自從大少爺有濕疹後，原本我無打算要佢戒口，因為我從來唔知濕疹係咁樣
後來發現唔戒口唔得…結果要佢全面戒口
可憐的大少爺覺得自己最感懷身世既係…"帶飯"重現江湖
我都知叮完既飯點都唔太好食
但出街點都戒唔清
好似琴日咁，我問佢Lunch食乜
佢話：我專登揀豬肉食，食肉絲炒麵囉
我話：咁熱氣，你唔食得炸野囉！仲有肉絲炒麵有星球大戰既銀芽)))銀芽))
仲有菇呀
唉…
男人就係咁
如果你叫佢戒糯米，佢會食糯米雞當自己係食雞
你叫佢唔好食花生，潮洲粉果裡面粒花生佢會唔計囉
其實佢戒口對我好大影響，又唔煮得其他，又要煮最怕豬肉
跟住出街又要煮定
聽日我又過澳門兩日，要醃定肉餅比佢
不過…只要佢好番，我一切也願意
唯有晌佢上班期間，我獨自去偷歡，我謝絕你監管
所以午餐食蟹粥！Yeah~
噢！哼~
自從有Fissler高速煲，我開始多煲粥，因為以前我從來煲d粥都古古怪怪
自要浸完d米、放落Fissler高速煲佢8分鐘，排氣減壓
再加隻蟹、大頭菜粒、陳皮切粒粒、薑絲落去滾多10分鐘攪掂
當然你可以用普通煲慢慢去煲
不過…蟹粥來講…我覺得加少少大頭菜粒、果皮切粒、薑絲去煲好味！大頭菜粒已有鹹味唔需要加鹽
最後要食時加蔥同..................珍珍薯片！哈哈
而家有D電蒸飯盒↓呢個係淘寶...但HK都有得賣家~~!!!我係日本城見過
回覆刪除http://detail.tmall.com/item.htm?spm=a230r.1.10.10.1282b0&id=13385335684&ad_id=&am_id=&cm_id=&pm_id=
我同事而家用緊~~佢話ok家~!!~~
其實我都係蒸飯食....好食好多...d菜唔會變苦先...^^
[版主回覆09/21/2012 15:33:32]多謝你啊！雖然佢一定睬我都傻，但至少我可以推介比朋友
[版主回覆09/21/2012 15:33:29]多謝你啊！雖然佢一定睬我都傻，但至少我可以推介比朋友
回覆刪除除左介口, 可以多食洋蔥, 對濕疹好有幫助
仲有去濕湯水, 包括土(服寧), 綠豆沙(少糖)
仲有甜生濕...少食甜品
[版主回覆09/21/2012 15:32:03]原來綠豆沙可以，我過完馬交回來煲比佢，我剛才仲諗如果煲糖水，可以煲乜比佢
回覆刪除隻蟹好精靈咁喎！
[ka man回覆09/26/2012 15:15:30]我真係一隻精靈蟹~~~~HAHA
[版主回覆09/26/2012 00:00:45]似你囉！哈哈
回覆刪除我都有濕疹....我老公阿AUNTIE都係...通常係工作壓力大訓得唔好要捱夜
我O地都係睇中醫醫好....係我同事個阿哥...响大角咀
我係用穴位拔罐同放血, 阿AUNTIE係用食藥...不過阿AUNTIE係好勁個種, 成身都係
您老公如果想睇就EMAIL我anne928@hotmail.com
我O地無番發....不過最緊要係訓得好生活正常
[版主回覆09/26/2012 00:00:17]而家大少爺好好多，但如果遲d仍未好就email你丫！謝謝
回覆刪除蟹粥好味道.這２個月是當造,又平又靚
[版主回覆09/25/2012 23:59:40]可惜大少爺唔食得
蟹呀。。至毒果樣!但又係我個至愛。我之前都生濕疹不過我忍口同食中藥好番lu. Bty粥好肥架食少d好!
回覆刪除[Angela回覆09/26/2012 16:36:14]:o That's the first time I've heard... if congee is fattening then what isn't?
[Queenie回覆09/26/2012 10:23:01]係呀, 因為容易吸收所以會易肥。
有糖尿病的人都5好多食架!!
[版主回覆09/25/2012 23:59:20]粥好肥？
回覆刪除賣相好得
[版主回覆09/25/2012 23:59:09]多謝你