好輕身，覺得個樣幾靚，質地好綿密
同棉花蛋糕 相比............就覺得棉花蛋糕好味dd~
我現正諗將棉花蛋糕整其他款式，但又未諗到咩款式好，或者卷蛋啦！
你哋鍾意食義美蛋糕嗎？唔知蜂蜜味好唔好食呢？

等待下一個 ....Vacation

大少爺既vacation已尾聲，總有點唔捨得
我既【丈夫假期後無定向煩躁不安症候群】既症狀出現
大少爺每當呢d時候就會出殺手揀，講：(我要努力賺$$養你買嘢比你、你睇電視都要交電費嘛)
今次大少爺就加埋呢幾句：
(10月再放大假去東京食未食既嘢、買秋冬衫、去6日5夜、陪番你行未行完既，好快架咋！)<--好似係大少爺開心d喎~
Um.........其實我係想見多你幾面呢！就算晌屋企都開心
過多幾日"花師奶"就完結喇！希望收費台有得重播啦！
整紅梅杏仁曲奇，因為大少爺好鍾意食早幾日既杏仁曲奇
今次加入果乾，佢更加鍾意呢！

渾圓霹靂球の晚餐 2

大少爺放埋呢幾日，我同佢晌屋企進入HEA既狀態
琴晚01點 瞓，今朝10點幾起身，之後下晝1點 nap至到4點起身
其實佢放假 瞓多d，等佢充份休息
去街幾時都去得，反而完全休息先難得
渾圓霹靂球の晚餐
渾圓霹靂球 = 我
渾圓霹靂球=我去完日本喪食而歸
豆腐麵豉湯
麵豉湯旅行時買返來既，加豆腐落去煲好好味，不過欠缺海苔
又係呢個碗，出鏡太多要收埋一段時候免得曝光過度

鹽煎三文魚
三文魚真係好多油，如果煎唔好落太多油煎都可以
佢自已有好多油份逼出呢

清炒小白菜
呢度得半碟，因為我唔食飯夾起半碟後先記得影相


其實大少爺仲有一碟豬柳、白飯兩碗
我特登整豬柳比佢食，因為我唔鍾意食豬
所以無意慾食~無食到呢

杏仁曲奇(附食譜)

大少爺依然 vacation 中，不過我倆決定呢幾日留在家中
我有好多衫要洗，大少爺今日開始話攰
佢琴日話：你整曲奇丫！
出爐喇！杏仁曲奇
大少爺話好味呀！我就對曲奇興趣唔大
唔知點解好眼瞓添！

杏仁曲奇

牛油.........100g
糖霜............55g
雞蛋..........一隻
麵粉.........175g
杏仁粉.......15g (可以減去)
雲呢拿油.....少許
鹽...........1/8茶匙
杏仁適量
做法：
1)牛油放軟同糖霜打至淡白，加蛋用慢速打勻，加入雲喱拿油
2)杏仁粉、麵粉、鹽過篩，分兩三次篩入，加入杏仁慢慢伴勻
3)搓成圓條用保鮮紙包著放入冰格一個鐘，切塊入180度爐焗

東京後記

做總結喇！出去一陣返來可以post
其實今次好似為陪大少爺買嘢咁，所以來緊9月我要去得舒服dd
佢應承會陪我去自由の丘、再陪我去迪士尼(我已經幾年無去東京迪士尼喇)
而且9踏入秋天可以唔駛著得咁擁腫，我想去買秋冬衫
食今次未能食到既食店、買秋冬skincare、買多d碗碟
-----------------------------------------------------------------------------------------------
今次食店資料
↓和幸     
我幾乎每次去都會食，比香港吉列專門店好味
尤其係配菜既醬汁好好味，配菜、蜆肉味噌汁、白飯任添
好多分店按此觀看

