2017年7月24日 星期一

像樣

上文提過我愛上越南粉包,原來個皮非常好味

薄得來帶點煙un,晌短短上岸時光我去超市集中精神搵呀搵

比我買到整粉包個皮材料,看圖識字發覺唔難整就整,仲要昨晚去買材料今日整

你睇,佢好好食呀!

如果無果包粉都可以去買粉皮或者用腸粉拉開做皮,當然無咁正宗啦

好開心呀!越南食譜我又儲多樣


呢包就係,加水同油就得


蒸完是咁的


餡料:醃料只用魚露,真正越菜無雞粉無生抽只靠魚露醃

豬肉碎   $15

雲耳    浸開半碗切碎

紅蘿蔔   半條切粒

沙葛    半個

芫茜莖    少許

乾蔥   2粒切碎

另備炸乾蔥及炸蝦粒、蔥粒

將以上材料撈勻,加魚露2茶匙、糖 1茶匙撈勻醃30分鐘

熱鑊爆香所有材料,再加少許魚露兜勻上碟


將粉皮切開4個正方型包餡就done




仲有呢個魚露汁,越南話是"碌霖"

魚露  2茶匙、白醋  2茶匙、糖  1茶匙、 蒜頭一粒切片、辣椒  1隻,熱水 2茶匙

撈勻就是了



大少奶's Delicatessen

宣傳你的專頁

我的郵輪假期之越南篇(峴港、芽莊)

好多人知我去越南都覺得不可思議

其實我一直都好想去越南食越南菜,係真的

大家都有睇我blog知我曾經自己淆湯做越南粉、自己炸春卷等等

但總覺得我跟本唔知越南菜真正味道,從前住炮台山時晌北角或銅鑼灣有d細細越南菜館

我同爸爸經常去食,越南粉、春卷,甚至爸爸會食鴨仔蛋添

有時佢又會帶我去當年新世界中心金牛苑,從前金牛苑係食越菜,金象苑係食泰菜

但高級d又代表真正味道嗎?甚至現在某酒店高級越菜做得精緻我仍然想食越南正宗味道呢

不過我又怕熱又怕曬又奄尖真正要去越南旅行又有點困難

今次郵輪順利成便去一次,第一日上岸係峴港

記住越南係要簽證,上網睇來睇去價錢都唔同但又唔平

船上代辦就會平好多,唔使US$10,船上都有tour參加

第一日峴港就跟船團,早上7:30可以上岸,當日早上去拎車票簡直萬人空巷咁

上到岸過關,一個簡單到不得了關閘就可以行去旅遊巴車站,搵番個號碼就上車出發

當日行程,但要記得…跟團就係鴨仔,鴨仔團就係會趕的




坐1.5小時車就到




超喜歡包包造型,我細心襯過的,哈



行入古老大街內,各處都係餐廳,呢度每間門面都幾靚架











行完就午餐,本身對團餐無乜期待,甚至諗:唔好食的話就浪費我來越南機會

但最後味道都不錯的







越色串燒牛肉,味道幾好而且佢係用一竹枝中間門口夾住牛肉燒的


我最喜歡炸春卷,真正越南春卷

如果可以我想再食得到,佢好好食,其實餡料好簡單但越南菜精彩之處就係醃料香味


蒸粉包,我見街邊都有!同香港好唔同

香港係用粉皮包住,但越南係做得薄身好好食


呢碟係有九層塔、香料、牛肉同幼粿條,係好食的


煮魚!包包鍾意食


呢個睇樣以為好辣但其實科甜地既


呢個係甜品糯米糕,但唔甜的



之後來到沙灘,一個椰林樹影水清沙幼沙灘

可惜…情深緣淺只逗留了15分鐘,影幾張相買個椰青就完了


Shopping mall,um...買了部玩具車比包包就走了

上回車又坐1小時返上船…睇blog都覺得行程好趕嗎?真係到此一日呢


但不得不提晌越南呢間咖啡店杯朱古力沙冰同後面話梅青檸茶非常好味

我兩日都有飲杯古力,佢裡面有jelly,好好味啊


第二日行程:芽莊

今次自己包車,隨行都有個領隊帶路,相比之下芽莊比較繁榮

當日9:30上船,芽莊無得直接上岸要坐遊輪上小船

放心好安全,而且上落船都係穩陣既,大約10分鐘就到



包包好開心,小船好接近個海


上到岸就上車開始一日遊,原本行程先去占婆塔、再去食粉行小街

再去shopping mall跟住去情人石飲咖啡,但係…最後趕唔切去情人石,囧


占婆塔就係一個石塔,有好多人參拜

但對於身為基督徒來講呢…就係參觀咁囉





包包另一造型


當地領隊帶食pho,即係牛肉粉

我終於食到越南真正牛肉粉



呢碗係熟牛河,你睇佢清清地實則甜到不得了

係真正用牛骨淆無味精,好好食!

Hi PHO,你好嗎?我十分掛念你 


晌FB有人問:包包上岸食乜?越南咁污糟?

我覺得去得就預了,既然預了就做好安排

湯粉咁熱就唔太怕,包包用自己餐具,飲品飲罐裝或自備水

呢間蔗汁我有飲,但無比包包飲

如果下下都要驚就睇唔到美好一面

之後就週圍遊下,再去shopping mall,但只夠時間買一堆食材、咖啡咁

連影相都無時間再影了




老實講:我最想試街邊食物,不過無機會呢

越南比我印象都不錯,商店職員都好友善! 


