Lunch buffet @ JW MARRIOTT

今日又到JW Marriott食 lunch buffet
其實我已經唔記得食過幾多次，只知我一直只揀JW
但今日無乜心機，因為天氣好悶人好憎潮濕天氣，食完只行西武同連卡佛既鞋堆徘徊一陣就返屋企
Jw終於轉菜式、但甜品我就食好少，因為大多係mousse cake
其實好多選擇只係我唔太喜好，甜品同-->tea buffet 差唔多
總括來講依然出色、熱盤多數係海鮮，魚菜式亦多
龍蝦就只得即熱食，我食唔到咁多只post心水之選
價錢並唔貴$298+10%
↓橙汁任飲


↓海鮮、其實除咗我揀既蠔、長腳蟹、螺、帶子、青口外，場內仲有蟹同蝦架！

↓今日得一種蠔，澳洲蠔比較creamy、細隻但蠔味夠、又有海水味，good！


↓煙三文魚好味，唔太鹹又比較嫩

↓睇唔出好好味既風乾牛肉薏米湯

↓我心水之選


↓新加坡式辣椒大蝦，好味

↓炆花膠、㊣

↓炭燒牛柳比燒牛肉更出色

↓炒蘆筍

↓深得我心既藍芝士汁配 romaine，覺得 配spinach會好食啲
個 crouton好好食架！


↓甜品
我都唔記得去邊度搵到粒士多啤梨

↓好味即製pancake
↓麻麻地朱古力蛋糕

↓杏仁焦糖片好好味架！
其實個底有燉蛋，但每次我只揀個糖片食

↓雪糕
士多啤梨雪萉同古古力雪糕

又食又拎的午餐

晌舅父、母眼中我係被寵壞又唔識照顧自已既
所以每次去舅父屋企佢哋都會問我想食乜、然後整比我食
舅母更加會整多啲比我帶返屋企
琴日我就事先講想食粥、炒米粉、同腐皮卷
舅母就整比我、仲有得帶返屋企添！次次都又食又拎架！
琴晚食完個A-1把鬼下午茶做晚餐
今朝好肚餓，就早咗 食午餐喇
↓My set lunch

↓舅母親手包既腐皮卷、好好味架！

↓舅母整既炒米粉

↓琴晚學"秋香珍妮仔"煲既紅棗雪耳蓮子糖水

聽日約了忌廉bun小姐食 
Jw Marriott   既lunch buffet
希望唔會就係同之前去一樣款式啦！
因為差唔多次次一樣，雖然好味但無新意呢！

陳氏宗親三色蛋群英會の賀年食品

【陳氏宗親三色蛋群英會】發起賀年食品交流
當然唔少得身為會員既我啦！(我係永遠榮譽會員添呀！哼！)
我賀年食品包括有、已經整咗蛋散、星期日將會整既蘿蔔糕、年廿九既整椰汁年糕
而今日就有 "美麗舅母馬蹄糕"
舅父一家由加拿大回流後每年新年舅母都整馬蹄糕比我
琴日去舅父屋企，舅母已經整好一底比我喇！
舅母話佢用既馬蹄粉係較特別，所以比較難買到亦特別好味！
多謝舅母！
今次就用舅母作品先啦！
我要休息一、兩日、拉下筋(<--純粹扮勁)，預備自已整既糕點出場
我由錫紙盤取出時整裂少少添！


食譜馬蹄糕               
材料
part 1
馬蹄15粒或隨自已喜歡 
白糖 150g 
水400ml
油半湯匙
part2
馬蹄粉150g
水    150g
     
