鹹包包鹹鹹包包(附鹹包食譜)

今日一早去TST剪頭髮，其實短頭髮我真係好鍾意

但係每個月都剪一次就好煩

而且我個人要快，洗頭又要洗好耐

剪完又要過水

過完水又要吹

但返屋企後我仍會洗頭，因為"一把梳子萬客嘗"，我實在覺得唔乾淨

係都要洗多次

跟住休息一陣又搓包，而家大少爺當我麵包機，佢每日都問：你整乜包

哈！你咪一個衰仔包囉

今日鹹的

有火腿蛋沙律包、肉鬆包

I loving it~

食譜：

高筋粉     250g

奶     80ml

水     80ml

鹽     3g

糖     25g

蛋黃   一隻

酵母   3g

牛油 20g

做法：

將奶、水、鹽、糖、蛋黃攪勻，加麵粉，加酵母，如用酵母

搓3~5分鐘，開始撻到光滑，加入室溫牛油

然後再撻至起薄膜

第一次發酵45~60分鐘

發酵完成將麵糰分成等份，搓圓，駁口向下，蓋上濕布靜置10分鐘，將麵糰反轉，唔需要再蓋上濕布，靜置5分鐘

放入喜歡餡料，整造型，可以搽上蛋漿(我今次無)最後發酵45分鐘

180度焗12~15分鐘

個包最終既造感永遠猜不透，同一個款出爐後唔同樣，哈



我真的很愛上親手做既滿足感

只怕不再遇上...(附黑糖合桃包食譜)

我有個願望，可以整到最愛合桃包

合桃包係我最喜歡既包，平時我唔係太食合桃

但佢晌個包裡面，又會令我愛上！

合桃包…偏偏喜歡你

第一次愛上合桃包，係多年前晌新宿既...墨繪

自從…竭斯抵理地愛上

如是者…我不斷去試唔同合桃包，從前A1合桃包好好食，但只限"從前"

如今…已經唔再係我最愛

唯有自己整吧！哼

從今後…只怕不再遇上街賣合桃包，因為我唔再渴求買得到，因為我整得到！Yeah~

Mom dearest比個食譜我，當時搓包只有幾日既我走去改食譜

將糖變成黑糖，加合桃、加提了乾，做成：黑糖提子合桃包

但個包好黏手，加上中間要雪2個鐘，結果5個鐘後…得4個包出爐

原本可以有更多個，不過大少爺話鍾意扭條型，所以做大個少少

大少爺超愛呢個包，佢好鍾意！我都會再整…

食譜

高筋粉   250g

酵母 3.5

黑糖     50g

鹽   2.5g

奶粉     7.5g

蛋   25g

水   130g

乾果、果仁隨意

鹽、糖放盤底，加上高粉、奶粉、蛋、水、烘過既果仁、乾果、酵母，撈勻搓搓搓、撻撻撻

搓到光滑有薄膜(記住，呢個包好黏手，要比耐性)

發酵45分鐘至60分鐘，先排氣，滾圓然後放入雪櫃普通格，雪2個鐘

分成等份，搓圓，中間發酵15分鐘

整造型，再第二次發酵30~45分鐘搽上蛋漿，再放入焗爐預熱180度，焗15分鐘(視符焗爐火力)



今次個型好靚，我好鍾意！但會得番四個



無啦！你地無蛋糕無甜品無乜無物食譜睇喇

個磅比未夠6呎高既大少爺唔知點解會跌成粉身碎骨

我比佢激死！



其實你地睇我係咁整包會悶嗎？我下星期整番多d菜式同甜品吧

陽光飯(附南瓜焗雞飯食譜)

