穩陣

做節諗菜式最重要係時間上配合

當你要煮一圍食物，你要用盡屋企蒸、煮、炸、焗、燉、炆

仲要有雞有魚有肉有菜有乜乜同有物物

整做節雞係最考起我，我唔太識白切雞，又唔太識油雞

又怕雞頭又怕頸總之就一籮問題咁

所以自從識呢個五香手撕雞就方便好多，唔使斬雞、做法容易，時間只需要蒸25分鐘

最唔使煩就係呢個菜式

雞     一隻(約2斤)

五香粉       2茶匙

粗鹽          2湯匙

薑蔥適量

做法：

雞先洗淨然後索乾水

五香粉加粗鹽撈勻，搽勻隻雞

雞腔肉放廚房紙巾

將雞包起放雪櫃一晚，蒸之前就沖一沖去洗走鹽份

盤鋪薑蔥放上雞，然後蒸25分鐘後放涼就可以手撕

最後可以留起蒸雞汁，臨食前淋上雞面




大少奶's Delicatessen

宣傳你的專頁