2008年6月30日 星期一

固體版本


近日屋企工程中,所以只可以做簡單食物

好彩接近完工呢

呢個固體版本珍多冰,好奇特呢?

下面層白色係椰汁奶凍啊

上面就係珍多冰既珍多 (唔知正確名稱),用糖水煮過既

事緣琴日6個舊同學到訪聚舊,雖然夜晚只能出街食飯

但都有小甜品




哈哈!遲d可能研究出

流質干炒牛河、固體版羅漢果湯、流沙版星洲炒米、氣體版鴨腿湯飯

世界氣候反常,食物都係,噢!

2008年6月27日 星期五

已成功喇


大少爺好鍾意食腰果

多年前有一日

我唔知晌邊度見到腰果雞丁做法

就照辦煮碗照做,連醃肉既方法都照跟

結果.................難食,唔知點解好難食!當時好失望呢

事隔多年,早幾日再整腰果西芹蝦球炒雞丁

當然已經無難度啦

哼~~~~




腰果炸法:

先將腰果在鹽水中煲8分鐘,然後撈起抹乾水
放入凍既油慢火炸,炸到開始微黃轉大火炸,直到腰果呈金黃色

2008年6月26日 星期四

及及米差


哼~~~~~~~~~~~~~

今朝起身就整泰式椰汁千層糕,當然留番夜晚大少爺食架啦

佢好鍾意食呢款糕點

平時整蛋糕,我堅持用新鮮班蘭葉既

但今次個千層糕就用班蘭香精,因為新鮮班蘭葉個色唔夠香精深

但再做蛋糕的話......我就一定會用番班蘭葉

用muffins盤做,整得5層呢,影出嚟綠、白層唔夠明顯啊




千層糕 木薯粉 300 克 
粘米粉 40克 
椰漿 (1大罐)  400克 
砂糖  125克  
暖水  200克  
班蘭葉香精 半茶匙  
用具:
1. 9cm x 18cm 長形模2個。

製法:
1. 暖水溶解砂糖,備用。

2. 木薯粉、 粘米粉混合,加入椰漿,砂糖液拌勻。

3. 糊漿分為兩份,其中一份加入班蘭葉香精。

4. 先倒一層糊漿入蒸模內蒸3-4分鐘(熟透),其後兩種糊漿。

5. 重複交替用完為止, 製成品放涼後切開享用。




整定個糕比佢食係因為.....................我今晚約咗佢shopping啊啊啊啊啊

連根拔減價當然要快快去啦!唔快好嘢就比人掃晒

2008年6月25日 星期三

菇奶奶壽宴@ King & I


琴晚我們這一家(我、妹妹diana、索烏GG、karen 及蝦吉預早慶祝菇奶奶生日

噢!因為8號風球的關系,食完就急著走

但呢個飯局係充滿笑聲,依然係好開心生日飯

又係完全失控既一圍人,一邊笑一邊食

To: 菇奶奶:預祝你生日快樂!樣樣都能夠從心所慾、為所慾為,家嫂永遠都愛你、會孝敬你啊

我開始覺得我哋呢班人默契越來越深、友情都好深

最勁既係人人去到APM唔係打電話搵我,係自動行入i.t 搵我!哈哈哈哈哈




芒果軟殼蟹米紙卷、燒豬頸肉


 


越式春卷、香茅豬肉糯米飯


 


咖喱麵包雞,好味,個盤賣相好得意

我唔怕個頭.................因為係假既


 


香茅青檸烏頭魚




蟹肉粉絲、馬拉盞通菜


 


我飲蜜糖兒,係薄荷、柚子、蜜糖冰

紅色雜梅冰

          
   


仲有人唔得閒到,但生日蛋糕到既vanlily生日蛋糕

噢!熱情果mousse cake,無得頂




最重要佢哋成晚不停叫我整多個戚風蛋糕

打電話比表弟

佢話:表姐你緊犀利啦!明明個風唔係吹呢邊都吹到過嚟啊

yeah!!!!!!!!每日努力funky dance,佢哋都覺得我瘦咗,我要努力跳啊

2008年6月22日 星期日

1234


做乜我既戚風蛋糕真係咁邪?

