大少奶's Delicatessen

2019年10月17日星期四

秋

晨早流流食甜品好似有d神經病

但一起來感覺到微微秋風再加上心情就覺得好想有一碗暖而甜早餐

咁我又無奶油去食熱粟米片，於是乎就去整薑汁鮮奶燉蛋白

仲要落成2湯匙薑汁食到渾身是勁咁

近日心情總係悶悶不樂又分唔清為何事，為香港？為社會？為一幕一幕不忍看新聞

總之…大家都加油吧

秋來也秋去秋風教人掉眼淚.........................

呢個食譜每年秋冬都寫一次，20分鐘可以做到一碗甜品材料又打開雪櫃打開雪櫃就有

何樂而不為？做令自己開心的事吧

食譜：1人份量

鮮奶 80ml

薑汁 1湯匙(自己可以加多或減少)

糖 2茶匙

蛋白 1隻

做法：

先將薑磨汁，磨完隔渣備用，呢個份量係勁薑的

鮮奶同糖輕輕煮熱，唔需要滾只需要糖融化便可以

奶放涼後就加入蛋白同薑汁攪勻

倒落杯中封上微波保鮮紙或錫紙然後隔水蒸

凍水開始蒸，蒸到水滾後先計15分鐘，15分鐘後熄火唔好開蓋焗3分鐘便完成

先睹為快及生活雜粹粹
Pls Follow My IG
https://www.instagram.com/taisiu9_aubrey

/ 大少奶's Delicatessen

宣傳你的專頁

2019年10月15日星期二

為令包包無咁偏食，開始乜都整比佢食但唔准佢唔食

佢開始大個反而容易教，有一日佢乜都話唔鍾意食，我把幾火之下就播非洲兒童紀錄片佢睇

要佢知道地球上有些小朋友連雞蛋都無得食，自此佢真係有改善

其次就係我改善廚藝，繼續研究佢喜歡味道、賣相

包包唔太鍾意食薯仔但就會食到吉列薯餅，正確係：吉列磨菇洋蔥牛肉脆薯餅，亦即係可樂餅

我當然知道小朋友喜歡香口食物但唔會想成日炸比佢食，於是之前試過焗吉列豬扒

呢個方法對於有油份肉類就ok對植物來講就太乾唔好食

今次試下煎，原來煎係得架喎！唔係要好多油，只需要比平日落多少少就煎得到

煎既方法只可以係薯餅、非肉類食物因為薯餅內所有材料都係熟，但煎的話肉類就外層金黃色裡面唔會熟咁囉

另外整薯餅有個祕技令薯仔部份更香更好味，係乜？睇食譜囉

哼

食譜：

薯仔 300g

免治牛肉 180g

洋蔥半個(切粒)

磨菇 4粒 (切粒)

薯仔調味：

鮮奶 2湯匙

鹽 1/2茶匙

炒牛肉調味

生抽 1茶匙

鹽 1/4茶匙

糖 1茶匙

黑胡椒少許

吉列層：

麵粉 30g

雞蛋 1隻

麵包糠 30g

做法：

薯仔連皮蒸 30分鐘，或者烚都可以！連皮去整熟會香d，蒸/烚後放涼就可以撕開薯仔皮

將薯仔壓爛，加入鮮奶及鹽撈勻！鮮奶就係祕技加入鮮奶會更香

洋蔥、磨菇炒香，加入碎牛肉、兜勻加臨入生抽、鹽、糖、胡椒兜勻

炒熟牛肉後就可以放上薯蓉撈勻

將牛肉薯蓉搓成球狀壓扁做成圓餅形，順序沾上麵粉、雞蛋、麵包糠就可以煎

平底鑊加油，燒熱放上薯餅用中火去煎香，臨上碟時轉大火逼出油份就乾乾脆脆啦
(煎時太忙，無影相 sorry)

