經過三日澳門之旅，今日下午終於回家
其實個trip好悠閒就係做spa、做facial、修甲、走訪4間米芝蓮餐廳、陪下包包玩咁
但始終有船程回家後都幾累，我仲book剪頭髮
剪完後大少爺叫唔好煮飯，但我又手痕
諗起雪櫃有火鍋牛肉、有粟米、其實可以整Pepper Lunch個炒牛肉飯
當然以下圖片係用作影相，影完我會再開火炒熟晒先食，我未至於生番到用生牛肉撈飯食呢
以前香港未有pepper lunch時，我同大少爺去親東京都會食
但香港都有後就無再食，大少食最喜歡食個鐵鍋炒飯
佢就如下圖咁，然後撈勻利用鐵鍋既熱力將牛肉整熟
再淋上燒汁就完成，何其容易既事
我今晚鋪好晒預備影相時，大少爺入廚房見到即時好開心
佢成了大半鍋呢……
做法好簡單
牛肉片 隨意(大約半磅)
飯 2碗(或自己所需份量)
粟米、芝士隨意 *芝士用mozzarella cheese
鹽、黑胡椒少許
日式燒汁 隨喜好落
用一個平底既鍋，搽一層麻油然後就晌側邊鋪牛肉牛肉灑上鹽
中間個洞就放飯，面層再放粟米、黑胡椒、芝士，牛油可以放少少(呢塊我影完相就切走一半)
用中火將個鍋燒熱，當牛肉開始轉式時就可以撈勻，慢慢牛肉就會熟晒
食時再淋上燒汁就done
*注意既係飯最後係比較乾身，咁炒出來質感最好
大少奶's Delicatessen
宣傳你的專頁
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