今次郵輪假期玩得開心,我有掛住郵輪上日子

郵輪假期係美好的,但當然都要睇你乜心態

下下都要去計到盡所有食物都出色、所有活動都要合心意的話你會無盡挑剔

用開心心情去享受一切同工作人員努力,你會得到更多快樂

郵輪先生,再見了!謝謝你給我一家快樂回憶

我可能會望到你、你可能會忘記我,但感謝船上每一個笑容、每一個服務

有機會再見~




大少奶's Delicatessen

宣傳你的專頁

2017年7月23日 星期日

我的郵輪假期@皇家加勒比遊輪 (飲食篇)

郵輪旅程咁多日,食物係好重要

而且我係寫食,所以晌上郵輪前都決定無論自費或免費都要試

所以我都試不同餐廳

老實講晌船上餐廳每一間都好盡力做,但出來效果會唔會合乎你心水呢?就另計

因為晌船上無於任何餐廳都會受食材限制,而且要好小心

呢點我絕對覺得要包容,要用預定材料做比咁多人食真係唔容易

晌船上最好食係牛肉,各餐廳各樣牛肉整得好好

首先講11樓免費供應自助餐餐廳,佢食物總類好多但唔會點有海鮮

海鮮處理要好小心,所以都明白點解無乜海鮮

我有時行過會拎下生果、或者曲奇返房食,佢可以拎走的

晚餐時間好多人所以我無食過晚餐,只係行過又拎過燒排骨都幾好味

你唔好將佢同星級酒店相比,但至少真係早、午、晚、消夜都有不同


上船當日我拎過下午茶,buffet區域有兩個,一個係大場食物更加多

我幾鍾意食呢度曲奇、同埋甜品,仲有可以拎生果




雪糕汽水就要錢,大約 US$3-4咁上下,我都有買過

呢度行入d裡面就係免費小cafe全日供應三文治、蛋糕、曲奇、小點同水

大家唔好客氣隨便拎

*此相片copy網站




Dining room


主餐廳,我食過早餐同晚餐,大家房咭印有入dining room時段,到時排隊入便可以

早餐同 11樓自助餐無乜分別,但晚餐晚晚不同,個menu頭盤同主菜、甜品都有4、5款比大家選擇

但我無法影得晒所以就放d合心水比大家睇


頭盤:青口 


另一晚:caesar salad

但我見大少爺同臭包食炸芝士或春卷都好好味咁


呢間牛扒或牛肉都不錯

我食三晚牛扒不同做法都滿意


包包其中一晚蝦飯 


郵輪同新斗記合作,每晚都會有中菜

呢個炒帶子好味,但每次試中式炒麵都...............麻麻地要改善喇


每晚甜品menu有4款揀,揀唔到可以食雪糕

最得我心係呢個麵包布丁加焦糕漿,好好味






核桃tart也不錯




last 一晚各waiter、waitress出來跳舞,其實都幾感動

好多謝呢班勞苦功高職員,招呼實在不容易

所以我好著重要包包講:thank you!

客人快樂背後要靠他們去造就


IZUMI日式餐廳,呢張相 copy網站的


價錢係$10-20美金



枝豆…免費



呢個叫比包包食,軟殼蟹卷,個醋飯唔錯,整體都唔錯啊


我叫石燒牛肉,個牛肉不錯  17美金

但呢度set係無味噌汁的,只有主菜同飯


海鮮set份量都多,US$20咁上下


仲有飯同甜品,但個炒飯味道ok個飯質太淋要好好改善啊

呢間餐廳一定要預早訂位,我另一晚想walk in都無位


一人火鍋  US$29任食,有兩款湯底



有龍蝦任食,龍蝦比我想像中質素好,佢夠爽身帶有海水鹹香並非無味香口膠質感

其次仲有牛肉、羊肉、蝦等等!我當晚又掛住招呼包先生無乜影相


仲有意大利餐廳,晚餐 US$35一位有 5個 course

頭盤、餐湯、pasta、主菜同甜品


當晚頭盤有水牛芝士


Ham platter


焗元貝


餐湯我揀海鮮湯


pasta中呢個意大利雲吞好味


呢個意大利飯都不錯


主菜有臭包食燒雞


全熟肉都鬆化牛柳,個汁都好味


呢個係好好食羊架!肉嫩有羊味而不臊


甜品都有不同選擇,呢個朱古力餅好味

又飽又完滿晚餐!其實呢間都不錯


Johnny Rocket快餐店

d職員夠鐘會跳舞的


一個set US$7咁上下

好受歡迎奶昔


呢個漢堡唔錯!肉有味道之餘唔會好"鞋",味道又剛好

雖然個包唔算太完美,但都合格啦!


大少爺食呢個,佢食唔晒

每個餐仲有洋蔥圈或薯條跟的,而且每個包即叫即做,7美金其實唔貴的



呢度想同夢工場人物見面的話可以晌呢度食早餐

US$10就會有卡通人物出來表演及影相

可惜…包包驚咁大個公仔,唔肯影相同參與一齊玩呢


費安娜都有來…


如果揀呢個早餐就只可以點食物,並非自助的 

Overall來講:郵輪餐廳唔好太高要求,因為環境所限相信都已經盡力

最重要開心,開開心心咁玩最重要!

下一篇我會寫埋越南上岸篇,下回分解一個我好想去地方



大少奶's Delicatessen

宣傳你的專頁