沉迷下去

我沉迷既係Annie Leong本書啊，我過埋呢個星期就要忙自已既書
唔再得閒試其他菜式餚
但會等到我完成project後會買佢第二本食譜書


無大志既我專搵較容易既去做，今次係鹽焗雞
材料係粗鹽、雞，好簡單，但當然都要花心機

雞係鐘點姐姐幫我買既嘉美雞，當然要幫我去除佢個頭喇
可惜我...我....我第一次斬雞，斬..到....爛晒，噢
得隻雞脾見得人，由於用嘉美雞整，整完隻雞完全無晒油膏，皮都幾成薄薄一層

食譜內無將雞包牛油紙，就咁放鹽焗
但我怕會過鹹，所以包一層牛油紙先去焗
味道剛剛好呢
如果唔想食得鹹的話，我都見議用一層牛油紙包住隻雞會較好

鹽焗雞食譜來自 ：安璞.滋味.知美

雞             1隻    約1.5公斤(3磅)重

粗鹽          3杯

醃料

鹽                 1茶匙

白胡椒粉     1/2茶匙

白紹興酒      1茶匙

醬汁

薑蓉              2湯匙

蔥花              3湯匙

鹽                  2茶匙

油                  2茶匙

1) 雞洗淨抹乾，放醃料搽勻雞腔內外

2) 吊起雞風乾，最好吊過夜

3) 3杯粗鹽落鑊(無油)，炒至聞到鹽香味

4)鋪開鹽，將雞放在鹽上，雞胸向下。雞背灑點鹽

5)蓋上鑊蓋，調火至最慢，焗20分鐘

6)翻轉雞，雞胸向上，再蓋上鑊蓋。繼續用極慢火另焗２０分鐘

7)如果雞還未熟，將雞側身放，腿向下，每邊再焗１０分鐘，全程蓋上鑊蓋

8)取出雞，稍為冷卻他將鹽掃走，然後斬件。將醬汁和雞件一起上枱



鹽要炒耐些少，我炒至微金黃色

圖二係炒至中般時開始轉色

 

同場加影：大地魚碎、蝦仁蒸水蛋
今次呢個蒸水蛋用大地魚碎同蝦去蒸，可惜蝦沉底，蛋上的點點就係大地魚碎啊
用大地魚碎蒸好香啊！比上次用蝦湯蒸更好呢

Y!blog工程將會令blog暫停兩日

你~我~相隔多麼遠~

那年那天可相見

那處境可會改~變！

最佳代替

今朝同大少爺出去IFC飲茶，去Citysuper補給完就返屋企

天氣悶悶咁，人都悶悶咁，週末實係人潮湧湧唔想行

唔想煲湯、又唔想煲糖水

突然醒起春桔介紹過既紫貝天葵飲品，即刻打電話比佢

買埋料就返屋企煲，好味啊

夏天將至我同大少爺既可樂癮好嚴重，可以煲呢個代替汽水

顏色都好靚，雪凍飲效果更佳

晌屋企整西餐時扮紅酒

你諗下一個好好氣氛，碰杯，飲既係中國草藥配方既紫貝天葵飲品

幾型都有~

紫貝天葵  　 清 熱 解 毒  (文章來自中醫網絡)傳 統 的 涼 茶 都 是 黑 色 的 ， 紫 紅 色 的 涼 茶 你 有 沒 有 試 過 ？ 紫 貝 天 葵 味 甘 、 性 寒 ， 具 有 清 熱 解 毒 、 利 尿 消 腫 ， 可 治 療 皮 膚 瘡 毒 、 喉 嚨 腫 痛 、 小 便 不 利 等 。 用 紫 貝 天 葵 煲 出 來 的 涼 茶 是 紫 紅 色 ， 除 了 色 彩 奪 目 之 外 ， 味 道 非 常 可 口 ， 而 且 功 效 絕 佳 ， 煲 好 後 加 點 冰 糖 雪 凍 ， 美 味 可 口 。

