專欄：天使

人生不如意的事有很多，怎樣去面對才是最重要的一環。

患難是一個化了妝的祝福，有經歷才會珍惜今天所擁有。她把悲傷及思念化作動力，把心思去幫助同樣患難的人

因為傷心過，才更透徹明白別人的傷口。今個月繼續以我身邊既女強人做主題

今期專欄：天使

專欄食譜：吉列雞柳配芒果乳酪汁

香脆吉列雞柳，香脆好味又怕不健康，配上芒果乳酪汁可以減輕罪惡感吧

http://goo.gl/gUhtpX

小試牛刀

興緻勃勃好想試整可樂餅

那層濃濃既忌廉，每次都令我心如鹿撞

但一直無實行去試，反正我新書想多點新嘗試就試做

那層忌廉其實要先做個醬，再撈薯蓉，霜硬佢再沾粉去炸

話易又唔易，話難又唔難

炸麵包糠係要掌握，我試了油要夠滾，放餅入鍋時油夠熱可以將佢定型

炸時就轉小火，慢火去炸令裡面夠熱但表面唔會變點

今次好成功啊！哼

 先做個白醬，撈落去薯仔度炸完就係裡面個忌廉汁
由於我第一次試做，所以無影低
但唔難做

麵粉 —1.5湯匙
牛油  20g
淡忌廉  100g
奶       50g
鹽       少許

牛油，加麵粉用中小火炒至一團，邊煮邊攪
慢慢加入淡忌廉，邊煮邊攪，否則鍋底好易焦
最後加入奶攪勻，質地要杰身
煮杰身成醬便可以放涼備用

薯蓉部份

薯仔   2個，烚至淋身，壓成泥，加少許鹽及配料

配料：

粟米、洋蔥粒  、牛肉各隨意

也可以換自己喜歡既餡，例如蝦、三文魚或全蔬菜

另備：

麵粉   適量

蛋    1隻

麵包糠  適量

薯泥加配料撈勻後，就加白醬撈勻

然後用手搓成餅型，係會比較黏手的

最後做成一個個餅型後就放入冰格，雪一個鐘

將餅先沾上麵粉

再上蛋漿

最後沾上麵包糠就可以炸，熱鑊滾油放餅

一放餅就轉慢火

望下後面個餅，雪硬左就係咁既樣，所以一沾完麵包糠就要即炸

否則會溶

大少奶's Delicatessen

宣傳你的專頁

送給自己的

昨日母親節，包包咁細無乜點慶祝

大少爺反而好興奮咁代包包送我禮物

其實我仍未有慶祝母親節既觀念，包包已令我好快樂

呢種快樂已經令我成年轉圈圈

而我只想留在家休息，近來實在太累，返完教會都好累只想睡覺

晚上就自己煮喜歡食既食物

我只想食鬼馬油條，彈彈彈墨魚膠加脆油條

而且今次用焗既方法，出來效果都好好啊

墨魚膠釀入油條

油條用200度焗爐焗10分鐘

就可

醬汁材料：

茄汁          3湯匙

白醋          1湯匙

糖          1糖

生粉            1茶匙

爆香洋蔥、青椒，油條兜一兜，快手倒入醬汁

快手兜勻，就可以上碟

大少奶's Delicatessen

宣傳你的專頁

8餐廳

 之前澳門新葡京酒店邀請去酒店旗下餐廳試菜

對於8餐廳我係好期待，因為中菜來講佢真係好出色

所以要訂位都唔係容易既事

每一次都嘗到新菜式，有些菜式本身係傳統菜式，餐廳卻從傳統烹調中用上新既造法

welcome food

柚子啫喱配鮑魚，加和牛撻

炭燒露荀豚肉卷拼玫瑰蜜汁叉燒 

叉燒要做到厚切而鬆化，塊肉一定要靚

呢件叉燒絕對出色

炭燒露荀豚肉

用豚肉卷起，包住露筍，豚肉質感仍軟滑

錦繡玉鴛鴦

佢類似新加坡既撈起，又有點似娘惹菜既Rojak

芒果下其實有鴨肉既，除芒果外，生果用上兩款蜜瓜、仲有青瓜

點綴既脆油條及焦糖合桃，淋上醬汁後撈勻，看似係沙律，但夾雜唔同質感

撈勻後就係一個多層次既沙律，天氣開始熱用呢個做前菜係適合

我都打算自己試整呢

滋補鮑魚響螺燉竹絲雞

當一輪前菜過後，一碗熱辣辣既湯平衡一下

上菜方式有點似日式茶壺湯，燉既火喉夠，湯甜得似精華

日本A5和牛西洋菜卷

好多時牛肉卷用上金菇、露筍等等去配

但餐廳饑黎西洋菜

不過…如果當西洋菜唔當造的話，餐廳會自行配上其他蔬菜

但可以肯定既係...一定會揀上爽脆既菜，咁先可以同和牛肉做成對比既質感

至尊京都肉排

呢個係其中幾位食友試過讚不絕口既菜式

起初聽"京都骨"有乜咁特別，上菜時既賣相都未係感受到特別之處

但一咬開，表面原來係一個好脆、好薄既脆皮

裡面包住一塊肉，醬汁又剛好包住整個脆肉，唔會因為太多汁令到片肉淋

呢個真係好好食，亦都係好難忘既一道菜

脆炸茶香龍脷球

當以為龍脷魚好普通時，近年咁大條龍脷魚已經好小見

脆皮藍天使蝦百花琵琶雞

將隻雞去骨、然後去炸，炸完仲要佢能夠鋪平配上蝦膠

係好巧功夫既

          蝦膠既蝦係用藍天使蝦做，配上雞件又係一個有對比既質感

米皇腿片浸時蔬

米皇即係白粥，但係呢個米皇做既漿係將米完全磨滑

