李錦記蠔油 x花式燒豚肉串

好多唔識煮食朋友就會覺得醃肉係非常之難嘅事又無從入手
份量又怕錯、又怕落漏調味料
更加怕買到一樽二樽調味用唔哂唔知點算好
所以今日我試用李錦記蠔油去醃肉，免卻其他繁複步驟
蠔油除了炆、煮同伴食之外，醃肉都一樣掂呢！而且仲可以去除雪味

今次做"花式燒豚肉串"
豬肉部份只用李錦記蠔油做醃味，配上其他蔬菜做成串燒可以變成party food又或者 BBQ食物
全次用焗方法，大家無焗爐都可以煎的

材料：
豬扒        2件
三色椒      各一個
車厘茄      4粒
洋蔥        半個
李錦記蠔油  2茶匙

做法：
將豬扒剁鬆後切件，然後加入李錦記蠔油撈勻醃1小時

三色椒切件、洋蔥切成方型

用長竹簽將豬扒及蔬菜梅花間竹串起

放入焗爐用220度焗15-20分鐘便完成(焗期間可以薄薄掃一層蠔油令顏色更靚)

Bosch蒸選健康食譜創作大賽 2017

呢個南瓜海鮮蒸蛋方便又好味，南瓜甜味加上海鮮嘅鮮味就會變成好好味 

天氣熱蒸嘢好熱？

要同個Hot Kitchen講byebye嘅恩物就係蒸爐 所以我誠意拳拳咁話比大家知，參加遊戲有機會贏得蒸爐啊！

德國高級家電品牌@Bosch Home HK一向推崇健康飲食，特此舉辦了「蒸」選健康食譜創作大賽2017，鼓勵大家分享蒸煮健康菜式。 

參賽者需設計創意、賣相及營養價值兼備嘅蒸煮菜式，為家人摰愛的日常飲食加入健康新煮意～

由即日起至2017年9月24日，只需遞交您的蒸煮食譜參加比賽，即有機會贏取Bosch Series 8蒸焗爐或其他優質家電產品包括OptiMUM廚師機及手提攪拌棒等，得獎名額共10個，立即遞交食譜 ->http://bit.ly/2gBq0Qz

當蒸蛋遇上南瓜甜味及海鮮鮮味，味道就似日式茶碗蒸咁呢

海鮮可以自由選擇

食譜：

小南瓜   1個

雞蛋     1隻

水  80ml

鹽      1/4茶匙

蝦     2隻

蟹腳肉   2隻(用新鮮蟹或蟹柳也可以)

日本本菇或新鮮冬菇   隨意

先切開頂部，然後將中間南瓜籽刮走

蝦、蟹或其他海鮮先蒸5分鐘備用

將海鮮材料及菇類放入南瓜盅內，雞蛋加水及鹽打勻過篩，然後慢慢倒入南瓜盅內

頂封上錫紙放入蒸爐內蒸25分鐘便完成

*今次用原個南瓜去蒸蛋所以時間會長少少，但鋪上錫紙封頂後蛋唔需要過蒸過火的

好夢難圓

有無睇天地豪情？好好好睇，昨晚大結局，見到家雄同Diana始終唔可以一齊有點失落

其實呢套戲我印象中睇過好多次，但仍然會追落去實在太好睇！而且d歌又好好聽.........