天氣好熱,直接影響我唯一既活動.......行街

就算改為黃昏出街人頭湧湧依然吃不消

好想做運動、我屋企附近山路旁有個小公園裡面有跑步徑,但我唔鍾意去跑

做gym我會無恆心

試過晌屋企跳繩,好悶,跳跳下就覺得悶

終於搵一樣我有興趣、唔悶既、又可以晌屋企做既有氧運動

就係Funky dance

之前去陳少冬屋企發現潘若迪funky dance既dvd

一隻有10 part,每日跳半個鐘,已經學到第4part

潘老師佢造型好攪笑,又成日講爛gag,但由淺入深

跳10分鐘就已經出晒汗,個人有運動特別好瞓呢

photo fr: vanlily

↓造型........一個字 "絕'啊

金句一:

您不一定要會跳,但至少要會叫,如果你不會叫,至少一定要有心跳!




噢!小蜜蜂喲  (林志玲既語氣)




訂購dvd資料

http://global.yesasia.com/b5/Search/SearchResult.aspx

或三聯書局、大型dvd店舖有售

2008年6月20日 星期五

有粥食粥@正斗


今日拎籌款既cheese bar

唔食cheese cake既大少爺話只要係餅神整既就一定食

除咗我訂既幾款口味 咖啡、抹茶、blueberry、檸檬外

小冬有幾款新發明比我有榛子、gum酒提子、橙皮橙酒、芝麻、mix barries




同陳小冬(vanlily)食lunch啊!唔知點解,琴晚已經好興奮

一個鐘零十五分鐘的確好快,勁唔想比佢返工啊

已經約好下次既目標餐廳呢

今日食正斗




個套餐有:雲吞麵




豬潤魚片粥


皮蛋肉丸粥


仲有炸兩,有個甜品無嚟到啊?!






小冬:雖然你今日令我千年道行一朝喪,但我都好錫你架我,愛屎你啊!

你知唔知我幾咁唔捨得你要返工啊!下次我一定唔會再咁乜乜乜啊!哼

期待 "9"啊!

2008年6月19日 星期四

齊來醒神


呢個咖啡戚風係整比大少爺下屬食既,好耐無整過蛋糕比佢哋食喇

夏天黃昏先出街就可以多時間整蛋糕、甜品同乜乜物物

又可以請佢哋食

佢哋就算做得辛苦都有啲安慰,就算受那個大少爺氣都受得有回報

而且我相信.......佢地食得出咩味,咁已經值得啦啦啦啦啦啦啦

哼~~~~~~~~~




天氣都OK呀!

噢!一見我戚風蛋糕就會打風呢個咒語應該破滅呢




2008年6月18日 星期三

到底咩味?


琴日落好大雨,同fiona食完 Lunch行一陣就濕晒要返屋企

見有時間就整蛋糕

整 espresso pound cake,原本蛋糕面想整雲石紋但失敗

焗既時候成屋咖啡味

到大少爺試食後..................

大少爺: 嘩!個蛋糕好好味呀

大少奶: 咩味?

大少爺: 朱古力~~(肯定地答)

大少奶:  (無出聲但瞪大眼望住佢)

大少爺: 唔係咩?無理由係咖啡喎

大少奶:  (繼續無出聲瞪大眼望住佢)

大少爺:  Um..........我知喇!焦糖味!好香焦糖味

大少奶: 豆豉呀!用豆豉整架架架架架 (帶點激動)

大少爺: 唔係嘛!(好驚訝)

大少奶:.....................

隔一陣再問咩味!

大少爺: 面頭啡色既係焦糖,裡面係咖啡味

其實佢見到咖啡粉放晌廚房工作枱上,但堅持表面啡色既係焦糖




呀大少爺...即係咁.........我無整焦糖落蛋糕...........但絕對唔係你味覺失調

無理由你味覺失調、無可能

咁.....你就當我錯吧啦啦啦啦啦啦啦啦啦啦啦啦啦啦啦~~~ (無語問蒼天中~~~~)

2008年6月17日 星期二

你想什麼???


哇哈哈!我睇鄉下人個blog發現有個game

將中文名輸入就知你個腦諗乜, click here--->  http://maker.usoko.net/nounai/

好準呀!

今日一早走去Cwb 買完嘢既我,因天雨關系無去埋TST

總覺得買唔夠,結果..........我個......名......顯示.........

........滿腦購物慾啊!




