我又攪一大爛餐午餐中，請稍等，我都希望快d食到
話咁快Reenex 四個體驗treatment去到最後一個
um....
我做左
CPS更新活膚療程...................測試皮膚、微微果酸加敷mask，呢個我鍾意，但最怕睇自己皮膚底層，哈
冷凍光學膠原自生療程................吸角質層同埋冷凍食底層膠原自生，呢個我幾鍾意
TRF膠原強效緊緻療程....呢個塊臉會收緊，都明顯架
今次做收緊療程
會有d熱晌你塊臉度碌碌下，先做一邊，你會發現做完一邊會緊緻左
我問美容師，佢話基本上一個月做一次，做3~4次就開始會定型，咁12次後就可以keep較長時間
我不停去問：咁我會唔會突然有日鬆番，變一泡野？
美容師話：係慢慢咁鬆番，但3~4次基本上定到型，12次就可以長時間keep到
然後我不停話：我做完後要先去影証件相片，趁仍緊緻時影定証件相
你知啦：影証件相無得chok樣，覺得相中自己真係好似一個箭靶的，哈
呢四次都係好既體驗，我都幾有興趣去join course呢
click以下link去登記，可以試做CPS一次架
http://www.reenex.com.hk/edm/201202/RESDL0212E/Form.aspx?ref=RBLOG1211E
好肚餓，繼續整lunch先，等陣見~~~~~~~~~~~~~`
回覆刪除我下星期會做TRF
回覆刪除好呀~等陣見!
回覆刪除大少奶,每每見到一班睇開既blogger都為Reenex買廣告，真係有d不是味兒。 我都想同大家分享下blogger既待遇同我真實既待遇有幾唔同，亦都想提出咁大間有名氣既美容公司存在不良銷售手法的情況。
事源一年多前，我睇左某blogger寫既一篇關於Reenex既blog後，報名join了一次CPS療情，當時無論blogger的blog及reenex的網址都寫明會送原size bioderma 潔膚水一枝。 去到就當然係無啦，只係送左一枝 sample size, 之後我join埋12個療程再送多一set 旅行sample套裝. 某枝sample用後覺得唔錯，諗住用埋佢張100 coupon 響 Reenex 買埋佢枝貨size. 上到Reenex 試，發現sample 既質地同現貨的質地係完全唔到，sample係好杰，現貨係好液態。令我覺得佢地根本拎d就過期既sample送比客
Join course 時見果位consultant 叫 Kay, 佢sell 我join CPS 既時候就話如果我join，佢會remark響我file隔次幫我做HGF剷黑頭果部機，但係就唔包果枝精華。於是我就用了萬多元去join 了整個CPS既療程。
去第二次既時候，我remind佢，果次佢有幫我做HGF部機。之後再去就開始話Kay 整親手，要第二個consultant幫我做，第二個consultant 就話唔可以幫我做HGF，話佢地d staff 唔會咁樣同個容簽course. 如是者再過兩次我再不斷重申Kay 當時承諾既野，佢地就不斷換我個consultant ，又話kay 已經無做。就算之後back office 打黎同我做CPS followup survey, 我講左成件事，都係只係答會了解會跟進。
我知道我依個可能係個別事件，但係我想話比咁多位blog友知，唔係話咁大間公司就一定信得過。佢地要借blogger依個渠道做宣傳，服務點都會好小小，海景房街景房果d，我真係去足十幾次都未見過。成個過程其實我都覺得好難受，自己比左萬幾蚊換番d咁既服務。初初就同我講做完cpf 先做mask 可以calm番療程對皮膚既刺激。有次個consultant 遲到，果其搵個staff黎要拖我時間就話幫我做完mask 先做CPS 會好d。
真係好唔開心，我同自己講快d完左個course唔洗再去，但係真係次次上去我都覺得有比人呃既感覺，搞到宜家剩左兩次我已經唔想再去。 我既分享係想提醒各位，佢sell 你既時候，唔好佢講你就信，contract 無寫到既野，佢地講到實牙實齒都無用。人地係大公司，你只係一個只join CPS 既客戶，有咩事都無人會理你。
如果覺得我作故仔，歡迎Reenex親自聯絡我，check 番我係咪真係佢地既客戶
[Playholic回覆07/06/2012 15:12:43]佢地d服務真係有d退步
我上番去4次，第3次再同我講個治療師突然又無做
前前後後已經係第3個
一無做就無人follow up, 包括無人打比我confirm booking, 原因係佢無做所以未人有follow 佢d野。一係就一日2個staff打黎confirm。總之近依幾次佢d confirm call 打到好亂。
下次上去又另一個治療師。前前後後成六,七個人跟，點會有心幫你跟到進度？ 我上去成年幾兩年，都係同我睇相睇得一次。係就係有個file，做左會填上去，但係無做就無人理
這不是樹大有枯枝既問題
係佢management都有問題
點會話果人走左，d客就好似孤兒咁，依個跟下果個跟下
詹詹，學你話齋，比萬幾蚊上到去都好似要乞佢d服務咁
[詹詹回覆06/04/2012 15:09:03]唔好意思,有D野想講,PLAYHOLIC,我都有類似情況,不過我係脫毛,話送手指同腳指比我,個治療師話係私人送,所以唔可以寫出黎,結果第一次有送之後就無啦. 而且佢又FOLLOW得唔好,我唔開心完一輪(用咗幾萬銀),之後諗算啦,笨一次當買過教訓. 唔好再比佢昆. 所以,唔好再諗同埋同佢地爭辯,比你講勝咗,比你去做,你忍唔忍受到你做完之後,背身走去搭電梯時,佢地既咀臉.
