Day 1@Wynn

今日一早過澳門，因為永利酒店邀請

於是我就邀請埋朋友V一齊去，因為大少爺事業心旺盛，唔肯拎假

到澳門後就上房休息先

一開門好開心

一開套房

客廳

房間

工作間，我已經開壇了


禮物

洗手間，睇住電視沖涼好開心！

我同朋友V見到呢盒古古力好開心


今晚的零食

而家準備出去午餐，今晚見

跟住午餐

午餐去永利軒

永利軒係米之蓮二星食店

永利茶


醉蝦、鴨絲酸茄子、海參小黃瓜及素燻腐皮

我覺得個腐皮好好

餐前開胃菜

精選點心

xo醬蝦菜餃、鮮蝦春卷、豆醬千層腐皮、雪影燒餐包

Xo醬好味，真材實料

樹籽蒸鱈魚卷

蒜酥蟹鉗炒蛋白

甜點集

總括都覺得好好味啊



之後參觀酒店各樣設施

呢度間Chanel既服務都好好，朋友V去法國，我揀款叫佢幫我買，於是入去睇

入到去既殷勤服務同香港差好遠，個sales知我唔係即場買都幫我抄低model No，方便朋友V幫我到法國買呢

入口大堂見到.............你睇好大個水母池

今日走訪永利各款房間，設施，感覺良好，因為佢地係以渡假為主，令人感覺舒服，但太多相要執唔post住

我好想分享個spa，同埋佢d房間

不過要執好相先放得，睇下今晚個晚餐

post今晚晚餐@京花軒，係譚家菜，的確唔錯呢
譚家菜係官府菜
從前一個叫譚宗俊既官研造既
後來因家道中落
所以便用作招呼客人
而漸漸得人賞識，及流傳後代

天花板既茶壺係燈

手寫書法餐牌

餐前歡迎茶，係將高杯中既茶倒落低杯去飲，高杯係聞香氣





餐前小食

餐前小食拼盤

魚塊、有老陳醋拌海蜇、水晶肘子、珊瑚白菜卷

茉莉海蚌雞湯，呢個湯你估唔到會係咁鮮甜

蟹肉黃燒魚肚，呢個非常好味

譚府羅漢雙味蝦

豉汁蒸魚

慈禧太后喜愛既宮廷甜品

碗豆黃

雲豆卷

艾窩窩

驢打滾

餐後玫瑰露！正

聽日回港後再寫番spa同其他設施

峨眉山後.....(附蒜泥白肉食譜)

無錯！又係我，大家唔覺唔覺我已經出過街，食埋Tea回家

又唔覺唔覺，我病一個星期，個blog無啖好食

見到都口淡

於是趁我去澳門前，出多篇

話說上次整蒜泥白肉，因刀功問題，我切到燒肉咁大塊

痛定思定，決定上峨眉山練刀功

終於學成回來，今次切到薄片了

連青瓜食不失涼快

經過峨眉山苦練後，終於似番d樣

哼~

(其實我換左刀！哈哈)

食譜：

生抽    2湯匙

白醋 1湯匙

魚露     半湯匙

花椒油    少許

糖   1湯匙或隨意

蒜頭    5粒磨蓉

辣椒隨意意

熱水    1湯匙

做法：

將五層肉用滾水煮熟，放落冰水冷卻 20分鐘，切薄片

將醬料材料攪勻(可以試味，如太鹹再加少少糖)，倒上肉片面上，可以配青瓜同食

7788

病好得7788，開始感覺悶，但仍是力不從心

7788係開始身痕、手痕、有肚餓感、有點兒想街

但仍被藥物所控制，好累、肚餓但無胃口、想出街但無力

我要呢幾日盡快康復，過幾日又過澳門了

唔想大少爺又無住家飯，晌雪櫃有雞翼，於是整燒雞翼

想問呢…你地有無見過橙色雞翼？晌燒臘店同叉燒一齊賣，橙色既、偏甜，但d肉又死實實既呢

我好鍾意食橙色雞翼架！但明知無益，佢d橙色擺明用好多色素去醃，醃完燒

明知無益，近年唔敢再食呢

我用海鮮醬醃雞翼就係希望有橙色雞翼既味道

味道確似，可惜唔係橙色呢

唉…好悶，好想快d完全好，聽日睇怕都唔出得街鳥~~~~~~~~~~~~~~~~

我想..............好似海鷗飛飛萬里
傲遊在天上遠飛....我願遠飛
我想..........飛到天邊的的盡處
夕陽下千萬明媚
世上樂園地

受害者~

琴日下晝突然又覺得自己毛孔同被分隔了
有d凍
成31度我著長袖睡裙，無開次氣都覺得凍
跟住週身唔聚財
最後探熱又100度多d
心情同體溫相反
望下個鐘，原來我遲左半個鐘食藥，咁又再發燒

於是打電話比大少爺，佢放工後買散熱貼比我(基本上佢回來時我又已經差唔多退燒)

