2019年9月30日 星期一

避免嬰兒敏感致濕疹 由保護小朋友腸胃開始


第一次當媽媽什麼都不太懂,所以新手媽媽面對好多事都會無從入手

有些狀況比較容易處理,例如肚餓、換尿片等都是比較容易處理的;但見到bb面仔有粒粒都會擔心是否嬰兒敏感或嬰兒濕疹

所以一見bb皮膚上的輕微變化就會好疑惑

餵人奶時,媽媽就要很小心飲食,稍一不慎bb就可能出現嬰兒敏感甚至嬰兒濕疹

其實腸胃從bb出世開始就要小心保護,因為以我經驗,嬰兒敏感和嬰兒濕疹很大機會就是因為腸胃不太好而產生

包包就曾經因為飲用的奶粉入面有種難以分解的蛋白質,而出現嬰兒敏感及嬰兒濕疹的情況,由於小朋友腸胃問題並非容易察覺,所以直到包包皮膚出現了嬰兒濕疹,我才發現問題

起初我因為不知道包包的嬰兒濕疹是腸胃問題引起的嬰兒敏感,我不停聽從坊間方法,用盡所有嬰兒濕疹膏、又試過很多嬰兒敏感肌專用的沖涼液,但每一款只用了幾次便失效

但包包的嬰兒敏感及嬰兒濕疹情況都未見改善,於是我再試偏方、什麼草藥沖涼、什麼自製山草膏等等都無效,老實講對著包包的嬰兒濕疹情況,我當時真是氣餒又擔心

本來我真的不想帶包包去看醫生,怕醫生只會給他類固醇藥膏,之後覺得包包的嬰兒敏感及嬰兒濕疹情況真的不太對勁,便帶他去看兒科醫生

醫生看過後便說:「你幫佢轉奶粉,試下比佢食雀巢®超級能恩®兒童配方奶粉吧!睇下轉食後嬰兒敏感同濕疹情況有無好轉。」於是我去了解醫生推薦的雀巢®超級能恩®兒童配方奶粉,發現呢款奶粉用咗獨特pHF水解技術,針對牛奶蛋白中的致敏原進行精準切割1,2,降低牛奶蛋白致敏性1,有益於bb腸道健康

所以當包包剛好轉奶粉就順理成章轉了,兩星期後包包原有的嬰兒敏感及嬰兒濕疹都好轉

之後包包的皮膚就開始褪紅了,便便仲很好

從這個經歷讓我知道包包腸胃好,就可以減少出現嬰兒敏感及嬰兒濕疹的機會

以下是我對嬰兒敏感及嬰兒濕疹的心得

如果6個月以下的嬰兒出現嬰兒濕疹及敏感的話就要注意是因為奶粉引起或是環境引起

奶粉引起的話當然要轉低敏的奶粉,如果是環境引起嬰兒敏感就要注重衛生及不要讓嬰兒接觸毛公仔

衣服也要選擇不要用會致敏的物料例如各樣的有毛的衣服,還有要注意洗BB衣服的清潔液

如果出現嬰兒半夜睡不安寧的話,就要注意是否由腸胃問題導致不適,這可能會引起嬰兒敏感及嬰兒濕疹

6個月開始吃固體食物的話要留意不要太早給他們容易引起敏感的食物
腸胃未發育得好時食物未能消化也會引起嬰兒敏感及嬰兒濕疹的

1. von Berg, A., et al. (2016). Allergy, 71(2), 210-219.
2. von Berg, A., Koletzko, S., Grübl, A., et al. (2003). Journal of Allergy And Clinical Immunology, 111(3), 533-540.


