沙拉 2.0

做食譜最難係影相，有相有真相一個製成品靚味道唔會差得去邊

但世事又無絕對，有些食譜明明好好味但你係唔會知點去影得到

尤其有些菜式係晚飯時間影，有個如餓虎的包包晌度叫肚餓、又有個六呎高綿羊晌度等開飯

你只會希望快d影好去開飯

但我唔甘心，真係唔甘心，所以今次呢個"芥末籽沙拉骨"我用兩個方法去影

一幅係將醬汁淋上面、跟住再走入廚房回鑊再兜勻等大家見到真相

其實我成日亂up 24，但係好認真去做每一件事架

沙拉骨 好好好味，天氣開始熱唔係無沙律醬呀嘛？

但食得鹹魚抵得渴你要整就要唔好怕，我見過有人晌飯店叫沙拉骨然後將佢浸落d茶到沖走d醬

咁不如唔好食囉！

呢個沙拉骨最成功之處，塊肉只係煎但都好香脆，哼

各位觀眾…沙拉骨食譜現在播影

這才是真相

食譜：

新鮮豬扒    4件或金沙骨

醃料：

糖      1茶匙

鹽      1.5茶匙

胡椒粉   少許

生粉    1.5茶匙

蛋白    1隻

沙拉醬：如豬扒或金沙骨份量多就將以下份量加倍

沙律醬   2湯匙

鍊奶     半湯匙

芥末籽醬     1茶匙

做法：

將豬扒洗淨剁鬆切件，索乾水，加醃料撈勻醃1小時以上

將豬扒沾上生粉(我用片粟粉)

平底鑊加油，油唔使多又唔好少

最好係油覆蓋到鑊面便可以，大火落鑊煎封表面再轉用中火慢慢煎

煎熟後較大火逼出油份及上金黃色

將醬汁材料撈勻

用另一隻乾淨鑊燒熱熄火，加入醬汁材料

(熄火等就算手慢都唔怕會焦)

醬汁會慢慢變稀，可以將豬扒回鑊再開中火兜勻上碟

芥末籽醬，你可以唔加

又或者加wasabi、加檸檬汁甚至味噌做配搭都可以

先睹為快及生活雜粹粹
Pls Follow My IG
https://www.instagram.com/taisiu9_aubrey


/ 大少奶's Delicatessen

宣傳你的專頁