我9點就起身，煮早餐比自已食
好鍾意呢張相呀！有我好鍾意食 English muffins、煙肉、蛋
睇下隻蛋進步神速呢！其實用咗煎蛋工具，五環童食五環早餐，呵呵呵呵呵呵
五環合體後，就係........煙肉蛋漢堡
今晚見！
2007年4月10日 星期二
2007年4月8日 星期日
轉型
琴日去朋友屋企作客，乜都唔駛整卻有點手痕
今晚去同大少爺既家人飯聚，決定整中式餅送比佢哋食
其實唔係好特別又好複雜既餅，係芝麻脆餅
打算傍晚行一陣金鐘先去大少爺屋企人度食飯，金鐘通常無咁多人呢
1930hrs:最後無行PP，正在等食好悶-ing
好易整又好脆！我係用
小魚仔食譜
芝 麻 脆 餅 ~ 食 譜 Recipe
材 料 : ( 20 塊 份 量 )
低筋粉 (薛) 100 克 砂糖 45-50 克 雞蛋 20 克 發粉 1/4 茶匙
梳打粉 1/8 茶匙 水 10 克 固體菜油 25 克 白芝麻 / 黑芝麻 ~ 適量
做 法 :
(1) 首先預熱焗爐 170 / 180 度 及 10 分鐘 。
(2) 低筋粉 + 發粉 + 梳打粉 ~ 辥好放入缸內混合後 。
(3) 加入砂糖 + 雞蛋 + 固體菜油 + 水 ( 混 合 ) 用手輕輕攪拌搓勻 。
(4) 再將麵團分成 20個小等份 (每個 10克) 及 搓至圓形 。
(5) 將小麵團活滿白芝麻 (或黑芝麻) 後，再用手輕輕壓扁麵團。
(6) 然後放在預先放上牛油紙焗盤上，再入焗爐焗 170度 / 10-15 分鐘。 (即成)
引用自：小魚仔
我將固體菜油轉為橄欖油，都好脆
2007年4月6日 星期五
電腦醫生
終於可以安坐書房用電腦，因為私人電腦醫生表弟今日幫我整電腦
因為今次連個殼都換埋，佢仲講明我哋要親自車佢到我屋企添
！！！原本我好想親手整個 Tiramisu送比佢賀轉工
但我未整過大少爺話訂一個，免得失敗，因為表弟好鍾意食 Tiramisu
去A1訂，個蛋糕味道好好但有別於傳統款色
有一塊又厚又實餅底，而且唔係夾層 lady's finger，連蛋糕片都無
感覺係似食實既 mousse cake，好漏
自已 整 既
豬肉乾
有別於過去親自整晚餐比佢食
表弟晚餐 1 表弟晚餐 2 表弟聚餐 3
係叫 Pizza hut
或者我鍾意食 Al Dente 同 Pizza Express既pizza
覺得pizza hut 麻麻地~
表弟每次都要食既心太軟
比表弟帶返屋企既有......
整比舅母既戚風蛋糕
整比大bear bear 舅父既杏仁曲奇
(
舅父鍾意食曲奇，其實舅母話唔好整曲奇比舅父，因為舅父會一口氣整包食晒，牛油含量又多，但朝早聽到舅父打電話比我時嬉笑既聲音，我就忍唔住整比舅父食)
仲有日本買返來既手信
To: 表弟
唔該你呀！幫我整電腦
仲有祝福你工作順利！下個月見啦
2007年4月4日 星期三
King & I
大少爺3點幾晌九龍灣上完Course，行完ikea再行APM
到6點唔夠就肚餓食飯
我揀呢間餐廳因為係泰國、越南既餐廳
但唔係fusion菜式，係一間有兩種菜式既餐廳
泰國菜同越南菜我都鍾意，因為呢兩款菜式都有好香既香料
訂位講明1.5個鐘交檯，上菜快但又夠熱
餐廳較暗，坐卡位
冬陰功
隻蝦都幾大，夠酸夠辣，都貼近晌泰國飲既味道
好好味既炭燒豬頸肉
越式春卷
都好味，比一般越南餐廳既更好
麵包咖喱雞
個面係類似印度酥餅既味道、質感，好味
雞好滑，兩個人食呢個就唔好叫粉麵，因為食唔晒
會有waitress拆開麵包，個鴨仔盤其實幾大，好多雞
兩杯飲品
大少爺既 芒果、士多啤梨 smoothies
我既薄荷柚子smoothies ，好味
聽日表弟幫我換底板，終於可以自已有番部腦，呢半個月好唔慣用大少爺部notebook
通常表弟嚟我都會整多d嘢比佢食，見到佢我同大少爺都好開心