上去睇多啲防敏資訊:http://bit.ly/2ms1SGF

#資料由雀巢防敏1000天計劃贊助





2019年9月27日 星期五

補償

上星期同小朋友去海鮮公園酒店玩,夜晚去鴨利洲市政大廈食晚飯

其中一味椒鹽九肚魚做得唔好,大少爺有點失望

可以失望唔可以絕望,我們拍晒心口話自己整比佢食

話做就做,哼~

今次炸個好透,有幾條全脆身,有幾條就外脆內軟,效果幾滿意的

不過保持佢裡嫩滑會較好



食譜:

九肚魚    1斤

蒜頭    5粒(剁碎)

乾蔥   3粒(切片)

辣椒     2隻

蔥粒   少許

椒鹽   1/4茶匙(可以就咁用鹽)

做法:

先處理好所有料頭備用


九肚魚魚檔有售,回家洗淨抹乾水,要完完全全抹乾

有時間的話最好放入雪櫃2小時等佢實淨d


炸之前,將九肚魚搽少許鹽

再上生粉,用生粉出來效果會好d


熱鑊滾油去炸,盡量用大火

用大火炸就唔會油淋淋同香脆

期間唔好亂郁佢,等佢定型又金黃色就可以上碟


當放魚入鑊炸時,可以先爆香所有配料

再1/4茶匙椒鹽或鹽兜勻,最後淋上炸好既魚上

因為九肚魚始終軟身,唔好放入鑊兜佢,淋配料上面較穩陣







先睹為快及生活雜粹粹
 Pls Follow My IG
 https://www.instagram.com/taisiu9_aubrey

/ 大少奶's Delicatessen

宣傳你的專頁

2019年9月26日 星期四

【奶粉比較】我揀雀巢®超級能恩 ®兒童奶粉的6大原因

相信媽媽們在選擇奶粉時都會做出不同奶粉比較,不同媽媽看法當然不同,我喺選擇雀巢®超級能恩 ®兒童奶粉前都比較過好多奶粉牌子

視乎個人喜好,媽媽通常都有以下6大奶粉比較

比較奶粉會否容易令BB身型大隻

比較奶粉會否令BB皮膚白淨(這是我當初揀錯奶粉的原因,哈)

