今期專欄：纏繞

近日週圍去請教朋友，得出結論：
父母其實不是要以高高在上管教子女，而是要設身處地去想他們。除了不斷要向小朋友發訊息外，自己檢討的事也有很多
香蕉pancake，容易做也很適合小朋友吃
材料簡單但也很好味的
今期專欄：纏繞
專欄食譜：香蕉pancake
http://goo.gl/bgvnjR

墮入凡間的......魔鬼

今日monday

我沒有green monday的

就算green我都會令佢唔清新

甚至有點…鹹同香

今日個金沙四季豆好食 x10000000

一直想整，呢個強組合唔會輸，皆因兩樣都是我喜歡的

對佢又愛又恨，做乜要咁誘惑既呢？

哼

做法：好簡單

四季豆先出水，瀝乾水後備用

鹹蛋2隻蒸熟，將蛋白同蛋黃分開，用鹹蛋黃加少許油炒至起泡就放四季豆入去兜勻

最後加小小鹽，呢碟豆真的不可思議

大少奶's Delicatessen

宣傳你的專頁

專欄：醒吧

沉迷應該要有限度，十多歲時還有浪費光陰的本錢，到三十歲就會發現日月如梭

用光陰去死守一段無結果的感情，是極度浪費也是折磨自己

愛一個人並不等於要擁有，而愛你的人也不會讓你蹉跎光陰

墨西哥式牛油果沙沙醬配芝士焗粟米片，繼續以夏日醒胃出發

今期專欄：醒吧

專欄食譜：墨西哥式牛油果沙沙醬配芝士焗粟米片

http://goo.gl/5uII9L

酸熟梅

好好笑，孫淑梅堅好笑，每晚睇完都開心

話說上星期同大少爺晌一間餐廳度食到一個酸辣米線

平日大少爺唔吼呢類食物既

但居然好開心咁，然後話：好好食，我信你識整

就憑佢呢句說話我就諗點整

我去食那個既酸鹹味好到位，但又唔係好搶既味

加上係用酸菜做料，我知道應該鹹酸菜係個膽

於是我用買一個鹹酸菜，肉碎、辣椒去煮

中了，就係呢種味，佢連鹽同醋都唔使落就夠味，我仲加粉絲同豆卜

大少爺好開心呢！哼

食譜： 

鹹酸菜      半個(通常都半個半個咁賣)

肉碎          $15

辣椒          2隻

蒜頭         3粒(拍爛)

粉絲        1包 (浸軟)

豆卜        4兩

做法：

鹹酸菜切粒

豬肉碎用半茶匙鹽、胡椒粉撈勻去醃

爆香蒜頭，加豬肉炒至5成熟

加人鹹酸菜、辣椒，兜一兜再加兩碗水煮滾

收慢火後加入豆卜，慢火煮15分鐘，臨食之前加入粉絲煮軟

試味！如果想酸d加白醋、想鹹d加鹽，不過…我無加都做到好夠味呢

做好後可以加小小脆蒜粒

大少奶's Delicatessen

宣傳你的專頁

生了...叉燒

早幾日有朋友在FB share叉燒

我就留言，其實如果真係可以生舊叉燒出來又幾盞

首先…如果我在產房生叉燒，咁生完後我會問醫生：醫生，半肥瘦？定瘦叉？

然後又會問：d色上唔上呀？有無燶邊呀？

呢d問題真係生舊叉燒先會問

又或者自己生舊叉燒出來，到底食唔食？虎毒不吃兒，無奶油自己食

咁又無奶油請人食，如果你上人屋企吃飯，我同你講：我生左舊叉燒呀，你食多塊啦

朋友又會食嗎？

既然生舊叉燒出來又唔會食，咁做乜要生舊叉燒呢？

好！正題…

早幾星期我又整叉燒，今次磨豉醬比例增多，海鮮醬減小

出來效果同味道反而係咁多次我最喜歡的，有些食譜真係每次都可以有更好的

梅頭肉一件

醬料：

　乾蔥      6粒切片

　薑汁      1/4湯匙

　酒         半湯匙

　磨豉醬  2湯匙

　海鮮醬  1湯匙

　生抽      1湯匙

  老抽  2茶匙

　糖         1湯匙

　鹽         1/4茶匙

另外…預備

　麥芽糖  適量

所有醬料撈勻，醃梅頭肉一晚

200度焗爐焗至熟(約20分鐘)，再搽上麥芽糖，再焗至靚仔

買梅頭最好買條型，今次用架盛起焗，焗得夠爽身

否則燒起成個波咁

大少奶's Delicatessen

宣傳你的專頁

專欄：小確幸

如果要與世代競爭，甚至贏出才能感到幸福快樂，那麼這是有代價的快樂。工作累了回家，有人給你遞上一碗熱湯，你感到幸福嗎？多點在意身邊人為你做的事，你就會發現原來自己擁有很多『小確幸』。
檸檬蛋糕，天氣熱到沒胃口，清新的檸檬蛋糕配上檸檬糖霜，味道更昇華
今期專欄：小確幸
專欄食譜：檸檬蛋糕 (呢個食譜好易做，撈埋就得而且又好味)
http://goo.gl/bE8xs6