佢最叻引我笑，聽日整乜？聽日咪知囉
Tomorrow is another day！！！
Tomorrow is another day！！！
大少爺今日上 course，佢起身時我紮醒
打算9點再瞓.........樓上裝修既無情電鑽將我鑽到瞓唔番呀！噢！
今日已經feel到假期既熱鬧氣氛
因為大少爺上course會早放就約我晌佢上course既附近，行一陣再食飯
跟住琴日我就打電話去訂泰國菜
個服務員同我講.....要六點先有位但七點半就交檯
噢！大少爺話公眾假期前度度都多人就試下啦！
我就睇下呢間值唔值，哼！
2007年4月3日 星期二
2007年3月24日 星期六
義美蛋糕
嘩！1502個訂閱者喇！Yeah!!!!!!多謝你哋啊！
今日同大少爺三個妹去
農圃飲茶
順便交日本手信每人一盒Maquillage 既eye shadow，好彩佢哋鍾意
佢哋送兩盒義美蛋糕比我，一盒蜂蜜味、一盒芝士味
義美蛋糕好多人都話好味，但我從未試過
我買蛋糕只鍾意買士多啤梨蛋糕、栗子蛋糕、Ny cheese cake
我拆開芝士味嘗試..................但無乜芝士味
蛋糕質感就好輕身，覺得個樣幾靚，質地好綿密
同棉花蛋糕 相比............就覺得棉花蛋糕好味dd~
我現正諗將棉花蛋糕整其他款式，但又未諗到咩款式好，或者卷蛋啦！
你哋鍾意食義美蛋糕嗎？唔知蜂蜜味好唔好食呢？
2007年3月23日 星期五
等待下一個 ....Vacation
大少爺既vacation已尾聲，總有點唔捨得
我既【丈夫假期後無定向煩躁不安症候群】既症狀出現
大少爺每當呢d時候就會出殺手揀，講：(我要努力賺$$養你買嘢比你、你睇電視都要交電費嘛)
今次大少爺就加埋呢幾句：
(10月再放大假去東京食未食既嘢、買秋冬衫、去6日5夜、陪番你行未行完既，好快架咋！)<--好似係大少爺開心d喎~
Um.........其實我係想見多你幾面呢！就算晌屋企都開心
過多幾日"花師奶"就完結喇！希望收費台有得重播啦！
整紅梅杏仁曲奇，因為大少爺好鍾意食早幾日既杏仁曲奇
今次加入果乾，佢更加鍾意呢！
2007年3月21日 星期三
渾圓霹靂球の晚餐 2
大少爺放埋呢幾日，我同佢晌屋企進入HEA既狀態
琴晚01點 瞓，今朝10點幾起身，之後下晝1點 nap至到4點起身
其實佢放假 瞓多d，等佢充份休息
去街幾時都去得，反而完全休息先難得
渾圓霹靂球の晚餐
渾圓霹靂球 = 我
渾圓霹靂球=我去完日本喪食而歸
豆腐麵豉湯
麵豉湯旅行時買返來既，加豆腐落去煲好好味，不過欠缺海苔
又係呢個碗，出鏡太多要收埋一段時候免得曝光過度
鹽煎三文魚
三文魚真係好多油，如果煎唔好落太多油煎都可以
佢自已有好多油份逼出呢
清炒小白菜
呢度得半碟，因為我唔食飯夾起半碟後先記得影相
其實大少爺仲有一碟豬柳、白飯兩碗
我特登整豬柳比佢食，因為我唔鍾意食豬
所以無意慾食~無食到呢
2007年3月20日 星期二
杏仁曲奇(附食譜)
大少爺依然 vacation 中，不過我倆決定呢幾日留在家中
我有好多衫要洗，大少爺今日開始話攰
佢琴日話：你整曲奇丫！
出爐喇！杏仁曲奇
大少爺話好味呀！我就對曲奇興趣唔大
唔知點解好眼瞓添！
杏仁曲奇
牛油.........100g
糖霜............55g
雞蛋..........一隻
麵粉.........175g
杏仁粉.......15g (可以減去)
雲呢拿油.....少許
鹽...........1/8茶匙
杏仁適量
做法：
1)牛油放軟同糖霜打至淡白，加蛋用慢速打勻，加入雲喱拿油
2)杏仁粉、麵粉、鹽過篩，分兩三次篩入，加入杏仁慢慢伴勻
3)搓成圓條用保鮮紙包著放入冰格一個鐘，切塊入180度爐焗
訂閱：
文章 (Atom)