2007年2月19日 星期一

年初二


恭喜發財!
琴日去拜年
今日就留晌屋企煮開年飯,但未諗到煮乜好
新年前咁忙,而家又好想懶下
但一定要煮開年飯,煮乜好呢?
________________________________________________________________
1830hrs:開年飯
上湯金華火腿蒸班塊
做法:將班塊洗淨抹乾水用胡椒粉搽勻上碟,放上金華火腿上面
將半杯上湯加粟粉攪勻後淋上魚面蒸,蒸好隨意加蔥及芫茜




滑蛋蝦仁



南乳齋 (真係食足幾餐,好厭)



蘿蔔粟米煲瘦肉湯
大少爺話近排好滯唔好煲花膠,但我又唔覺花膠好滯呢



蓮子紅棗雪耳糖水
浸軟雪耳;紅棗、蓮子略浸煲到雪耳、蓮子稔身加冰糖



始終都無整雞,其實我尚努力鑽研中菜菜式
希望出年能夠鮑參翅肚樣樣皆能,大少爺你食住先啦!
相比以前日日出街食已經好好多呢!

26 則留言:


  1. 早呀!家嫂!!! 俾封利是仔你地兩個, 乖乖地呀

    回覆刪除

  2. 煮開年飯, 嗯...食多左油膩野, 不如整個清清地o既蔬菜丫? 有上湯浸, 濕濕地o既好唔好呢?

    回覆刪除

  3. 開年飯好似要有鯪魚呀!  但係煮冬菇發菜蠔士都得喎

    回覆刪除

  4. honey 如果可以 ... 我又想食白粥呀   尋日食左好多糕,好滯啊 ... 晏晝要出去拜年,又要繼續食糕 + 今晚要出街食飯 ~ 所以,今日o既主題依然係「滯」

    回覆刪除

  5. 姑奶奶 .......多謝你呀!家嫂錫晒 提子太太 ....冬菇發菜蠔士我都唔食架 darling ....我正有此意食白粥,我好滯個肚唔舒服 ,新年食白粥會唔會唔好意頭呀

    回覆刪除
  6. 食粥可以叫佢做" 豐衣粥食 "嘛!!! 淨白粥當然唔係咁好啦!!! 建議落啲: 紅蘿蔔 ( 鴻運當頭 ), 粟米( 黃金滿屋 ), 腐竹( 生活富足 )!!! 色彩繽紛又貼題!!! 食完真係 豐衣粥食 , 一世冇憂!!!!

    回覆刪除
  7. 白粥得呀!! 唔怕唔好意頭架. "豐衣粥食" 一樣掂!   我都煲左呀! (嘻, 你一早敬o既心抱茶我飲左啦, 好甜~係咪加左幾粒紅棗裡頭呢? 呵呵 )

    回覆刪除

  8. 粟米粥又可以同 南乳齋一同食

    回覆刪除

  9. 今年開年飯我都係自己煮..早兩日都真係食得太激喇.今日一於整過“金銀滿屋”(鯪魚球併西蘭花)、“豬年發財”(腩肉炆發菜蠔士)再加過“豬年大旺湯”(木瓜紅蘿蔔雪耳瘦肉湯)兩個人兩餸一湯岩岩好

    回覆刪除
  10. 幫到人等於幫到自己大家要開開心心,反對任何人抄人家答案作為自己答案,希望大家知識日日增~2007年2月19日 下午3:04


    開年飯咁快諗好既,我都重係諗緊中~~

    回覆刪除
  11. 大少奶~~~ 豬豬年祝妳笑口常開, 食極都唔會好肥~~ 哈!!! 好耐無上黎喇~~ 睇到你整o既蘿白糕, 真係好想再食下媽咪整o個d..可惜我又返左澳洲喇!!! ><" 嗯..可能會下定決心自己學整!! 哈~~~ 不過明天該會整下蛋白cake~ 希望成功啦!!

    回覆刪除

  12. 大少奶, 多謝您呀! 我祝您抗氧化成功, 笑口常開!

    回覆刪除

  13. 大少奶,祝你豬年日日都同大少爺甜甜蜜蜜﹑開開心心。有冇打算今年生個金豬仔/女呢?

