今天天氣呵呵呵~

今天天氣呵呵呵~
我就全力打掃屋企、出盡力洗衫、曬被
要趁好天氣嘛！據聞下星期潮濕啊
就算鐘點姐姐每星期幫手幾次我仍然樂此不疲，我做唔好家務去街會唔安心
今日會整兩款小食，唔知點解今日充滿動力、牛咁勤力
__________________________________________________
第一樣製成品.........牛肉乾 (比菇奶奶同珍妮仔講中..牛 again)
原來牛肉乾唔係咁易整，你碌得佢平會變碎牛乾，晒散
就算起膠都唔得，就好均勻唔可以太厚又唔可以太薄
焗兩底得呢度少少見得人咋，但佢好食過豬肉乾喎

另一樣小食係椰汁馬豆糕，好易整既甜品
用冰糖整好味呀！

今日洗好多衫、曬被、仍有一堆內衣褲晌乾衣機焗乾
目標已經完成晒喇！好累，成日無停過
______________________________________________________________
迎接潮濕天，將米炒至金黃放入鹽樽可以吸濕
就算已經受潮都會變番乾架！
由於屋企食珍珠米，所以炒完既米脹卜卜


後記：最終我同大少爺出cwb食飯，無煮飯實在太累，要留番精力去街呢

待客~

牛油蛋糕係唔可以成日整，牛油份量太多
而且我經常失手，唔知點解、唔知理由，總之唔係成日做得到
有時升唔起不特止仲會凹咗、有時就一切就散、有時不知所謂
今次做到，下一次都可能做唔到，仲未搵到個好既食譜
呢個係整係比大少爺既妹，佢今日放大假聽日去法國旅行
但我下晝等送貨無同佢去街(我已經成為親朋放假既行街良伴)
所以佢上嚟傾下計坐下
好彩今次成功有蛋糕可以招呼人，以前我會出去買蛋糕或小食招呼客人
而家就自已整，仲有得比客人帶走添！

牛魔王終於忍唔住.......出手喇！

牛魔王終於識整乾炒牛河呀！
用易潔鑊炒只需要少少油就得，原來唔太難
我只用洋蔥、芽菜、牛肉、河粉整既，但都好好味
我係跟珍妮仔既食譜做，好開心呀
不過牛肉唔好太快回鑊，否則好易紉
同埋唔好太大力炒，好易斷

食譜 : (乾炒牛河)   
珍妮仔 提供
材料 : 炒用河粉,牛肉,銀芽,韮黃,韮菜,薑粒,蒜蓉
調味料 : 老抽,生抽,麻油,糖(小小)
1) 將炒用河粉要每一條慢慢分開(否則會容易炒到一餅)
2) 牛肉先用豉油,糖,生粉,小許油醃味待用
3) 用少許油先炒銀芽,韮黃及韮菜待用
4) 將少許油加入薑粒及蒜蓉爆炒牛肉至七成熟盛起
5) 用少許油加至大熱加入河炒快炒後再加入調味料及銀芽,韮黃及韮菜兜均
6) 將牛肉回鑊再炒均加入小小麻油增加香味即可
其實唔太難一定要多做即可了!
珍妮仔提供貼士：可以用筷子幫手唔好用鑊鏟就河粉就唔會碎的了!

Encore

Encore 乜呢？無錯！係 芝麻脆餅
早幾日整既時候帶比大少爺家人食
睇得出大少爺好鍾意食，而且做法簡單，我都覺得幾好味
佢食得好少但又要保持儀態唔可以爭食喎
只要佢鍾意無論幾難我都會整，何況呢個咁易整？我好鍾意見到佢食得開心既樣
今次我試用粟米油，效果一樣脆
再一次多謝小魚仔提供食譜

五環合體

我9點就起身，煮早餐比自已食

好鍾意呢張相呀！有我好鍾意食 English muffins、煙肉、蛋

睇下隻蛋進步神速呢！其實用咗煎蛋工具，五環童食五環早餐，呵呵呵呵呵呵

五環合體後，就係........煙肉蛋漢堡

今晚見！

轉型

琴日去朋友屋企作客，乜都唔駛整卻有點手痕
今晚去同大少爺既家人飯聚，決定整中式餅送比佢哋食
其實唔係好特別又好複雜既餅，係芝麻脆餅
打算傍晚行一陣金鐘先去大少爺屋企人度食飯，金鐘通常無咁多人呢
1930hrs:最後無行PP，正在等食好悶-ing

