古毛絲(附古力mousse 食譜)

好熱既天氣，今早起身曾經掙札過…出街or搓包我揀後者

藍天白雲好吸引，但實在熱到不得了實在無法子忍受別人的汗手掂到我

順便出blog

其實我個心好想去行街，好想去食野，但一定要太陽下山

但今晚太陽下山後我要返一返教會

唯有寄望聽日

今日post番個朱古力mousse cake食譜，我唔太想寫

因為跟本第一本書已經有

不過…寫番當個記錄吧

個蛋糕可以自己整古力脆脆底，會更好味

就咁整完放極又好好

佢連糖都唔使落、又無魚膠，得幾個程序

但係乳化過程一定要做得好，否則會...............鍋河






半甜朱古力   150g   淡忌廉   40g

淡忌廉     打起300g

將朱古力座熱水煮溶，另一個煲仔同時座熱40g淡忌廉，座到好熱好熱

將熱既淡忌廉加落朱古力中，攪勻至朱古力滑身，令既，呢個叫乳化程序

300g淡忌廉打起6成，與朱古力foin in，倒落模至少雪3個鐘便成

delete

delete

叉燒個friend(附燒排骨食譜)

今日咁遲出blog因為今日下午出去同事頭婆 lunch，跟住去二記買材料，再去買麵包書，再回家沖涼

好想nap，但又失眠！

於是爬去書房出blog

我近日對麵包好有興趣，好想學，我想識多樣野同埋整早餐比大少爺食

琴日我又係做過好多野

包括燒排骨！哈~近來愛上玩豬肋骨

燒臘檔有燒排骨賣，係叉燒個friend，佢地個微博應該係互粉既

我識整叉燒，但無諗過整燒排骨，直至我買到豬肋骨後就諗：無奶油我只做西式

咁無乜變化，所以就的起心肝脾肺腎去整中式

雖然中式，但一樣用黑啤酒去醃，呢個方法真係食個骨鬆軟，黑啤酒簡直係咕嚕咕嚕魔法陣




我將醃料中既乾蔥頭放底去焗

焗好後唔好攪佢住，放10分鐘等佢涼後先好切

中式or西式都必需要既黑啤酒

豬肋骨融雪，洗淨抹乾

醬料

乾蔥    6粒切片

薑汁    半湯匙

紹酒  半湯匙

黑啤酒    半罐

磨豉醬 2湯匙

海鮮醬 3湯匙

生抽   2湯匙

老抽   2茶匙

糖    3湯匙

鹽 1茶匙茶匙

另外…預備

麥芽糖 1湯匙

海鮮醬   1茶匙

生抽 1茶匙

以上撈勻

做法：

將醃料撈勻放豬肋骨入內，再放入保鮮袋，等豬肋骨充份地浸醃，要醃一晚

焗爐 220度

用錫紙鋪面焗20分鐘或豬肋骨開始轉色，拎走鋪面錫紙，焗10分鐘，然後每5分鐘掃一層已撈左生抽及海鮮醬既麥芽糖，重複3~4次可以熄爐，待10分鐘後才取出

放涼唔燙手可以切件

雙粟雙砌 (附雙粟食譜)

夏天唔想出街，居然比我發掘到新興趣…整包

當年我開blog係7月1號，就係覺得天氣太熱，7、8月要收埋自己兩個月

先學整野食

而家又因為7同8月好熱，玩搓包

琴日我咆哮，幸得Mommy Dearest耐心幫助，夜晚仲錄埋demo比我睇

今日我終於可以大叫…我真的成功了，好多謝mom啊

開心到飛起！

今次完全整到個麵糰係合格，實在太開心

我而家朝早整埋包包比大少爺做早餐，佢又再食少d防腐劑

但係我想講…同一個主人，整兩樣野，但係個mistake係一樣

Mistake無界限，呢d咪型囉！最型係…兩樣唔啦更既野，錯埋同一樣

癲得好勻循囉

哼~



因為太太佢沉迷搓包，搓完花去半日力氣，所以先生回家要食碟頭飯

粟米肉粒飯加粟米

原本個造型係中間有個大姑洞，然後d汁晌裡面，好似一個大古井

可惜…d汁餡太多，導至個井獲利回吐，d餡走光了

做法：簡單

將手掌大少少既瘦肉，用鹽、胡椒粉、少少酒、粟粉撈勻醃一個鐘

將瘦肉輕輕放鑊兜熟，只需要轉色便可以

粟米湯一罐，加兩湯匙水煮滾，肉粒回鑊，然後再煮滾，想滑d可以加少少生粉水，倒入一隻打勻既蛋，然後熄火淋上飯面



相隔一晚

我整芝士粟米蟹柳包

個包本來好似IQ博士既"宇宙大王"，佢餡料係內藏，要"裝裝下"先見到

不過…我剪個口大得濟，結果…無得頂地變了一個兜

成功喇！成功喇

我想要的，有喇

但糰又滑喇！得喇！開心屎我

Look~我太用力了~

包包食譜

5個份量

高筋粉   180g

糖 16g

鹽 2.5g

奶粉 14g

牛油   11g

水 110g

快速酵母   2g (如用新鮮酵母就用5g)