好夢難圓 .... 原來等到最後結局亦只有.... 遺憾了

入正題：

話說我屋企有包擺到天荒地老都未開嘅麥皮

我人生最怕就係麥皮，怕麥皮質感

不過晌我無聊之中就諗到將麥皮整蝦球，一來我好叻整蝦膠

二來就係用麥皮做個脆皮應該work，至少唔會難食

於是我昨晚就試整，做法好簡單，做出來個皮唔係話好脆但會有另一種質唔同質感

但係好好食，我同大少爺都覺得好唔錯啊！配上沙律醬就乜都好味，哈

麥皮仲要唔太索油做出來唔油膩喎

蝦     300g

鹽     少許

麻油及生粉     也少許

做法：

將蝦去腸用生粉同鹽摔摔摔，摔到有d潺就沖水洗淨徹底抹乾水

然後就用拍扁佢，所有都拍扁後就用刀剁三下

放入個盤中，加少許鹽、生粉同麻油

跟住順一方向攪攪到以下圖咁，就可以拎起撻2-30下

跟住放番入個盤中包保鮮紙然後就放入雪櫃雪30分鐘以上

將蝦膠搓成球型，再沾上麥皮做成麥皮蝦球

跟住就可以炸喇

之前Recolte送我個小鍋同來炸食物都幾好，個鍋細用油少都做到效果

火力又夠又易清理呢

炸到金黃色就可以上碟喇

大少奶's Delicatessen

宣傳你的專頁

經理，早晨！

話說教會遲d有個活動要做個早餐會

咁大家開會時都頭痛茄汁豆問題，一來難預份量二來成本

咁開會期間我心裡面就諗：其實應該唔會難丫

於是我昨日就買黃豆去試整，其實用高速煲分分鐘就好快整完

但我今次無用，因為我好想大家會做，無高速煲其實都唔難做只不過係煮既時間耐d

而且佢係用新鮮番茄去煮，同罐頭近乎一樣味道但無咁咸

比小朋友送飯就安心好多呢

我參考過唔同食譜去整，事不而遲睇食譜，哼

有機黃豆  150g(其實普通都可以，我晌超市買就買有機)

大番茄  3個

檸檬    半個

鹽    少許

冰糖    1小粒

做法：

將黃豆浸過夜，然後就加冰糖同1茶匙鹽去煲佢60分鐘

番茄界十字，然後放入滾水大約30秒

再浸冰水起皮

咁樣就可以預備做喇

將番茄切粒，然後加500ml水、放埋黃豆入內，加半個檸檬汁及少許鹽

用中小火煮一小時 (如果唔夠鬆化可以煮耐d)

當豆去到你理想軟度，汁又濃晒後再試味

味道都夠時就加生粉水再煮至杰身 

大少奶's Delicatessen

宣傳你的專頁

未諗到

包包今星期仍然係返一小時，但又未有校車，間學校位置有唔太方便

車只可以停到下面個停車場再行上去，所以今星期每日湊佢返學等一粒鐘然後湊佢放學都幾麻煩

仍然騰來騰去一星期

上星期忙住陪包包去吃喝玩樂，都無乜點煮過飯

係昨晚留晌屋企晚飯先叫有得post下，呢個係大家都熟悉"斑蘭葉包雞"

食泰菜都會見過，通常一個拼盤裡面最後先食嘅

一直都想試整，直到上星期買斑蘭葉焗蛋糕後就一次過整埋

佢唔難整但又唔會係特別好想食，但當斑蘭葉一遇熱傳出香味就已經神魂癲倒

好鍾意斑蘭味道呢

雞扒   1-2件(視符你需要)

香茅   1枝

黃薑粉   2茶匙

鹽    1/4茶匙

魚露    1茶匙

斑蘭葉    8-10條(印尼或泰國材料店有售)

做法：

香茅要拍薑咁拍佢先會出味，所以要拍佢，狠狠地拍再切段

雞扒索乾水切件再將所有調味料加入去雞中撈勻醃1小時以上或過夜

斑蘭葉屈曲成咁樣

葉尖向下屈做成一個結咁

變成一個小兜

再塞件雞入再用另一邊葉封口，如果雞太大件就將葉捲多一圈

總之四邊都封實便可以

有d唔實就可以用牙簽拮實

我用半煎炸方式，大家可以炸，但落鑊之前要用再將葉抹乾否則會彈油

都可以焗得無咁好食

醬汁可以就咁用泰式雞醬，但我好怕雞醬

所以就自己用青檸、魚露、糖、辣椒、芫茜做成酸辣汁伴食

大少奶's Delicatessen

宣傳你的專頁

明閣

早幾年經常晌唔同餐廳做試菜，有一段時間東跑西跑

當然而家我將心力都交比包包，甚少出席食友間飯局，但好朋友叫到就一定到呢

今次食午餐地點：明閣

明閣晌康得思酒店內，康得思酒店好陌生嗎？其實係從前朗豪酒店(我自己都要習慣下新名呢)

