潤你 (麥冬無花果南北杏雪梨水)

話說昨日同呀Fi行街行得好開心
收獲又好好
起碼乜都有d

跟住行五個鐘後，覺得好累，的確狀態不復當年勇

咁去Hysan place終於行到誠品

最後落化妝品層兜個圈打算睇下d粉底

一照鏡，簡直照妖鏡，原來我黑眼圈好勁，個樣好頹

但晌屋企塊魔鏡照又唔覺

唉…我真係要好好休息下，同早d訓

近幾年，一入秋皮膚就乾，直到朝早起身好似拉左臉皮咁

都不特止

以前我塊臉油到煎蛋，慢慢少油、而家無油

所以有臉油唔係唔好既事

一起身即使煲麥冬雪梨無花果水

麥冬可以滋養皮膚，仲有可以潤肺，所以大家可以煲下來飲，30分鐘就可以

今晚可以潤大少爺

潤埋個blog

潤埋你

等你知道，有時比人潤下幾好架！哼~








麥冬30g(大約去藥材鋪買$10)，沖下水，浸15分鐘

雪梨  5個

南北杏  1湯匙  (先浸)

無花果  6粒  (略浸)

雪梨去芯去椗切件、將所有材料加2000ml水共惹一爐去煲30分鐘，喜歡的可以加少少冰糖

Fissler個高速煲可以當普通煲用，煲30分鐘無用佢高速去煲

麥冬是常見的中藥材，具清熱養陰、潤肺養胃的功效，主治津少口渴、虛煩失眠等徵狀。今日介紹的兩款簡單飲料，皆用麥冬為主要材料，且適合所有體質人士飲用。

二人行一人免費之日本菜@雅Miyabi

其實我仲有好多食評要寫番，但呢篇實在又想打尖

上星期同朋友去完田舍家後，一星期後又同大少爺食日菜

我已經個幾月既星期日未停過，每個星期日都係教會生活，同埋教友聚會

即使明明八月我教果班兒童主日學暑假，我仍係忙碌著，同大少爺無乜去街

結婚週年去了Bear Bear舅父家，終於星期日可以同大少爺補祝兼齊齊揀禮物

2pm先出到TST，去Miyabi 午餐，二人行一人免費既午餐

Miyabi晌The One，環境同田舍家一樣，但好抵，我同大少爺每人叫一個懷石料理set，$480

咁只收一位價錢，再加兩位加一，都只係$576，好抵，早幾日篇田舍家個壽司定食加鐵板燒定食埋單$8xx

個定食仲要好多野食

我睇餐牌都多選擇，最平既set 都係$300

終於…終於…大少爺唔再局限去和三昧喇！Yeah~




個view

懷石料理set

我同大少爺兩個都一樣點呢個set，實在太抵喇！原先$480一位都抵

相片係一人份量，我同大少爺每人叫一個堆到成檯都係


有剌身

茶壺清湯，呢個湯好得，裡面有茸、魚肉，清得來甜

天婦羅....呢個OK，但唔算太好

我覺得用番南瓜比珍珠筍好

鐵板燒有大蝦

厚燒牛肉

仲有沙律、白飯同味噌

甜品：個布甸唔錯

但其實我仍希望係抹茶雪糕多d

每款食物都唔錯，但我唔知係因為我2pm先去到佢地趕落場定點，上菜太快

完全鋪滿張檯，我唔太慣咁，希望每款上慢d呢

不過…我仍然食得開心，同大少爺都開心



跟住去行街，大少爺見到張poster許志安當日有簽唱會

跟住剛剛好見到呀！超開心

真係開心

之後不停行街，我同大少爺都愛行街

行街見到好多唔同既野，所以即使日日行我都開心，剛過去一日又行街，太開心

海港城新亮點，Coming soon

叮噹呀！誰都喜歡你，小貓也自豪

唉…去極都係好多人，d人又唔守秩序

再見喇！呢100隻叮噹帶比好多香港人開心

我地由海港行番去利時、不停行街

最後趕過中環晚餐同睇呢個音樂會，聽classic既詩歌

秋意身痕(西京燒銀鱈魚)

