3.加入蛋再用手搓勻
4.分三次加入鮮奶，每次加奶後都再用手輕力搓勻
佃煮秋刀魚
雖然包包唔食蔬菜(開始逐漸食多了)但佢好鍾意食魚
無論咩做法都鍾意
所以每星期都會有兩餐蒸新鮮魚比佢食
同埋得閒又會研究下魚類菜式
呢個秋刀魚佢最喜歡，無論魚味或個汁都夠濃郁
長時間煮完個魚嘅骨都多數食得(但都要小心)
所以每次整呢個佢都好開心
既然係咁就寫多次吧
秋刀魚 4條
醬油或生抽 50ml
清酒 50ml(可用米酒)
白醋 50ml
味醂 50ml
冰糖 3小粒
水 500ml
薑 幾片
蒜頭 3粒(切片)
乾蔥頭 3-4粒 (切片)
做法：
1將秋洗淨抹乾水，再切成一件件但唔好切太細，放入平底鑊煎到個皮金黃色就可以盛起備用
2.鑊放入薑片及蒜片爆香，然後加入醬油、、白醋、冰糖、味醂、清酒、水煮滾
3.加入三粒小冰糖
4.放入魚但唔好攪佢，汁料翻滾後轉細慢火蓋上蓋煮2小時
5. 1.5-2小時候汁應該會蒸發了一半，再開大小小火煮到收汁就完成
*因為用成兩小時去整，所以我一整整多d，咁隨時可以拎比包包做午餐
*可以放入冰格冷臟兩星期應該無問題，但放過入冰格就一定要徹底返熱
*雪櫃放普通格就3-5日要食完
燒櫻花蝦飯糰
話說去完個旅行叉滿電，一連幾日晌屋企煮飯都發掘到食譜
包包一個午餐都夠寫三篇
一來晌旅行買唔同材料返嚟激發起各樣idea
二來真係好比個腦放鬆幾日就有更多能量
之前都做過燒飯糰但總係覺得未夠好
終於做到一個非當滿意焦脆又夠味飯團
大家唔用櫻花蝦可以用鰹魚片的
包經理的午餐
呢個炸雞係最容易又最好味一次，嚴格來講佢只係落多少少油去煎
而且個炸漿只需要自己調較好方便，我唔太鍾意買現成加水炸漿
呢個都算係成就解鎖，哼
食譜：
雞扒 1件
醃料：
鹽 1茶匙
黑胡椒 少許
蒜頭 1粒(磨蓉)
炸漿：(以下撈勻備用)
雞蛋 半隻
中筋麵粉 1湯匙
生粉 1湯匙
麵包糠 1湯匙
水 1湯匙
做法：
1.雞扒去皮切件，加入醃料撈勻醃30分鐘或以上
2.將炸漿所有材料撈勻後，將雞肉放入炸漿
3.油比平時‘多少少，燒到熱鑊熱油放入雞件，轉中火煎至金黃色，再轉大火將油逼出
可以配沙律醬一齊食
另外一提：側邊個配菜IG有食譜
https://www.instagram.com/p/CvtmoqDyTHK/?igshid=MzRlODBiNWFlZA==
接上回....
Day 3
今次帶住長輩去旅行，雖然表E都係一個 shopping達人
但點都要去下風景地方
由於表姨丈好鍾意食鰻魚飯，表姨提議去"柳川"
於是Go Go Go
去到柳川當然要食鰻魚蒸飯，做過research間間差唔多
於是去最近"古蓮"
鰻魚蒸飯同普通鰻魚飯唔同佢唔係淋d汁上去就算，飯熱辣辣配上肥美烤鰻魚真係好好味
但天氣熱成咁如果要長者及小朋友晌船上一小時，就真係好容易中暑
最後決定去行下就算，的確沿途都好靚，表姨丈好行得開心
行完柳川下一站天神，晌呢度表姨去百貨公司，我一家去夾公仔同行細鋪
當然大少爺又去Bape買衫
行完一大輪，我就自己去食pancake包包同大少爺食烏冬定食
呢間pancake都要排隊但味道就一般
整體我覺得唔算好，而且有d腥味
Day 4
今次第一次同2個長輩旅行，感覺一定要睇下佢哋狀態
幸好，我一向去旅行都唔會覺得一定要晌短短幾日去晒所有地方
人生流流長可以再去，唔好攪到大家咁累
住博多有個好處，即使唔熟路都會去到對面大百貨公司、餐廳、搭巴士搭地鐵都好近
我一家自己出去表姨同姨丈都識得自己過對面搵食
搭巴士晌 pay pay dome站落，打算去Team lab但門口已經非常多人於是放棄
巴士301、333號都到的
包包同daddt去玩，我一個行mark is都可以行幾個鐘
Mark is有間Moff cafe可以同雞仔、貓頭鷹等等玩，但怕動物的我點敢入去
包包除了貓、狗都少少怕動物的，大家同小朋友來可以去下
大家都知我喜歡 3 coins，都有買到唔同家品
晌Mark is 排隊食手握壽司，我當然唔止食相中咁少，不過其他掛住食無影相
金沢まいもん寿司（カナザワマイモンスシ）
佢呢個蟹腳壽司好好味，個蟹腳係鮮甜
鏡頭後仲有食碎吞拿魚軍艦、一個貝類壽司都好味
加埋碟炸墨魚
跟住就繼續行，又買多個袋就搭車回博多陪表姨行百貨公司
之後返酒店放低d戰利品再會合兩父子去晚餐同買嘢
是福不是禍 拉麵逃不過
今餐輪到我要陪個仔食拉麵，當然又要排隊
晌博多站上面有拉麵街，重點係…間間都排隊
包包食一碗都話唔夠再額外添麵
但好彩佢終於話：短時間唔會再食拉麵，Yeah~
食完行博多行到腳軟先返酒店開始執行李
最後一日出去最後一擊，然後食午餐
呢個午餐晌博多食店街食叫"百菜筍"
佢呢個set有9種小菜，但每種都好好味好開心再配十殼飯
大少爺食sukiyaki都唔錯，包就食兒童餐
之後臭包仲買定便當上機食
去到機場繼續買，買到癲咁
今次我買好多mask、又買眼線筆等等
因為日元低，變相買護膚品就感覺好抵
不過唔post喇，護膚品各有喜好，自己選擇吧
另外每晚宵夜先癲
睇過我遊記都知道大少爺以前好鍾意日本食杯麵
今次同包包瘋狂食便利店食炸物同雪糕
便利店炸物同小食真心癲咁好食
今次除了炸雞，連炸咖哩包都超正
煙肉通粉沙律超好味，癲架
仲有雪糕，呢種有鮮果晌面乳酪雪糕好味
呢個脆皮puff癲架！佢真心好好食外層脆加上裡面澎湃吉士
呢個雪糕香港都有，但晌日本天氣咁熱佢方便食又好味，日本口味齋全好多
不得不吃厥餅
呢個益力多好多人買，但飲完又唔覺得好特別喎
晌柳川 lawson買到
路經麥當勞見到日本出香辣煙肉薯仔批，又食下
都好味！
超好味脆皮puff，外層香脆裡面好澎湃吉士
竟然晌呢度搵到達摩Miffy
個樣好衰，哈
當然要買蜜瓜，超甜
再見~希望快d可以再見
如果想參考更多地方如由布院、門司港等等可以睇返舊blog
http://iamtaisiu9.blogspot.com/search/label/2019九州家庭遊?m=0