大少爺

都幾準確,佢老婆我成日整嘢 比佢食

更加係義氣仔女




呢個係陳小春 (笨B媽媽),我用佢真名試

佢好忙所以想休息




呢個係今日好忙既陳小冬 (vanlily),當然用真名測試

哈哈哈哈哈!好準呀!佢成日都諗金,就來結婚成日都係諗住d金

甚至發夢都諗金,幾現實

哇哈哈哈哈哈哈




註解:

·        惱 = 煩惱

·        愛 = 愛

·        樂 = 樂天

·        怒 = 脾氣很大喔

·        休 = 解釋為只想休息的人。能坐就不站、能躺就不坐。                        

·        H = 專指SEX上

·        食 = 吃

·        眠 = 眠 , 愛睏

·        金 = 錢

·        欲 = 物欲、 權力欲

·        秘 = 祕密。 不能說的祕密。

·        遊 = " 七逃 " 人

·        服 = 牆頭草 ' 西瓜性格

·        噓 = 謊言

·        慟 = 壓抑 ,負面情緒

·        惡 = 壞心眼

·        善 = 好人一枚

·        忘 = 健忘、放空、無我之境界?

·        逃 = 逃避。 駝鳥族

·        學 = 和中文一樣是學習

·        酒 = 愛喝酒

·        友 = 重朋友 ' 講義氣

·        妄 = 妄想

·        變 = 變質者。 應該是變動性很大的意思吧

·        幸 = 幸運、幸福之子、也就是運勢都不錯吧

·        迷 = 迷失、迷戀、執迷

·        幻 = 想很多、幻想的意思

·        寂 = 寂寞、無聊、空虛 ' 也就是內心裡充滿了孤獨

·        私 = 以自我為中心

·        貓 = 這是打杜正勝進去發現的新字,
可能有三隻小豬和愛打記者的意思 吧?

·        罪 = 罪惡感,罪過

·       淫 = 萬惡淫為首。看來淫比惡還厲害



2008年6月16日 星期一

多冰啊


大少爺好鍾意食凍既食物,就算生果都一定要凍

近來佢鍾意食冰菠蘿,將新鮮菠蘿切件然後放冰格

得閒就由雪櫃取出當雪條食

除此之外....經常發現佢將唔同飲品、食物放入冰格

典型例子....益力多

佢買完益力多只會飲兩支,其餘放冰格

變冰後就剪開個樽當雪條咁食

我懷疑叮叮點心佢都唔想叮啊!哈哈!當糯米雞係雪條咁食

型啊




每逢去新加坡,大少爺買得最多係…彩色益力多

我最鍾意青蘋果味




5 Things about Me


psk_ho tag我,見個題目幾好玩

爛玩既我當然玩啦

5 things found in my bag:

1)銀包及散紙包 <---一定要帶架

2)電話 <---無電話去街大少爺就搵我唔到,好掛住架嘛!我只鍾意用可打出打入既電話,唔要其他功能!哈哈

3)化妝袋 <---雖然我唔搽粉底、又唔會化全妝,但個化妝袋都係逼爆,因為我鍾意買唇糕、Lip gloss、眉粉、鏡都必定帶晌身

4)紙巾 <---一定要帶架

5) Key<---一定要帶啦

5 favorite thing in my room/house:

1) 兩部電腦<--兩部既好處唔駛爭,對我來講電腦好重要

2)電視<---我真係好鍾意睇電視

3)<--唔開心時我會窩晌床上面縮埋一舊,心靈避難所

4)雪櫃<---好鍾意摷雪櫃,又要冰凍可樂、鍾意擺得滿滿既呢

5)吸塵機械人<---賓仔的確好方便,慳好多功夫,有乜爽過我睇電視、上網、搽指甲但有吸塵機械幫我吸塵

5 things you always wanted to do:

1)Shopping <--人生最大嗜好,我最想買起連卡佛,哈哈哈哈

2)旅行<--東京一定要去、新加坡一定要去,想去澳紐、總之唔想再去英國、歐洲都唔想去,但去邊都要同大少爺去

3)抗氧化<---好明顯想留住所剩無幾既青春

4)戒零食<---好想戒啊

5)多見朋友<---其實我都幾忽略朋友,因為我太忙喇,好在佢哋仍然愛我

5 things you are currently into:

1)趕稿 <--天呀!編輯又催稿,一粒字都寫唔出,新加內容毫無頭緒,點算呀?好想快快攪掂本書,但力不從心

2)學習做好太太<--學習做個更好既太太,雖然我既壞脾氣改了不小,但仍然急燥、刁蠻、任性、發花癲、神經呢

3)Funky dance<--繼續跳、希望keep住有d運動,雖然跳到好似傻婆,仍然要繼續跳

4)學習煮更多<---無論任何類型都要學做更好更好、學更多類型既菜式

5)繼續吃喝玩樂<----得快樂時且快樂!吃喝玩樂最快樂!

