2010年1月17日 星期日
二、三事
Um.......
呢幾日比自己休息下
實在好多好煩惱既事
不過都想講下.............
希望各位多關心海地災民，可以的話透過捐錢幫助
亦都可以透過祈禱去祝福、去紀念地球另一邊受災禍的人民
睇新聞屍體遍野
一向呢個國家都係貧窮國家
救援物資缺乏外，連一切日用、食用既都係甚缺乏
生活於香港係值得去感恩
(Copy自Fb群組)
1.請為救災行動禱告
2.請為災民重建家園禱告
3.請為災民需要食物和水禱告
4.請為災民的心靈禱告
5.請為不要爆發疫症禱告
6.請為政府有能力救災禱告
7.請為感動更多人去幫助, 支援, 救濟, 愛 他們
另....
我琴晚睇咗一個覺得好好笑既頒獎禮
甚至個FB都熱鬧非常
一剎那間
位於唔同地區既朋友都一齊......................O咀
另另....
一向鍾意用焗爐去代替炸食物既我
糯米雞翼....還是覺得炸最好~~~
2010年1月14日 星期四
2010年1月13日 星期三
2010年1月12日 星期二
2010年1月8日 星期五
眨下眼@harlan's
琴日同呀妹diana&菇奶奶去Harlan's食lunch
無見呀妹一個星期唔夠，突然覺得佢個肚又大咗好多
記得上年年中，我係第一個知佢有BB
幫佢保守3個月祕密先公佈得
眨下眼又就快出世喇
我好變態，成日話送d會令呀妹發癲既禮物
例如…
買對"必必"拖鞋比bb3歲時著，目的要嘈到佢呀媽發癲
又想買吹氣滑梯、吹氣既大波波池，然後夾硬吹脹佢，等呀妹間屋無地方好行
又例如…買與bb姓別既相反既衫仔，等個B有得睇無得著
甚至...話要送個鬚刨比個BB做見面禮
每次呀妹聽完都會大叫：唔好
哈哈
好味既包配蒜蓉醬
好鍾意Harlan's既頭盤
哈蜜瓜好新鮮呢
我同妹都要燒西冷，燒完都仲好juicy
綠菜mousse同西瓜雪葩
今次飲熱檸茶
跟住坐到呀妹夠鐘去覆診，我同菇奶奶落CWB呢
2010年1月7日 星期四
2010年1月6日 星期三
2010年1月5日 星期二
眼花
琴晚我真係又滾番茄豆腐魚湯
跟住同Vanlily講：你好似番茄豆腐魚湯
然後打電話比繼姐：喂！唔該番茄魚湯丫
好彩我係唔會愛上.............番薯
得琴日係晴朗一天恤髮，今日又陰陰天
噢！
好掛住個陽光啊！我未洗晒d衫架
今日繼續整午餐
琴日整漢堡包時，一份牛肉剩下一半，做乜好？做乜好？
唯有做肉丸啦
再加埋雪櫃唔知點解會用極都用唔晒既薯仔，就整唧花薯蓉
成為今日食得一半就飽既午餐
仍然想再飲蕃茄魚湯，到底幾時先會停止呢？
再煲大少爺會唔會制止我呢？
丫！琴日我去餅神個blog留言，Yblog比呢抽字我，真係唔該晒
到底係M定W呢？如果係W咁L之後係乜呢？
突然想唱.....................
別怨新聞這麼假
(那需挑剔)天色這麼差
相信愛可統領天下
(put‘em up put‘em up)
別怪煙花這麼花
(每一點愛)可修補傷疤
將那黑色世代轉化 wo…oh
2010年1月4日 星期一
2010年1月2日 星期六
迷湯
喂喂))))))成年無見喇！你最近好嗎？身體好嗎？everything alright?
我踏入新既一年，第一樣沉迷既食物係乜呢？
哈~新一年只係過兩日，但我已經迷上一樣食物
每日都要整過先安樂！
就係............蕃茄豆腐滾魚尾湯喇
話說上星期我們這一家去呀妹diana屋企做外勤煮飯時
菇奶奶滾蕃茄豆腐魚尾湯，佢好叻，整到冬陰功咁既味？！
跟住我就迷上了~~~
當然我係整唔到冬陰功咁樣，但我真係迷上了
連續兩日自己都要煮呢！用6個蕃茄去煮，夠香濃
時光倒流幾日前
我們這一家食團年飯，我負責兩樣菜式
呀茄話要既中式牛柳
仲有好耐之前呀妹話想試既煎藕餅
菇奶奶既沙薑雞
呀妹既帶子炒椰菜，帶子沉底了
呢碗就係菇奶奶整既魚湯喇
呀吱同呀茄無整過任何菜式，仲要晌樹玩電話
你兩個.........................................哼~~~`
當晚一齊睇佈道dvd、一齊禱告、一齊食飯，我們這一家真係好warm~
訂閱：
意見 (Atom)