大少奶's Delicatessen

宣傳你的專頁

冰冰

 天氣好熱，熱到不得了

其實我真係好想去街，但熱到失心瘋，再比人逼兩逼我會發癲

但對於大少爺來講，佢夏天比較開心

最大原因佢可以不停食冰

大家都知佢有鋪乜都放冰格既癮

而我都知佢乜都要冰凍，為了令佢開心我整了焦糖咖啡沙冰比佢

用咖啡加冰打成沙冰、加cream及焦糖漿，就成為貢品呈獻比佢

呢個感覺好涼快又醒神，重點：唔難整嘛

哼

食譜：

咖啡      半杯(用沖一杯既份量去沖半杯)

假設你用3茶匙咖啡粉加225ml水，再加奶的話

咁就用3茶匙咖啡粉，只加110既水及奶

咁就會濃縮了

冰     1杯

甜忌廉         隨意

焦糖漿         少許

             

做法：

1.先用起忌廉，打好後放入唧袋備用

我用Fissler多功能攪拌棒，打忌廉用呢個刀頭

咖啡沖好後放涼或放冰格急凍至涼透

加冰放入攪拌機打滑

如想知多功能攪拌棒資料，可以 click -->https://www.facebook.com/fisslerhk?fref=ts

打沙冰用呢個刀頭

打好了就可以放入杯，再放忌廉再加焦糖漿了

焦糖醬：

食譜：

砂糖             150g

水                  40g

牛油               30g

淡忌廉          150g

做法：

糖放小煲加水炒至轉金黃色，離火加牛油攪勻，再加淡忌廉即成

個醬可以放雪櫃一個月

大少奶's Delicatessen

宣傳你的專頁

comfort food

有時想方便，就會煮薯仔雞翼

因為容易，自從我大肚開始，就喜歡食炆薯仔

直至個仔出世，我都久不久想食炆薯仔

但又不喜歡一成不變的味道，於是今日下午諗：反正晌日本帶了味噌回來

不如試下用味噌、味醂去炆丫

出來效果都唔錯！

跟住大少爺就令我反白眼

佢話：好味過咖哩炆！

我：乜我有試過咖哩炆咩？

大少爺：停頓了幾秒........乜平日既唔係架咖哩炆？

我對眼幾乎反到去後腦，有d男人食乜都唔知架

救命！

食譜：

雞亦       磅數由自己預(溶雪後洗淨，跟住用生抽，只需要白抽去醃一醃，只用作小小味同上色)

薯仔也一樣，因為我得兩個人，但你要煮12人的話，我都唔知寫幾多，所以自己預份量

味噌        2湯匙  (如果只整一磅雞亦就只用1湯匙吧！寧願唔夠再加吧)

味醂        2湯匙

糖           2茶匙

豉油      少許

水         1~2碗

洋蔥      2個

蔥         數條

薑        3片

做法：

將雞亦煎至金黃色盛起備用

爆香洋蔥、薑、蔥、蒜頭兜勻，雞亦回鑊，再加味噌兜勻

加入味醂、豉油、糖兜勻後加水，大約蓋過雞亦面

煮滾後轉小火炆30分鐘

薯仔去皮切件，放入鑊再炆30分鐘(薯仔後落怕煮溶)

大少奶's Delicatessen

宣傳你的專頁

專欄：分分鐘需要你

原來年復年、日復日，我們都習慣了大家的崗位，這種習慣變得理所當然，反而令我們忘記自己其實很需要身邊的他，只要有『愛』，我還是如一的需要你在我身旁
焦糖魚露豬頸肉，在夏天吃這個，甜味和香料味道刺激了食慾
今期專欄：分分鐘需要你
專欄食譜：焦糖魚露豬頸肉
http://goo.gl/aBmNjc

大少奶's Delicatessen

宣傳你的專頁

乾哥

病了幾日，今日先叫做好番d

一好番就手痕

昨晚諗下整乜比大少爺食

有件唔大唔細既瘦肉煲粥用剩，就用佢來整豬肉乾

從前整豬肉乾總會買免治豬肉整，但要攪至起膠有點煩

今次我直頭用Fissler枝多功能攪拌棒，將豬肉打爛之餘仲即時起膠

豬肉乾今次加了檸檬皮，做成有檸檬香既豬肉乾，真係…哼

你睇呀"乾哥"今次幾靚仔

食譜：

                                                 豬肉          200g(如果用免治豬肉一樣份量)