做法
 
1 馬蹄切粒、糕盤塗一層薄油 、part 2材料混合
2 將part 1煮沸加馬蹄及part 2
3 煮至杰身入糕盤蒸30分鐘或熟透

一屋不能藏二樹

再見喇！兩年來日日無論入房間或去洗手間都要經過站立於走廊前既鐵樹 
再見喇！每次返到屋企打開大門都見到既鐵樹

不經不覺鐵樹晌我屋企已經兩年喇！為了比更好環境佢
我決定將佢送到舅父既花園洋房
而新既發財樹就取代鐵樹位置，但我特別為鐵樹留倩影，好好紀念它
只要到舅父既花園洋房就能夠探望佢
_______________________________________________________
今日一早去舅父屋企，好遠啊
舅父由加拿大回流三年，我同大少爺經常去佢屋企
舅父個人好好笑架！佢好似大Bear Bear
舅母又靚又好、仲有我經常提及既表弟同一樣係癲既表妹
去佢屋企我經常笑到喊架！大少爺今日仲表演魔術添！
下晝打算返屋企到五點幾時轉折間去A-1 Bakery & cafe 食Tea
噢！no good！
↓大少爺話難食既鮑魚牛肉拉麵

↓勁後悔叫既釀雞亦及洋蔥圈，無諗過釀雞亦係炸
仲要有一層漿添！釀雞亦裡面只得西蘭花
結果食兩件後就比埋大少爺


↓iced tea

總括來講：【難食】

High tea @ Cafe Landmark

PartII只做了一半、睇完花師奶就要加個Part III
好眼瞓  ，落到中環大少爺話去 IFC 既A/X睇衫
買完就行過Landmark去JURLIQUE 補給香薰油
之後佢原來同我去Cafe Landmark食Tea
無買年貨又要再出去
High tea對我來講唔大興趣，唔鍾意三層糕餅
我平時行街下午茶只鍾意Delifrance, super sandwich或者食雪糕 & waffles
除非約朋友下午茶傾計想坐好少少
但我開心大少爺細心，雖然唔正宗但比較適合我
大少爺諗到呢度唔止糕餅還有點心
又可以滿足佢"太太"既虛榮心

頂層點心
鮑魚燒賣、春卷、水晶糕

第二層小點
芒果蝦、帶子菠蘿、芒果凍卷、吞拿魚番茄、吞拿魚卷

底層
栗子蛋糕、Tiramisu、scone、蜜瓜tart、綠茶mousse

配scone
Wilkin & son 既jam、仲有cream

另叫既玫瑰雪糕
相傳香香公主食花所以身上發出香味
但我習慣塗香水所以唔知自已食完有無香味
令我諗起"文華"既
Rose petal  jam
Menu內有多款雪糕揀，有腰果雪糕但唔敢試


大少爺既 Latte


我既iced tea

格言與宗旨

Good morning
今日早起身準備食完早餐就去銀行唱錢
分part I &part II去做，因為希望做完part I返屋企睇【明成皇后】
休息一陣再進行part II
大少奶既格言與宗旨係將忙碌與休息成正比
【看似好忙碌其實又好悠閑、看似悠閑又其實好充實】
                                         亦可換成
【無聊事情認真做、認真事情就求求其】呵呵呵呵！
所以大少奶呢份工好多人都想應徵架！
Part I   ：買盆栽、銀行唱錢封利事、唱日元
Part II ：仲有大少爺同我神秘high tea、辦年貨
希望完成順利part I，我會直擊報導 "大少奶向現實低頭排隊換銀紙實錄"
__________________________________________________________
Part 1  done!
報時11:00
今朝去美心快餐食早餐，兩個字形容個早餐"把鬼"，不過見到有個傻佬晌度唱大戲

跟住去銀行唱錢，銀行門口排超長人龍、排到出銀行門口
大少爺個戶口係可以去另外既 特別counter，都有十幾人排隊
唱埋日元就買風水盆栽
買盆招財樹，有6呎高呢

Hero

曾經不下數十次想晌自已blog內寫你
想寫你既型、寫你有幾潮、寫你幾咁叻
寫你幾咁錫我、寫你既品味、寫你既威水史
寫你既識食、寫你貪靚、寫你偷食我既薯片唔認
每次眼淚矇了雙眼而寫唔出，我並不如外人想像般開朗
只係我遺傳你大情大性既性格
2月6號係我人生最討厭既日子
2001年既2月5號我最後同你對話、翌日2月6號你就離開
爸爸 .....從此我同你不能再呼吸同一天空下既空氣！
原來我眼中既Hero有離開我既一日
You'll be in my heart
Yes, you'll be in my heart

Now and forever more.................
               
