勇氣

話說近來我開始想食少d紅肉，希望一星期只食兩餐
食多d白肉，唔知點解會有呢個想法
um....好大可能大少爺鍾意食魚
但係我一向好小自己肯去買魚、整成條魚
就算有都係鐘點姐姐幫我切走個頭，預備好晒既
琴日突然有一鼓勇氣，想試下克服，結果…試左一次，好驚！但都整到

先有煎藕餅，大少爺好鍾意食

但佢唔會開口叫我整，因為佢知道要刨蓮藕，又會覺得好複雜

從來佢認為複雜既菜式，都唔會主動叫我整！但我係知道佢想食既呢

只要feel到佢想食，我都會去整，何況真係好好味

呢條係我第一次去買活生生既桂花魚

我去百佳買既，當時好忐忑，買唔買好呢？最後求救笨B媽媽

當然我問得佢，佢一定會教識我啦！返到屋企帶晒手套去同佢搏鬥

雖然只係桂花魚，但大少爺都好開心

我一定會刻服怕原條魚，我要大少爺有新鮮魚食啊

無煲湯，但買左小型西瓜

好鍾意呢d小型西瓜，係無核既紅肉西瓜，好細個但好甜

每人半個用匙羹食！隻手遮瓜~~~~~

我會再接再厲克服原條"咦"架

哼~~~~~~~~~`