Testing 9、10、11、12

琴晚終於焗雞，其實係各樣測試版來既

1...試焗爐
2...試鹽
3...試針筒 glass baster
4...試buttermilk焗雞

結果...
1...我仍然未熟悉個爐，用得少，隻雞有豹紋

2...用新既粉紅鹽，好用，無咁鹹，易搽勻

3...個針筒非常好用，好方便

4...buttermilk去燒雞，其實味道無太多影響，係皮同肉比較會軟身

隻雞用Oregano去醃，味道較rosemary好，因為rosemary太搶味
今次蔬菜墊底既有南瓜、北海道洋蔥、紅蘿蔔
北海道洋蔥好香，同埋唔太貴，$15有兩大個呢

但我始終覺得蜜糖芥末籽燒雞好味d

glass baster，超好用啊！起碼唔駛成日要用匙"畢"汁去淋上雞面

今次用洋蔥、南瓜、紅蘿蔔去墊底，出來更加汁呢

淋上雞面去焗唔會焗到隻雞乾晒

個glass baster好用啊！一 下就bumb晒d汁呢

testing 789

話說上星期我試玩buttermilk
第一次個muffins好好
咁我就再焗古力muffins，但我唔知點解...焗完係鹹既
我無將糖同鹽調轉架

即係佢唔係死鹹，係甜中淡淡既鹹，怪到飛起

我仲夠膽比2個餅神、2個繼姐、2個表妹小姐

表妹小姐話無問題，佢鍾意食鹹食

繼姐話第一啖無問題，但食食下要飲水

餅神...我邊度敢問佢，都唔想聽到佢品評，因為身為餅神要求已經好高
我仲夠膽屎比鹹既蛋糕佢食
真係怕佢叫我焗一百次去練習

早兩日又再買buttermilk，因為做出既muffins好好食

今次用新鮮藍梅焗muffins，好味之餘，仲繼續鬆軟

咁到抵點解上次個古力muffins係鹹既呢？

我仲用buttermilk去醃雞，今晚烤雞，唔知效果係點

慾知後事如何....聽日報導吧吧吧吧吧吧吧

食譜：

牛油       80g

糖           70g

蛋           1隻

低粉       100g

泡打粉   1茶匙

buttermilk  50g

做法：焗爐預熱180

1)室溫牛油與糖打至淡黃色

2)加入蛋，用電動打蛋器低速打勻

3)分三次篩入低粉、泡打粉

4)加入buttermilk、新鮮藍梅輕力攪勻，入爐焗20分鐘(視符火力而定)

攞你命三千

今朝一起身，落街買材料煲湯、補給下屋企用品
返到屋企就有件激屎我既事發生
無語問蒼天.......真係激屎我

先講午餐
今朝好想食楓糖，所以午餐有waffles，加johnsonville腸、同蛋白沙律
呢份午餐就係copy從前 supersandwich既下午茶餐
不過…我只食到一條腸，因為呢隻腸會令人好飽

再講激氣事
琴晚同大少爺去完街，臨返屋企去city's super買餸
買雞、buttermilk、買乜乜物物
然後返到屋企大少爺話幫我放咗所隻雞入雪櫃

點知..........今日打算醃雞時

攞你命三千既佢，原來將隻雞放入冰格

我鍾意買呢隻雞係方便呀！而家點醃？激屎我

每次整雞都有人問我買邊種雞，我係用呢種，當然買既時候唔係一磚冰咁啦

>.<"

我食淨一條腸，你送飯食啦！哼~

燒賣燒賣

噢！再問繼姐點訂三文魚

原來係佢夾埋其他同事大量去訂貨，所以如果想訂一條、兩條可能唔會落訂呢

不過…今日即忍唔住整三文魚

噢！真係好好啊！佢就算熟都唔會太腥，有d三文魚熟後會好腥呢

加上肉質較軟滑

今次整芥末籽忌廉汁，用芥末籽做忌廉汁會無咁漏

噢！呢條咦真係有排食啊

琴晚大少爺返屋企時，帶埋呢個燒賣bb比我

唔怪得之佢呢輪係咁去7仔買嘢，佢仲同好有心得咁同我講：買乜乜會有雙倍印花架

好意啊！我想要埋魚蛋bb同埋其他呢

w/餅神@孝勢

今日有樹去搵vanlily
一齊食個lunch，好耐無食"孝勢"，所以去食個lunch
噢！我同餅神一齊揀牛肉鍋定食
佢一邊食一邊猛話好味
原因好簡單......個牛肉鍋夠甜

其實紅豆沙撈飯佢都會話好味呢！哈哈

個定食好多食物
有剌身、前菜既煮物、鰻魚、茶碗蒸、天婦羅、味噌汁

最後仲有個抹茶雪糕呢

唔該晒餅神幫我拎條"咦"出來

呢條三文魚係我同繼姐"鄉下人"一齊上網訂

由挪威空運到港，半條好大條只係$200

新鮮運到時，可以做剌身，據聞好鮮甜

But...我唔鍾意食刺身呢！要諗5個唔同煮法去消滅呢條"咦"啊

訂購網址，佢有原條煙三文魚，但我無買

如果買我呢款，可以做埋剌身呢

http://www.goldfish.no/remo-gold-lodd.html

表弟返加國探親，回程又會買煙三文魚比我呢，Yeah!!!!!