   魚露            1.5湯匙

生抽            1湯匙

蜜糖            1湯匙

    糖             2茶匙

     酒             半湯匙

檸檬皮        1個

檸檬汁        幾滴

*另備額外蜜糖，約1湯匙

將肉切粒後就開始打

呢枝攪拌棒今次用呢個頭來打肉

一打完就已經膠質了

將所有調味料放入攪勻，包好雪一晚

*如果用免治豬肉做，就要順一方向攪至起膠為止

一晚之後放上牛油紙，然後面層鋪上保鮮紙用木棍碌平

碌至理想厚薄，我個人唔喜歡太薄的 

放入焗爐先用160度焗 15分鐘，將水份倒走

再搽上蜜糖(額外份量)，然後再用190度兩邊焗15分鐘(視符火力而定)，總之豬肉乾上色便可

放涼後肉質會實淨的

焗完後當塊肉顏色理想，但個邊一定會焦黑，剪走焦黑部份便可以

如想知多功能攪拌棒資料，可以 click -->https://www.facebook.com/fisslerhk?fref=ts

sakura

是咁的，我上星期開始病了，無啦啦得來大感冒

而家都仍未好

不過…手還是痕的

事緣我晌東京時，晌池袋ISP既 supermarket見到有櫻花蝦賣

260 yen 1大袋，我呢d當然即時買3袋

一袋自己、兩袋送比朋友

價錢平之餘仲好夠鮮香

我買完回來轉去密實袋放雪櫃，用來炒飯、凍豆腐、甚至煎飯也好味

今次我整了櫻花蝦大蔥煎餅

唔用大蔥用普通蔥都可以呢

呢度一袋260yen抵到震，隔住個袋都覺得香

2湯匙櫻花蝦先用白鑊烘香 

1小個份量，大家如果想煎多幾個就自行加大份量

切片大蔥，呢度1/4條

加  1隻蛋、1湯匙麵粉、1茶匙生粉/粟粉/太白粉、鹽少許、胡椒粉及麻油撈勻

煎完一邊再煎另一邊就done呢

大少奶's Delicatessen

宣傳你的專頁

Day 4@Tokyo 回歸了~~~~~~

回歸了，從前會好不捨地走

今次卻想快d回到家看包包同大少爺

我習慣搭4-5點機回程，好怕夜番，然後又要unpack行李、執好野又半夜

所以呢個鐘數最好

今次晌羽田機場，國泰機既時間真係好好，8am機，回程又有4:55pm機

去程原本可以好方便搭shuttle bus去酒店，當日又落雨

點知有個應該係商人既男人，寄35箱紙皮箱，佢唔係用DHL

係自己連人帶箱去，咁先出佢35個紙皮箱，令到等行李等成個鐘咁滯

miss了 shuttle bus，去到池袋仲要落雨，行去酒店又遠

我覺得那位男士好無公德心囉囉囉，如果唔係要出35個紙皮箱

我就唔會要等咁耐

去程拎行李有阻滯，回程就比個國內旅行團既男人拎左我個行李

呢個更不知所謂，佢拎完發現唔係自己既唔會搬番上行李帶，仲諗住推走

好彩我眼利，否則個行李就係咁die，激死人

你拎我著過既衫褲唔緊要，你拎走我晌日本買回來既野我就想諗起都嬲

一起身落樓下食烏冬，呢間既烏冬香港都有開，但感覺完全兩回事

今次個炸雜菜賣晒，佢大大個又好好食

佢唔理你食唔食得晒，總之份量就如此大個

我今次揀明太子加蛋撈烏冬，好好食呢

去 3 coins最後沖剌，我已經去左好幾間，最後仍要買

粉紅色個薄布好好用，用來發酵麵包好好的

仍然週圍睇蛋黃哥

去番超市買有紅豆既厥餅

大少爺喜歡童星點心麵，我見到呢包600yen有8種口味

開心屎佢呢

跟住12點幾就搭shuttle bus出機場

晌機場肉買手信最好，真係多唔同種類

、呢個北海道薯條好食

紅豆味 Kit kat又係must buy item

就係咁…就完成今次東京之旅

下個trip將會係一家三口九洲之行，希望成行吧

今次旅行全靠租咗呢個pocket wifi我先無時無刻見到包包

好穏定而且耗電量小，唔怕用用下無電

價錢亦合理呢，有需要看看吧

http://pocketwifi.com.hk/

大少奶's Delicatessen

宣傳你的專頁