細個時我最鍾意一放假就去呀姨屋企住，一住成個星期咁滯
直到我中學差不多畢業呀姨一家便移民，知道那一刻有心碎感覺
然後因為外公離開後無耐又無internet便失散
尋尋覓覓後再度重遇便決意飛去探佢
今次我終於明白點解自己咁鍾意住晌佢度，細個就覺得表弟妹一齊玩令我孤寂童年多一點色彩
到今時今日了解到做呀姨子女及孫兒係多幸福，呢種幸福感係我一直缺乏的
而包包都仿似與我同一感受
每日早上包包一醒就會話：我要落樓下搵姨婆，出街出得耐又話要回家搵姨婆
每早包包落到樓下叫：姨婆早晨後就會聽到我呀姨輕聲問：你今日想食乜早餐呀？想食多士？麵？烏冬？
任由包包點菜就會煮比包包食
晚上包包到時到候又問：有無生果食？
姨婆就會問：你想食 kiwi？芒果？blueberry？士多啤梨蘋果橙？
對於無乜長輩緣份嘅包包來講係人生的bonus
感謝呀姨給我一家充滿幸福感旅程
而我最大回饋就係煮飯比佢食同令佢笑
在我身上早早知道幸福非必然所以我好珍惜呀姨一家，一別廿年我還多了兩個表妹夫及兩個表姨甥女，還有仍然無變過的表弟
一家三口坐15小時飛機............期待重聚的一刻
Day1
入境需知：
去加拿大要申請ETA，一定要上佢政府個網站申請再比 $7加幣
然後記得 download個app for入境
從前入境要填手寫入境form，而家上個apps填資料
即使晌飛機離線都填得到，去到就去自助入境機 scan passport同影相
跟住再入入境counter比人問幾條問題便可以入境
一次過可以填幾個同行的家人或朋友
記住喇
攝於 backyard，重聚的晚餐
我們終於重聚了
Day 2 睡醒一覺就同呀姨及姨丈出去飲茶
好鍾意外國天空好大好大，但其實每個人頭上也有一片天的
呀姨帶我去超市，因為我答應過包包帶佢睇玩具同食漢堡包
慰勞佢坐了15小時飛機，佢全程機都好乖好乖
臭包拎住姨婆送佢的禮物好開心
第二日我就決定要煮晚餐比表弟妹食，每一餐飯都走幾間超市先買齊
而且價錢都唔平，煮一餐真係唔容易啊
Hero Burger
呢間味道不錯，而且佢任你揀配料、醬汁
至少洋蔥都新鮮過人的
包包都大滿足地食，每次旅行都放任佢食
食完買完材料就回家開始煮，整
粒粒都是精華，但加拿大買雲吞皮比香港細塊所以包出來又特別細粒
我6歲開始呀姨同呀婆每次見到我都問：你識煮飯未？
佢估都估唔到廿年後我教佢煮野，哼~
當晚大家都鍾意"焗蠔砵"，即是焗魚腸個friend
仲有港式炸醬麵(無影相)，還有潮洲蠔仔粥(又無影相)
有影相既有呢個：味菜牛柳絲炒麵
當晚大家都開開心心晚餐
新鮮即製西多士
大少奶's Delicatessen
宣傳你的專頁
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