2007年3月9日 星期五

極速完成的晚餐


嘩!我今朝睇完明成皇后,食一份三文治後
瞓著咗,瞓到花師奶主題曲響起,就撐大眼睇花師奶
再懶床到5點半呀 (<---我都話我懶架啦!)
我極速買餸,我應承過大少爺煮飯既~
貶下眼八點喇!食完飯碗都洗埋
話說我成六點幾先買餸,我好唔鍾意食預先醃定既肉類
雖然方便一煎食得,但總覺得預先醃既唔好食
唯有買叉燒、豆腐,我一係唔煮要煮就整好佢
返到屋企切幾塊金華火腿整上湯,整上湯既期間就切嘢、洗嘢
跟住就整咗上湯雲腿蒸浸豆腐、叉燒炒蛋、灼菜一碟



碟菜唔影喇!

  

27 則留言:


  1. 芽菜豆腐炒魚片、三色蛋、炒白菜仔 加埋唔使20皮, 仲可以極速....飄移~ 留番d錢來去日本入貨...唔係...係入手信~

    回覆刪除

  2. 雲雲, 你未收工?  炒菜, 蝦仁蛋, 肉碎 or 魚膠 蒸/ 煎茄子...  荷包蛋!! 哇哈哈.. 加埋我個位!

    回覆刪除

  3. 凍凍哋,瞓覺最正!

    回覆刪除

  4. 好好味! 見到碟蛋雙眼發光中…

    回覆刪除

  5. Vanlily .....你每樣估啱d喎!你$20皮餸比大少爺睇到的話,扣我家用,我向你 claim番呀 minicorgie ....哈哈!你下次煮比我食 lotaitai ...一來凍、二來我懶 Tenjou_sailorsaturn ...多謝欣賞  

    回覆刪除

  6. $20 可以攪掂個dinner, 最衰我屋企唔係家用制, 唔係我都可以留番勁多私己$呢!

    回覆刪除

  7. 大少奶果然好快手呀下

    回覆刪除

  8. 睇到你張相...突然好想食..金華火腿蒸豆腐TIM

    回覆刪除
  9. 有冇玩msn?? 過來睇睇 --> 大家快在MSN名字前加上I'm 吧

    回覆刪除

  10. 大少奶 ~~ 等o左你一日 終於 update 拉 簡單o既一餐 但有我極度鍾意食o既豆腐呢 豆腐 + 蔥花 最靓拉 我見到會好開心呢 我個日見到 B 媽整豆腐 都忍不住去 jusco 入o左幾盒有機豆腐 好掛住豆腐餐阿

    回覆刪除
  11. 你好快手呀!!!  3 個鐘唔洗就買-->洗-->煮-->食-->再洗 同埋你真係好鐘意食蔥花呀, 豆腐面有一大住, 炒蛋入面又有好多 食得多, 聰明 d, 等大少爺扣唔到你家用

    回覆刪除

  12. 小曲格格 無錯!我好快手架 Madame Pi 用$20攪掂個晚餐仲唔差,佢就算比多多家用都覺得值得啦!哇哈哈 紫羽嫣 哈!引起你食慾 Ivany thanks for sharing 流浪影子 係呀!我今日午睡好長時間,個豆腐有你唔食既金華火腿啊 lps 哇哈哈!係呀!我係蔥怪

    回覆刪除

  13. 又係我最鍾意o既家常菜, 仲要咁快手! 越來越得心應手啦!

    回覆刪除

  14. honey 嘩蟹,呢餐果然快靚正喎!   冬菇雖然唔煮餸但都估中晒材料價錢,至叻醒呀 ! 我今日懶精上身,乜都冇做 ... 本來開左篇 blog 想寫村屋按揭但寫寫下發現唔夠料,擇日再寫過 ... mmmmmm 訓覺去 ~ 早抖 ~  

    回覆刪除

  15. 大少奶, 20蚊煮唔唔到你餐飯呀! 買成10蚊叉燒加3隻蛋都要成本5元啦! 豆腐要5元以上加金華火腿(都成15元)再加菜一定唔止! 所以你一定無打斧頭!  大少唔會減你家用! 冬菇當頭家唔易嫁~~~~你睇下春桔煮餐甘呢hea都繼續煮就知啦唔浪費野幾有美德!

    回覆刪除

  16. Auntie Goo 菇菇姐 姑奶奶 多謝你讚賞呀!我都覺得自已好快手 無辦法啦!今日不停訓 笨 B 媽媽 darling 你咁快打回原狀?懶豬仔 珍妮仔 秋香 你實在太好喇!幫我平反 錫晒  

    回覆刪除

  17. 大少奶, 唔通我d懶精過咗俾你同笨b媽媽? 依2個星期我都係瞓完再瞓.... 不斷瞓 聽晚同下星期二仲有quiz架~ 都照瞓 睇黎我聽晚都會死得幾慘烈~~~

    回覆刪除

  18. 簡簡單單嘅餸菜都整得好靚喎...你個雲腿上湯浸豆腐點整架?

    回覆刪除

  19. 嘩!!! 大少奶摩打手呀!!!!

    回覆刪除

  20. 珍妮仔~ 收到! 不過我打算當家以後日日都只會整蛋糕同麵包比陳生食! 一件蛋糕最少成本都要10皮, 加埋麵包, total x 2 即係貴過大少奶今餐喇~ 咁我咪無得落格喎?!?!

    回覆刪除

  21. 我都係啱啱訓醒,重未買餸, 好彩我家大少放8:00pm, 重有時間

    回覆刪除

  22. vanlily 你唔係諗住叫陳生每日只係比$20你做家用呀? 咁我比夠$25你,做我近身啦!哇哈哈 YanYan4小咪 係摩打腳喪跑超級市場 嘉露物語 先做上湯浸住豆腐蒸 咪咪吉 原來係你攪懶我 SZESZE 時間好快過架!你快d預備喇  

    回覆刪除

  23. 呢個係好好既極速食譜.. haha...等我可以參考下

    回覆刪除

  24. 請問現在飲咩湯水最好?

    回覆刪除

  25. 你真係好得呀!

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