生日大晒月

好想記低今年過生日開心事

一如以往過生日後仍會繼續同朋友食生日飯同慶祝

當然正日一定係同大少爺及包包慶祝，包包今年要返學又唔會因為媽咪生日幫佢請假

過住幾乎年年生日都去迪士尼，今年又唔想再去

所以決定叫大少爺唔好放假，我下午先同朋友飲茶、行街，夜晚就一家人慶祝食飯

早一晚大少爺一定會為我預備蛋糕

今年包包一見到蛋糕就瘋狂大叫：蛋糕呀、蛋糕呀、媽咪生日你買蛋糕呀！仲有禮物呀...

不過…包包識唱生日歌我聽我都好夠開心呢

我幾乎每次都遷就兩父子食中菜，生日當然要求食西餐啦

大少爺 book 了 Grand Hyatt Steak house食飯

先來 prawn cocktail

呢個蝦好好食，包包食成三隻咁多，呢個蝦配兩款醬汁都好好食

French onion soup

非常好味，充滿香濃洋蔥香及甜味，似精華一樣

芝士又夠重手，本身係一大碗但餐廳可以分成兩碗上，太貼心喇 

Dry age US Prime beef

呢件係 Rib eye部份，肉質不錯而且grilled到個面好香

去食牛扒 rib eye係穩陣之選

side dishes

 Duck fat fries 呢個有點失望唔夠熱又薯仔中間有d實

Mac & Cheese

純粹叫比包包食，等佢有d澱粉質

牛扒可以揀6款汁，但我只揀了紅酒汁、磨菇汁同青胡椒汁

三款都不錯

大少爺叫餐廳預備甜品，因為唔想揀糕餅類

所以食新地，一杯三個人食臭包好開心

最早食生日飯係一家幾口好姊妹，一齊打邊爐，傾計都好愉快

另一晚…朋友 Mini問我想食咩

我揀印度菜，佢好驚訝，其實我好鍾意食印度菜，尤其鐵板烤雞

呢間叫：爵樂印度餐廳

佢晌亞士厘道，味道幾好食啊

仲有GG同我食泰菜 @mango tree

正日下午"車人"同我飲茶，我揀海景軒

個焗蟹蓋真係好好食，點心水準高

包包那個嫁到韓國既豬契媽居然寄來禮物

我剛換了電話，佢就送上電話殼啊！好感動

生日飯應該會食到月尾，所以要繼續慶祝呢！感恩有班愛護自己朋友

大少奶's Delicatessen

宣傳你的專頁