滑

今日去citysuper見到牛仔骨既雪花紋好靚就想整
初初打算買支日式燒汁整，但現成燒汁多數好鹹
我唔想食咁鹹又再水腫，好珍惜自已唔腫既臉呀！我要下決心唔食咁鹹
所以用黑胡椒、少少鹽煎、再加少少紅酒就已經好味
仲有成9個月無整過既三色蛋，好滑呢！
當然一定會有菜但無影相


紅酒黑椒牛仔骨

唔好嘥

屋企常備麵包整三文治
整三文治我就會將麵包皮切出，但棄掉就好可惜又浪費
呢個時候我就會將麵包皮做croutons
甚鍾意caesar salad既我，對croutons直頭係狂熱既情度
用麵包皮去做特別脆
而家唔駛浪費麵包皮，又可以做出自已鍾意既食物一舉兩得
上星期煮西餐，我將佢用作送餐湯代替餐包
做法：
適量蒜蓉加少少鹽、用橄欖油起鑊慢火將蒜蓉炒至出味
熄火加香草 (我用Parsley)將麵包皮沾滿或塗上麵包條上
放焗爐焗至金黃色
我用橄欖油、可以用牛油代替

本色

今日想講...並唔係我經常會整既"金銀蒜蒸茄子"
係想講:睇書有個方法令茄子唔會變色，試咗都幾work，蒸完都仲係深紫色
我鍾意呢味餸，又可以令大少爺食多啲蒜粒去舒緩鼻敏感
我反而唔鍾意魚香茄子
蒸茄子蒸到剛剛好唔會爛，蒸完都維持本來既顏色

方法如下：
從書影出來的


金銀蒜蒸茄子做法：
按此觀看

了解我吧！

被Amy tag 中
Amy叫到我一定會做既，順便比你地了解下我嘛
遊戲規則如下:
A.　必須點名至少8個人，要用盡辦法通知各人參與這個遊戲， 人數不夠的話就少點，2個以上就行。
B.　被點名的人不可重複被點，每個人只可玩一次。
C.　回答問題當中時，需自行刪除一個不喜歡的問題，更 新一個新的問題，然後點名其他人來玩... 如此延續這個遊戲。
D.　答案需在各自的blog內公佈。
開始遊戲:
寫出填寫日期：August 27, 2007

1.有那一件你一直沒有做過的事令你現在感到後悔？
答: 上次去東京無行番轉頭買 Zucca隻錶
2.如果有機會可以讓你重回一個時間，你會選擇回到那個時間？
答: 6歲之前，有完整既家，當時同父母一齊四出旅行
3.你介唔介意人地點睇你?
答: 介意
4.你有咩死穴？
答:  PMS期間變醜既樣，講真係：爸爸既離世
5.如果中500萬獎金，你會怎麼花？
答: 無乜特別喎！500萬唔夠買嘉亨灣
6.你最怕的事情？
答: 失去至愛、失去健康

7.你覺得邊件事係令你最難忘既？
答: 未諗到
8.這輩子最想去的地方？
答: 希臘
9.你能放下現在的生活，去鄉村或其他城市重新開始嗎？
答: 鄉村一定唔可以，城市就OK既
10.最愛的食物：
答:  甜味既食物、所有牛肉做成既食物

11.最愛的顏色：
答: 紫色
12.最愛的休閒：
答: shopping
13.當你遇見一個想結識的人會說什麼:
答:  How do you do

14:現在最想做的事?
答: 即刻飛去東京、去shopping
15.最愛的口頭蟬：
答: 真係架？、哼！、噢！ 呢....................
16.最愛的小動作：
答: 拍手，我一大笑就會拍手
17.最愛的季節：
答: 秋天
18.最了解我的人：
答:精神領袖大少爺
19.最愛的私人時間：
答: 靜靜一個人既時候
20.最想見的人：
答: 爸爸...但無可能再見到既
21.愛的定義：
答: 包容、妥協、誠懇、關心、最重要係付出真心、唔好計較咁多
22.心中嘅目標：
答: 同大少爺快快樂樂健健康康生活
23.家下嚟緊最想希望嘅嘢
答: 快些到9月、買Stella McCartney對鞋、順利買晒我去東京 shopping list內既野
24.最喜歡的地方：
答: 近排好鍾意落中環、東京
25.當你開心 or 惕傷心時最想同邊個分享?
答: 大少爺
其實要tag 8個人，但發現呢個tag已晌Y!blog蔓延，所以想參予既就隨便玩啦

易叮

呢個Omelette cooker、快、方便、易用

整蛋包飯話咁易、叮一聲攪掂  

   

    