做法：笨B媽媽指導

去藥材店買1兩紫貝天葵，可以分兩次煲

一半份量先沖水，加用2.5L凍水煲，我煲20分鐘熄火再焗15分鐘

隔渣加冰糖，雪凍亦可加檸檬

儲齊碟頭

琴日行街行到好攰，要留晌屋企休息同埋寫寫寫

今日專登炒飯，剛好全個星期都係碟頭啊

哈哈！碟頭環節告一段落。。。今日午餐：炒飯     唔~~准~~噓~~

個炒飯跟Annie Leong做既，即時哼一聲啊

其實我唔識炒飯架！每次我炒飯大少爺都聞風喪膽咁！我炒飯好難食

我依然唔明白自已邊度出錯，仍然京華春夢般無語問蒼天咁

跟Annie Leong食譜，居然整到成功炒飯啊

原本叉燒係鐘點姐姐幫我買，我煮通粉用既

但我今朝揭下揭下本書見到大地魚末火鴨蟹肉炒飯，好想試整

我就唯有用蟹柳、叉燒代替吧！用大地魚末整既好香，好開心啊

一定會試多次用大地魚末火鴨蟹肉炒飯

個飯有用紹酒、魚露、麻油，第一次有炒飯見得人，哼 多聲啊

聽日大少爺放假試跟書整鹽焗雞啊！

 <----大地魚炸脆磨粉，用淨留起煮湯粉都好味


食譜來自安璞.滋味.知美

蟹肉      110g
燒鴨      110g
油        1/3杯
蛋        3隻
蔥粒      3隻
飯        2.1/2杯

魚露      1.1/2湯匙
大地魚末  3湯匙
麻油      少許
紹興酒    1湯匙

1)燒鴨拆肉，切小粒後，再粗剁成幼粒

2)拌勻蟹肉、燒鴨粒及1/4杯蔥粒備用

3)將鑊燒至極紅，下油燒滾立即熄火

4)下蛋漿快兜數秒。再起火，加入燒鴨粒、蟹肉及1/4杯蔥粒兜1~2分鐘，迅速加入白飯猛火同炒。飯和配料要炒至均勻，贊酒再同炒

5)灑魚露，隨意調較味道

6)放大地魚末及1/4杯蔥粒入飯內，快手兜勻，炒至香味四溢後熄火，灑上麻油

空白一片

早幾日復活節我又走去學人放假
放完假又話holiday mood約埋Fiona去行街
幾日只寫到幾粒字啊！噢
仲走去預訂位等大少爺請我食打氣飯、諗去街。。。

個腦空白一片，今日仲約埋Kathy行街、下午茶

呢個閉關午餐係琴日既午餐，炒年糕既材料用剩做架
係雪菜肉絲炆米，亞蘇食譜做既
亞蘇都教咗炒米粉既技巧
好味啊！我好少整呢類食物跟食譜做效果都幾好

仲有芒果西米

近來芒果當造，我用新鮮芒果榨汁再加西米

連糖都唔需要落啊

蘇施黃 - 飲食男女食譜

雪菜肉絲炆米

難度在於甚麼地方呢？

第一：米粉是很幼的，所以用來炒米粉的料亦要切得很幼細。現在的香港已不像我兒時，樣樣都是講心思、講心機，現代的香港人要快！有得吃而不用自己煮，已是阿彌陀佛！一點也不講究。

第二：米粉出完水，就會黏在一起，如果立即放落鑊炒，亦很難炒得開！你說怎麼辦？ 這個雪菜肉絲炆米可以在五分鐘令全家吃飽，但妳要預備的工夫包括洗洗切切都要接近一個鐘。