今日我要去shopping，秋意既天氣我就會蠢蠢慾動地想週圍去

秋天的確身痕，但呢種痕係蠢蠢慾動去街既痕

加上大少爺今晚唔回家晚飯，我更加要同Fiona去大戰三十回，哈

近來諗煮乜好煩，因為大少爺濕疹，呢樣唔得、樣樣唔得

我唯有煮我唔食既豬肉，但都會悶啦

原來番茄同南瓜都唔得(多謝blog友提醒)，所以湯都唔知煲乜好

唉……

雖有整魚，大少爺好喜愛銀鱈魚，有十級喜愛，以前我未識煮野時佢已經同我講過愛銀鱈魚


銀鱈魚價錢同同類型既魚比係貴dd，但係物有所值，佢既軟滑無得頂

而我整西京燒銀鱈魚，因為呀精神領袖大少爺每日食日菜都好多時會揀，咁我就整吧

今次無醃過夜，醃6個鐘，味剛好，有時醃過夜會太咸

哼~你睇佢幾靚仔



醃前要索乾晒水



用赤麵豉 3湯匙、清酒1湯匙、味醂1.5湯匙攪勻做成醬汁，然後放魚落去醃，最好醬汁能夠覆蓋魚面

可以醃過夜，但我醃6個鐘都ok

預熱焗爐220度焗20~25分鐘(視符火力而定)

*清酒有杯裝賣，$20唔使，可以唔需要買一大支都得

鬼馬油條

每星期都會有一篇blog同刀嘜既好媽媽網站合作！

一直都很想做油馬油條，但始終對要炸既食物有點抗拒，尤其自己炸，又會怕太油膩，總係思前想後，最後決定試整。幸好，大膽嘗試，因為呢個鬼馬油條好好味，而且墨魚膠又好彈牙，配上酸甜汁，如果請朋友食飯，呢個菜式都係好吸引呢，當然簡單都有一定既步驟。

而我選擇用刀嘜奧米加3芥花亞麻籽油炸食物時油煙較少，每15毫升含2克奧米加3

有助提升兒童智能發展。炸完食物後，鍋具可以用AXE透亮精華洗潔精去洗乾淨，咁就唔怕炸啦。

食譜請click以下：www.haomama.com/?p=631 

整一次寫一次(燒腩肉食譜)