比較奶粉會否影響BB去便便

比較奶粉是否香甜,令BB喜歡吃

比較奶粉價錢,有人一味貪平,有人以為越貴越好

比較奶粉是否可以減低BB敏感的機會

選擇奶粉前,媽媽要懂得比較奶粉,如果選對了奶粉BB就可以由細吃到大;
如果媽媽比較奶粉時錯重點,對BB健康亦影響

例如喜歡比較奶粉味道的媽媽,一般想以香甜味去利誘BB吃奶粉,但甜味重的奶粉雖然比較容易令BB肥肥白白,但這樣會令BB習慣甜食,也容易引起蛀牙

而我之所以選擇雀巢®超級能恩 ®兒童奶粉亦都有段故的

當時我有位媽媽朋友的子女吃的奶粉是日本品牌,她對我說那款奶粉會令BB較為白淨

一生以美白為己任的我當然雙眼發光,當包包由人奶轉奶粉之時,我未比較其他奶粉品牌,就二話不說去買

結果包包吃了一段日子後…就因為敏感而出了濕疹

在醫生建議下,包包轉食雀巢®超級能恩 ®兒童奶粉,神奇的是包包轉吃雀巢®超級能恩 ®兒童奶粉後兩星期,濕疹便退了

之後我仔細比較兩隻奶粉,發現第一隻奶粉當中的牛奶蛋白成分不容易消化,令到包包腸胃差,而牛奶蛋白中的致敏原更令他的皮膚在投訴

相反雀巢®超級能恩®兒童就使用了獨特pHF水解技術,針對牛奶蛋白中的致敏原進行精準切割1,2,降低牛奶蛋白致敏性1,而且細分子蛋白更有利BB腸道吸收

比較換奶粉前後,包包的腸胃變好了、皮膚又好轉了

所以我一直推薦身邊朋友的BB吃雀巢®超級能恩 ®兒童奶粉,因為腸胃健康會影響BB的成長,BB腸胃不好,也難吸收所需營養

到現在我仍然會畀包包食雀巢®超級能恩 ®兒童4號配方奶粉做營養補充,因為他不肯飲鮮奶

他也習慣早餐以雀巢®超級能恩 ®兒童4號配方奶粉來作為一天開始

包包吃雀巢®超級能恩 ®兒童奶粉不單止腸胃比較好、牙齒及皮膚也不錯,所以雀巢®超級能恩 ®兒童奶粉絕對是我的精明選擇

上面仲有好多防敏資訊:http://bit.ly/2kXdTnb

1. Von Berg et al. (2016). Allergy, 71, 210-9.
2. von Berg, A., Koletzko, S., Gr
übl, A., et al. (2003). Journal of Allergy And Clinical Immunology, 111(3), 533-540.

#資料由雀巢營養1000天計劃贊助





2019年9月24日 星期二

蜆現

話說上星期晌FB幫一個友好品牌介紹隻易潔又堅硬煎pan

買了花甲做示範,當時我諗用乜炒花甲呢

花甲呀、蜆呀通常都係豉椒炒

即係…豉椒炒蜆、椒豉炒蜆、蜆炒豉椒或者蜆炒椒豉,總之就係豉椒

另一煮法就係煮…清酒煮、牛油白酒煮、香茅煮、咁煮同咁煮

我就係想特別少少就用三杯煮,什麼是三杯?你一杯?我一杯?佢一杯?家陣猜枚咩

三杯即係台式那種三杯,一杯醬油、一杯酒、一杯糖再加九層塔

但當然唔需要用成杯咁多,以炒蜆來講無樣一湯匙都會多

味道香濃又有層次,呢個做法配鮮甜蜆或花甲就最好

做法簡單,色香味濃、四肢發達  咁囉!哼


食譜:

蜆或花甲     1斤

九層塔   1棵

蒜頭   2粒

辣椒   2隻(隨意)

老抽   1湯匙

糖   1湯匙

酒   1湯匙

做法:

蜆或花甲買回來後用鹽水浸住等佢吐沙

九層塔用手撕碎、辣椒切粒、蒜頭拍扁


老抽、糖、酒事先撈勻備用


燒熱鑊同油放入蜆


兜到蜆或花甲開始打開口就放入九層塔、蒜頭同辣椒


再隨即倒入醬汁兜勻,蜆或花甲完全打開口後就上碟唔好煮太耐





先睹為快及生活雜粹粹
Pls Follow My IG
https://www.instagram.com/taisiu9_aubrey

/ 大少奶's Delicatessen

宣傳你的專頁

2019年9月20日 星期五

輕輕鬆鬆

之前胃病我戒好多食物,強制性地唔比自己食到會胃脹食物

即使康復後我仍小心奕奕去選擇

加上體質寒涼更加小心飲食

但如今我決定想做就做想食就食,只要唔係過量都比自己去食

所以昨晚我煮"松葉蟹豆腐羹",蟹、豆腐、菇三樣都係要戒食物

不過我個胃明明都好返咁滯,仲戒乜呢?加上唔過量食物本身又有營養又做乜要逼自己唔食

煮完後覺得非常好味,最重要佢都好容易整

蟹肉本來我想買隻肉蟹拆肉,但又懶

又唔想用蟹柳,寫食譜既人就係要堅持食物質素同味道,但大家喜歡或者方便當然可以自己選擇用蟹柳

跟住我就買松葉蟹鉗拆肉整,咪以為佢無味喎!佢鮮味依然

用來煮呢個豆腐好好味

基本上煮呢個無難度一鍋就掂,你想做湯羹個獻就唔好打咁厚

想做配飯菜式就杰身少少都可以呢

人生已經好勞累,有些時候煮得輕鬆食得開心就可以


食譜:

蟹肉         適量
我用松葉蟹鉗肉、你可以用鮮蟹拆肉、又或者用蟹柳都一樣得

本菇      1盒

豆腐    1件

蛋白   1隻

薑   2片

清雞湯       500ml

水    250ml

鹽    少許

生粉水   少許

做法:

