2012年2月6日 星期一

體驗Toy storyland@ Disneyland


終於去迪士尼個toy storyland,其實睇開我blog都知我係迪士尼fans

無錯!即使而家,我去到迪士尼仍然會好開心

今次開埋toy story,實在令我興奮

其實之前約好一行八人入去,可惜落雨,所以改期

改到琴日一行六人入去影相

我又晌人群中影無人相






仲趕得切新年裝飾



一入去見到舞龍









第一時間入去玩

或者我太鍾意睇反斗奇兵,對胡迪同翠絲好有好感

覺得胡迪個人好nice

其實演藝人員好好,佢地好盡力咁去同遊客打交道

令到我.....無啦啦同胡迪好似朋友一樣




我鍾意裡面既佈置



個彈弓狗我有玩,當然唔太剌激

不過…都幾有趣




我玩呢個跳傘

起初咀gel gel唔怕

我無畏高既,上到去都唔驚

但點知…當佢降落前會有一下屹一屹咁,我一感到少少離心力就開始驚

跟住我就伏落大少爺膊頭

我唔怕高、唔怕降落、偏偏怕降落前既"屹一屹"











唔玩!我點都唔玩,其實係唔敢玩

原來佢係晌放煙花前1.5小時會關閉,我本身睇煙花前想再入去都已經遲了

總括來講,多了一個toy story感覺樂園更多樣化呢


之後就影相,睇!無人架!哈哈







之後影完相食午餐,跟住等埋遲入來既朋友一行六人去睇3D

再去小小世界




Like



日本啊



之後睇巡遊

我.....好想講…真係忍唔住要講

即係咁…如果你同我講聲:唔好意思!唔該借借!

我一定讓路比你

如果小朋友想行前去睇,你只要同我講聲,我實會讓

個問題係…你老馮地橫沖直撞,為有利位置而係咁撞人,我真係會明…點解會有文化沖突

我同朋友平排企,有個細路夾硬推開我同朋友,係都要攝晌前面,我都忍

但個家長乖機又攝半個身出來,我地影緊相又係咁擾讓,真係有d火架

明唔明呀?我只想你比個signal我,要我讓路比你,OK

但唔係你想去邊週圍撞,你唔痛架?點解你地可以咁盲目地撞開人?




我至愛的minnie




米奇啊



你女友 Daisy呢?



我見樂園內好多小朋友著公主裙




巴斯光年

我想問…點解今次去,見d卡通人物,好似個個都無咁大隻既?




胡迪







女巴斯?



睇完巡遊…第一時間排隊睇Golden mickey

無論睇幾多次,我每次入迪迪尼都要睇






最喜愛的一場






入夜後,我地先開始玩木馬、飛象同去坐船

玩過space mountain



講真…我晌神戶個遊樂場見到既木馬唔及迪迪尼呢個靚

夜晚更靚

無人騎時更更靚



跟住霸位睇煙花

前面好多人,我顧得避開人頭去影又顧唔到角度、顧到角度又顧唔到影相

今次得幾張見得人,因為有個好高既人企前面,我唔可以打橫去影呢








走時9:30pm,玩了11個鐘呢




再見!






今次去迪士尼,覺得佢地對安全嚴格左
職員會行埋去你度,檢查下安全帶、安全裝置係咪已經帶上
變左放心一點

以下係迪士尼提供安全訊息,


香港迪士尼樂園遊樂設施機械
可靠度為全球迪士尼樂園之冠,達99%



樂園與機電工程署緊密溝通報告所有事故


樂園透過不同渠道通知賓客和公眾有關遊樂設施的開放資料(如網站、告示、演藝人員提供資料) 

正研究採用應用於手機的科技讓賓客和公眾可以更快得知遊樂設施的開放時間與運作程況提昇賓客體驗




遊樂設施暫停主因:近七成由於惡劣天氣(63%)賓客行為(6%)




安全系統發揮作用:

為保障賓客安全,所有遊樂設施都安裝安全系統。當系統感應到因異常操作或行為,基於保護賓客,會迅速制停遊樂設施。




遊樂設施必須經過嚴謹的檢測及試行程序才會重新啟動 (最少需時3060分鐘)




16 則留言:


  1. 最緊要玩得開心.個d農民唔駛放在心.

