All about Valentine's Day....檸蜜烤雞(附食譜)

難得一身好本領 情關始終闖不過<----即使好累唔想煮，難得一身好本領，情人節無奶油唔煮既

如果唔識煮都唔怕，今日有情人節簡易食譜…主菜

我好鍾意諗唔同味既燒雞，因為我相信雞係有好高可塑性

可以狂惹、可以純潔、可以變黑、可以十八歲一樣脆、可以濃、可以淡、又可滋補

所以我專係要研究一番，當然我覺得自己研究出最好係芥末籽烤雞

但唔可以獨沽一味

晌我由日本返來第二日，我去左個Event

當中星級大廚Ricky cheung整香辣檸蜜雞，我覺得好好味

檸蜜又可以用落情人節食譜上

So...自己又整一番

之前整過一款加蒜蓉，個蒜蓉太搶味喇

今次整一個純係檸蜜味既燒雞，超容易呢！哼

食譜：

雞  一隻 (我用澳洲白雞，City's super有售)

海鹽   1.5湯匙或者適量

(只要搽得勻隻雞就可以，可以自己調較)

胡椒    半湯匙

檸檬皮   2個

牛油溶液 半湯匙

蜜糖 1/4碗

做法：

將雞洗淨，抹乾水、然後風乾半日

將鹽、胡椒搽勻隻雞內外，再刨檸檬皮(只要黃色部份)，搽勻隻雞

包好放入雪櫃放一晚

預熱焗爐220度，牛油溶液搽雞面，封錫紙焗20分鐘

20分鐘後或隻雞剛熟便可以揭開錫紙繼續焗

如果雞底有菜蔬會流出汁液，可以淋上雞上(此舉可以保持隻雞唔會焗乾)

直至雞呈現微黃便可以掃上蜜糖，可以重複兩、三次，然後焗至理想金黃色便可以