Tea with Lemon

我唔飲得咖啡，只愛檸檬茶
琴日就整Espresso 口味
今次輪到整比自已，呢個係 "檸檬茶戚風蛋糕"
係用 Earl Grey tea 加檸檬做既
呢個蛋糕未試味，但聞落好香檸檬及紅茶味~
下次我熱氣整埋五花茶味添呀！哼~

將會休息一段時間、甚至去完日本先會再整戚風蛋糕~

蜆現

話說大少爺係麵豉湯fans，每次去日本都會買幾包返香港
佢熱愛程度係........晌日本連宵夜都會飲麵豉湯
對上一次去東京佢就買內有蜆既麵豉杯湯返酒店飲，但........蜆有好大陣腥味
早幾星期佢晌香港見到另一款蜆肉杯湯又買，今次既蜆肉無腥味、甚至無乜味~
不過…麵豉湯就仍然好味
信我吧！今次去日本佢又會買


$10既杯湯有一包真空包裝既蜆
感覺上好抵
 

潮風

呢輪 Y! blog捲起戚風潮
菇奶奶、蔡蔡子、Angel同我都起勢咁整
的確戚風好味、變化多
原本無聊既我打算做個外表無乜特別但切開有花紋既 espresso chiffon cake
等大少爺切開時有一點驚訝
但一脫模就見到少少紋，仲有一撻咖啡漬.........噢！
不過好香既咖啡味呢！哼！

個底既花紋幾靚

戒不掉

由細到大都非常非常鍾意咕嚕肉 ，係咕嚕肉唔係生炒骨 (我唔鍾意食排骨)

唯一經常掛念既豬肉菜式，每逢出街食中菜都會叫

直至..............................我自已學識後

自已整會保證即炸即煮即食，而且自己炸個粉漿加吉士粉寧舍香

仲可以買瘦肉整，咕嚕始終咕嚕肉好食，其他咕嚕魚、雞、蝦都覺得爭了一點點

琴晚仲將個汁調教到剛剛好不多不少每塊都沾滿醬汁

個脆漿薄薄一層唔會厚

我每次食完咕嚕肉都有開心既感覺，當然係整得好既先會啦

材料

豬肉(按自已口味醃)

炸漿

蛋一隻

吉士粉、麵粉適量

配料

洋蔥     半個切丁粒

青椒      切丁粒

汁料

茄汁      2湯匙

白醋       2湯匙

糖           2湯匙

水          5湯匙

粟粉     1湯匙

鹽少量

做法：

1)豬肉加入炸漿(蛋與麵粉、吉士粉)入鑊炸至金黃備用

2)將配料略炒，將汁料攪勻落鑊同快手炒至透明狀再將排骨回鑊炒勻上碟



P.s 唔好再問我炸完既油點處置？嘥油、油煙呢啲問題，幾個月炸一次嘢我唔會計較咁多

再遇

又再整 "薯仔扮pizza"，依然好味

轉另一款日式意粉醬，更多茄肉及磨菇

噢！

食譜做法--->  薯仔扮 "Pizza"

呢隻低脂芝士............無味既？？？

反而試過另一隻低鹽就好味啲

頂天立地

又係戚風時間
戚風好味夠軟熟、口味又夠多，整既時候好有滿足感
我好鍾意打蛋白、打蛋白係一樣好有滿足感既環節
而且睇見佢升得起比睇見匯豐股升更開心
今次因為懶早咗放朱古力粒，攪到沉底，朱古力粒唔夠平均呢
*朱古力 味用可可粉導致質感會"鞋"少少，但放一晚後先食就會變番軟滑
                                                    原來係咁~

↓切出來頂天立地咁企身，就最開心

牛版

今日除咗去過金鐘食lunch，行西武同補給 skin care外
就返屋企開始plan 9月日本之旅，好似好快就半年咁
其實…無乜好plan，大致上同3月去既一樣
只係詳細計劃食乜、同買嘢既list！唔想好似3月咁太隨意
但當一個地方去得多就會覺得無乜好plan
***********************************************************************************
自從好朋友"菇Si"送咗本中華料理食譜比我後，我對中菜既興趣多了點點
呢個麻婆豆腐雖然普通，但個醬料係自己調較
我呢個牛魔王最鍾意將食譜既豬肉轉為牛肉，變成麻婆豆腐 (牛肉版)
可以的話我會將豬肉食譜變為牛肉、哼！
可惜…我人生最鍾意既菜式 "咕嚕肉"好似唔變得咁
還記得我曾經變種既咕嚕肉嗎？--->變種咕嚕肉

