Day 3 @Tokyo

第三日行程去秋葉原食午餐

之前我問KC有無燒肉介紹，最好係山手線之內，因為行程都幾趕

佢介紹去秋葉原"万世"，佢成幢都係食牛肉

唔同做法既牛肉料理，秋葉原都係一程車，於是就去

呢度真係好多宅男 

地點：東京都千代田区神田须田町2-21　5F

JR秋葉原站電器街出口行5分鐘

其實出口直行前兩個路口轉左就會見到

KC推介10樓千代田，但我唔喜歡鐵板燒

所以去5樓食燒肉

仲有其他料理的

價錢好平，我點了和牛 12件同 一客大既三種盛 

佢個套餐仲有跟飯、湯同泡菜

而我就另點以下個拼盤

呢個和牛未算驚喜，但都唔錯

反而呢個三種盛都唔錯，個牛舌燒完都好軟滑

我最喜歡食燒肉的

呢間的確抵食

之後搭JR去新宿轉丸之內線

新宿向池袋方向，搭兩個站去 四谷三丁目

無街名的，你晌消防博物館出口出，轉左行，記住係轉左

佢幅圖都只係寫四谷三丁目，是但一個睇錯方向都會去唔到

如果無行錯好快會見到的

佢鋪頭細細，但都幾齊，最抵買係衫仔

分好呎碼，Tee最細係80碼，都有初生B既呎碼的

短袖 Tee連稅都只係 1080yen，好抵

買左呢堆野比包包

包包有個麵包超人水壺，我晌度配番支飲管比佢做後備

呢堆野加埋唔使5000yen

裡面有好多玩具，但玩具包包有好多，多到收埋既都有一箱

我只買d實際既比佢玩具只有電話一個，免得佢成日拎屋企個真電話亂打比人，好抵好抵，

落新宿，目標只有波鞋

路經呢度點都入去睇下，如果有朋友或自己生B，晌日本Comme ca買BB set好低

3000yen 一set

男女裝開始減價，都抵架

路經 3coins又執幾樣，每間 3 coins都略有不同，見到就好買喇

  http://www.3coins.jp/

300 yen買個小布袋帶包包落街玩都輕便d

行到去新南口，高島屋對面既St marc cafe食個Tea

魔鬼到不得了

好好味啊！個丹麥酥配雪糕，肥死人

但好食到不得了

iced green tea latte，都幾好飲

食完飲完行高島屋

高島屋晌新南口，要由呢個入口行番去JR站，完全係半個地球咁長路

之後返池袋，主要去西武買手信同其他雜物

Kit kat有好多唔同口味

我買了佢話冠軍既士多啤梨楓糖味，試了…太甜

呢度有手信盒裝，後來我去到機場發現仲抵啊！明天再寫

行到好累食飯，是但晌西武上面食吉列

呢間唔介紹了，大家如果晌池袋想食吉列

行番去parco食和幸吧！

3日只買了咁多多，其實我有晌藥房買眉粉、眉粉同眼線筆

仲有mask 及 3隻碟，3隻碟太小了，因為無時間去睇

仲有涉谷既Loft有幅畫我好喜歡，如果同大少爺去就一定買回來

明日會post埋最後一擊同機場買既手信，又平又抵的

大少奶's Delicatessen

宣傳你的專頁

專欄：沉澱

這幾天讓自己抽離沉澱，卻發現在外風景多美、食物何等美味，我還是戀家。

伴侶最美妙的溝通，是不用去溝通都會明白對方感受，正正代表二人想法一致，不是互相有好感、初時的轟烈就能廝守一輩子

涼拌牛蒡絲，牛蒡有排毒功效，容易得來又有益，煮過的水更正正是牛蒡茶呢~

今次用汁煮既方法，煮定放雪櫃隨時食

今期專欄：沉澱

專欄食譜：涼拌牛蒡絲

http://goo.gl/OaxtKO

Day 2@ Tokyo(涉谷、原宿、麻布十番)

