免拆

又到午餐時間

是日：蟹肉扒伊麵

蟹肉唔係自己拆，係買急凍，晌大百佳見到有，就即買

我想買蟹肉好耐，又好多用蟹肉做既食物想整但無整過

全因唔想自己拆蟹肉呢

我唯一想拆既蟹，只有黃油蟹同大閘蟹呢！

呢個伊麵係成功既，哼~~~~~~~~~

今次贊酒用花雕酒，但放心我無飲到！hahahahhahaaaaaaaaaaaaaaaaaaaa

食譜：

伊麵    一個，先過冷河，再用雞湯略煮，令麵本身有味

急凍蟹肉   (先用滾水加粗鹽、加檸檬汁浸蟹肉解凍)

韭黃     份量隨意，切長粒

冬菇     份量隨意，我用鮮冬菇呢

銀芽     份量隨意，但我今次唔記得買啊

花雕酒 或 你平時用開煮野既酒

獻汁

雞湯     200ml

鹽       少許

糖       少許

麻油     適量

粟粉水   我隨意開，每次倒少少直至我認為夠杰呢

做法：

1)將韭黃、冬菇爆香，加入蟹肉快手兜一兜，贊酒

2)加入雞湯、鹽、糖，煮滾

3)加入粟粉水，收汁至你理想杰度，熄火加麻油，淋上煮好伊麵上