將鹽放盤底(鹽不可以掂到酵母)，加高筋粉、奶粉、水、糖、酵母，一齊搓勻，再撻下佢，搓到光滑唔黏手先再加牛油

加牛油初期會好油，慢慢再搓到唔黏，再撻，搓到麵糰光滑有彈性，有薄膜

然後可以發酵，30~60分鐘，發酵完成後排氣

將麵糰平均切割，搓圓，用薄及略帶濕既布蓋上靜置10分鐘，拎開塊布反轉麵糰靜置5分鐘

再輕壓排氣，整造型或加自定餡料，搽上蛋漿，第二次發酵30~55分鐘

180度焗爐焗 10~15分鐘，視符火力

*整麵包要做research，可以上youtube睇搓麵糰或者撻麵糰教學，或睇書，薄膜係乜等等

要肯定應付得到先好做，否則…只會浪費功夫

清熱在左近....清熱酷

話說呢…幾年前，清熱酷做promotion， 咁行過見到都會諗咩嚟既呢

清熱酷可以除熱氣？當時仍未有樽裝

講真…當時我識煲涼茶，於是無乜興趣

但呀大少爺佢對一切飲品都無限好奇，於是買來試

起初我唔敢試，因為唔知乜味

我同佢最大分別係…佢乜飲品都好奇想試，而我就唔會隨便試新飲品

佢同我講好味，唔係想像中既味(我成日都怕怪味飲品)

最後…我就試左啖，接受得到喎~甜甜地，唔似一般清熱飲品， 總係用上大量草藥

而甜味又唔係太重

自此去旅行我會清熱酷晌身，一來我鍾意食熱氣食物，二來， 我牙肉一熱氣會痛

加上旅行都無可能煲涼茶，所以都會帶定以防萬一

同埋佢唔會係苦茶咁苦，從來我都唔接受任何苦既食物同飲品

有樽裝可以當凍飲，咁我可以隨手到便利店就買，出街食飯、 食泰國菜後總會覺得係好選擇

天時暑熱總好過日日夜夜飲汽水

樽裝有兩種味道，有檸檬味、有綠茶味

我就喜歡檸檬味

但當然大家都要視符體質

清熱酷現在有個遊戲，去清熱酷個facebook Like個專 頁

搵出3個熱氣朋友就得到$5現金券

http://on.fb.me/Nvnggg

清熱酷，含多種草本對華及天然維他命C，清香怡神， 能迅速清熱氣，更有助增強抵抗力

搓 MY breAd

琴日整紅豆包，入得口，但技術問題，唔夠鬆軟

雖然大少爺連食兩個

但都掩不住我既無語問蒼天心情，的確有點失落

幸好........麵包無情、人間有愛

我問Mommy Dearest 有無食譜可以比我試

結果…佢比了我一個食譜，同開展了今朝what's app授課

當我想爆粗XYZ(@$^*&同丟個麵糰落垃圾筒同不斷問…點解我未有薄膜？點解？ 

我對住塊麵糰咆哮：我整舊叉燒好多整你呀))))))))))))))))))))))))))))(出自電視d呀媽鬧仔：生舊叉燒好過生你)

Mom不斷話唔好放棄，不停教我下，最攪笑係Mom叫我忘記薄膜，哈

拎去發酵

最後成功了 d d

佢既質地唔係港色包咁既，佢中間軟熟得來，有點嚼勁，但當然又唔係咬到牙都軟果種

唔係日式又唔係港色

有少少似bagel、但又無咁重質感

係我愛既

我點會甘於平凡？

腸仔包係一定要試整，呢個係童年最愛

但就咁又太普通，決定加沙律醬同芝士，做成車打沙律腸包

Yeah~~~~~~~~~~



4個份量

高筋粉   180g

糖 16g

鹽 2.5g

奶粉 14g

牛油   11g

水 110g

快速酵母   2g (如用新鮮酵母就用5g)