↓  柿家鮓
因為我唔想一早起身又要排隊，所以唔會去築地
原本澀谷有築地本店、又有美登利，但當日爭取時間去shopping
連早餐無食就走出去，所以去到原宿即去食壽司
迴轉壽司來講質素唔錯架！比香港好食
105~510 Yen一碟，晌原宿JR站一出見到snoopy town既樓上
如想食更好，建議到澀谷美登利、或澀谷Hmv後面築地本店
按此觀看

Pepper Lunch
當日要返池袋放低嘢，所以就晌池袋搵食
Pepper Lunch係平價店，但質素好好，尤其係霜降牛肉
都只係 980 Yen~好多分店呢
按此觀看

Mos Burger
比香港好味，起碼薯條夠熱
東京既Mos有更多款式、又有熱狗
按此觀看

博多天神
原本打算食六歌仙，但滿座，就食拉麵
以前去東京必住新宿，我住 Century Hyatt夜晚返酒店 shuttle bus已經停駛
要行好遠，有時會食碗麵先慢慢行返酒店，一定揀博多天神
豬骨湯好濃，但食完又唔會覺得口渴，因為係餚製並飛味精呢
地址：新宿歌舞伎町一番街

鰻登亭
大少爺好鍾意食鰻魚飯，上一次到東京佢晚餐食過呢度既鰻魚飯
念念不忘，所以呢個係必食之一
鰻魚肥美，一陣燒既香味~
地址：上野亞美橫直行到尾

其餘既食物多數係行過而入，但晌東京食既無論平貴都沒好好食
其實我好想食六歌仙 ，懷念黑毛牛、鱈場蟹，奈何當日全場滿座
想睇下其他可以     按此觀看
9月再去一定要記得訂位！
_____________________________________________________________

歸於平淡晚餐

大少爺已經決定.............10月再出征東京
佢話今次去唔夠，又無食到六歌仙、而我無食築地直送既壽司
我實會陪佢架！
今日洗兩轉衫，跟住包餃
包粟米芫茜豬肉餃，大少爺好鍾意食呢款餃
我要肚皮休息半年，半年後再去東京喪食~

Day 5 @ 東京 (超重回歸)

 

 

今次無唔捨得走
因為9月再去東京(次次到最後都會去番東京架)
剛剛先返到屋企，班機 delay
行李超重6磅，大少爺個行李超重，可想而知佢買好多野
香港有新款Red wing佢唔買，係都要晌日本拎返來，對鞋本身重加上佢對大腳
我臨走去Parco買左個手袋
返到屋企我自已部電腦潮濕到開唔到
咁多日都無食酒店早餐，鍾意出去食
↓今朝早餐

去Parco最後一擊買手袋，就搭機場巴士去機場
↓動感大少爺
兩個行李箱、一個 hand carry、一部電腦，我手挽一個手袋
咕喱回歸

所有液體唔帶得上機要用膠袋入住，我唔可以無香水(同呀婆唔可以無白花油既原理一樣)

班機delay，就去麥當奴食炸蝦漢堡
炸蝦漢堡

春日漢堡

晚餐
飛機餐，好好味呀！個梅子冷麵 good

東京の味 4

今日食左好多野
因為大少爺話今日last day，要出年先可以再晌東京食野，旅行要暢快，噢！
好累，始終無再去食六歌仙 ，小小失望，好掛住果度烤肉
返到香港我要好好戒口一段時間喇
今日最滿意鰻魚飯，超讚

其實今日又無晌酒店食早餐，晌淺草食炸饅頭
有南瓜味，大少爺個花生味
串燒三兄弟好難食
 
返到池袋大少爺又想食蕎麥麵
到晚餐大少爺個定食又有蕎麥麵呀！

我就食咖喱飯

今日終於食蛋糕，食栗子蛋糕，裡面有一粒勁大粒既栗子


百貨公司狂影篇
分別攝於東武同西武
有無發覺...........每逢影蛋糕都揀有士多啤梨先影架！

 櫻花果凍

↓便當都特別靚


 
中華料理
我都識煮啦！
哼！

吉列食物




     
大少爺唔邊晌邊度用120yen買既可樂，有500ml