    回覆刪除

  2. 哈哈,妳都好捧場喎,玩咗11個鐘,下次住埋裡酒店嘛,咁咪可以玩足2日囉!

    回覆刪除

  3. 嘩~~由朝玩到晚,勁~~~
    講開又講,個D推推撞撞係D多人嘅遊客區就成日出現~~佢哋真係男女老幼都係咁個喎...有次係條街到行緊,行得慢少少啫,都會俾佢哋推開個喎..真係好無禮貌 !!

    回覆刪除

  4. 我都諗住復活節假期,去一趙,好似好正喎!

    回覆刪除

  5. 好耐無去呀!係假期再去玩,同埋,新開反斗奇兵好似好玩呀!

    回覆刪除
  6. hahaha~可以係人群裏面映到無人嘅相~你其實係"快手大少奶"啊!

    回覆刪除

  7. 唉唷, 我都係岩岩先知大少奶係迪士尼FANS添, 身為FANS有冇買AP支持呢?? 以大少奶係Y-BLOG既人氣, 迪士尼公關應該要邀請你優先試玩架!!
    我覺得入園玩係開心, 最憎就遇到冇禮貌既人, 我都試過明明一家三口坐係到等睇巡遊, 都可以夾硬迫埋黎坐係到, 若果佢地太過份, 一定會叫CM幫手架!!

    回覆刪除

  8. 我LIKE煙花果幾張相, 有冇帶腳架影呢??? 同埋係咁多人中影到冇人頭, 犀利呀!!

    回覆刪除
  9. UM...我想講, 其實唔知而家d人係咪受左強國的影響, 行路一字平排行, 企路中心, 撞人, 打尖唔該都冇句, 港鐵入面奉旨食野, 係公共場合手拿 ipad 睇短片 / 聽 mp3 唔用 headphone 仲要開盡 volume 等等, 已經唔係只屬強國人的專利, 連香港人都變左質... 以前我地比長輩教導, 要遵守規則, 待人要厚道有禮; 而家d人反而將 "規矩係要黎破壞" 視為己任... 唉, 大少奶, 您所講的, 已經而家香港的普遍情況了...

    回覆刪除

  10. 就係嗰啲橫衝直撞打尖唔駛本既人大大減低我去廸士尼的意慾.

    回覆刪除

  11. 點解妳可以影到d相一d人都無, 比個叻妳^^

    回覆刪除

  12. 係囉... 點解d迪迪尼人物變哂樣既好似....係咪我太掛住佢地.... 掛到走哂樣呢 ?!
    你d相無人,係咪因為你趕哂d人走呀?! XD
    btw, 煙花相真係好靚 ~~ 喜歡迪迪尼煙花啊 ~~
    hv a nice day !!! =]

    回覆刪除

  13. 相反,找去過幾次都無咩興趣囉....
    我囝囝重好笑,見到咁大隻公仔,佢會好驚,上次想同佢影巴斯光年,佢一路排隊,一路向後走,後來到我地啦!!當然唔成功,巴斯光年見到佢走,佢重扮想拿着他...點知走得重遠,笑死我地.....

    回覆刪除

  14. 我上次落雨去, 冇咗巡遊,小小世界維修冇開,攪到有啲失望!

    回覆刪除

  15. Great pictures! Do you mind to tell me what camera you were using? Thanks!

    回覆刪除
  16. 文化沖突 --> 我都試過好多次喇....仲要係 ZARx 同 H&x 囉....真係好鬼老土架.. 好似見你唔到係都要撞埋黎即睇咁. 好討厭呀!

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