三響

是咁的，我呢輪有點忙

忙玩Hay day、忙交稿、忙追收爛數、忙諗點樣收爛數、當然忙我家庭生活

好想生日前攪掂晒d野，然後再等過聖誕

可惜…有d事我仍無頭緒去處理

在於一遍忙之聲音中，我都要照顧包包

每日都盡可能自己整兩餐比佢，我覺得呢樣野唔可以比人做(太多)

因為我係佢媽咪，有一身好武功，自己煮比佢係理所當然

不過有時都會諗爆個頭

今日我整粟米濃湯，咁就順手用來當汁咁煮粉比佢

煮既時候諗…d薯仔同粟米就咁倒好浪費，雖然我從來都唔係環保份子

粟米同薯仔卻勾起我既idea，於是就一炮三響吧吧吧

你唔好太介意我囂，但呢個的確係囂張的 "哼"

包包的，佢既就加肉碎，個湯再煮杰d成汁比佢吧

食譜：

粟米   4條(其實可以多d，而且如果粟米唔夠甜就落多d)

薯仔    1個 要大個d既

奶        400ml，可以一半奶一半淡忌廉

鹽        少許

水       500ml 其實可以用雞湯，但for包包就用水算了

將粟米起粒同薯仔先蒸熟，加奶，放入攪拌機或用手提blender打至成蓉

*粟米芯留起，另可以留起小小粟米粒用來最後加入湯，咁就有埋粒粒粟米食

 隔渣，我用手提式就唔會打得太爛，隔渣後將渣留起

隔出來濃湯加入水、粟米芯，如果有粒粒粟米就加多少少粟米粒，煲滾轉小火，用慢火去滾至個湯杰身加鹽就完成

將粟米薯仔渣加少許鹽、胡椒，模中，再放入冰格至雪硬身，大約1小時便可以

沾上麵粉、蛋液、麵包糠，炸至金黃色便完成可樂餅

包包既粉

將個湯放入小煲再滾起，加入豬肉碎，然後加入通粉再滾起後蓋上蓋，焗10分鐘個通粉就會淋的

大少奶's Delicatessen

宣傳你的專頁