Day 4@ Tokyo 2009

今日第四日喇
聽日就返香港啊
無論去邊度旅行都會唔捨得走

出年我同大少爺正常應該最大機會去澳洲

正常既意思係....大少爺可以一次過放長多幾日既大假
所以應該2011年先會再來東京


是日悠閒去吉祥寺
大少爺想去吉祥寺好耐但次次都無去到
去恩賜公園

公園內有部自動販賣機，有罐頭蛋糕賣啊
我當然唔會試啦

早餐

有食松板牛肉球，外層香脆l、內裡好多肉汁都幾好味
好彩我無行開，大少爺無啦啦同人講買5個
每個大過山竹牛肉，點食到5個，我即時阻止買兩個夠喇

每人一粒剛剛好

之後落新宿
專登去食博多天神既叉燒拉麵
我覺得呢間最好味
唔好睇佢門口唔太多裝修，就算池袋東開新店都係專登整成咁

午餐

我相信佢地有信心好味既湯底留得住客人
事實上係呢

大少爺話難得再落新宿點都要再食呢個抹茶甜品

我地又返去行池袋，當然啦！行極都未行完
就算我每日去經過sunshine city都未行晒
聽日要努力用幾個鐘行勻為止，哼~~~~~~

晚餐上西武百貨揀
揀食日式西餐

哈！！比呢個拼盤吸引左

晚餐

有迷你焗飯、沙律、炸乜乜(食完都唔知係乜)、燉牛肉

大少爺食呢個，仲有個白飯跟既呢

餐有湯、沙律同甜品

我鍾意佢地樣樣細細份、但又多選擇

蛋糕好靚啊

如果東京不快樂 鐵塔亦能快樂 巴黎無快樂
亦能用菲林充實我眼光
我願意 從天邊 找我的海角

即使風景不快樂 旅客亦能快樂 機場無快樂

Day 3@ Tokyo 2009

話咁快又第三日喇
今日去必去涉谷、表參道及原宿
一早起身去美登利食壽司
噢！依然無得頂呀

但有個人好大懵，唔記得影2個壽司餐既大合l照唷

噢！好新鮮啊

呢個大少爺必叫既，額外叫會好大件，長過對筷子好多添

跟餐既細條d呢

跟餐有蟹肉蟹膏沙律，好鮮味

美登利晌mark city

你睇下，睇到d乜？我行過見到忍唔住影啊( 唔係我做架)

之後去0101同Loft

呢期興人型魚肉腸
即似零食既魚肉腸呢！有橙色膠包既呢
個電視短片話撇開橙色膠紙會變魚肉腸人啊！好得意啊

之後沿路行落原宿同表參道

我好少擺我買既衫褲鞋上blog
但又好想講
呢間賣日本自家設計既tee，有好多款揀
最重要係一件2645yen 、兩件4200yen夠平啊
好多款，多到花多眼亂，我同大少爺每人買2件
呢2件我既，下面件更鍾意啊
原本仲想買，但我又唔算好鍾意著tee呢

晚餐@pepper lunch

終於試焦糖糕ok好味

夠鐘夾公仔

聽日第四日喇！聽日去一個悠閑d既地方
唔再掛住買野
當然係時候收手呢

Day 2 @ Tokyo 2009

大少爺生日

所以將tea既蛋糕放頂

好奇怪我咁早返酒店？
其實我同大少爺行足一日，加上買完野想放低野繼續行池袋
仲有夾公仔
所以上酒店休息一下先

生日都要食長壽麵，食我都鍾意既烏冬
真係開心得多啦
呢間烏冬真係每次都覺得好好味

自己揀配料我要炸雞，大少爺要炸乜乜

然後去銀座
大少爺好鍾意銀座既呢

生日一定要食生日蛋糕，今次去shisedo

叫甜點套餐，每一款都好好味

有2杯迷
你芭菲、一杯焦糖燉蛋

2件古力蛋糕、一件士多啤梨mousse、一份黑加侖子mousse

呢間既餅店蛋糕好靚啊

之後去玩具博物館，影下玩具

有旋轉木馬啊！無..................想你地會記起我新書封面之嘛

下面隻匙羹係電話繩，咁大隻羹掛晌電話都幾型

再去新宿行街，大少爺生日禮物揀左兩件衫呢

晚餐
見到有鰻魚飯
大少爺話想食

我就食鮪定食呢

唔少得我同大少爺都念念不忘既抹茶甜品店既雪糕啦
呢間啊！
晌小田急既食堂街內抹抹茶甜品店

大少爺、祝你生日快樂、年年都有今日、歲歲都有今朝（呢兩句送埋比自己，咁我咪年年晌佢生日時都有得去旅行囉)

係時候再落街喇！希望夾到多d的公仔擺上黎啦