先睹為快及生活雜粹粹
Pls Follow My IG
https://www.instagram.com/taisiu9_aubrey

/ 大少奶's Delicatessen

宣傳你的專頁

2019年10月11日星期五

齊來摷雪櫃 3

繼續摷雪櫃篇

當落街變成一宗罪留晌屋企無可厚非，住深山既我深明呢個道理

好彩係我識煮，即使你困我晌屋內7日我仍可以自娛地煮

所以今星期都係寫摷雪櫃食譜，摷到雪櫃的盡頭都唔怕

今次係日式香煎藕片煮牛肉

火鍋牛肉片大多數用來火鍋、日式牛肉飯、牛肉卷等等，佢放冰格又可以保存

其實可以用來炒，今次加入香煎蓮藕片，蓮藕切片煎香係非常好食的

蓮藕片煎完再煮好入味又好香，我話比包包知係薯片，哈~蓮藕係可以存放，又可以煲湯炆煮

雖然呢個菜式唔算太吸引但勝在實用呢

食譜：

牛肉片半磅

蓮藕 1條

大蔥半條

調味

醬油或生抽 2茶匙

味醂 2茶匙

清酒半湯匙

糖 1茶匙

鹽 1/4茶匙

水半碗

做法：

牛肉片唔需要買太靚，靚牛肉片用來做火鍋或sukiyaki會較好

炒的買一般唔好太肥就可以

煮之前先灑上糖去撈勻再加少少醬油或生抽醃一醃便可以

大蔥切件

蓮藕切片再灑上生粉撈勻

將藕片煎香盛起備用

爆香牛肉同大蔥

將醬汁所有材料撈勻

倒入牛肉片中

最後加埋藕片煮滾就完成

先睹為快及生活雜粹粹
Pls Follow My IG
https://www.instagram.com/taisiu9_aubrey

/ 大少奶's Delicatessen

宣傳你的專頁

小朋友飲奶易便秘？有可能原來關嬰兒奶粉事

媽媽最大的心願不只小朋友要食得、便便都要得

轉食奶粉是挑戰，嬰兒便秘更是每個媽媽的惡夢

所以當媽後我就開展了poo poo研究員的生涯

好記得第一次幫包包換片時的情況、第一次接觸別人的poo poo印象當然難忘

往後的五年多每一日只要他poo poo去得好就放心

點解我不停提及poo poo呢？因為poo poo反映小朋友腸胃健康

好多媽媽都遇過嬰兒便秘問題，BB幾日無大便，然後心情煩燥、面仔又會起粒粒，搞到BB 同媽媽都睡不安寧

後來我發現嬰兒便秘問題，跟媽媽選用含有牛奶蛋白的嬰兒奶粉有很大關係

包包初生幾個月便開始吃嬰兒奶粉，當時我沒經驗只聽從朋友介紹去選購
當包包吃了那款嬰兒奶粉兩個多月後不但有嬰兒便秘的情況，皮膚還長了濕疹，又紅又腫令我非常心痛

但我仍然不察覺是那款嬰兒奶粉的問題，直至我帶他看醫生

醫生看完後便說包包吃的那隻嬰兒奶粉所含的牛奶蛋白較難消化，所以有少許嬰兒便秘的情況出現，而且引起皮膚敏感，醫生當時建議我幫包包轉另一款防敏的嬰兒奶粉。

包包轉吃之後皮膚轉好了，也再沒有出現嬰兒便秘，相信因為用左防敏奶粉，他腸胃轉好最大原因是因為轉了適合他的嬰兒奶粉
其實奶粉的成分對嬰兒腸道十分有幫助，它含有BL益生菌，可以平衡腸道菌叢，幫助腸道蠕動及消化，維持腸道健康。有助改善嬰兒便秘問題腸胃健康是健康成長的第一步！

BB腸胃不好，除可能出現嬰兒便秘之外，還會衍生其他問題，所以媽媽選購嬰兒奶粉時，要清楚了解當中的牛奶蛋白成份，如嬰兒奶粉中的牛奶蛋白難消化，便會有嬰兒便秘問題，以至影響皮膚健康和營養吸收

當媽媽遇上BB皮膚問題、嬰兒便秘、睡不安寧等等時，就要注意一下是否選用的那款嬰兒奶粉不適合BB呢？

而當BB有吸引足夠水份，嬰兒奶粉不含難消化的牛奶蛋白，但仍然出現嬰兒便秘的話怎麼辦呢？

如果BB在仍未適合進食生果、蔬菜時出現嬰兒便秘，媽媽可以先將雙手搓暖然後再幫BB順一方向搓肚仔，為BB按摩肚仔可以令BB腸能夠郁動，咁就好快解決到嬰兒便秘的煩惱

想知多啲育兒資訊上呢個網睇睇啦：http://bit.ly/2mRPdNY

#資料由雀巢營養1000天計劃贊助

2019年10月9日星期三

齊來摷雪櫃 2

栗子係可以放雪櫃保存，所以晌屋企想食炒栗子時可以試做呢個糖焗栗子
同一做法用來焗番薯都得(早幾年寫過) http://iamtaisiu9.blogspot.com/2012/12/blog-post_9782.html
佢焗時有炒栗子香味但當然又無咁香

事實係街上已經好少栗子香因為已經無乜炒栗子檔

買定栗子晌屋企煲湯又得、炆又得、焗又得

當落街都成為一宗罪時唯有自給自足

不停寫摷雪櫃自給自足食譜哼~