此篇不設回應，請見諒！！！

自製蛋散 (附食譜)

Vanlily  得了蛋糕比賽冠軍，你恭喜佢未？
未就click-->按此觀看  睇下出色既蛋糕作品啦
_______________________________________________________________
大少爺家人6號晚返去屬於他們既地方先得閒
我打算7號大少爺放假陪我就可以搜購年糕及蘿蔔糕既材料
但只要有空檔我都努力鑽研新年食物
第一樣又係唯一一樣我會炸既就係【蛋散】，我唔會炸角仔之類
第一次整得唔靚，扭得唔靚會散架！好彩唔算太差
以下係順序做既
第二個目標：蘿蔔糕
第三個目標：椰汁年糕
第四個目標：南乳齋煲

 

食譜改自：為食貓
材料
麵粉 200 克

生粉      25克
發粉       2 茶匙
油           3湯匙 (原食譜用豬油或固體菜油)
蛋           1 隻
清水       30  至 40 毫升 
鹽           1/2 茶匙 

製作過程
1.將麵粉、生粉、發粉篩入大碗中，加入蛋、水、豬油/固體菜油 ，搓成粉糰。

2.在工作桌上灑上乾麵粉，用棍壓薄， 用小刀切成1吋乘2吋長方形，在方格中間切一刀。將一邊粉格穿過另一邊，成蝴蝶狀。

3.用中火炸至金黃色，用廚房紙吸去多餘油份待冷即成。 
Tips：
非常易做，只需將材料混合就可以
我自已改為普通油，而且發現如果你做既時候覺得太乾身可再額外加少少油
個麵糰油潤為之理想，做好後亦會比較酥脆
做兩轉，第一轉(即上圖)無額外加油亦比較厚
第二轉就額外加半湯匙油麵糰較油潤，亦碌得較薄做出來比較好食、更加酥脆
　

農圃

其實大家會發現我唔太鍾意食中菜
我能夠鍾意既中菜館只有幾間，而【農圃】係頭一、二位
下午飲茶係非常寧靜，就算坐滿人都唔會嘈，點心都好味
連餐前小食既小黃瓜及滷牛展都非常好食
有一次同大少爺點了一個午市套餐食，價錢大約$298一位，兩位埋單連加一茶介$650
呢個Set我同大少爺食過幾次都唔厭
菜式
鮑粒生菜包
古法糯米雞
原盅南瓜海鮮翅
魚湯米線
杏汁燕窩
另外叫兩個燕窩流沙麭
同貼滿明星、特首、三司十一局長個個都讚既相，尤其係古法糯米雞



↓餐前小食

↓鮑粒生菜包

↓古法糯米雞  (其實糯米釀雞亦)


↓非常好味既  原盅南瓜海鮮翅



↓魚湯米線

↓杏汁燉燕窩

↓燕窩分開上

↓燕窩流沙包

↓好凶湧既流沙

被遺忘的【噢！蟬】

其實呢支按摩棒係我送比大少爺既禮物
我絕少用既~
可能早幾日辦年貨週圍走又陪大少爺家人週圍去覺得好攰
晏晝就拎出來試，，原來好好用
佢識發熱所以按既時候好舒服
佢其實好重但當時個售貨員話重按落似人手按摩，原來係真既
不過…佢有個功能叫"負離子"，我唔知係做乜，放上頭髮都又唔見佢會直
按完覺得膊頭鬆晒，好舒服
買既候$998，但而家應該會平啲，如果考慮買按摩器不妨考慮下
我好少介紹物品，但呢支的確幾好
PS.我仲未諗到情人節禮物呀！大家有乜建議呢？分享下好喎！
↓個士多啤梨係令佢上鏡 cutie啲