X people you want to tag:

Um......妹妹、烏GG、菇奶奶、我們這一家一定要玩,其他.......想玩就玩啊

go go go

2008年6月15日 星期日

Happy Father's day


To:老豆

原本有份特別禮物送比你,但趕唔切,你生日時一定可以帶到比你

睡醒就晌廚房騰來騰去,就係為預備探你既食物

有台灣滷肉飯、同椰汁馬豆糕。放心~我一定記得要好凍好凍既可樂丫嘛

其實我諗好耐,呢個台灣滷肉又有肥肉、又夠鹹又夠甜你實鍾意

仲有為表示我已經識煲飯,當然有飯啦!

椰汁馬豆糕都係我整架!所有甜品你都鍾意既

罐可樂就勁啊!Zero你未飲過,我成個雪櫃都係,型過你

你曾經講過年紀越大對眼越深,我發覺我個樣越來越似你呀!

我張智能身份證個樣幾乎同你一樣,你唔會再話我醜樣啦!哈哈!

七年來每年父親節都會探你,就算我活多七十年仍然唔會改變

正如我無論喜、怒、哀、樂都會諗起你、甚至每一日你仍然晌我心裡面

從來未有一日遺忘你

相信我就算乜都記唔起,都會記得你既氣味與腳步聲







2008年6月13日 星期五

祝福她


                 


剛過去一晚探望一位朋友,深深感覺到人是不能掌握自已的生命

感覺到【命運】這兩個文字是多麼多麼深不可測

安慰說話容易說出口,但當面對的時候確實很困難

朋友的堅強令我有點點感動,她仍然會安慰自已及身邊朋友

仍然關心我雙腳為何未痊癒?探頭望我的雙腳為何未能像平常般穿著高跟鞋?

還能和我們說說笑,一起研究不同地區沙律的分別

慶幸自已仍然能夠令她發笑,第一次感到令人發笑是多麼有滿足感

眼淚一次又一次在眼眶內打滾,是因為眼前的情景或是被她的安慰說話感動?