琴日過得好開心，因為同大少爺去街食食食同買買買，然後去一個音樂會聽classic詩歌

今日起身仍心感大滿足

星期六Bear Bear舅父一家人到我家晚飯

晌自己屋企煮可以自在好多

我又整燒腩、焗雞、蠔砵、炒蜆同菜

你地見得多，但舅父佢地卻第一次食

個燒腩肉的確整一次就會想寫一次，實在太易

但我想講既係…每個食譜有每個既做法

唔係一定有一個係一定好，更唔係人地個step唔同代表唔好

最怕係化簡為繁既野，化簡為繁唔係代表叻，跟本手到拿來既話就隨手便可以

我鍾意將18個step 化到得一個，但成功才係最重要，唔需要特登去賣弄技巧


注意

呢個食譜唔需要篤洞！每次我都解釋好多次，唔需要就唔需要，呢個係跟May姐做，個皮唔篤洞一樣鬆脆

至於d鹽會整到塊肉好鹹？係視符你手勢，你整到d鹽落塊肉中，就自然鹹，鹽係鋪上豬皮

最後我唯一改了做法既係，用錫紙包住個肉，只有皮外露，原因塊肉唔會乾，更唔會被鹽去整到

先用薑蔥出水，再放入冰水中浸到塊肉變涼，完全索乾水，係完完全全乾身

用1湯匙幼鹽、加1湯匙紹酒搽勻塊肉，今次我塊肉大塊，如果你塊肉唔太大塊，可以搽勻便算

放雪櫃一晚夜，一晚後將所有水份抹去，要好乾既



晌豬皮面鋪上粗鹽，記住晌個面，塊皮會唔會好鹹？唔會

你用錫紙包住塊肉會保持肉汁、唔會乾，又唔會因豬皮出油整溶d鹽令鹹味流落肉中

150度焗 1個鐘

一個鐘後將d鹽抹走，用200度焗15分鐘或至顏色均勻兼爆出沙泡泡皮

有相有真相既成品

焦黑既係我那個焗爐，中間火力好大，側邊又唔均勻

成塊爆脆中間難犧牲

散心@田舍家

上星期五有一日悠閒日，於是約朋友來個Long lunch

去我訂幾次都訂唔同既田舍家@ ICC

的確無一次訂到，龍璽想訂位又係每次都訂唔到

今次來來都訂唔到，只係朋友Belle剛好早一晚去晚餐，用佢既面子來幫我訂


所以我個位係特別加開，無鐵板燒既位，更唔係海景位，但都開心，正少有位

居高臨下係ICC既特色，的確坐度係好舒服

好想坐入去得有人訂了

朋友選擇壽司Set

的確唔錯的剌身新鮮，飯握得剛好而係室溫

好怕d又凍又實既壽司，一係就一夾就散

呢度的確好合意

我要鐵板燒Set

無得坐鐵板燒既位睇住佢整，我喜歡睇廚整野

之前去和三昧食鐵板燒，望住廚炒飯，結果我終於學識炒飯

木魚菠菜

鱈魚

外乾內滑


大蝦唔錯，肉質彈彈咁

薄燒牛肉 ok啦

可惜個炒菜同炒飯都無味，但飯偏軟

甜品我要抹茶雪糕，好味


的確我會再來，因為晚上串燒先係呢度出名之作~

環境亦好吸引

蔬菜雞卷

早前同刀嘜合作，主要係試用佢地兩隻健康既油去炆燉煮炸

會不定時post出，每次post同刀嘜合作既食譜，食譜將會放在連結既刀嘜好媽媽網頁內

當然自己既食譜，我會如常放番自己個blog

一星期只會有其中一篇係要click link呢

第一期蔬菜雞卷

喜歡將蔬菜混進肉類一齊煮，因為做出來既菜式會較繽紛，感覺健康之餘還美觀

呢個檸檬雞蔬菜卷甚得到我歡心，相信大人與小朋友都唔會抗拒呢!我與小朋友一樣，喜愛多色彩的菜式，花巧一點，食時都會開心d。做雞卷內餡可以隨意改動，但煎時一定要用慢火慢慢去煎，否則裡面便唔太熟。

今次用刀嘜葡萄葵花籽油，這油有助健康肌膚，天然抗氧化啊

食譜可以click-->www.haomama.com/?p=1368

913萬歲之B for beef & C for cannelloni

913係結婚週年紀念日啊！
大少爺覺得913長長久久一生一世
然後結婚當日朝早黑雨，當時我好擔心會唔會影響註冊同食飯呢？
早上跟舅母通電話，訴說擔心同有d唔開心
旁邊既bear bear舅父勸我，佢話：我同你個舅母結婚當日八號風球添啊
幸好黑雨好快過去，到我出門口時已經停雨

一切瀝瀝在目

今年都無叫大少爺拎假，因為年頭放完一個大長假，留番d假吧

一直諗夜晚點慶祝，後來知舅父舅母回香港，我又成日都唔得閒，咁最後趁機上舅父屋企一齊食

當年佢地睇住我嫁，而家一齊慶祝

所以前晚就整定餐飯一齊食，始終希望大少爺濕疹快快好番，唔敢亂煮呢

A for apple個蘋果湯

B for beef 牛扒

C for cannelloni



City's super有售的

意大利式既竹筒粉，唔可以先過水、出水、浸水、游水




要乾身釀入餡料去焗

今次經驗我覺得肉少菜蔬多會更好，我用鮮磨菇、洋蔥、雞肉碎釀入

醃料：

鹽、黑椒、少少糖、最重要係奶，個奶有助個意粉焗至淋身

咁將個雞肉加入配他配菜後攪勻加奶，然後入唧袋唧入竹筒粉

加醬汁：

我用一罐番茄，係罐裝番茄，將佢打爛，加鹽、加黑椒、少少糖，鋪晌面去焗
用罐裝番茄係一來晌我咁趕時間唔需要去將番茄去皮，二來罐裝番茄較淋同易打成汁
你可以用番茄膏煮個汁出來，但我無時間呢

當然你地最重要調完味去試味，因為每個人對酸度都唔同反應

也可以用白汁

切記汁一定要再多些再多些至滿瀉、然後再多.......一些 ar ar

放入焗爐200度先焗15分鐘放芝士(因芝士焗得太耐會焦)然後再焗多5~10分鐘(共20~25分鐘)，或者你見個粉已經淋就可以





講埋個B，今次我用新鮮磨菇、加少少紅酒、HP汁去較個汁
但其實我唔贊成有咁多汁
一塊好既牛扒、鹽、胡椒同紅酒已經夠
但點解我整汁？因為大少爺鍾意，我唔想佢成日就我，所以投其所好囉囉囉



