心裡面夾雜了替佢標尾會開心又有d擔心，又覺得同佢有d事未做
就係旅行
我有一個好體貼大少爺，佢隔幾個月就叫我去旅行休息，佢首先提出：不如你同豬dar去台北食火鍋，上次帶住個仔你都未夠盡興
就係佢咁講…我就約豬dar去旅行，那個豬dar假都無多日，所以3日2夜台北走一轉
先講酒店，上次帶包包去就住穩陣既意舍，今次住一間新開一年既酒店
個感覺比較trendy，又舒適，價錢又非常合理，晌忠孝復興站
地址： 台灣台北市信義區松仁路90號
第一餐…明月湯包
其實晌六梨張站都要行一段路
不過值得的，呢間本地人推介，價錢都平的
地址：台北市大安區基隆路二段162-4號
麻辣牛筋，都幾好味的，最重要佢比到個新idea我
我下次試咁整
我最喜歡食小籠包，呢個都好得
夠湯汁
燉湯也好味(無影相)，但酸辣湯就太大碗了
之後即去珠寶盒食蛋糕，這是上一次想來，但又係要就包包所以無來的
地址：台北市麗水街33巷19號之1
蛋糕好吸引，有麵包的、仲有for手信既小蛋糕
我要呢件栗子蛋糕mont blanc cake
一切開你見到好多cream，但佢個底既藍梅中和了味道之外，個tart底都非常好味
係滿分既蛋糕
紅色件似豬dar既，我仲叫了 Canele 非常好味
之後行街，我同豬dar由珠寶盒行街行到返酒店
幾個捷運站路程，去旅行既腳最重要行得
唉…天又開始落雨，邊行邊笑行到返酒店Hea一陣又叉下電就去
地址：台北市大同區酒泉街23號
捷運圓山站
呢個買了無後悔的，只會後悔買得少
跟住去我上次訂唔到位既....寬巷子
地址：台北市士林區中山北路五段505巷22號 捷運士林站
呢度老闆本身開了間書室，佢認為食物係應該有要求，要靚要好味
所以呢度食物做得好精美
湯底：紅泥小染搭配白鳳千叟鍋
個紅色既係麻辣味，麻而不太辣，加上個個鍋既設計令到白湯唔會沾上辣味
白色既係用烏雞淆製既湯底，味道好好，我同豬dar飲了好多湯
呢個純粹.....配麻辣湯食
附上漏斗計時
呢個杏仁片做既花，其實裡面係蝦膠
個蝦膠非常好味，加上杏片，呢個係我覺得最好味的
枝仔冰，外型似雪條
裡面其實係有d蝦仔、豬肉打成既，整體係似魚皮餃
um....都可以叫既
菠菠糖
佢係菠菜包住腐皮再有芝麻醬
但.........無乜味的，ar.........可以不試
肉類叫了牛肉
其實呢個玫瑰松板好多人點
但事前朋友sharon話過…一朵花十幾片豬頸肉未免太漏
所以無叫
呢個牛肉都唔錯
以上總共 3000幾蚊台弊，其實可以話係貴少少但又覺得值既
去旅行要盡興，不過…若果想好似香港d抵食夾大件既類別，呢度又未必適合
我自己覺得ok的
食完我同豬仲行士林夜市，當然無再食野，同埋傾盆大雨好彩搵到的士回酒店
上次來台北，好多人推介阜杭豆漿，也有電視效應講呢間早餐店
話由5-6點開始排隊
當然我唔會帶住個包來排隊，今次食到了
好可惜…我覺得正宗間永和豆漿個燒餅比呢度好
永和夠乾脆，但呢度油條又唔錯，又香味的
但我不會再因為早餐而再排隊了
地址：善導寺站5號出口一出，華山市場一樓
但蛋餅我直頭唔想食，有個焦糖燒餅，又唔係好特別
之後瘋狂行街，我真係好喜歡行街
信義區慢慢行
因為比份早餐撐爆了個胃，令到我倆無法再食
於是去米朗琪飲杯野休息下
呢杯生果茶太甜了
呢個無花果批好好食，但呢間我又唔會太推介
跟住去西門町買手信，因為大少爺指明要食蜂大既合桃酥同雞仔餅
帶豬dar去食牛店
唔知點解…今次覺得無上次咁好味
回酒店放係大量物品後就去寧夏夜市
搭車去中山站再行去
雖然落雨但夜市有頂遮頭的，不過我行完…無乜我想食的
最後亂點一堆串燒
呢個腸好好味，再買果汁等等就搭的士回酒店
的士費好平，TWD145已經回到酒店
執行李、食消夜就睡了
一覺醒來得3度，又凍又餓，好彩酒店附近有間cafe好吸引
地址：大安區忠孝東路三段276巷10號1樓
餐廳感覺舒適，人生難得慢活咁食個早餐
呢份係我既牛扒加crepes，再配 Earl grey
整體都好好味，令人有一個活力既早晨
豬Dar食呢個叫皮小姐，裡面有火腿同芝士既煎三文治
食完早餐再行Sogo，我又買一堆野後就回酒店check out
再週圍行下搭的士到機場
到機場再繼續買，買到無晒錢豬dar請食牛肉麵
一個快樂旅程完結，唔知仲有無機會同豬dar去旅行，但肯肯定今次旅程笑死人
大少奶's Delicatessen
宣傳你的專頁
沒有留言:
張貼留言
歡迎大家留言，但會先檢閱先會顯示，謝謝
此舉避免無聊九唔搭八人滋擾