2016年12月8日 星期四

回來後個晚餐除了那個銀杏飯外

仲有呢個味噌沙律烤有機小雞鎚

因為我好鍾意味噌既味道,又好鍾意沙律醬既味道,於是就組合埋一齊

焗出來真係好好食,我打算聖誕派對會整呢個

佢雖然惹味但其實用既材料好少又做法簡單

望到張相片我都想再食,哼~


鹽麴我之前都有用,用來醃牛舌再燒係非常好食,用鹽麴既好處係唔會似鹽咁將肉水份帶走

所以用佢醃肉唔會令肉變硬

反正晌日本行超市見到就順手買埋

今次又轉另一隻味噌,佢呢個香但又無咁鹹

最重要無添加的,但要留意日期無添加既通常唔可以放太長的


食譜:

有機雞鎚  1盒(大約6隻)

鹽麴    半湯匙(搽勻就可以)

將鹽麴加落雞鎚撈勻醃半小時以上,用200度焗爐焗15分鐘

味噌醬汁:

味噌   1茶匙

沙律醬   1湯匙

糖   1茶匙

以上材料撈勻,當雞鎚焗完頭15分鐘後就逐隻雞鎚淋味噌上醬汁

再用200度焗10分鐘或至上色便可以




大少奶's Delicatessen

宣傳你的專頁

2016年12月7日 星期三

初體驗@Story Clan education centre


包包每星期返主日學、社交能力好好

所以我咁耐只試過晌屋苑個club house報過四堂playgroup比佢

每星期返主日學個導師係佢媽咪,加上佢仲細未入學有daddy陪上堂

佢習慣環境自己會坐得定,但當出去學習後我就發現原來佢都有些不足

其中家人晌一間 Pre-school工作,我就問到有關詳情於是就去試堂

寫呢篇文係想介紹呢個 centre 既學習情況,同埋一個無乜上過playgroup既小朋友分別(汗)

上完呢堂後,包包明年入學前我都會幫佢報d pre- school,等佢可以從遊戲、故事中去學習

又想佢上下語文班去打下底,至少將來學習唔會太無從入手呢

家長們如果想幫仔女搵學前班、語文班既話可以參考下


地點晌銅鑼灣,課室有兩個但都係好光潔明亮同舒服


包包就係晌呢個課室上課



故事班都有不同程度及學習的

從故事去學習,呢度係好注重故事教學的



比較特別既係普通話班用紙芝居既方法

紙芝居係源自日本,透過視學、觀眾參與既講故事方法
呢度係運用呢個方式去讓小朋友接觸普通話同拼音
孩子會自然咁跟著故事發展同該課拼音(聲母或韻母)有關生詞
呢個課程涵蓋聽、說、讀、寫,發展兒童口語及聆聽





日本未有投影機時,用人手去控制講故事方法,就像古代卡通片一樣


隻包包一去到就掛住玩d玩具



走去摷人d泥膠玩


總之就係玩 (汗)


未開始時小朋友們在熱下身



媽咪當日幫佢襯了個書院 Look,但佢仍然不脫馬騮一樣本色


你睇其他上慣堂小朋友係坐定定

即使細過包包既小妹妹都坐得好定好留心


外籍老師先同小朋友們熱身


一開始打開個箱,包包一馬(騮)當先去拎隻熊熊


呢堂係透過故事書內唔同動物、顏色去學習

加強小朋友對顏色既印象


有無發現走失馬騮,去到呢度佢已經週圍行


當睇完故事書介紹後,就開始小遊戲

小朋友聽老師指令後就要晌個塊板搵出動物



見到有遊戲玩,馬騮包又走番出來(暈~~)


之後就做手工,做關於課文既手工


今次做青蛙






個個小朋友由於都熟習上堂氣氛坐定定,你估呢個時間包包去了那裡?



講真包包其實做手工都坐得定




做完手工就放學了,小朋友們都排好隊唱放學歌,包包當然又唔知自己做乜中

感謝導師們包容包包,亦因為呢次上堂我明白到係時候要比包包去上下學前課

真正課前班同我之前晌 club house報既分別太大

playgroup、學前班要認真揀,今次我真正明白認真教學對小朋友益處

家長們如果想搵下學前班、playgroup、語文班等等

可以上 http://www.storyclan.com.hk/cn/index.php  或打電話: 2155 3168

甚至可以約試堂,試下再考慮都可以!



after..........

昨日早上6am先回家,睡了個多小時包包就醒了

然後就叫醒我問:巴士、巴士

送了部車仔比佢後,佢攬住部車仔邊睡邊呢喃:瞓醒玩巴士

大少爺就帶佢出廳玩免得我無得休息

但最後我都10am就醒了,醒後當然無休息呢回事

覆番 d email、寫下稿、出blog,仲要去追稿費(好憎好憎做呢樣野)

