今日全力為 111 project 而努力，我唔會踏出家門
更加叫大少爺放工買飯盒比我
由於要分兩part 做，今日做part I
希望預計時間內做好啦！今晚 post part I 製成品上來
今日午餐材料同琴晚既晚餐貝殼粉材料一樣，因為全部都係琴日用剩既(包括醬汁)
不過…今日用方麭做，成為變種pizza~
而家開始做part I ,努力呀！
↓before baking
2007年1月10日 星期三
2007年1月8日 星期一
2007年1月6日 星期六
爆炸後的晚餐 (加牛扒做法)
早幾日病既時候好想食牛扒
今日電完髮好攰，為免再冷親就返屋企
返屋企前就買嘢煮晚餐，當然要買牛扒啦
平時我實會整埋頭盤但今次無
唔飲得酒只買一支細紅酒用作煎牛扒，甜品晌 italian tomato買既
而湯就用罐頭湯加香草，不得不提我最鍾意食既合桃麥麭
簡簡單單就煮咗一餐晚飯喇！
To:大少爺
你應承咗今日我肯返屋企休息，下星期六你陪我吃喝玩樂架！你要記得呀！
我已經訂咗位架喇！
↓餐湯：香草忌廉湯、合桃麥麭
↓紅酒煎肉眼扒，剛剛好7成熟仲好juicy添！
↓朱古力栗子蛋糕
揀牛扒一定要揀中間有些少肥紋，否則煎出來唔夠嫩
牛扒煎之前由雪櫃取出，放室溫(可免裡面凍)
煎前兩面加少許鹽同黑糊椒
開鑊用猛火落olive oil或牛油，放牛扒煎香兩面較細火
用猛火煎兩面係煎係可以即時煎封表面，免肉汁流失保持肉質嫩滑
煎到覺得表面呈少少金黃
最後再較回大火快手落少少紅酒(較回大火要即落紅酒，因為個鑊未升溫唔會搶火，紅酒亦唔好落太多免搶火)
當紅酒乾身時可上碟，此做法7成熟
牛扒質素好既話呢個做法唔需要額外加汁，可以食到肉味
如果本身唔飲酒可以買細支紅酒，以下呢支約手掌咁大支
2007年1月3日 星期三
白裡透紅
大少爺日前同我講：不如…你再電髮丫！
其實我把頭髮都直番好多，但每次電髮都要坐4~5個鐘
我實在無乜耐性，但我知道大少爺鍾意爆炸頭既我
上次電髮我同佢都覺得唔夠鬈
初初同大少爺一齊既時候，有次我電咗一個爆炸頭好鬈，但佢非常鍾意
後來因為覺得難打理又經常要補電就整番直，到去年9月再電鬈但總覺得唔夠鬈
加上修剪過更加唔夠鬈
我有理由相信...................
大少爺覺得我要配合一個瘋癲既髮型先襯到經常發癲既我
今個星期之內我要的起心肝坐4~5個鐘去電髮，因為下星期比較忙碌
順便用個新髮型參予一個婚禮，呵呵
琴晚既甜品......西米紅荳沙加豆腐花出外晚飯返屋企整既~
因為之前浸黃豆整豆漿比大少爺早餐飲，黃豆浸多咗就整豆腐花
加埋預先煲好既西米紅荳沙就變成一碗好滑既紅荳沙
整豆腐花唔難，要畢起先最難
我要出一陣街，夜晚返來先覆留言丫！等等啊！
2007年1月2日 星期二
07年送比大少爺既第一份禮物
發現自已體力已經大不如前喇！
除夕入赤柱朋友屋企玩，半夜先返到屋企，之後到今日仍然覺得疲累
今日鐘點呀姐幫我做家務時，我卻於梳化瞓著zzzzzzzzzzzzzzzzzzzzzz
琴日我同大少爺都好攰無再出街，飯都係自已煮
整泰式炒飯，突然想比驚喜佢，就匿埋晌廚房用蛋皮包著炒飯做成禮物形狀
大少爺見到都有覺得驚喜！好彩無嫌棄呢份無聊小玩意！
2007年1月1日 星期一
Cheer up (附心太軟食譜)
Happy new year!!!