將鹽放盤底(鹽不可以掂到酵母)，加高筋粉、奶粉、水、糖、酵母，一齊搓勻，再撻下佢，搓到光滑唔黏手先再加牛油

加牛油初期會好油，慢慢再搓到唔黏，再撻，搓到麵糰光滑有彈性，有薄膜

然後可以發酵，30~60分鐘，發酵完成後排氣，然後再整做成或加餡料，搽上蛋漿，第二次發酵30~55分鐘

180度焗爐焗 10~15分鐘，視符火力

*整麵包要做research，可以上youtube睇搓麵糰或者撻麵糰教學，或睇書，薄膜係乜等等

要肯定應付得到先好做，否則…只會浪費功夫

我都仲未完全掌握得到！嗚~~~~~~~~~~~~~~~~~~~~~~~~~~~~~~~

包剪dup

好努力去整麵包，為既係…完夢

無錯！初開blog無耐，整過麵包，只得兩次成功

當時大少爺同我講：um.....其實出街買好方便

就係佢一句金石良言，令我寒天飲雪水、點滴在心頭

從此無整過



跟vanlily學過，但我從來都唔係一個乖巧專心既學生，學過程中我只係搵位可以捉弄下佢，哈

晌私人FB見到Agnes整左個零失敗，既麵包食譜，於是我又學

今次我同大少爺都好興奮

知我個性既人，都知我會沉迷一樣野，一次成功，攪到我決意沉迷下去，放眼迎以後~~~~~~~~~~~

不過…其實我只想學好手頭上個食譜，然後十八變

再無其他野心，只希望令大少爺開心

今次整紅豆包，大少爺聽到好開心，佢開心既樣總會打動到我

我會努力既，有朝一日我會整豆豉鯪魚包，呢個係我兒時幻想既包，哈哈哈

我用牛奶代替水份，感覺不一樣，唔錯

唔知點解總覺得自己未搓得夠，個面唔夠靚，但仍軟熟

紅豆餡

呢個係星期一整既包，好軟熟，亦因為佢我信心回來了

不過今日再整時有d問題，但最後解決了~~~~~~~

快樂情景：

我放入微波爐入面發酵，個微波爐唔需要開啟，只係要密室效果

第二次發酵時，我另一邊箱整緊豬肋骨，於是叫大少爺幫我晌微波爐拎個包出來

跟住聽到佢急促既腳步聲，好緊張問：做乜呀？佢變大既？做乜咁架？點解既？

好可愛！我望一望：佢發酵變大之嘛

佢如釋重負咁安靜

從來我都覺得…有一個零廚藝既丈夫好幸運，佢永遠當我superwoman

哈哈~




琴日同事頭婆午餐後去買，呢本日本翻譯本，都幾詳盡

教基本包十八變既技巧呢

我要努力再試多兩個食譜！

冷氣巴士豆腐(附黑醋三色冷豆腐)

今日去街，行完街買麵粉整麵包，無錯！我又抽起條筋想搓包

然後回家搓包，又再煮飯

Supermilk(超級大少奶)哈哈...............哼~

今次post冷氣巴士豆腐，唔知點解，我總覺得呢個冷豆腐好似巴士

解釋唔到既

我總係有別人猜不透既想像力

例如…事頭婆我覺得佢好似雞蛋仔、Vanlily似一片浮雲、大少爺是曬衫桿(呢個我明點解咁諗)

總之我腦內總容易有呢類既想像

呢個冷氣巴士豆腐(黑醋冷豆腐)好好味，清新呢

做法又簡單：

豆腐          一盒(做冷豆腐用盒裝較好)

皮蛋         1隻

鹹蛋        1隻

炸菜        隨意

醬汁：

黑醋或紅醋          2湯匙

醬油或生抽         半湯匙

沙糖                     2~3茶匙

熱水                    2湯匙

麻油適量

將皮蛋切粒、鹹蛋烚熟切粒、炸菜切粒，加上豆腐面

然後將醬汁材料撈勻，糖溶後可以先試味，如太酸加糖、如太甜加醋、想鹹少少加醬油(但注意，鹹蛋、炸菜偏鹹，唔好加咁多)            

醬汁放涼後放雪櫃，到食既時候淋上豆腐

醬汁又唔好太淡，因為豆腐出水，所以濃少少較好 




豆腐切得唔錯，經過6年及上峨嵋山學劍法(亂up24中)........................我刀功有進步，

旺金(鳳梨酵素)收成，旺來(黑提子酵素出場)

Yeah~旺金終於大學畢業喇！哈

鳳梨酵素收成，好心急試，加冰加少少凍水，感覺似cocktail

同埋佢如果加片薄荷葉會好清新

講真你問我係咪好有美容功效或減到肥？我暫時只覺得自己皮膚感覺好了

不過我唔係飲得好密，每日30ml到啦！即係一杯

多數係夜晚晚飯後先飲

不過…我相信恆心好重要，再試多一排再算吧

至少佢幾好飲

我將d鳳梨肉放榨汁機再榨一次，再隔d汁出來放埋入樽，好濃郁呢



原本滿一個大瓶，整完後得番好細瓶

旺來(黑提子酵素)

一直想試黑提子，佢嘔白泡係最利害既

第三日已經好多泡泡呢

我未諗到下次想整乜，奇異果我唔太鍾意，或者整雜梅

又想整西柚呢

正式告別美人鬢@Dermes

上星期終於告別美人鬢了，我再唔需要怕佢三時五刻唔夠睡等等.......會再生鬢

其實呢四個正式treatment個體驗唔錯

因為做完第三次後，基本上已經無乜點生出唇毛，只係有零碎既

今次第四次，應該可以放心喇

同埋用激光既部份係好平滑同其他方法唔同

其實做完整個treatment人都輕鬆了，至少人生煩少一樣事呢

今次呢條free link最後一次post，因為已經完成

在此多謝我美容師 Sammi，一個好可愛既美容師，祝褔你幸福快樂啊~

多謝dermes

所以大家要試既話就把握呢個機會，可以試做一次under arm、upper lip或者下腹線

http://www.dermes.com.hk/edm/ 201110/DBLOG1011E/Form.aspx? ref=DBLOM0612E