我晌一田買呢包蟹鉗用,佢仍有鮮甜味的

可以就咁食,方便又唔貴


日本滑豆腐


將雞湯加水加薑滾起,放入蟹肉煮一陣等佢出少少味

將蟹肉撈起備用


加入本菇及豆腐煮滾,加少少鹽試味,再加入生粉水令佢微微杰身時

最後放入蛋白做用細火煮到成蛋白

最後可以將蟹肉回鑊

 *蟹肉可以上碟時先鋪上豆腐面,再灑些蔥花

*如果做滑羹就唔好加咁多生粉水,食時落少少胡椒粉更好味

*做餸的話可以調少d水份同埋加多少少生粉水







先睹為快及生活雜粹粹
 Pls Follow My IG
 https://www.instagram.com/taisiu9_aubrey

/ 大少奶's Delicatessen

宣傳你的專頁

2019年9月17日 星期二

大少奶有禮 - 尚禮坊花店


當已經好忙嘅時候仲要諗下送花 送禮比親朋戚友實在係好一個煩惱
大時節送禮籃都係好選擇,又食得又睇得又夠得體
我收到 @尚禮坊香港花店 、果籃店個 禮籃 時都真係"嘩"一聲
一個禮籃入面有三間名店嘅朱古力、餅乾、紅酒、朱古力酒、黑松露醬、咖啡等等,價錢仲要好合理
大時大節好快就到我收到禮物時都希望送份禮物比大家:花藝禮品組合$390
參加方法:
只要like尚禮坊 FB page: https://www.facebook.com/givegiftboutique/  (記得cap圖比我睇)
再tag 3位朋友
再再回答一條問題:最想大少奶整的食譜,可以寫少少點解想我整(我想知大家喜好呀)
我會揀出最吸引到我成為優勝者











笑忘書

好似好耐無過牛牛,人大了就唔想食肉

不過我唔食包包都要食,所以早幾日又再炆"味噌燉牛肉"比佢食

其實我唔鍾意食柱候味、或者中式味道炆牛

總覺得那些醬料太鹹同埋味道無乜變化

所以我用味噌、味醂去炆,炆到d牛肉鬆軟入味最好食,哼

唔知點解今日好想唱下歌,可能睇 kenny演唱會既片太多

擁有同樣寄望 彼此亦有苦況
棉花糖從成長中曾送你愉快天堂
經過同樣跌盪 可會學會釋放
童話 情書 遺書 尋找 答案
曾經...曾經...回憶當天三歲的波板糖

多謝各位~


食譜:

牛肋條      1磅

白蘿蔔   1條

甘筍    1條

大蔥     1條

洋蔥    1個

蒜頭    2粒

味噌    2湯匙

醬油或生抽    1湯匙

清酒         25ml

味醂    2湯匙

冰糖    2小粒

薑、蔥    適量

做法:

以上所有材料基本上一田有齊,日本蘿蔔好食


牛肋條加凍水落鑊、再加薑、蔥少少酒煮滾

滾佢20分鐘等佢釋出血水


爆香洋蔥、大蔥、薑蔥、蒜頭、甘筍就將牛肋條回鑊兜勻


加入味噌、味醂、醬油、清酒兜勻 

加入水蓋過面,再放冰糖煮滾後較細火

細火炆1.5後加入白蘿蔔再炆半小時,如果唔夠味可以再加味噌,全程唔好落鹽直到永遠






先睹為快及生活雜粹粹
 Pls Follow My IG
https://www.instagram.com/taisiu9_aubrey

/ 大少奶's Delicatessen

宣傳你的專頁

2019年9月11日 星期三

節二

花雕上湯龍蝦焗伊麵

大家係我動力,否則呢個時勢會無心機寫過節食譜

過節食譜要比較得體,雖然話就話一家人食飯但心理上都想煮好d

呢個一直都想整,其實我都幾鍾意食但大少爺敏感唔可以食太多所以少整

上湯焗做法最簡單但又叫做幾得體

如果唔係寫過節食譜,我會選擇用蝦球而不是龍蝦

上湯焗唔係真係要放焗爐,只係經過一個焗煮程序,比起芝士焗就少功夫

如果人少少整個龍蝦伊麵加個肉或蒸海鮮同菜已經好好,今年明白齊齊整整食餐飯已經幸福



食譜:

