生日快樂~

To:自己

祝自己生日快樂！主恩常在、家人平安

每年我都會覺得自己生日係要大大慶祝

今年本身打算去旅行過

早幾個月家人有事，我同大少爺都好擔心

旅行除消，連生日都會平淡地渡過呢！

但願家人無事後，先再補慶祝，我同大少爺點都會耐心去等待

*呢張咭係菇奶奶畫比我既，睇下張相既光，好似從天而降咁

影既時候無特別去就光，但影完就好似有道光從天而降

呢一年最大改變係我信主了

生日蛋糕都無乜心情去整，呢個栗子蛋糕係大少爺買比我既呢

至於生日禮物，都晌兩星期前送咗呢

各位祝褔我時，都祝我家人平安丫！謝謝

我們 3

琴日係我同Vanlily三週年紀念日
當然要慶祝慶祝啦
三年裡面，有近兩年日子差不多唔見面都日日不斷email
同msn無分別

更加有段時間係一個月見到七次
近幾個月只因我晚上要抽時間照顧家人，先少見面
不過…點都有兩次呢

好快！好快！好快就一個月可能見15次，哈哈

琴日我花一個下晝去改其中一份稿
連整蛋糕既時間都無
所以只係送一套曲奇模比佢，仲要係之前買落既呢

我收到raspberry芝士杯，個底既棒子乜乜好好味架！好開心
唔止整埋比大少爺，連我表弟先生同忌廉bun表妹都有份
多謝你啊！
都唔止呀................居然仲有........

