2009年6月11日 星期四
2009年6月10日 星期三
2009年6月9日 星期二
內外滿足
今日呀烏G同呀茄半日安
當然係為食下買下咁啦
由初初食花盃日式既鐵板燒
之後去行CWB買少少嘢
去金都陪烏GG訂請帖信封、再去睇下結婚用品
再之後先係戲肉，3個女人沉醉晌衫同鞋之中
然後...每人都有戰利品好滿足
再再然後諗晚餐，出血後都打算食平嘢
再再再之後食甜品！個身體無論內外都好有滿足感！正
以下4張都係之前影，今日無影得咁多
師父今日仍然有整個多士小食比我地呢
2個鵝肝set，一個銀鱈魚set
每個約$250
前菜
呢個銀鱈魚煎得非常好味啊
仲有個蝦無影到
鵝肝！外脆內軟
牛柳粒，好淋
正！
薄燒牛肉卷
裡面有香蒜同蔥粒
炒飯
每個set都有抹茶cheese cake
當每個人都有戰利品時，心靈上既滿足真係好充實
充實到晚餐求其食都得
我同茄都要天婦羅定食
烏G要牛肉卷定食
烏冬既湯底都要粟米湯呢
哈！全日都無甜品唔算圓滿
又去"糖仁街"食雪花冰啊
呢個係唔記得咩名，但係咖啡酒加椰子
係一個冰兩種味
仲有芒果味
噢！一樣都好好味呢
好開心既一日，但今次爭呀妹呢~~~~~
Facebook又有新衫睇呢~~~YEah!!!!!!!!!!!!!!!!!!!!!!!!!!!!
2009年6月8日 星期一
暢快
週圍減價，我......唔可以再出街
我又再同一款鞋買兩隻色
今次係大少爺叫我買既
買完對灰色，大少爺話買埋對白色
結果..幾日之內屋令多左一大堆野！
係時候要收歛下呢！
放左兩對鞋既相上facebook
以後Facebook比我用作放戰利品
咁得閒望下都開心
講完呢幾日既嘢(其實都係做同一樣嘢)
講下今日午餐
又係"咦"啊！今次係煎吞拿魚
當然要煎到半生熟係最好既，我覺得好好味
佢既肉質出面煎熟既話有小小似牛肉既質感
裡面生生地就唔會太實，而且魚味比三文魚較易接受吧
仲有隻大頭蝦配白汁菠菜
今次我用法國鹽花去整既，vanlily介紹我用既，一灑上魚同蝦上就有味
但又唔太鹹，加上我隻玩具鑊煎完真係好香呢
雖然我話唔好出街，但聽日又約左呀G同茄去街
佢兩個係魔鬼啊！
2009年6月5日 星期五
齊齊敗 及...特別報導
今日大少爺放一日A/L，因為要去街
哈~`我同佢一起身就 Happy farm收割，然後就走出去行街
當然因為我同佢都好身痕想買嘢啦
哈哈！今日成績好滿意
不過…只限放facebook
3點返屋企休息同收割，到4點幾又出去TST，烏GG果然好介紹，繼續買
然後去海鮮站食晚餐
訂6pm，因為一夜就會好多人
呢次去食係大少爺話想試既，佢上次見我去完，就想試呢
今次兩個人無得叫龍蝦兩食，但都叫中蝦芒果汁鮮果沙律
然後只得我食既生蠔
我揀一隻法國、一隻蘇格蘭，我今次覺得蘇格蘭好味d
個after taste較長
龍蝦湯
好濃郁啊！
蒜蓉蒸蟶子，good~
最後係...龍蝦伊麵
2人份量只需要$180，一隻中型龍蝦分兩邊
當然仍然係好味呢
跟住食完繼續行，行完利時就過厚福街
大少爺見到雪花冰想試啊
佢要伯爵紅茶，我覺得呢個好味d
我要宇治金時！我覺得d冰好好味
再然後.......晌車上接到Vanliy電話
再再然後.............
詳細情形等星期一Vanlily親自講吧！
Vanlily已經聯絡負責人了解，只係小問題
因為隔住星期六、星期日導致技術上既問題要等到星期一先能夠恢復
就比Vanliy放假2日吧！
趕收割
今晚大少爺約我食飯！分別係乜？um..........有化妝同無化妝囉！
無錯！要保持住同佢仍有約會既感覺
有時我無啦啦晌屋企同佢講：不如你當未識我，你撩我講野丫
哈~~~哈~~~~~~
琴日朝早我出CWB行左陣街，我又買鞋癮起
但買唔到，六月呢d時候既鞋你已經鍾意既買晒
加上就快減價，更加覺得不如等多陣啦！反正剩落既都唔會太鍾意
但我行一陣就趕返屋企收割(happy farm)啊！
哈！無錯！我趕住收割
而家大少爺仲會幫我去收割添！佢自己都玩埋耕田
返家前去Sogo地庫買午餐，買左吞拿魚腩飯
我以前好怕食魚生飯，感覺似生豬肉飯，大少爺更見到就怕
唯獨是吞拿魚腩碎我係鍾意食既呢
你睇你睇，d吞拿魚腩肉碎好似生豬肉，漬蘿蔔好似鹹蛋，至於薑就似..臘腸
好一盤未熟既鹹蛋肉餅配臘腸飯！
甜點有mochi cream既甜點，我要creme brulee味，都好味啊
買比大少爺既係紅豆味，佢都話好味呢
之後夜晚陪呀準新娘茄試妝，今次到呀茄
呀烏GG都有去，其實搵個籍口見面、傾計同玩下咁啦
試完妝、買糖水比大少爺返到屋企都成12am喇
2009年6月4日 星期四
開blog三週年
三週年
三年...今日係我開blog三週年啊！
三年...晌呢3年裡面我幾乎每日都寫blog
三年...最開心識到一班好朋友
三年...見到自己進步
三年...我寫兩本書
今日可能悶親你哋.But我又好想講啊
我呢.......本新書 5.25出版，三聯書店遲咗1日先賣書
但本書上咗三聯既暢銷榜第2位啊
即係咁....今日唔知聽日事，更何況下星期呢？
所以就比我開心吓、興奮下！即使上過榜一日我都開心，何妨應該會上一星期
都係果一句：多謝你哋啊！其實我衷心多謝你哋
更多謝出版社各人…麥生、出版經理、編輯小姐、仲有各人
多謝paco..........