秘訣一：雪菜一定要用鹽水浸，雪菜中的鹹味才會出來。如果用開水浸，雪菜仍會很鹹。

秘訣二：銀芽要先用熱水加點油去灼一灼！這樣炒起上來銀芽仍是爽的而沒有生的味道。

秘訣三：米粉要用熱水灼一灼，然後攤開在上吹涼，米粉待涼後，用生油撈一撈米粉，米粉自然一條條分開，你再用剪刀剪開米粉即成。其他步驟照住做便有幸福的人生了。

材料

豬肉切絲

雪菜以鹽水浸一浸

切粒銀芽以熱水加少許油灼20秒

韭黃切11/2吋度青椒切11/2吋絲

冬菇切絲中芹切11/2吋絲

指天椒切粒

米粉新竹縣「佛」字米粉

醬汁材料

老抽、蠔油、糖、生粉、油、麻油各適量

烹調步驟

1. 米粉用熱水灼一灼約20秒撈起。不用過冷河，將米粉分開放在桌上待涼，之後以少許油撈米粉。

2. 以油爆香冬菇、肉絲備用。

3. 以油炒青椒、中芹一會，加入銀芽、雪菜、冬菇及肉絲，最後加入黃及指天椒。

4. 將米粉加入熱料內再加入醬汁，用慢火將材料及米粉撈勻。

5. 米粉上碟時應呈乾身，即成

感動的牛

*出blog隨意門

前文提要，收到一本好食譜當然要好好利用

牛魔王第一樣睇中既係......滑蛋牛肉飯啊

我雖然係牛魔王但好少炒牛肉既，因為怕自已炒得唔好

噢！這個食譜多麼令人感動啊~~~~~

完全做出合乎理想，好滑既牛肉加上滑滑蛋汁

我一定要繼續努力去嘗試食譜內菜式，哼~~~

個滑蛋汁仲可以改用雞、蝦球代替啊

食譜要用牛眼肉，但我晌citysuper只買到牛腿肉，都好滑啊

窩心禮物

收到一份很喜歡的禮物，送出禮物的psk_ho我仍未見過

佢令我最深印象係..........鍾意食戚風蛋糕同係vanlily既學生

所以晌3.8五喪聚會當日，我就托vanlily轉交一個戚風蛋糕比佢

客氣既佢送我一份禮物，從見到呢份禮物就感覺到psk_ho係一個細心既人

首先…係梁許安璞女士既食譜書【安璞．滋味．知美】

裡面既食物大多係耳熟能詳，但梁許安璞女士用講究做法去烹調

但係食譜文字唔會係好複雜，用化繁為簡既文字令人容易明白

並唔會像一般食譜將程序複雜化

而且圖片好靚，我好鍾意啊！

從前我只鍾意睇黃雙如既書

如今梁太太成為我第二個學習目標呢

圖片好靚啊

psk_ho細心到能搵到我最喜愛既 Mickey mouse x strawberry，呢兩樣都係我最愛

To:psk_ho

好多謝你既禮物，你太客氣喇！下次唔好再咁客氣啊

我好高興能夠有人同我一樣喜歡戚風蛋糕

做蛋糕最開心就係能找到知音人，希望我有更多機會同你戚風上交流

更希望一齊上你冬菇老師的蛋糕課

到時你就會知學生惡過老師係點樣上課啊

大少奶上

慰勞自已

是日午餐：

香草磨菇白汁三文魚配三色螺絲粉

我最鍾意既魚係三文魚，無論無何做法三文魚我都鍾意

呢份午餐食完令我好好好好好開心啊

我要食自已鍾意食物先有動力

所以仲特別預訂我鍾意既餐廳要大少爺放假陪我食呢

好彩！我並唔係想講我腦閉塞

尤於書中內容並唔係一本全食譜，所以文字部份都特別多

一次過面對咁多文字，仲要唔係我平時寫blog既全白話形式

幸好暫時仍能應付，並未有想象般吃力

過程中可以回味自已既點滴都開心呢

出版社名人眾多，我這粒small small small potato希望唔會失禮出版社

我的書開工了

各位~

歡迎來臨記者招待會，現宣佈我將會為我人生第一本書開工

當然你哋會好想知本書既內容，又會估係咪食譜？

本書其中一part係食譜

但其餘就係...