    回覆刪除

  14. 二人晚餐, 簡簡單單已經好滿足啦~

    回覆刪除
  15. 花膠可能比較"立"口呀!! 所以食得滯滯地果排都會想飲另一d湯! 大少奶,恭祝你豬年樣樣順心,整多d好"送",發財發財~~~

    回覆刪除

  16. 大少奶, 你蒸既斑塊好靚呀! 南乳炆齋愈耐愈入味,愈耐愈好味呀! (不過非常同意好悶!) 今年我冇同屋企人過年,返老公家過年又冇齋食,所以今年冇食到齋! 下年都係要學大少奶咁自己煮開年飯先!

    回覆刪除

  17. 我都有食餐好既 多謝我的mother大人 你睇左未呀 !我的新年飯

    回覆刪除

  18. 我好欣賞你既上湯金華火腿蒸班塊 我都會自己整黎食 ~~ 想比D好攪笑野你睇!!我拍攝左好有趣的龍蝦 快D去睇 ~ 會笑死你

    回覆刪除

  19. 家嫂: 哇  你菇奶奶我最鍾意食中餐架!!! 碟金華火腿好靚呀!!! 我好鍾意呀!尤其有d 芫茜襯埋, 感覺好清新. 我相信以你的努力同心思, 鮑參翅肚指日可待!對你有信心呀! 話你知丫, 我同你茄子老爺知道杯茶o既用意之後非常開心, 佢叫我要封番封利是俾你呀! 呵呵呵!!  

    回覆刪除

  20. 你的開年飯我十分之欣賞 總好過餐餐食雞

    回覆刪除

  21. 最中意食蝦仁炒蛋, 大少奶炒得幾靚!

    回覆刪除

  22. A.......大少奶 今早我見你味煮噃﹐ 今晚去完街返黎見你都煮得好正呀!!!  果個滑蛋蝦仁我都想食!!! 原黎你唔食冬菇蠔士﹐唔緊要啦﹐最緊要煮D鐘意咪得囉!!!

    回覆刪除

  23. 我最愛的青紅蘿蔔粟米煲瘦肉湯 清甜之潤, 蓮子紅棗雪耳糖水甜到溜
    特然好想向你度搭 食 呀

    回覆刪除
  24. 好欣賞你整嘅 "上湯金華火腿蒸班塊" & "蓮子紅棗雪耳糖水" 呀 ......可否post 食譜出來呀

    回覆刪除

  25. Auntie Goo 菇菇姐 菇奶奶....我終於有煲白粥呢 你幫我多謝茄子老爺丫! 其實煮中菜我尚在學習中呢! YanYan4小咪 咁我就祝你豐衣粥食 , 一世冇憂!!!! Pegasus 係喎!不過琴日我屋企無粟米呢 因為拎晒煲湯 莎莎 你煮既菜式比我傳統得多 你好叻 劉夫人 祝你萬事如意、身體健康 我的心永遠只有她 我一睡醒就諗煮乜開年飯呢 Nay 我都祝你心想事成、新年快樂 蛋白cake祝你成功 pandayan 多謝你呀!你都要抗氧化成功 Athena 有考慮過,但又好想繼續自由自在呢 亞B 係呀!不過我老公好奄尖呢 小虎麻媽 我都祝你事事稱心滿意 小熊子 我睇左果然攪笑呢 紅蘋果 係呀!加上我腸胃唔舒服,簡單好d 好孩子Philip 多謝你讚賞呢 提子太太變態樂園 係呀我唔食冬菇蠔士發菜、豬手都唔食架 KT 哈哈!經常都有人話要上我屋企食飯架 GG 其實呢兩樣我隨心整,我略略講做法啦! 上湯金華火腿蒸班塊 將班塊洗淨抹乾水用胡椒粉搽勻上碟,放上金華火腿上面 將半杯上湯加粟粉,淋上魚面蒸 蓮子紅棗雪耳糖水 就只係浸軟雪耳;紅棗、蓮子略浸煲到雪耳、蓮子稔身加冰糖 其實呢兩樣好易做呢    

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