對上一次去明閣都已經相隔差不多兩年，但味道依然有水準

先來明閣三小碟，有至尊蜜汁叉燒、金箔銀稔千層豆腐、芹香海蜇頭

金箔銀稔千層豆腐 呢個豆腐特別之處係裡面其實一層一層

中間夾住銀稔醬，稔醬係開胃之選加上清清地豆腐係炎夏恩物

點心有帶子羊肚菌紅菜頭餃

呢個個皮顏色做得好靚，羊肚菌配帶子互相唔會搶走本身鮮味，但又有唔同質感

蝦餃及春卷

茶壺松茸竹笙清湯

松茸+竹笙+清雞湯睇落真係好清，但味道係好鮮甜，松茸香味係香得來唔會好搶味

湯真係法而鮮甜

龍皇披金甲

呢個係我覺得好好食菜色，將蝦膠釀晌魚肉上再煎香

面香脆內有彈牙蝦膠再有嫩滑魚肉，要將佢做得好唔容易！但師父當然可以掌握得好好啦

拍蒜白菜苗配窩燒滋補竹絲雞炒飯

細個時，爸爸帶我去爸噴煙雪糕，當年餐廳好興用乾冰做雪糕裝飾

我每次都會"嘩"

今時今日我見到乾冰仍然會有呢種"嘩"一聲反應，係情意結

當一片乾冰煙霧完時，定一定神就享用甜品

呢個拼盤有

左手邊起：燕晶凝   上層透明層有燕窩，下層芒果布甸

菊花杞子糕、豆腐芝麻布甸最後有香芋水晶糕

各有特式及味道，但每一樣都會太甜又令今餐更加圓滿呢  

大少奶's Delicatessen

宣傳你的專頁

新開始

包包上學了，我成個星期都陪佢玩、陪佢去食等佢開學前開開心心

昨日第一日返學當然無問題，因為我可以陪上堂

下星期自己上堂都應該ok，佢平日學習班都自己上堂

我無乜大志，只希望佢開心！人生道路上帝自會安排，要明白人能夠掌握的好少

我自細被人睇小、讀書唔叻、單親又無媽咪照顧、唔識煮飯做家務

成日都聽埋冷言冷語但而家我起碼有自己事業、照顧家庭另一半好滿意，無長輩幫忙湊到包包

證明人只要肯努力，唔需要太過逼自己！加上信仰我知道上帝意念高過人

包包人生唔刻意做太多鋪排，我只能夠做媽媽本份，陪佢面對一切順逆

成個星期都無乜煮，唯一係斑蘭蛋糕，好想食就去煮

斑蘭葉           5條

暖水              50ml

糖(A)            45g

蛋黃             3隻

油                 35ml     

低粉            65g

泡打粉        1/2茶匙

蛋白霜材料：

蛋白            4隻

糖(B)           45g

做法：預熱焗爐 170度

先將斑蘭葉剪幼了碎，然後加入暖水打成汁

隔渣取出35ml備用

點解落50ml水只用35ml？因為水份唔夠，d葉太乾會打唔到成汁

用晒所有水份蛋糕會太濕

蛋黃加糖攪勻，加入油及斑蘭汁，攪勻後篩入低粉及泡打粉，輕手拌勻

蛋白企身後，放入麵糊中用Fold in方法輕手拌勻，倒入中空模中

模不能有任何油份，唔好無啦啦幫佢搽油

160度焗35-45分鐘(視符焗爐而定)

大少奶's Delicatessen

宣傳你的專頁