生活、深海擸奇、動物奇觀、插畫、大少爺怪癖、vanlily血糖報告等等(講笑咋)

其實暫時唔可以公佈內容呢！只可以透露唔屬於完全係一本食譜

但本書將會霸佔我既生活、亦會閉關

我都會分享下出書既歷程、趣事

(淨係與編輯&出版經理傾書過程都好好笑)

亦會加開新分類...My Book

希望唔好每日都只係講...............腦閉塞啦！(我真的怕會腦閉塞乜都諗唔到)

類似以下呢份簡陋午餐將會晌我忙碌既日子出現

為我打氣吧！

Tasting@東京2008

整理好耐既食店資料，搵埋網址方便去東京既朋友參考



牧場Shabu shabu

 地址： http://r.gnavi.co.jp/a068812/

的確幾抵食既，一試無妨

池袋Sunshine City 既烏冬店

佢有幾款basic既烏冬，配料天婦羅都係自助形式選擇

平均每款 yen100，烏冬彈牙又滑

Sunshine city有好多店鋪，衫唔貴但幾OK，更有家品、飾物、24hrs超級市場

地址：http://www.sunshinecity.co.jp/

牛角烤肉

黒毛和牛特選カルビ最好味都係Yen1200一碟

無得同六歌仙比，但價錢都無得比呢

我出年(希望今年)再去都會食既

地址：http://www.gyukaku.ne.jp/index1.html

美登利

新鮮好味既壽司，唔打算去築地魚市場的最佳選擇

此店經常排長龍，所以要預早去免排隊啊

晌涉谷 Mark city 4/F

Mark city 仲有其他食店，晌涉谷諗唔到食乜都可以上去睇睇呢

 地址： http://homepage2.nifty.com/sushi_no_midori/

Mont St Clair

好好味既蛋糕，尤其係榛子蛋糕同白朱古力raspberry mousse cake

我相信我有足夠時間的話都會再去食

地址：http://www.ms-clair.co.jp/

Sweet Forest

因為去 Cuoca買蛋糕用品，就上去試試

Um............我覺得裡面甜品對我來講唔吸引

我知有梳乎厘但我唔太鍾意

純粹個人感覺，你哋有興趣可以試試

 

 

抹茶甜品店@新宿

新宿小田急百貨食堂街，呢間抹茶甜品店的確好好好好好味

濃濃既抹茶雪糕、紅豆蓉、白玉子、底部仲有黑糖漿同寒天粒

大少爺曾經諗過最尾一日再去新宿食，但時間唔夠啊

墨繪

係我最愛既合桃包，佢只得幾款麵包賣，但非常好味架

Dalloyau

那個甜甜vanlily介紹呢間macaron

我覺得好好好好味，佢唔太甜，綠色有濃濃抹茶味

熱情果味帶微酸，係非常好味既macaron

呢間晌銀座及自由が丘都有分店，還有鹹食與蛋糕

蛋糕好靚架

好多人問奶味杯麵係咩味？似芝士撈麵既味啊

呢隻雪糕簡直令我著迷，好似食栗子蛋糕一樣啊

 

其實有幾間食店無post，因為可以睇番2007年、春天、秋天兩個遊記有記載的

有更多唔同東京食店資料啊

Click here--->  春の東京2007

Click here--->   秋の東京2007

                                                     ~~~完~~~

Day 5 @東京

旅程結束

初初打算主攻家品，結果又係失控地買衫、褲、袋

其實每日路線途都係買、買、同買既

今朝早依依不捨地check out

呢棵好靚，每朝落Lobby見到都開心

仲有櫻花啊

即刻盡最大綿力去博殺

我覺得sunshine city幾好行，衫唔貴但幾多款都OK

又有家品、飾物、仲有24hrs supermarket

但我住 Metropolitan行過嚟幾遠，今日特定嚟最後衝剌

我同大少爺都想再食烏冬

跟住打算去Tokyu hand買抹茶粉，點知。。。

天呀！呢隻抹茶粉色靚又夠香，鳴

Vanlily你去台灣Tokyu hand，就靠你喇！係我衰坐定粒六唔一早買

第二日我見到有架！諗住今日先買，結果。。。

帶著超級無敵失落既心情，落樓下見到呢兩個面具

香蕉同櫻花樹啊

 

行返酒店搭車，點都要食抹茶雪糕

去到機場駛埋散錢

紅酒係大少爺飲既

今次有漢堡扒啊！幾好味

將會開篇網誌紀錄所有食店及食店地址

等我抖下先

2008年11月再戰東京