又煮包包午餐,下午等包午睡就休息一陣再煮晚餐

其實我大可以出街食,但我離家幾日最放心不下或者最內疚係無得煮比兩父子

所以昨晚無論如何都堅持要煮

買了不同材料回香港,第一晚就煮銀杏栗子冬菇蝦干飯







日本銀杏較圓及大粒質感亦都比較實淨,400yen一盒可以分兩次

今次去上野先買得到,佢有一袋多份量既就700yen

唔敢買太大包因為唔適宜放太耐







栗子剝殼後先烚10分鐘,否則煮完個飯佢都會硬

蝦干浸水,新鮮冬菇切片

銀杏剝殼切半去芯

將所有材料放晒入飯煲,加米及水,水既份量同平常一樣,按飯煲熟後煲5-10分鐘便可以

呢個飯係帶有張勁鮮甜味,好好味呢







大少奶's Delicatessen

宣傳你的專頁

2016年12月6日 星期二

暴走東京 2016

大家都知…我每年都要去日本一、兩次

但去東京就唔會帶包包去,所以大少爺將去東京入貨既重點交比我

貪我即使去48小時都會幫佢辦妥,的確…我48小時內幫佢攪掂晒

今次仲有包老闆order:媽咪去日本買巴士比包包

就係咁我就同勇字行頭既朋友ki一齊大暴走

老實講:寫東京真係次次寫都可以不同,雖然大家會諗點解我咁趕都去

呢幾日出走東京係比自己放下假,同埋我都要去吸收新資訊,對工作對自己都係好既

今次住澀谷,對比下…我還是喜歡池袋


第一晚去到都淩晨,當晚又凍又餓就是但入一間食拉麵

呢間連名我都無留意,個湯比較稀,但個餃子非常好食


睡醒去食美登利,其實我好多年前開始介紹,但質素今年唔太好

感覺似壽司工廠咁,飯既質感都大不如前,刺身質素都只係平平

想食好食既壽司除了大家鍾意朝聖既築地外,不妨參考上年我去時食既 Omakase  :http://iamtaisiu9.blogspot.hk/2015/07/day-2-tokyo.html


跟住晌澀谷行街,買了d化妝品等等後就搭巴士去原宿及表參道


原本我好想買對耳環粗帶,但可能真係唔係心頭好既牌子所以空手而回


去東京必定要為大少爺去入貨

之前一家人去九州,天神分店太少款,東京大間好多又多款d



買了兩件,其中一件係聖誕節特別版,大少爺見到都開心


無可避免要食 Crepes


我個人覺得幾間都差不多的


去竹下通行,其實係為了出番JR

竹下通都係路經望下,我唔係太會晌呢度買野

朋友ki之前講過想食卡樂B,結果…行到來佢唔想食都比我推了入去,哈


老實講:即做卡樂B無乜太特別,而且個味粉太濃烈

可能我唔喜歡食薯片,但大家有興趣都可以去食的


之後去六本木,到5pm就亮燈

你置身其中會好開心,真係會好開心

還有呢個似銀河系既亮燈,不停循環做,我唔識形容,但去開就睇吧


之後去食晚餐

去Beyond BB  http://www.beyond-bb.jp/

其實係睇報導覺得有興趣所以去

呢間食黑毛和牛 我今次食既10 course 8000yen+10%



大廚會拎不同牛肉部位去同你講解,有英文翻譯的

咁你自己選擇要乜部位,佢有寫價錢但其實套餐個價已經包埋

當初叫set無寫有乜食,要每一道送來先知


第一味:火炙牛肉壽司


呢個沙律係有機種植,初初見到乜都無食"生勾勾"既蔬菜有點猶疑

不過…點了岩鹽後覺得都唔錯啊!估唔到生金菇係幾好食,哈


再上就係迷你漢堡,有塊脆芝士跟

佢會教你收塊芝士夾入漢堡一齊食,都幾好食的


呢個燒牛肉既牛肉配上特製醬汁

服務員會將蛋黃撈埋個汁同蔥粒,咁牛肉就沾上醬汁食

配菜個脆薯絲撈埋好好食


牛仔腸,配蛋及芥末籽

牛仔腸我一向無乜好感,但呢個佢煎到外皮脆脆再配個蛋食係好唔錯既食法


呢個就係我同ki揀了既牛肉

配上三款不同薯蓉,牛肉配鹽最好食




瓦片燒綠茶蕎麥麵

比我想像中好食,我本身唔喜歡食soba,但佢將個麵烤得脆脆



再燒個牛肉片等牛肉既肉汁沾上麵上再配Soba汁


好食啊


反而…甜品就一般啦

總括來講…你喜歡食牛肉,有時間慢慢食一餐係唔錯的

第二日先去上野公司,每次旅行我都會搵一個公園去比自己行下

但不好意思,今次太趕影完相就要走了




好靚好靚








之後去行下




行過海鮮檔附近有食丼既地方,見到個樣都ok就試下


生蠔 500yen一隻

可能係季節既影響,佢新鮮個鮮甜度不足,海水味則濃


我要呢個係蟹腳海膽魚子丼

都唔錯,但可能剛開鋪飯底太熱了,味道都合格

2300yen算係咁啦


之後去了玩具博物館買車比包包,再去0101行



買了呢對港 Ankle boots,佢好舒服

日本造既鞋內有軟墊好舒服,呢個係我想講既重點


今次無時間去新宿,但呢間0101有甜品店,食埋先


去我最愛池袋,如果要行街一定池袋


池袋站北口有呢間專門店,我又去掃比大少爺


近來新口味!


我買了5份,保存期好短,大家要留意啊


不能唔去 3 Coins,掃走一堆家品同聖誕裝飾





不得不提,去 sunshine city行時走入反斗城,原來呢間好齊全

上年我去東京特登去四谷丁間包超店買,但原來池袋呢間反斗城也有啊



包包有部 balance bike,下個旅程去九州買呢個比佢




行了兩個鐘咁上下,食埋晚餐就返澀谷拎行李走了





今次個飯卷燒得唔夠,做成浸湯後有點黏,無之前兩次咁好食


我買了好多雜物,但無法一一影相,有d for食譜既都唔可以出鏡住

但呢個鎮痛貼好有用,日本d枕頭太軟令我膊痛,貼一晚就ok了


每次去都買,今次d款都無乜太大分別呢


今次快閃遊完結,期待明年一家三口再戰九州

多謝收看





大少奶's Delicatessen

宣傳你的專頁