仲有我所有朋友，每次我發神經亂諗嘢都會開解我http://publishing.com.hk/bookrank/Default.asp?AreaCode=F
Um.......為免悶親你哋，就講下...............
有一日我同大少爺去街，唔知食乜，我就話不如試下和花亭既烏冬丫
聽人講唔錯架！
大少爺就話：好啊
然後我諗一諗：um.....你都唔食壽司既、又唔食魚生
大少爺話：我食啊！晌日本都食啦！
之後就入去和花亭
最後.......................................果個大少爺又係食晒熟既壽司
其實大少爺唔想掃我興，佢一唔想食我就唔會食，結果佢就扮到好想食呢
不過和花亭熟既壽司都幾好味，呢個鰻魚芝士卷
哈~腐皮蟹肉壽司
火炙牛肉壽司
其實呢..............佢用火槍燒，加醬汁自己做唔做到呢？
天婦羅烏冬
個烏冬既質感同我晌池袋烏冬店既質感一樣啊！好味
但湯底就好唔同
多謝收看！今晚又同兩個準新娘去試妝
聽晚大少爺約我去街啊！期待~
2009年6月3日 星期三
2009年6月2日 星期二
勇氣
話說近來我開始想食少d紅肉，希望一星期只食兩餐
食多d白肉，唔知點解會有呢個想法
um....好大可能大少爺鍾意食魚
但係我一向好小自己肯去買魚、整成條魚
就算有都係鐘點姐姐幫我切走個頭，預備好晒既
琴日突然有一鼓勇氣，想試下克服，結果…試左一次，好驚！但都整到
先有煎藕餅，大少爺好鍾意食
但佢唔會開口叫我整，因為佢知道要刨蓮藕，又會覺得好複雜
從來佢認為複雜既菜式，都唔會主動叫我整！但我係知道佢想食既呢
只要feel到佢想食，我都會去整，何況真係好好味
呢條係我第一次去買活生生既桂花魚
我去百佳買既，當時好忐忑，買唔買好呢？最後求救笨B媽媽
當然我問得佢，佢一定會教識我啦！返到屋企帶晒手套去同佢搏鬥
雖然只係桂花魚，但大少爺都好開心
我一定會刻服怕原條魚，我要大少爺有新鮮魚食啊
無煲湯，但買左小型西瓜
好鍾意呢d小型西瓜，係無核既紅肉西瓜，好細個但好甜
每人半個用匙羹食！隻手遮瓜~~~~~
我會再接再厲克服原條"咦"架
哼~~~~~~~~~`
2009年6月1日 星期一
真係有
自從知道新書係用Tiffany blue後，大少爺就好開心
然後見到雜誌出鎖匙鏈咀，大少爺就成日提住鎖匙鏈咀好靚
跟住早幾日買左鎖匙曲奇模，大少爺就話：丫！同Tiffany一樣啊！
琴日大少爺送神祕禮物比我
佢真係買呢個鏈咀比我啊
好開心啊！之前去問過呢個款成日都賣晒
但大少爺居然買到比我啊！當然連埋條頸鏈，但係同我有既撞款要去換
對上一次我最鍾意既Tiffany禮物係呢個啊--->Click here
大少爺本身好鍾意Tiffany，飾物佢帶唔到，我就係受惠人啦
呢個香蕉蛋糕想做好耐
係用vanlily介紹既Chef bo食譜做
最特別既係...用高筋麵粉
好易做又好味
但其實.......有個困難之處，係.....要等香蕉成熟時先可以整得
只有梅花點香蕉先係最香呢
約Fiona行街時整比佢既，佢話呢個好好味啊
梗係啦！隻蕉真係好熟好香呢
呢個食譜基本上又係撈埋就掂！
香蕉 2根約180g Copy Vanlily
糖 70g
牛油 85g
蛋 1隻
高筋粉 150g
梳打粉 2g
鹽 3g
合桃 80g
1) 溶牛油後, 加入糖拌勻, 靜止數分鐘
2) 加入蛋和壓碎的香蕉蓉拌勻
3) 篩入鹽, 高筋粉, 梳打粉及合桃, 以切伴方法拌勻
4) 180c, 焗20-30mins至熟
因為食譜沒有泡打粉, 麵糊可唧滿一點
Chef Bo提到, 做好吃的香蕉蛋糕只有一個秘訣, 就是用已出梅花點的熟透香蕉!
第三本書如果用Hermes既橙色，咪可以有Hermes？
第三本書用Chanel黑色都可以，可以要多個Chanel袋？今次我要大size既，所以本書要大本
其實我鍾意dirty purple，大少爺可能會買....有機芋頭比我
訂閱：
文章 (Atom)