Italian Cuisine

今晚食飯既座位比較隱蔽，所以影相就算加閃燈都無人知，亦唔會難為情
夏天去街特別累，所以無心機慢慢諗食乜
揀左一間意大利餐廳，本來唔寄厚望
因為揀兩個頭盤
我揀一個煙三文魚caesar salad幾好、大少爺就揀燒雞味道好一般
餐湯又麻麻地、麵飽都唔好味，勝在可以點橄欖油、調味架又有黑醋供應！
但主菜既Pizza同西冷牛扒又唔錯喎！
個Pizza即場用火山石爐烤既，唔好睇佢無乜材料好香脆又濃蕃茄味
又有新鮮磨菇、Salami 唔太鹹、芝士又夠香
一向都無可能將正宗意大利餐廳既pizza同pizza hut鬥多材料
我食牛扒只鍾意美式牛扒，唔需要調味汁只求夠肉味同juicy，多數會揀 Rib eye steak
初以為一般港式牛扒，但原來件牛扒都符合我要求，都幾滿意
雖然唔可以同我覺得好好味既意大利餐廳Sabatini相比(價錢都相差得遠)
但都OK 啦！