跟住晚飯後佢拎住冒汗水既散熱貼晌間屋內跟住我要我貼

咁我照貼啦！一貼唔夠30秒頭好赤，因為太凍

於是我問：點解咁凍既

大少爺答：我放左落冰箱

跟住佢仲望住個包裝大大聲講：丫~原來唔可以放冰箱架！哈哈

而我就不停話：我個頭家陣好赤呀！好凍呀

大少爺除左放雞、放紫貝天葵、放五花茶、放益力多外，最新傑作，放散熱貼

呀茄琴晚話：懷疑大少爺會放埋暖貼入冰格~

其實琴日中午我有小陽春，精神各樣都好好多
於是落街食個午餐再買少少野回家煮晚飯
我唔想大少爺又食"斬斬飯盒"(雖然我估佢食得好快樂)，但真好討厭要佢食飯盒
但我又無精力煮好多野比佢
結果…諗到煮芽菜鬆，煮好比佢瘋狂地撈飯

到下午又發燒曾經打算放棄唔煮

到佢放工時間我又好d，於是堅持去煮

芽菜鬆唔難煮，最花時間只係切碎同埋將芽菜粒用白鑊烘乾，咁就可以去除草腥味呢

我仍然要同鼻塞搏鬥！再見

Btw,旺財成功了，好香果味帶甜，加少少水去飲美味

可惜…病了！好番再飲吧

而家唔飲得凍飲呢

102度的對話

我今日只能寫幾粒字，琴日黃昏開始感冒發燒至102度

經常發燒既我都覺得好辛苦

唔識分身體凍或熱，沾寒沾凍挺難受

蓋被都無用，張被似被毛孔阻隔住咁

人模糊與清醒之間，於是…出現以下對話

我：你估我會唔會瓜老襯？

先生：唔會

我：如果我瓜左，你要搵個好女仔再組織家庭唔好孤獨

先生：你唔會瓜，我唔會搵架

我：你千其要搵香港女仔，要斯斯文文唔太鍾意買野，但唔好烏were既，唔可以靚過我，但又要唔醜樣

先生：如果我瓜左

我:(好大反應)睬！唔准你亂講呀，掌你個咀丫拿

我：我瓜左個安息禮你記得叫：李牧師來呀

先生：(好溫柔地)唔准你亂講野，掌你個咀


其實大少爺應該安心，因為我仲有心情亂up24

琴日一日三餐都係.....白粥、醬瓜、鹹蛋與麵根

今日胃口比昨日差，只飲了半包維他奶唔想食

旺旺與旺寶(我的第二次做既酵素與做法)

話說我見mommy dearest成日整酵素

咁我想試下，早個幾星期前整左"旺財"(我第一瓶酵素)

咁開始成功，仲有幾日可以試味

於是琴日買定紅提，整旺財細佬同妹妹

旺旺同旺寶

酵素係可以排毒、美肌、減肥，佢仲好味

仲有天然既，用新鮮生果去整

至於詳細，大家可以search下"酵素"Enzymes，睇下佢用處，先決定整唔整

因為我唔可以三言兩語去話你知點好點好，建議大家先去search

search完後先整

旺旺..........係大樽

旺寶係妹妹........細樽既



先預備玻璃樽，洗乾淨、用熱水淥下佢風乾

刀同帖板都要先洗淨、用熱水沖下抹乾

所有水果、用既樽、用品都要乾既

先選用喜愛生果，我今次用紅提子、前一日要洗淨、然後風乾，個皮唔要有水份

大約係水果 100%、冰糖60%、檸檬只要蓋過面便可以

先放水果、再鋪檸檬、最後放冰糖

水果好甜都要放足夠冰糖，因為發酵唔夠糖會變苦，而且糖經過酵後會轉化成果糖


一層生果、一層檸檬、一層糖、可以重複但最後一層一定要係冰糖

旺旺完成

過兩日就會見到佢既果汁，同埋當發酵時會出現泡泡架

浸時唔需要放雪櫃，放室溫便可以，浸好後隔渣先放雪櫃

同埋得閒搖下佢或者開個蓋攪一攪就唔會有酒味

其實我成日手痕都會搖，2星期後收成，如覺太甜可以加少少水或者加冰

Mom係睇過呢本書，你地都可以去佢blog睇下有關酵素既post

每次飲30ml就可以，美味飲品

之前既大哥"旺財"

個樽好香士多啤梨味呢



有一日見到有白色唔知乜，mom話正常，只要唔係黑色霉就可以

跟住就會起泡泡

仲有幾日飲得，到時再報導

Enzymes are vital to metabolism and food digestion. Consuming homemade fruit (or vegetable) enzymes help our bodies digest, absorb and utilize nutrients while delivering oxygen throughout the body-thereby providing energy. Does this Spark an idea?

http://www.ehow.com/how_5149311_make-fruit-enzyme.html