Day 2一早起身打算去惠比壽食拉麵

同埋因為同涉谷近，咁去行個圈都好，點知…乜都未開

咁是是但但食個拉麵先走，個拉麵唔太值得推介

所以一切從涉谷開始

以往我會從原宿行落涉谷，但今次行程好趕，所以一站搭一站咁走

去到涉谷因為想去洗手間入了一間百貨公司

但我忘記了自己入了邊間，但見到一間食Crepes既餐廳

就入去食個crepes 

我要的焦糖味，好好好好食

車人要的栗子味

就係咁…無啦啦就食了份甜品了

去我目的地，Ape

大少爺夏天常著既品牌，價錢比香港平一半

香港一件 $800，呢度$400

入到去要排隊，排了大半個鐘

我呢類唔等得既人，為了大少爺就排了大半個鐘了

雖然要排隊好討厭，但sales既態度好好

佢地要人排隊就係為了一對一咁去招呼你

APE在東京有兩間分店，一間晌表參道，一間涉谷

涉谷晌Parco百貨公司隔離，咁樣講…你就會好容易搵呢

任務完成後週圍行…近日興起蛋黃哥……

行了一段時間搭一個站落原宿既竹下通

呢度十年如一日都係似女人街

無乜期望，結果買了兩條裙，都係d一件過方便湊仔去街著

今次去日本有樣唔同，發現多了日本製既商品

大家都知…早幾年晌日本要買中國貨

今次日本貨唔難搵喎

我買了6對襪做手信，1000yen有3對，款式靚同重點：日本製

地點：竹下通，大家唔好心急，行下行下到中段就會見到

掛晒出門口的 

之後搭車去麻布十番

搭JR到代代木站或新宿，再轉都營地下鐵去麻布十番

呢度都幾多食店，其中都有特式的

一出地鐵就有一間專賣鹽既，裡面好多鹽啊

跟住週圍行，呢間係好出名食鯛魚燒

我好開心行入去打算買

點知…佢要我等20-30分鐘

我…當…然…算…吧…啦！哼

其實因為我20-30分鐘後會食晚餐，所以無返轉頭啊

與你約錯終點  命運都改編....................

吃不到的鯛魚燒是酸的

再繼續行，見到呢檔賣串燒賣串燒

佢得雞肉同豬潤賣

乜事呢兩串野咁好食，串豬潤好大驚喜啊

食友  Chris 幫忙訂位的壽司店

大少爺唔食剌身食物，每次去東京都只會去美登利

我要生既壽司set，佢要全熟的set

今次可以食 Omakase由師父去決定比乜你食

呢間壽司店被評為東京最出色既壽司店

地址：東京都港区麻布十番３丁目３番地２

晚餐價錢 :10000 yen，飲品另計

價錢佢唔貴，因為每一道都令你覺得值得

店子小小，但招呼同親切度滿分

師父會用唔同食材去配搭

呢個吞拿魚配上蒜片及生蔥，鮮味中帶點香辛

我喜歡食燒蜆，呢個好鮮甜，熟度剛好

唔逐一介紹，看圖都睇到新鮮

 呢個八爪魚配上有檸檬味既鹽，好味

加上紫蘇葉好香

呢個素卷用青瓜、紫蘇葉去做，簡單得來清一清口腔

食到咁上下，師父會問你飽唔飽，唔飽佢會繼續整比你食

如果飽佢會送上生果，呢個西瓜又起沙又甜

呢餐大滿足~每件壽司都似師父用心做，好食

跟住沿路去返搭地鐵，鯛魚燒收了鋪

搭去新宿轉車返池袋

都營地鐵一出係新宿南口Lumine，好比唔比，比我見到林屋茶園

於是…又食甜品！！！

真係無得頂既一日啊

好好味

大少奶's Delicatessen

宣傳你的專頁