有米香之餘濃滑

八寶鵝

雖然係鵝，但唔太肥膩，裡面有足料既糯米飯

淋上醬汁後，糯米飯吸收到醬汁後，惹味十足

原隻乳豬焗飯

其實很抱歉，呢個菜式原本係一隻BB豬咁上

但大家都知我有個弱點，所以只能去share分件後既相片，見諒

話雖如此，但呢個乳豬飯非常好食，又係望番張相都想再食既菜式之一

甜品時間到，先未petit four既奶茶加馬豆糕

奶皇人蔘酥

當好飽既時候，見到呢個又忍唔住食

上碟時真係覺得佢好似一條人蔘，實情係…表面好鬆化既酥皮，裡面係奶皇

飽到上心口仍忍唔住要食

8餐廳如一地出色，睇番d相後又再想食…

>

大少奶's Delicatessen

宣傳你的專頁

摷雪櫃的驕傲

近來好忙，忙到成個星期得一晚晌屋企

但昨晚突如其來可以留在家，陪下大少爺同包包所以好開心

我其實唔太想放低佢兩父子，每次我都…我捨不得你 yaya，無奈我有我的未來……

雖然可以留晌屋企，但我好累，累到無辦法去諗煮乜

於是就沉瀝於"想"午睡

可惜…我每次一入睡電話就響，有大少爺、有朋友仲有d無謂電話

唔通…我想休息都咁難

直到夜晚我就晌雪櫃摷呀摷，終於摷到火鍋牛肉、泡菜、韓式辣醬

就係咁…我…我整左個扮晒石鍋飯

上面仲加隻蛋

大少爺覺得好好食，其實呢d都係剩物！！！

所以話有時買定各類食材晌屋企係有用的~哼

其實真係好好食

做法簡單：

火鍋牛肉解凍，然後預備d泡菜、兩粒蒜頭、洋蔥半個

韓國辣醬 1湯匙

將牛肉、洋蔥、蒜頭爆香

牛肉開始熟就加泡菜

最後加上辣國辣醬，兜勻就done

易過借火！！！

大少奶's Delicatessen

宣傳你的專頁

melijoe .com

從前我唔太喜歡網購，但自從包包出世後我發現網購有很多好處

可以慢慢去睇、慢慢去揀

重點：價錢都一目了然

但香港網購唔係間間都有齊各品牌揀

有時想買件靚d既衫仔，都要週圍搵

melijoe.com就有大量唔同品牌唔同款既衫仔，仲可以一次過揀埋鞋仔、及其他配飾

大家可以上:http://www.melijoe.com/hk/

有d品牌比市價平d，以PETIT BATEAU價錢平過門市都幾多

有興趣可以上去望下，或者去佢個Facebook睇下

https://www.facebook.com/melijoefashion

黑麻麻

做食譜既人，屋企通常都收埋好多粉

呢類粉去黃石碼頭，無人肯交收既

通常粉既份量唔多，等同雞肋食之無味棄之可惜

於是就要想辦法滅粉

今次純粹滅粉所以整既，佢係麻糬

做法諗唔到咁簡單，又滅去我既糯米粉、太白粉同黑芝麻

重點：呢個食譜做出來好好食，好Q

如果我令你買了太多粉，我願意一力承擔去share多d 滅粉食譜！哼

食譜：

糯米粉             150g

太白粉              1湯匙

糖                      2茶匙

水                       200ml

另備：

黑芝麻             半碗

糖                  2茶匙

做法：

將糯米粉、太白粉、糖、攪勻

倒入玻璃盤中，蒸12分鐘

用個保鮮袋搽小小油，放入糯米糰，撻佢十幾二十下

咁做個糰會更加有彈性

分成小份，沾上黑芝麻粉

黑芝麻炒香，加糖放入攪拌機打碎

就可以沾上麻糬喇！如果喜歡花生味就用花生

植入式推廣：我當然用Fissler多功能攪拌器去打啦！哈~

大少奶's Delicatessen

宣傳你的專頁

小饅頭

難得一身好本領

廚房始終闖不過……

開始焗餅仔比包包食，第一次試焗小饅頭

做法唔難，最難要我好似啤膠機咁逐小粒去搓

佢又唔係易搓，因為係用太白粉，係太白粉唔係白粉

咁太白粉太乾就散、太濕就會溶

不過焗出未味道又唔錯，真係似旺仔小饅頭

但都係果句：自己整既食物，唔會有太多防腐或什麼024 43420等等既添加劑

糖份又少，叫做比個仔食會安心d咁囉囉囉

蛋黃   2個

太白粉       180g(即係馬鈴薯粉，可以晌烘焙店買，有d街市雜貨店也有)

糖              50g

奶粉          30g (如果比BB食，可以用佢食開既配方奶粉)

蛋黃加糖攪勻

篩入奶粉及太白粉，搓成糰狀

手沾小小水搓成圓粒粒

我唔建議直接加水入內，太白粉會溶的

所以手沾水會易d，慢慢變成啤膠機咁逐粒整

170度焗爐焗15-20分鐘，細粒d裡面易熟d

大少奶's Delicatessen

宣傳你的專頁