[Playholic回覆05/09/2012 18:28:35]sorry 我宜家先睇到你個reply.
佢地打左比我幾次，大概意思都係話查唔到係咪真係有咁既事
第一次打黎話送兩次hydro facial 比我，咁我答覆無確實交代事件結果我係唔會要任何offer
再打黎已經係婉轉交代跟進唔到
我問佢點跟進，佢話係搵相關同事問番件事，但係搵唔到
我話我之前同過咁多個staff講過，總有d仲響reenex做，佢話果d會mark 番record;
我要求可唔可以書面答覆，佢話公司應該無咁樣做
同埋公司唔會履行番undertable deal 既承諾
佢話公司最後決定就係三部曲每部曲送一次比我，佢再送一次射頻果隻treatment一次比我。
我問果三部曲可唔可以做同一款，因為每樣做一次跟本都唔會有太大成效。咁佢話唔可以，要視乎我皮膚情況，佢地決定點做。
早兩個星期我上過去，已經無再提過成件事lu
搵左另一個治療師跟我，最後都係每部曲送一次
我聽日會再上去
不過我諗個follow up 已經完左
做完依幾次我諗未必再去
因為真係無晒信心
點解我前後同4個staff講過依個問題佢都完全無人理
要到我public咁講佢地先打黎跟進？
大家簽course前真係要三思而後行!
[版主回覆04/12/2012 00:38:28]佢地跟進成點啊？我聽日去做另一treatment會同佢地傾下
[Playholic回覆03/08/2012 11:35:10]多謝你大少奶! 唔好意思煩到你又hijack左你個post。
佢話成立左小組follow 我個case，問番有關職員，睇下佢地有無出錯咁。
唔知佢地係咪會打番比離左職果d staff 問番佢地成件事係點呢？
因為佢地其實無再一次問過我成件事究竟係點
Anyway 我睇下佢地今個星期點覆我
[版主回覆03/07/2012 21:46:18]Playholic，希望佢地會比個合適既方法你啦！
[版主回覆03/07/2012 21:45:42]唉~其實簽左都可以打去card centre除消，但我相信簽左佢地就唔會肯咁做
所以我都覺得職員要有職業道德
同埋有時好似無乜投訴途徑
[Playholic回覆03/07/2012 17:50:17]佢地今日打左比我，話會成立小組check 我個 case
今個星期會比答覆我
[Joey回覆03/06/2012 16:29:20]我都有join過呢間公司既野, 但就只係 elyze 0個邊既某位已經離職既職員問題. 初初sell既時候, 話六百幾蚊一個月, 拎左我張信用卡出去碌, 之後叫簽名啦. 簽完就話未係碌晒個course, 仲有0的尾數咁. 叫佢地cancel 之前0個張單又話已經簽左冇得取消.
就係咁, 有一年多時間, 係要每個月還接近五千蚊既卡數. 當時我只係一個搵八千幾既文員仔, 0個時既生活簡直癡線. 個人精神唔好, 做既療程又點會有用..
個course用左兩年時間先用晒, 大概40堂左右..
0個時得廿歲, 其實唔需要處理身形住.
奉勸各位姊妹, 努力做運作比做機更有效.
[版主回覆03/06/2012 10:38:16]Reenex答應再跟進事件，麻煩你PM我，留番聯絡方法，Reenex會聯絡你的！謝謝
[版主回覆03/01/2012 19:50:01]麻煩你PM我，留番聯絡方法，Reenex會聯絡你的！謝謝
[Playholic回覆03/01/2012 14:28:01]大少奶，好多謝你既回覆
其實我已經同佢地果邊講過好多次，都無人比過回覆我，只係話佢地唔會咁sell course唔會咁做，仲一路繼續叫我每月比$3500 join其他course!!???；我亦無再期望會得到咩回覆。更何況每個幫我做CPS的consultants都巧合地先後因為整親已經無做。佢地都唔會單方面聽我一邊講
無辦法，自己當時錯信佢地自己簽左contract。我只想提醒各位blog友，要做個精明消費者，簽任何contract都要睇清楚條款，口講既野都要白紙黑字寫低簽名。錢係自己辛苦搵番黎，洗都應該洗得開心d!
[版主回覆03/01/2012 12:45:43]無可否認，對於我來講佢地service好好，所以我地試完都會感覺ok!但至於其他我地無法控制
Anyway,我已通知reenex marketing去睇你呢個留言，睇下會唔會對你件事有幫助