仲有朵花，佢送花比我啊

琴日我望入去時，以為假花，點知返到屋企發現係真既玫瑰啊

好感動呢

琴晚先去鼎泰豐食晚餐

小籠包

呢個係炒豆絲...好味

雲吞 (minicorgie)啊！哈哈

擔擔麵

呢個係甜品：芋頭小籠包

估唔到好味架

食完後...去Faces行，行成兩個鐘咁滯

小冬：和你默契  愛一生一世嘛

期待出年既週年紀念呢

P.s Calling陳小冬，今晚黃石碼頭等，會有大飛來接你去祕密任務

帶埋你兩個左右鉗呀！哈哈

又再迪迪尼

一年一度去迪士尼既日子
今次唔係同大少爺去
係同呀妹diana、烏吱、菇奶奶去既

每次去迪士尼都懷著興奮心情
雖然你會知道其實迪迪尼係無乜變
3D電影都係無變
巡遊都係咁上下
機動遊戲都係玩到無驚喜

但係只要有米奇、同minnie
就一切都幾得美好、一切都叫我開心呢

我最鍾意捕捉無人既一刻先去影

早餐都未食，入到去先去醫肚

始終我都只鍾意大街餐廳

今次有聖誕版本既午餐，3道菜先$120，各樣都唔錯

兩個聖誕甜品：一個係薑餅、一個係聖誕布丁

食完就睇巡遊

其實呢…真係次次都一樣咁滯，但每次都覺得睇得好開心

或者因為演藝人員臉帶笑容、跳得好開心咁！令到睇既都開心

最鍾意呢三架車

第二站係去小小世界

雖然知道同東京迪迪尼相差好遠，但都睇得開心

跟住去下明日世界、睇3D電影後

兜兜轉轉終於去排隊睇尾場Golden mickey

又係睇九次仍然覺得好睇既環節

哈！又係捕捉無人既時候去影

好快就入黑喇

我最鍾意既旋轉木馬，佢地去晒大街到買嘢

原本話行一陣就返去影夜景，後來就唔肯走

我點都要自己行入去影相，因為我鍾意呢一刻最靚既迪迪尼

雖然要等，等人玩完走先影到，但我影得有滿足感

呢個要夜晚影先靚，呢張上面轉緊時影好動感

上下都唔同呢！哈

今年立體眼鏡只係得心心呢

透過立體眼鏡去影既

最後當然係煙花

我今次同城堡隔得好遠，我晌大街既中尾段

所以都影得好辛苦，無腳架、前面又太多人

有多小朋友騎膊馬，影到咁都好滿足

迪迪尼再見喇！我一定會同大少爺好快又嚟呢

匆匆的post

琴晚煮一個簡單既西式晚餐
簡單到我都無影相

但係其中一樣，我就趁仲有少少光影低

芝士忌廉焗薯片

其實上次大size既蔬菜盒，有一袋男爵薯仔
呢d可以擺放得耐少少既就最後先去整
呢個焗薯片，好容易整，；用忌廉、奶去煮，煮完焗
係配菜既首選

不過…好邪惡既呢

今日講住咁多先，因為我今日去玩啊！而家已經好興奮呢
去邊樹玩？
聽日咪知囉！
但今日天色唔多好，但有我們這一家成員搭夠
bye~~~~~~~~~~

諗唔到想點煮，就用最簡單又好味去煮吧吧吧吧吧

飲勝

噢！你好嗎？
近日晚晚都無乜煮飯
今個星期都唔見得我有時間去煮呢

為補償大少爺，唯有整佢鍾意既甜點比佢

就算唔煮飯都起碼都有d甜點丫

仲有雞骨草，其實大少爺好怕飲雞骨草

但每次佢都會晌無得揀既情況下去飲

細個既時候，我最憎家人逼我飲涼茶
我意思係苦既涼茶
到大個之後，都唔肯飲

但最估唔到既係…我自己唔飲但就逼自己個老公去飲
然後同佢講：苦口良藥啊！乾杯！

木糠布甸我只整過一次
今次係第二次
其實我係因為雲呢拿籽而去整呢

又來囉

踏入12月係週身唔得閒既日子
但忙得來又好似好開心
不過...今年我忙得來開心得來又有dd顧慮
始終個心都會擔心家人情況嘛

先講下...一出街就覺得係要買下嘢
星期六同忌廉bun表妹去Faces，見到好多品牌都出gift set
就好想買，永遠敵不過一set裡面有晒我要用既物品，然後個價錢又平過散買

連玩game例如…pet society、cafe world、RC都有聖誕既裝飾

真係因為聖誕又再沉迷game中啦

今星期得兩日係可以得閒少少，所以點都整下午餐

又係因為聖誕要買好多食材，要收舊既清除

所以今日午餐係黑椒牛油蝦配磨菇 Risotto

@Yamm

今日同"忌廉bun表妹"去街
先去Yamm食lunch buffet，然後行街
足足行成5個鐘呢

呢輪我沉迷買 eye shadow，繼bobbi brown盒 gift set後
仍然心思思想買其他
不過…今日只係買多兩支眼影掃呢

先講下個buffet
Yamm好似有d人讚好、有d又話無乜好食
我覺得貴精不貴多，可能佢既buffet唔及JW咁多海鮮
又無燒牛肉
感覺好似唔夠豐富

但我仍然覺得貴精不貴多，各樣味道都唔錯

對於我來講係好ok既，會同大少爺食多次呢

但係呢....星期六既lunch得幾檯人，好清靜啊

我同表妹都坐到230pm呢

我愛麵包籃

頭盤：

生蠔&  parma ham

日式食品即叫即做

其實我同表妹有食壽司同剌身，但無影相

有即炸天掃羅、爐端燒

熱盤：

當然唔止呢度啦！但我只會揀自己想食既

我見有好多款唔同口味既咖哩但我又唔太喜好呢

香濃磨菇湯

甜品：有cheese cake，但我又唔想食、仲有mousse cake....

有tiramisu，表妹小姐有食，我試一啖都好香濃

仲有以下栗子杯、同埋一個熱情果杯好味啊

呢個忌廉蛋糕居然引起我興趣呢

紅色個macaroon好味啊

食完呢餐連續行5個鐘都唔肚餓呢

收到忌廉bun表妹既生日禮物，多謝晒！我好鍾意呢

x'mas party

琴晚去今年第一個聖誕party，係ELLE舉辦既

這是一個慈善 party，每位參加者都捐了 $200 給 Hong Kong Blood Cancer Foundation

然後我就問邀請我位小姐可唔可以帶幾個朋友去

最後…我就同其餘4位敗家仔事頭婆、繼姐、呀茄、烏吱，當然有Vanlily啦
到party前一日，笨B媽媽同我講ELLE都有邀請佢，佢佢對化妝無興趣唔去
我就引誘佢，最後佢都去！
其實如果笨b早D應承，就可以帶埋其餘餓底去啊

PARTY內提供化妝指導、食物同遊戲

入到場，見到好多化妝品牌，大家都諗：一定又買啦！邊次我哋避得過

最後發現，所有counter係唔賣嘢，只係提供意見、幫你化妝、幫你搽指甲

我自己化晒妝，但呀繼、vanlily、烏吱、事頭婆即時有專人幫佢哋化妝啊

我就抹走本身已搽既甲油，搵化妝小姐幫我油指甲呢

食物都係小食類，但入到去就忘記食物呢回事

有化妝師教化妝

有髮型師教set頭

有陳嘉蓉講護膚心得

丫！RMK都有gift set

$7xx，眼影外，仲有埋胭脂、乾粉

其實我都有諗過，但我唔鍾意粉色，所以最後買bobbi brown

有遊戲玩，Jean paul同 issey miyake送出九份香水禮物

哈~9份我哋拎到5份啊

我得到Jean paul香水！最靚呢支呢

跟住抽獎，可惜得事頭婆抽得中

But.........臨走每人有一份禮物包

係一份拆極都有既禮物

各住觀眾.........裡面有

骨膠原飲品10支

仲有 max factor mascara

Orgins護膚套裝

Shisedo既旅行裝skin care同maquillage唇彩、眼影

RMK既乾、濕粉試用裝

同RMK免費化妝一次

Jurlique 既 balm

Cover mark skincare同粉底

Dermalogica、Zensation、Tommy girl既skincare

仲有無影到既Clinique既eye mask同cream

仲有仲有ipsa免費化妝一次、IL Colpo 8折、Barbie免費搽指甲一次

仲有仲有仲有Orgins送出聖誕花

個盤自己diy去畫，但我畫到鬼五馬六