太陽像個大南瓜 在那高高天空掛 照得滿山歡樂融融 草兒發嫩芽
從來我都唔屬於陽光，別人總認為我樂觀、開朗

其實我內心好愁善感

內在唔陽光、外在都唔陽光

每日晌書房望出窗，我都諗：好曬好熱唔出得街

飲檸檬茶我都揀…維他

哈哈

不過呢個南瓜雞飯卻望得幾開心

原本放書用，但因為有d阻礙，我決定公開晒d相，唔好浪費表弟先生心機

遲d再做書，再影過

我相信我會搵到出路的

憑信！

哼

呢個南瓜焗飯好好味，南瓜既甜會變得惹味

南瓜外型炖炖地，又好甜美，感覺好清純

實質佢可以做惹火尤物的

愛！超愛~


做法：

雞 半隻

南瓜   約300g

淡忌廉    100g

雞湯   100g

麵粉   1湯匙

飯     兩碗


做法：

雞略醃，輕輕煎至微微金黃色，但不用煎熟

南瓜先放入微波爐，叮2分鐘至南瓜綿身，壓成蓉

將南瓜放入鑊再放上麵粉，慢火炒至混合，然後加入淡忌廉煮成蓉後分次加入雞湯煮成濃的南瓜汁

用一個焗盤，放上飯、放雞件上面，加淋上南瓜汁，喜歡的話可以放上芝士片，入預熱了220度的焗爐焗15~20分鐘

失眠bread

下午茶未啊？我下午又整包
其實我近來幾左幾款唔同，但怕個blog好悶，全部包

所以盡量都有鹹有甜有乜有物

不過…今日實在太興奮，我整咖啡卷

琴日我開始不停話要整咖啡卷，大少爺都不停睇我本麵包書

跟住佢好似好期待咁

我又好期待

當然我話過整就會整，而且我要不停試整唔同既野

今次個咖啡包好好味，面層有咖啡糖霜

可惜我手痕，加多了少少水，所以淋得唔靚

下次用我訂既咖啡粉整唔知會點呢？

但包最驚喜係，夾心既糖同咖啡粉溶後流到包底，到食時感覺似焦糖醬

唔知我會唔會失眠呢…

失眠　靜聽夜空風雨在混亂痛哭嘆息　啊…
失眠　倦透內心一再回憶
黃葉兒車碎路旁邊　伴我覓失去舊情意
激動難抑　啊…

如果我失眠我一定唔會比大少爺安睡，因為…為左佢我整咖啡包，然後失眠，佢唔係咁無義氣自己"目訓"覺呀嘛

哼

.

知情識......脆

又一個星期開始

炎炎夏日，的確要諗下d室內活動

我每日只想食西瓜

好彩我諗到新玩意晌屋企玩，否則一係出街熱死

一係晌屋企悶死，人總係又要咁又要咁

諗過又繼續post包，因為呢兩日我都不停整唔同既包

但又怕悶親人

所以…先post炒麵，大少爺每次見到炒麵總係雙眼發光

我好少去茶餐廳、去酒家又唔會食炒麵，不過…我總覺得要煮得好，一定要多方面嘗試

貴與平都要試，否則…孤芳自賞，逃唔去個框框

所以只要大少爺喜愛，我都會去試下

試完我會諗自己整唔整得到

既然佢咁鍾意食炒麵，除左肉絲炒麵我就試豉椒排骨炒麵

其實我想豉椒牛肉炒麵，但最後轉排骨

上次肉絲炒麵用焗既方向，雖然效果都脆，但"死"脆同"鬆"脆跟本兩回事

所以都係用半煎炸，一不做二不休，做就做最好效果

知情識"脆"，好緊要

今次用Fissler鍋去炸，因為傳熱快，開中火已經可以，炸出來又唔會焦黑

比我想像中好

古毛絲(附古力mousse 食譜)

好熱既天氣，今早起身曾經掙札過…出街or搓包我揀後者

藍天白雲好吸引，但實在熱到不得了實在無法子忍受別人的汗手掂到我

順便出blog

其實我個心好想去行街，好想去食野，但一定要太陽下山

但今晚太陽下山後我要返一返教會

唯有寄望聽日

今日post番個朱古力mousse cake食譜，我唔太想寫

因為跟本第一本書已經有

不過…寫番當個記錄吧

個蛋糕可以自己整古力脆脆底，會更好味

就咁整完放極又好好

佢連糖都唔使落、又無魚膠，得幾個程序

但係乳化過程一定要做得好，否則會...............鍋河






半甜朱古力   150g   淡忌廉   40g

淡忌廉     打起300g

將朱古力座熱水煮溶，另一個煲仔同時座熱40g淡忌廉，座到好熱好熱

將熱既淡忌廉加落朱古力中，攪勻至朱古力滑身，令既，呢個叫乳化程序

300g淡忌廉打起6成，與朱古力foin in，倒落模至少雪3個鐘便成

delete

delete

叉燒個friend(附燒排骨食譜)

今日咁遲出blog因為今日下午出去同事頭婆 lunch，跟住去二記買材料，再去買麵包書，再回家沖涼

好想nap，但又失眠！

於是爬去書房出blog

我近日對麵包好有興趣，好想學，我想識多樣野同埋整早餐比大少爺食

琴日我又係做過好多野

包括燒排骨！哈~近來愛上玩豬肋骨

燒臘檔有燒排骨賣，係叉燒個friend，佢地個微博應該係互粉既

我識整叉燒，但無諗過整燒排骨，直至我買到豬肋骨後就諗：無奶油我只做西式

咁無乜變化，所以就的起心肝脾肺腎去整中式

雖然中式，但一樣用黑啤酒去醃，呢個方法真係食個骨鬆軟，黑啤酒簡直係咕嚕咕嚕魔法陣




我將醃料中既乾蔥頭放底去焗

焗好後唔好攪佢住，放10分鐘等佢涼後先好切

中式or西式都必需要既黑啤酒

豬肋骨融雪，洗淨抹乾

醬料

乾蔥    6粒切片

薑汁    半湯匙

紹酒  半湯匙

黑啤酒    半罐

磨豉醬 2湯匙

海鮮醬 3湯匙

生抽   2湯匙

老抽   2茶匙

糖    3湯匙

鹽 1茶匙茶匙

另外…預備

麥芽糖 1湯匙

海鮮醬   1茶匙

生抽 1茶匙

以上撈勻

做法：

將醃料撈勻放豬肋骨入內，再放入保鮮袋，等豬肋骨充份地浸醃，要醃一晚

焗爐 220度

用錫紙鋪面焗20分鐘或豬肋骨開始轉色，拎走鋪面錫紙，焗10分鐘，然後每5分鐘掃一層已撈左生抽及海鮮醬既麥芽糖，重複3~4次可以熄爐，待10分鐘後才取出

放涼唔燙手可以切件

雙粟雙砌 (附雙粟食譜)

