2013年1月1日(銀座梅林吉列與Cafe Deco)

今日新一年開始，點都要出篇blog，又點都要同大家講聲：新年快樂~

的確我今日好開心，同大少爺去吃喝玩樂

我誓要過得快樂，今日達成了

昨晚參加教會年更崇拜，在教會裡倒數，去數算番2012年

崇拜後回家，今早差唔多1030am起身

先去ifc

其實ifc既聖誕裝飾我都好鍾意，但聖誕期間每次都好多人霸位影相

我唔喜歡影到其他人，所以放棄去影

今日終於比我影到！哈

呢幾個燈罩好靚

上去食午餐，食銀座梅林吉烈

我要吉烈海鮮定食

全set最好食係…蠔

隻蝦個樣望落好得，但有d虛有其表，個炸魚........no good

d魚個質地都唔得

的確我對吉烈有點兒要求，都已經唔同日本去比較，但我仍然認為可以做得更

大少爺要咖哩吉烈豬扒定食，個汁一貫既日式咖哩，帶甜甚討好

但件豬扒都係唔合格，質地帶un

而且感覺佢兩者混合唔到咁

不過…仍無損心情

上山頂

唔知點解近來d節日慶祝我同大少爺都會上山頂或入赤柱

或者感覺較不一樣

香港的確係好靚，當我影緊相時我用山頂上既望遠鏡去望下睇唔睇到遊行

近年香港感覺變了，唔再太和諧，怨聲太多

望著海一片，我懷念、懷念往年~

山頂有小王子

行完後去食afternoon tea

好少同大少爺坐低食Tea

Tea Set

我比較注重鹹點

我總認為鹹點唔能夠凍冰冰，要有少許和暖感

個set既鹹點如果能夠有番d和暖感會更好！尤其個酥同個Quiche、仲有三文治

焦糖puff好好食

呢張相好靚啊

scone亦都一樣，有番少少和暖感覺會更加完美呢

一年開始過得開心，但願呢一年都開心地過