好易整又好脆！我係用
小魚仔食譜
芝 麻 脆 餅 ~ 食 譜 Recipe
材 料  :  ( 20 塊 份 量 )
低筋粉 (薛) 100 克   砂糖  45-50 克   雞蛋 20 克   發粉 1/4 茶匙  
梳打粉 1/8 茶匙   水 10 克  固體菜油 25 克  白芝麻 / 黑芝麻 ~ 適量
做 法  :
(1) 首先預熱焗爐 170 / 180 度 及 10 分鐘 。
(2) 低筋粉 + 發粉 + 梳打粉 ~ 辥好放入缸內混合後 。
(3) 加入砂糖 + 雞蛋 + 固體菜油 + 水 ( 混 合 ) 用手輕輕攪拌搓勻 。
(4) 再將麵團分成 20個小等份 (每個 10克) 及 搓至圓形 。
(5) 將小麵團活滿白芝麻 (或黑芝麻) 後，再用手輕輕壓扁麵團。
(6) 然後放在預先放上牛油紙焗盤上，再入焗爐焗 170度 / 10-15 分鐘。 (即成)
引用自：小魚仔
我將固體菜油轉為橄欖油，都好脆

電腦醫生

終於可以安坐書房用電腦，因為私人電腦醫生表弟今日幫我整電腦
因為今次連個殼都換埋，佢仲講明我哋要親自車佢到我屋企添

！！！

原本我好想親手整個  Tiramisu送比佢賀轉工
但我未整過大少爺話訂一個，免得失敗，因為表弟好鍾意食 Tiramisu
去A1訂，個蛋糕味道好好但有別於傳統款色
有一塊又厚又實餅底，而且唔係夾層 lady's  finger，連蛋糕片都無
感覺係似食實既 mousse cake，好漏



自已 整 既
豬肉乾

有別於過去親自整晚餐比佢食  
表弟晚餐 1   表弟晚餐 2   表弟聚餐 3
係叫 Pizza hut
或者我鍾意食 Al Dente 同 Pizza Express既pizza
覺得pizza hut 麻麻地~

 

表弟每次都要食既心太軟

比表弟帶返屋企既有......
整比舅母既戚風蛋糕

整比大bear bear 舅父既杏仁曲奇
(
舅父鍾意食曲奇，其實舅母話唔好整曲奇比舅父，因為舅父會一口氣整包食晒，牛油含量又多，但朝早聽到舅父打電話比我時嬉笑既聲音，我就忍唔住整比舅父食)

仲有日本買返來既手信

To: 表弟
唔該你呀！幫我整電腦
仲有祝福你工作順利！下個月見啦

King & I

大少爺3點幾晌九龍灣上完Course，行完ikea再行APM
到6點唔夠就肚餓食飯
我揀呢間餐廳因為係泰國、越南既餐廳
但唔係fusion菜式，係一間有兩種菜式既餐廳
泰國菜同越南菜我都鍾意，因為呢兩款菜式都有好香既香料
訂位講明1.5個鐘交檯，上菜快但又夠熱
餐廳較暗，坐卡位


冬陰功
隻蝦都幾大，夠酸夠辣，都貼近晌泰國飲既味道

好好味既炭燒豬頸肉

越式春卷
都好味，比一般越南餐廳既更好

麵包咖喱雞
個面係類似印度酥餅既味道、質感，好味
雞好滑，兩個人食呢個就唔好叫粉麵，因為食唔晒

會有waitress拆開麵包，個鴨仔盤其實幾大，好多雞
 

兩杯飲品
大少爺既  芒果、士多啤梨 smoothies
 我既薄荷柚子smoothies ，好味     
 

聽日表弟幫我換底板，終於可以自已有番部腦，呢半個月好唔慣用大少爺部notebook
通常表弟嚟我都會整多d嘢比佢食，見到佢我同大少爺都好開心
佢最叻引我笑，聽日整乜？聽日咪知囉

Tomorrow is another day！！！

Tomorrow is another day！！！
大少爺今日上 course，佢起身時我紮醒
打算9點再瞓.........樓上裝修既無情電鑽將我鑽到瞓唔番呀！噢！
今日已經feel到假期既熱鬧氣氛
因為大少爺上course會早放就約我晌佢上course既附近，行一陣再食飯
跟住琴日我就打電話去訂泰國菜
個服務員同我講.....要六點先有位但七點半就交檯
噢！大少爺話公眾假期前度度都多人就試下啦！
我就睇下呢間值唔值，哼！

惡人先告狀

覺得自已係需要練習EQ？
見到 留言版 留言真係覺得唔高興
我講過開blog係我想記錄自已由零開始既烹飪學習
曾經有blogger問我，想要相片，我知道後都答應
被唔知情下copy相我覺得唔開心點解自已整既、影既會貼晌別人既blog上
原本我見delete晒都無再多講，但調番轉頭比人話
食譜我貼出來係同分享，我會用人家食譜，但都會註明來源、甚至連結、撰自
總好過不動聲色地據為己有，仲比人惡人先告狀