好明白包包同我一樣，晌呀姨身上的確感到幸福
這旅程完結時包包知道要同姨婆道別時有點依依不捨，又不停話：好唔捨得姨婆
我心想：我都係！不過出年如無意外我又飛過加拿大，總叫有個盼望丫
最尾一日都係去下西門町買下手信，原本我帶呀姨去永和豆漿食燒餅
上次同大少爺食又新鮮又好香，今次大不如前
佢個栥飯同豆漿都叫ok
幸好我重遇晌街尾賣燒餅個叔叔，佢依舊推著車仔去賣燒餅
仲同我講：唔好食我唔收錢！
佢好好食好值得介紹
地址：晌永和豆漿條街個街尾
當時11點好多地方都未開門，大少爺買完滷味就一定要去蜂大買合桃酥
佢癲架
之後行完返酒店執行李，呢間酒店2pm check out
hea住執都夠時間，之後去食午餐
大少爺終於食到滷肉飯，呢間叫：四方阿九
我同包包、呀姨食湯麵又幾好食又平
之後去飲下咖啡週圍行下睇下
臨走前司機Hanson車我去埋花花邦妮買爆谷同新出軟糖
Hanson送我呢隻鳳梨酥好好食，佢表層鬆脆裡面唔太甜有驚喜
好好食呢
其實我仲買了好多，薑茶、各樣小食等等等等，無力影了
包包晌姨婆身邊永遠都開心笑
今次如果唔係因為呀姨回來我無打算咁快去台北，本身plan了先去九州再去台北
但今次我體驗到台灣人善良，我只搭了兩程地鐵每次都有人讓位比包包同呀姨
食店店員好有禮貌、公園小朋友好有教養、即使夜市咁繁忙但檔主都好有耐性
百貨公司職員好殷勤又好招呼，這些好似晌香港好難再遇到咁…
謝謝呀姨陪我一家三口過了開心4日，期待再有機會帶你去旅行
出年我地又會來痴飲痴食痴屋住，你好執定屋喇！哈哈~
大少奶's Delicatessen
宣傳你的專頁
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