簡單唔容易

聽日有培訓局既鐘點女傭試工，趁大少爺一齊晌屋企睇下鐘點女傭試工試成點

我咁奄尖聲悶既人要請合適既女傭唔係易事

貶下眼大少爺兩星期既vacation完結

每半年一次既vacation，今年三月放頭放既vacation去旅行

今次因為有特別事所以留晌香港，但反而比平時忙

短短兩星期之內與舊同學、朋友、舊同事仲有親友晚飯聚會

所以有空閒既晚上反而想晌屋企食飯，老實講我真係好攰

今晚煮簡單既晚餐，但大少爺又唔鍾意太快餐式既，佢好似唔勞役下我會身痕

芝士焗蕃茄、黑椒洋蔥烤雞，磨菇肉醬意粉

發現晌 citysuper買日本蕃茄超多汁令身為蕃茄迷既我好滿足

仲開咗支蘋果酒，再加一個唔多match既雪耳蓮子蛋白杏仁露

始終都係要攪一大輪

但晌屋企可以著得隨便，唔需要禮貌公式化既笑容、更唔需要祈求今晚對高跟鞋唔會令我腳痛，更唔需要特別打扮

仲可以睇重播既金枝慾孽！good~

↓呢份大少爺既，大份啲post出來靚好多