¤zª£¤e¿Nªe

我好鍾意食干炒牛河，但一碟就等於全日既 calorie
我咁貪心一定唔會比自已一日裡面只食干炒牛河
而且街外炒牛河食到最尾一定有一灘油
但自已炒有易潔鑊就好好多，油可以減少好多，仲可以事先沖洗河粉表面油
早幾日更將佢變為 "干炒叉燒河"
我經常去諗：如果可以連叉燒都唔食的話..........我就可以完全戒掉豬肉
↓唔關事既蛋絲由來：
係我上次整戚風時，隔蛋白唔小心整穿個蛋黃，就煎埋佢做裝飾
 
       表面睇到既油係最尾我加咗少少麻油
  

快、靚、正

今日起身飲咗杯玫瑰花茶

趁有少少時間就整桂花果凍，其實似啫喱糖多啲啲

但不失為快、靚、正既甜品

食譜：來自為食貓

桂花糖	3茶匙
魚膠粉	15克
水	200克
糖	45克

製作
1.	水加桂花糖煮滾。
2.	糖和魚膠粉混合後，倒入（1）中不停攪拌至完全溶化 。
3.	冷卻後倒入模中，放入雪櫃2小時，便成。

果凍模晌各烘焙專門店有售

瓜得 ~

買日本南瓜個真正目的.......其實係為想學整中式甜品
鍾意日本南瓜，佢既香甜係令人難忘，南瓜亦係非常有益既食物呢
呢個南瓜軟餅既質感好似年糕，但比年糕多一份鮮甜
做法亦簡單得多~煎得好完全外脆內軟
南"瓜"真係好"得"




食譜：改自 bon bon kitchen
材料：
南瓜  200g
糖       80g(可隨自已喜好多或少)
糯米粉   100g
做法
1) 南瓜起肉放微波爐叮4分鐘或蒸稔
2) 趁南瓜仍熱時加糖攪成蓉
 (叮 or 蒸完南瓜會有水份唔好倒棄，連南瓜一齊同糖攪伴)
3)加入1/3糯米粉攪勻，放涼後再加餘下2/3搓成麵糰
(如粉糰太乾可加少少水，太黏就用糯米粉做手粉搓)
(4)搓圓、按扁、煎、done~

南風

噢！好一個"南瓜戚風蛋糕"
用日本南瓜製成，好甜美既蛋糕
初初驚南瓜蓉會重身令佢升唔起，但事實..........有眼見啦！哼！
戚風蛋糕做得好既時候，真係可以好多變化

啤酒、辣椒、鯊魚頭

今朝上Tokyu hands網頁，搜尋下9月再去東京既must buy item
上次去東京既 Tokyu hands 睇中呢個面具
大少爺當然阻止我買啦！以我一向既作風實逼佢帶
↓當時無得買都要拎住影相

↓Toyku hands 網頁內真人示範
哇哈哈哈哈哈哈哈哈

仲有..........

泄氣

一個字：勇
今日原本無乜特別，但電視節目真係好好好好好笑
我要多謝一班香港先生，因為我真係笑到標眼水
Souffle唔難整、但好難影，一出爐就好似泄氣既汽球一樣
要影佢真係爭分奪秒，原本升得好高好高架
今次用雲厘拿籽做，好香呀

要風得風

今日有事要去觀塘，所以順道整德爾哥比風菠蘿蛋糕送比

GG

當放入盒預備出門口................就宣佈會8號風球
我都話我琴日
戚戚風就有回頭風，整完德爾哥比風菠蘿蛋糕
就直頭8號風球

GG我一定會再整過比你，一定會！

你睇原本已經安裝入盒


原本打算落下街既，但我屋企買野要落大斜，實在無可能落街
所以我無落街，屋企其實長期有儲備

但係一罐埋藏好耐等打風先食既罐頭鹹牛肉終於有得開喇 ！
(罐頭要8號風球先會食) 可以整蛋牛治啊！哼！
仲有...屋企必有既方包同薯片呢
不過…太大風無得買午餐肉啊！同埋打風應該食 "品客"原味薯片架嘛

想和你去戚戚風

近日經常想整戚風蛋糕，好耐無焗過
懷念佢既質感與味道
今次用雲尼拿籽整令佢既香味真係好吸引

↓黑色點點係雲厘拿籽
"Vanlily籽" 係Vanlily比我既vanlila 籽

Cool ~

天氣好奇怪，落雨就會清涼
但一停雨就熱，仲要係濕濕既熱
閉關拉筋既我都為自已準備定清涼午餐
就係........"芝麻醬冷烏冬"
將1個烏冬煮好過冷河浸晌冰水一陣，再隔去水份加上蟹柳、青瓜、凍雞蛋
最後加上芝麻涼伴醬...done~
配上冰凍海帶緣豆沙，就成為涼快午餐



我用既涼伴醬，Um.........味道都OK既，但唔算太好味


謝謝！謝謝各位來賓