軟熟

之前見vanlily介紹buttermilk，佢話可以令個質感似海綿蛋糕

當時已經令我好有興趣啊

心諗：咁奇？

琴晚同大少爺行完街去city's super買嘢補給時，就去搵

搵唔到餅神用既紙盒裝、仲到另一隻款

噢！試焗完，個muffins裡面真係好軟熟

令我又再燃起焗唔同味既muffins，有乜乜物物味，哼~~~~~

呢個係raspberry muffins啊！

用新爐去焗，升得快，以前我成日想焗呢種款既muffins

今次我都做得到！

我買呢款，$37

Time square得呢款賣

兩人午餐

今日九點幾起身，已經做咗好多嘢

早個星期去買新床褥，今日送貨
一早起身等送貨，大少爺拎假陪我等
跟住當然要執床、搬舊床褥出廳

好彩送貨比我想像中早，鋪番張新床
然後典下張床，哈~我覺得典下張新床係最重點再再然後整下乜乜物物
又到中午

問大少爺想食乜，唔想食外賣
我居然興致勃勃去煮飯啊

用既全部都係雪櫃有既材料
蟹肉扒西蘭花
金菇牛肉卷

西蘭花係雪櫃經常有，蟹肉係上次介紹既雪藏貨
金菇同牛肉原本我想晌屋企整sukiyaki
所以琴日就買定
估唔到今日午餐就整咗，唔怕下晝我同大少爺決定去街

當然我無食飯啦！實在唔慣午餐食兩餸飯啊

浮游

過完中秋節後，開始感覺秋意
最明顯係朝早起身會喉嚨痛
然後感到咀唇好乾

忙完一段日子，最想煲湯同煮飯比大少爺食

煲木瓜魚湯
用兩條魚去煲，原本都可以既
但係放完魚入煲後
打開煲蓋睇睇

噢~~~~~我見到兩個魚頭晌湯中打直咁浮下浮下
好似遇溺咁啊


跟住我用好多木瓜、雪耳將兩個呼叫中既魚頭活埋
然後...深海就回復平靜！

Yblog服務真係無得頂啊！好難搵到一個blog服務係能夠問題天天都多架！

最利害係我估佢唔到

一係每日有成百個有味留言要delete，一係全日都無人留到言

你話丫！教我如何不愛它？

GG新婚快樂 & 中秋節快樂！

首先：祝各位中秋節快樂

雖然好累都好想分享剛過去一日既快樂

烏GG結婚了，做姊妹做得好開心

多謝兄弟團既合作，令到大家都有快樂氣氛，辛苦晒兄弟團喇！

同伴娘好快熟絡，烏GG家人又好nice，又高興認識cody！

實在好開心啊！一對新人好sweet

呀GG結婚，我的確同呀茄好緊張，整個過程我同呀茄都好緊張每一個細節

加上一班姊妹團係餓底成員

我、茄、菇奶奶、mini、tan tan、vanlily、繼姐、笨B媽媽

其他餓底成員因為無位做姊妹，都來飲宴坐埋一檯

就算累，大家都有講有笑呢

一大清早就起身，好眼睏

但仍然分享個呢件幸福既喜事

烏GG，恭喜你啊！你今日好靚、見到你同呀仔終於結婚，真係好替你高興
永遠幸福快樂！

感恩！今日一切順利，天氣無落雨又唔太熱

手花

噢！接新娘既遊戲，玩幾個game

以下係輸既懲罰

呢碗係...濕水麵包+麥皮+100%純古力、腐乳+wasabi

多謝兄弟們合作，辛苦晒喇

順利過關，娶得烏G歸

敬茶

出門喇

經一輪休息，就到酒樓

以下呢張相係copy笨B媽媽既

餅神帶領各人整既結婚蛋糕，人人都話好味啊

呢間酒樓既特色，有一個空中花園，可以供新人影相呢

新娘房有按摩椅同埋...........

按摩浴缸............

最後祝各位：中秋節快樂！

而我要休息下喇

直擊 (@ hotel)

晌我開blog無耐，有一個人每日都到我blog留言
然後...佢每日朝早、下午、夜晚都同我請安
無錯！只係…大少奶早安、大少奶晚安、大少奶晚安

再再然後每一日都問我：你呢個蛋糕送唔送外賣？
你碗飯整多碗，但走蔥送比我吧
你個甜品可唔可以叫飛鴿送來

再再再然後...第一次見面
我去到目的地時，有一個似傻婆既人，四萬咁口
好恐佈咁傻笑
就係佢............

再再再再然後…經過兩年多既日子
變成每日都會傾電話、email、行街，
甚至幫對方買衫
又會一齊買浮誇物品、去連根拔品鞋

到今日佢結婚前夕我甚至要晌酒店陪住佢

烏GG，識你係多麼美好既事，係恩賜！
祝你幸福快樂！永遠都幸福開心！

睇到煙花架, 全海景架~