你哋今年有乜大計呢？我就只求大少爺身體健康同開心
希望自已開心、會學到更多烹飪技巧、繼續抗氧化！個blog時時都咁熱鬧
今日送個心太軟食譜比大家
之前一路唔post食譜因為覺得未夠好，又唔太識脫模
終於諗到個好好既方法............
就係晌杯底放一張牛油紙，一倒轉就脫到模
↓睇下個頂，一脫模d古古力急不及待想湧出來呀
食譜：
黑朱古力 85g
牛油 85g
蛋白 1.5隻
蛋黃 3個
糖 3湯匙
麵粉 3湯匙
裝飾糖霜 少許
做法：
梳乎厘杯杯底放一張牛油紙、杯邊掃一層牛油溶液
1)黑朱古力及牛油各自座溶，然後混合成朱古力漿
2)將蛋黃、蛋白、糖混合打勻至淡黃色，加入朱古力漿拌勻
3)篩入麵粉拌勻
4)朱古力麵糊倒入已掃牛油及已墊牛油紙既梳乎厘杯中、入雪櫃30mins
5)食既時候放入焗爐180度焗10~13分鐘，需視符火力
貼士：
可以睇下個蛋糕表面如果剛好凝結後焗多2分鐘
每個焗爐火力唔同所以要自已判斷，焗得太耐會變實心
2006年12月30日 星期六
預祝各位：Happy new year！
網路開始好唔隱定、下晝開始又睇唔到圖片啊！
用另一部電腦又login 唔到，你哋情況點呀？
聽日可能又上唔到
為怕假期又上唔到的話......
就預祝各位：
Happy New Year !
cheer up！
2006年12月29日 星期五
失去聯絡的午餐
呢個午餐係晌上斷電纜後上唔到blog嗰日整既~
終於學做laksa
不過…唔夠正宗，我只用米線，並無用摻摻做法
又無落蝦米做湯底，又無買蝦、又將獅鉗轉為蜆
等我再做多次正宗既先公開做法啦！
↓當晚用相同材料整既星洲炒米線！
同星洲無關，但令我掛念星洲另一樣食物...炒粿條
今年三月晌新加坡esplanade隔離food court食過都好好食
我係唔鍾意去food court食野既人
但係新加坡既Lau pa sat同 esplanade隔離個food court我就好鍾意
前者係串燒沙爹好味、我非常掛念呢
esplanade隔離個food court係環境令我鍾意
除左laksa外…有一檔賣炒粿條更加係非常好味！個主廚仲去過美國表演炒粿條
近海邊比其他既food court開揚涼快，遇著esplanade舉辦戶外音樂節仲可以聽住歌食
反而maxwell ,smith street呢類型受不了
不過…尤於將日本同新加坡旅程調轉，要到9月先可以再去新加坡喇
↓呢個food court無乜旅遊書介紹，有興趣去開 esplandade就試下啦
2006年12月25日 星期一
7,8,9,10,11,12,13
既禮物，不過...今次係首飾
晌朋友屋企倒數完，剛返到屋企大少爺用 同一方法
扮變魔術由身上抽出7張聖誕咭比我
今年共收到13張聖誕咭其中一張相同架！因為揀到無得揀囉！哈！
當然每張內容唔同又不便公開啦
點解13張？因為13呢個數字對我同佢包含一個很大意思
拍拖紀念日係某月13號
同居紀念日係某月13號
大少爺生日係某月13號
登記排期結婚某月13號
結婚紀念日係某月13號
其他人覺得13係不詳，但13係代表我同佢一生既承諾
13張聖誕咭
今朝收到大少爺買比我既禮物
訂閱：
文章 (Atom)