夏天唔想出街，居然比我發掘到新興趣…整包

當年我開blog係7月1號，就係覺得天氣太熱，7、8月要收埋自己兩個月

先學整野食

而家又因為7同8月好熱，玩搓包

琴日我咆哮，幸得Mommy Dearest耐心幫助，夜晚仲錄埋demo比我睇

今日我終於可以大叫…我真的成功了，好多謝mom啊

開心到飛起！

今次完全整到個麵糰係合格，實在太開心

我而家朝早整埋包包比大少爺做早餐，佢又再食少d防腐劑

但係我想講…同一個主人，整兩樣野，但係個mistake係一樣

Mistake無界限，呢d咪型囉！最型係…兩樣唔啦更既野，錯埋同一樣

癲得好勻循囉

哼~



因為太太佢沉迷搓包，搓完花去半日力氣，所以先生回家要食碟頭飯

粟米肉粒飯加粟米

原本個造型係中間有個大姑洞，然後d汁晌裡面，好似一個大古井

可惜…d汁餡太多，導至個井獲利回吐，d餡走光了

做法：簡單

將手掌大少少既瘦肉，用鹽、胡椒粉、少少酒、粟粉撈勻醃一個鐘

將瘦肉輕輕放鑊兜熟，只需要轉色便可以

粟米湯一罐，加兩湯匙水煮滾，肉粒回鑊，然後再煮滾，想滑d可以加少少生粉水，倒入一隻打勻既蛋，然後熄火淋上飯面



相隔一晚

我整芝士粟米蟹柳包

個包本來好似IQ博士既"宇宙大王"，佢餡料係內藏，要"裝裝下"先見到

不過…我剪個口大得濟，結果…無得頂地變了一個兜

成功喇！成功喇

我想要的，有喇

但糰又滑喇！得喇！開心屎我

Look~我太用力了~

包包食譜

5個份量

高筋粉   180g

糖 16g

鹽 2.5g

奶粉 14g

牛油   11g

水 110g

快速酵母   2g (如用新鮮酵母就用5g)

將鹽放盤底(鹽不可以掂到酵母)，加高筋粉、奶粉、水、糖、酵母，一齊搓勻，再撻下佢，搓到光滑唔黏手先再加牛油

加牛油初期會好油，慢慢再搓到唔黏，再撻，搓到麵糰光滑有彈性，有薄膜

然後可以發酵，30~60分鐘，發酵完成後排氣

將麵糰平均切割，搓圓，用薄及略帶濕既布蓋上靜置10分鐘，拎開塊布反轉麵糰靜置5分鐘

再輕壓排氣，整造型或加自定餡料，搽上蛋漿，第二次發酵30~55分鐘

180度焗爐焗 10~15分鐘，視符火力

*整麵包要做research，可以上youtube睇搓麵糰或者撻麵糰教學，或睇書，薄膜係乜等等

要肯定應付得到先好做，否則…只會浪費功夫

清熱在左近....清熱酷

話說呢…幾年前，清熱酷做promotion， 咁行過見到都會諗咩嚟既呢

清熱酷可以除熱氣？當時仍未有樽裝

講真…當時我識煲涼茶，於是無乜興趣

但呀大少爺佢對一切飲品都無限好奇，於是買來試

起初我唔敢試，因為唔知乜味

我同佢最大分別係…佢乜飲品都好奇想試，而我就唔會隨便試新飲品

佢同我講好味，唔係想像中既味(我成日都怕怪味飲品)

最後…我就試左啖，接受得到喎~甜甜地，唔似一般清熱飲品， 總係用上大量草藥

而甜味又唔係太重

自此去旅行我會清熱酷晌身，一來我鍾意食熱氣食物，二來， 我牙肉一熱氣會痛

加上旅行都無可能煲涼茶，所以都會帶定以防萬一

同埋佢唔會係苦茶咁苦，從來我都唔接受任何苦既食物同飲品

有樽裝可以當凍飲，咁我可以隨手到便利店就買，出街食飯、 食泰國菜後總會覺得係好選擇

天時暑熱總好過日日夜夜飲汽水

樽裝有兩種味道，有檸檬味、有綠茶味

我就喜歡檸檬味

但當然大家都要視符體質

清熱酷現在有個遊戲，去清熱酷個facebook Like個專 頁

搵出3個熱氣朋友就得到$5現金券

http://on.fb.me/Nvnggg

清熱酷，含多種草本對華及天然維他命C，清香怡神， 能迅速清熱氣，更有助增強抵抗力