韻律泳的醉蝦

琴日同事頭婆、繼姐晚飯

終於有時間可以輕鬆下，同朋友晚飯

之前忙於試菜、Event、加上大少爺濕疹，希望日日煮飯佢食

一直想約朋友晚飯都行唔開，心情特別好呢

上星期幫朋友整食物，我未有本事將自己煮既野去賣

所以我堅持只為身邊人、朋友去整，我要有呢份心先可以整得好

朋友媽媽生日，我就幫佢地生日會整幾樣

其中係醉蝦

呢個醉蝦係萬試萬靈，又易整，又得到人歡心

所以我每次請朋友回家食飯、或者整野食送比人都會整呢個醉蝦

只要斤蝦夠新鮮，天下我有既感覺

我每次親自去買蝦既話，一定要見到佢跳跳下彈彈下先買

因為咁我就認定佢係新鮮

呢個醉蝦一支糟鹵搞掂晒~得左

上次影時用酒杯，今次想轉另一款杯

又貪心，遠睇張相係似八爪魚、近睇似韻律泳伸晒d腳上水面

糟鹵可以去南貨店，例如…老三陽、新三陽等店鋪買

買斤生蝦咁跳既蝦返來，灼熟

先煲滾水落蝦，水再滾熄火蓋上蓋焗2分鐘

咁d蝦唔會灼得太耐而硬

然後剪蝦頭蝦腳，生勾勾不停跳我唔敢剪，好殘忍

灼熟後…我為所慾為

醉汁：

糟鹵   1支

花雕 杯(如鍾意多點酒香可以自行增加)

糖     半茶匙

將以上汁料攪勻，放已處理好既蝦落汁料，雪凍後就食得