知道自已懦弱、知道自已未能掩飾嘆息表情

相比仍然能安慰別人的她,更覺得慚愧

To:朋友

願你平安 !無論如何你既堅強我永留心中 ~  你要繼續堅強        

 ***********************************************************************************         

與Cindy取得聯絡,她仍然留院

大家不必太掛心或不安

她縱使面對困難仍然樂觀面對,我們也應該給予她正能量

但現階段的她是最需要祝福,一齊祝福她吧

2008年6月12日 星期四

西瓜波


前文提要:我會突然愛上買某一樣嘢或食物

早幾年有一個夏天......我瘋狂愛上食荔枝,每日不停食

食到個身燥熱得滯出紅疹,之後無再食過

又有一年夏天.....每日食西瓜連續三個星期

食到太寒涼頭暈,之後都無再瘋狂地食

近幾年興買黑美人西瓜但我唔鍾意,要食大波波型西瓜

我一向唔去街市,但買生果總覺得街市較多選擇,其次吉之島

近日發現細過西瓜波既西瓜,好得意

初初因為得意所以買,估唔到超級甜啊!係好甜

切開一半用羹畢嚟食

以後可以好型咁答人:我閒閒地食成個西瓜啦!哼~




好甜好甜好甜好甜好甜啊啊啊啊啊




2008年6月11日 星期三

發神經


我經常都會發神經突然鍾意一樣嘢

例如…突然鍾意一個品牌

突然一段日子不停買同一樣嘢,包括衫、鞋、skincare、化妝品、甚至碟

食物除了一向既甜食外,會突然愛上唔同味道酸、辣、芒果、西瓜...食到唔食為止

近來好鍾意食辣,瘋狂地鍾意食辣,甚至覺得自已爆瘡都要食

結果產生以下既泡菜雞絲炒年糕

仲加上辣醬,辣到我覺得個肚好熱啊




呢樽辣椒好辣,辣到連1/4茶匙都會辣到食唔到

係一位好愛錫我既長輩送比我,係台灣梅子媽媽出品

裡面混有梅子更惹味呢~




Yeah!!!!!!!!下畫再去剪頭髮兼行街買嘢

之前籌備個gathering攪到買嘢都無心情

連卡佛果對鞋希望仲有size啦!大家用念力叫有37、有 37 有37、有 37

2008年6月10日 星期二

嘗一次


想整呢個台灣滷肉好耐,但遲遲未試

一來我對豬肉抗拒、二來係用豬腩肉整、三來好似幾複雜

最後唔知點解真係整

我同鐘點姐姐講:唔該你幫我買塊好瘦既豬腩肉?!

佢真係買到尚可接受既返嚟

的確好好好好好味,我唔食豬肉就加入豆腐乾一齊滷

豬肉試食咗1塊,但豆腐乾好好味啊

可能有加入糖色所以顏色好靚

↓滷肉飯







↓配米粉




食譜:copy 笨B媽媽

材料

五花腩  1斤 (600 克)

蒜蓉     1 飯碗

蔥頭蓉  1 飯碗

油蔥酥  1 飯碗  (見下圖)




滷肉汁

花生醬 1 湯匙

八角. 丁香.肉桂  適量 (這是五香粉的材料,我還另加了茴香籽 。大家可以用五香粉代替)

胡椒粉 適量

*糖色  適量    做法   3湯匙糖+2湯匙水,煮至成為焦糖色

生抽  1 飯碗

紹興酒 半飯碗

冰糖  適量 (圖中那塊應該是 60g ... 出來成品甜甜地好好味。若然你喜歡甜甜地,咁1斤肉要落 100-120克啦)

做法

1. 五花腩先汆水去血污油脂,切細粒備用

2. 開鑊爆香蒜蓉和蔥頭蓉,然後放入五花腩,煎到微焦

3. 加入香料 (要先磨碎才會出味啊)、滷肉汁及油蔥酥,加適量水令汁液蓋過肉面。試味,如不夠鹹可落點鹽。

4. 慢火燜一小時即成

***********************************************************************************

雖然要用豬腩肉,要整唔好驚、驚就唔好整

整完一次我驚就下次唔整,唔好問我瘦肉得唔得,我都想得但應該唔得

但應該只做兩次,今次整比大少爺

下次係星期日父親節整比爸爸,帶去探(拜祭)佢

2008年6月9日 星期一

返轉頭???


有好多事係返唔到轉頭

例如............

今日又預約剪頭髮,經過一個月頭髮長番好多,個髮型睇唔順眼又要修剪,我天生攣又厚既頭髮,令我髮型無初初剪咁好睇,一旦剪短就要長期keep住修剪

黑眼圈一旦產生黑眼圈就好難消失

著平底鞋我覺得行得好辛苦,著高跟鞋舒服得多

開咗罐預備打風先食既鹹牛肉,返唔到轉頭,預計食足一星期

噢!

今日條街實多人,我都係留晌屋企,整早餐比自已食

一時衝動開鹹牛肉整三文治,仲有又係我最鍾意既木瓜雪耳糖水

食木瓜雪耳糖水會變靚d架!




唯一因為怕返唔到轉頭而唔敢做既,一定係整容

我好討厭自已個扁鼻,但又唔夠膽整高

哈哈哈哈哈哈哈哈

2008年6月6日 星期五

求其Lunch @ Italian Tomato


我一早出街買嘢,大少爺又買袋,我買咗一件衫、仲有...................買

28人享用既魚蛋

28人享用既法國包

28人享用既雞蛋

28人享用既雞翼

28人享用既木瓜

28人享用既什項材料

因為一個28人別具意義既gathering,今晚要做28人滷水蛋及雞翼

聽日就將以上所有物品帶到到gathering地點,即場整糖水同魚蛋,好緊張啊

因為要比嘢Rosa我同大少爺先到APM,爭取時間

就求其食個求其Lunch

食完用30分鐘行APM,快速買嘢

就到 next station 辦理私人事務,又快速回程買材料

又快速update blog

呢個Lunch話明求其,就好求其,食物都好求其




湯................OK




我的Parma ham pizza..........一般




大少爺帶子焗飯..............唔太好






呢件栗子蛋糕兩個形容............隔夜,塊蛋糕又鞋又實




凍O茶..............Um...............ok




呢間野無下次