用牛既牛脂去煎，的確好香

A for Apple(蘋果南瓜甘筍湯食譜)

昨晚煮西菜預慶祝結婚週年

因為正日我會去舅父屋企一齊過

今星期唔趁有少少時間，我要去舅父家

昨日諗好耐整乜，因為大少爺濕疹的確要戒口，海鮮、太燥既都唔敢整

牛扒都係買件大既同佢share

實在無頭緒，索性出去City's super睇睇，可惜我一出街就先shopping，成4pm先真正去睇

結果整了……

A for Apple 蘋果南瓜甘筍湯

B for beef牛扒

C for cannelloni

原來ABC唔單止代表我(AuBrey Chan)，仲代表呢個晚餐

先講個湯

我唔想又整磨菇湯，咁羅宋湯又唔夠時間用牛骨去整

南瓜湯太單調、海鮮湯大少爺唔飲得

當我行過蘋果部就醒起曾晌5R飲過幾次既呢個湯

但又唔知實際材料，咁點好呢？

段估無辛苦地執d蔬菜啦

哼~最重要個結果係.......得

南瓜半個、紅蘿蔔3條、蘋果煮湯用1個、洋蔥怕搶味用1/6個、唔想打麵粉獻所以薯仔落半個

先將南瓜紅蘿蔔蘋果、洋蔥通通去皮切件，南瓜太硬切唔到用微波爐叮佢幾分鐘

然後將所有材料放晒入煲，加750~1000ml水

我用Fissler高速煲煲10分鐘減壓排氣

如用普通煲就煲約1.5個鐘

然後將湯渣全部放入攪伴機打爛，隔渣！(我通常唔會隔走晒，會留番少少蓉)

隔渣後再滾佢15分鐘下鹽調味

另外…翻滾湯既時候，將兩個蘋果批皮、切開兩邊，大火蒸佢15分鐘

蒸好後淋上湯便可以，湯上可以加d淡忌廉

秋天來臨，無肉既蔬菜湯唔錯，我好怕中式蘋果湯，所以呢個湯Like

純品(饅頭食譜)

趕住出去，得今日可以耐心煮餐飯比大少爺

所以我寫完要出去買材料喇

琴日好忙之際，整饅頭比大少爺

其實我比較愛銀絲卷

炸銀絲卷更甚

裡面一絲絲咁，總係情有獨鍾

饅頭感覺唔大，但我相信大少爺一定鍾意

佢總係喜愛d好純品既食物

我覺得饅頭好純品，好溫文、白白淨咁，十足大少爺！哈哈

比佢見到實含羞答答咁話：做乜話我似饅頭喎

表弟先生最喜歡睇佢呢個樣，所以成日整鬼佢

有次我望住大少爺，我話：你好似一支豆漿，又白淨又高大，身形成個樽咁

至此…那位表弟先生叫大少爺做豆漿仔

最後比我修正過叫佢：豆豆

星期四我會上Bear Bear舅父屋企篤表弟先生同表妹背脊

表弟先生成日好肉麻咁叫大少爺，表妹小姐成日同我攬埋一舊，到底呢家人發生乜事？哈

befor蒸


饅頭跟Vanlily食譜：超得易整，但我忘了開了大火蒸，個面老左
但好軟熟

饅頭
材料：
水 130g
酵母 3g
低筋粉 125g
高筋粉 125g
糖 12g
油 3g
做法：
1. 先把所有材料拌勻，然後搓至麵糰滑身不沾手，搓的時間大約5分鐘便可
2. 把麵糰鬆弛5分鐘，取出擀成長方形，再摺三摺，然後又擀成長方形
3. 把長方形麵糰捲起，再輕輕搓揉數下，把麵糰搓長一點和粗細均一
4. 切去頭尾，把麵糰切成等份，放上入爐紙上，再放上另一塊入爐紙(或輕毛巾或蒸爐內)蓋著，發酵20分鐘
5. 發酵完成後，便可放入蒸爐，中火蒸約15分鐘便可
6. 將蒸好的饅頭掃上一層油，以250度高架焗5分鐘或至金黃便