龍蝦  2隻

伊麵   3個

清雞湯   500ml

花雕酒   2湯匙

薑        2片

乾蔥頭    5粒

蒜頭      2粒

牛油     10g

鹽       少許

生粉水     適量

做法:

龍蝦可以叫海鮮檔代處理,自己整都唔難,我先將龍蝦頭同身分開,晌尾部挑出蝦腸再斬件




龍蝦沾上生粉再泡油,唔需要好多油,我只係比平時落多少少去半煎炸佢,唔需要熟只需要煎封肉質表面



伊麵先烚熟盛起備用



燒熱隻鑊熄火落牛油,牛油溶化後加入乾蔥、蒜頭同蔥,再開火兜勻



加入龍蝦兜一兜贊酒兜勻,再落清雞湯及鹽


加生粉水兜勻轉細火蓋上鑊蓋焗3分鐘便完成,將汁同龍蝦淋上伊麵上







先睹為快及生活雜粹粹
 Pls Follow My IG
 https://www.instagram.com/taisiu9_aubrey


/ 大少奶's Delicatessen

宣傳你的專頁

2019年9月9日 星期一

節前


本身唔想寫中秋節食譜心情上都有影響

但我諗到大家就打消呢個念頭,同大家一起渡過了13年

中秋節雖然大家各自食飯,但如果我既食譜大家用得著都叫做一起過節丫

過節我就諗起雞,富貴雞寫過好多次,白切雞、油雞又太普通

想整南乳吊燒雞,但唔炸又點可以脆?

想起早前我整燒鴨其中一個步驟就係風乾再搽上麥芽糖同醋

其實風乾呢個步驟我都會做,但整上皮水就中式先用個著

焗完出來個皮係又薄又脆,如果大家肯炸就最好,做出來就係街外炸子雞

不過連我都唔肯炸又應該無乜人會去炸呢

呢隻雞好好食,哼

食譜:

雞          1隻

雞醃料:

南乳    1件

生抽   80ml

糖    2湯匙

老抽   2茶匙

酒   2湯匙

薑蓉    半湯匙

蒜頭        3粒(磨蓉)

乾蔥頭       5粒(切片)

上皮水材料

麥芽糖      1湯匙

白醋   2茶匙

熱水   20ml

做法:

預備配料


將雞醃料撈勻,加入配料備用

將醃料放入密實袋,再放雞入袋與醃料混合封好,放入雪櫃醃過夜


一晚之後就將雞放上架上,煲一小煲滾水

當水大滾時就直接淋上雞上(呢個係淥皮程序)


淋完滾水後將隻雞繼續放上架上靜置風乾

最好風乾到5-6小時



焗前一小時,將上皮水材料撈勻再搽上雞面



搽完一層上皮水靜置20分鐘,再搽多一層然後靜置多40分鐘就可以焗

預熱焗爐200度上下火,再焗佢30分鐘(或者隻雞完全轉成紅色)

*焗好隻雞後放涼15分鐘先斬或剪開



*焗爐有燒雞功能就最好否則放上架上面焗,你見我會將隻雞剪開一半打平放就係方便焗

*焗爐火力較大的話可以先蓋上錫紙焗佢15分鐘,再拎走錫紙焗佢15分鐘或變成炸子雞顏色

*雞翼尖最好先封上錫紙

*氣炸鍋都可以的





先睹為快及生活雜粹粹
 Pls Follow My IG
 https://www.instagram.com/taisiu9_aubrey

/ 大少奶's Delicatessen

宣傳你的專頁